#реимбурсация

🇺🇿Ўзбекистон Республикаси Вазирлар Маҳкамасининг "Касалликларни амбулатор шароитда даволашда дори воситалари харажатларини қоплаш бўйича реимбурсация дастури тўғрисидаги низомни тасдиқлаш ҳақида" қарорига кўра, дори воситаларини оилавий шифокорнинг электрон рецепт асосида бепул олиш мумкин.

❓Хўш ўзи реимбурсация нима?
❓Бепул дори воситалари кимларга берилади?

❗️Реимбурсация (reimbursement) инглиз тилидан олинган бўлиб, “харажатларни қоплаш” маъносини англатади. Яъни, реимбурсация дастурида бирламчи тиббий-санитария ёрдами муассасаларида сурункали касалликларни амбулатор шароитда даволаш учун қабул қилинадиган дори воситалари учун дорихона харажатларини Давлат тиббий суғуртаси жамғармаси қоплайди.

Сурункали касалликлар:

🔸гипертония касаллиги – қон босими ошиши билан кечувчи касаллик бўлиб, кўп ҳолларда кўйидаги асоратларини келтириб чиқаради: юрак инфаркти, инсульт ва бошкалар;

🔸юрак ишемик касаллиги – юрак ҳусусий қон-томирларининг ўткир ёки сурункали бекилиб келиши натижасида юрак мушакларининг кислород билан таъминланиши бузилишига айтилади.

🔸қандли диабетнинг иккинчи тури – инсон танаси ҳужайраларининг инсулинга таъсирчанлиги кескин пасайиши натижасида глюкоза ўзлаштирилиши бузилишига айтилади;

🔸бронхиал астма – нафас йўллари сурункали яллиғланиш касаллиги бўлиб, қуйидаги белгилар билан кечади: ҳуштаксимон хириллаш, нафас сиқиши, кўкракда оғирлик ва йўтал;

🔸ўпканинг сурункали обструктив касаллиги – ўпка ва нафас йўлларида ҳаво оқими тезлигини кескин пасайиши хамда зарарли заррачалар ёки газлар таъсирига нисбатан сурункали яллиғланиш жараёнини фаоллашиши билан кечадиган жараён.

⬆️Юқоридаги сурункали касалликларга чалинган диспансер назоратида турувчи беморлар оилавий шифокор электрон рецепти асосида бепул дори воситаларини олиш ҳуқуқига эга.

* Дори воситалари Давлат тиббий суғуртаси жамғармаси билан шартнома асосида хизмат кўрсатувчи дорихоналарда берилади.

ДТСЖ Матбуот ва PR хизмати

Web-sayt|Instagram|Facebook|YouTube|Telegram|Twitter