#g'alaba #olimpiada #TATU

✅ To‘rt nafar iqtidorli o‘zbekistonlik o‘quvchilar Vengriyaning Seged shahrida bo‘lib o‘tgan 35-Xalqaro Informatika Olimpiadasida O'zbekiston tarixida ilk bor g‘alaba qozonib, 2 ta bronza va sharafli ishtirok (Honourable mention) diplomiga sazovor bo'lishdi.

🏆G‘olib o‘quvchilarimiz bilan tanishing:

🟢Dilyorbek Valijonov - bronza medali;

🟢Dilshodbek Xo‘jayev  - bronza medali;

🟢Sunnatov Asilbek - Honourable mention diplomi bilan taqdirlanishdi.

👨‍🏫 Ilk bor terma jamoa a’zolarini tayyorlash uchun xalqaro trener jalb qilindi. Informatika olimpiadasi oltin medali sohibi, Polsha yoshlar informatika olimpiadasi bosh koordinatori Bartosz Kostka hamda Muhammad al-Xorazmiy nomidagi Toshkent axborot texnologiyalari universiteti doktoranti Sunnatullo Xojiyev tomonidan 10 kun davomida Toshkent viloyatining Bo‘stonliq tumanida joylashgan intellektual oromgoh majmuasida o‘quvchilar tayyorlanishdi.

📌Eslatib o‘tamiz, O‘zbekiston Prezidentining “Iqtidorli yoshlarni aniqlash va yuqori malakali kadrlar tayyorlashning uzluksiz tizimini tashkil etish chora-tadbirlari to‘g‘risida”gi qaroriga muvofiq 🥉 bronza medalini qo‘lga kiritgan o‘quvchilar bazaviy hisoblash miqdorining 200 baravari (66 mln so‘m), ustozi 150 baravar (49,5 mln so‘m) pul mukofotlari bilan taqdirlanadi.

📊Bundan tashqari, Xalqaro olimpiada g‘oliblari OTMlarga grant asosida o‘qishga qabul qilinib, keyinchalik ta’lim muassasalarida o‘qituvchi bo‘lib faoliyat yuritadigan bo‘lsa lavozim maoshiga har oy 100 foizlik ustama oladi.

🎉O‘quvchilarimiz, ularning ustozlari hamda terma jamoamizning har bir a’zosini g‘alaba bilan muborakbod etamiz.

#TATU_talabasi
#olimpiada

Xalqaro informatika olimpiadasi sovrindorlarining mentor-treneri taqdirlandi.

🏆Iqtidorli o‘zbekistonlik o‘quvchilar Vengriyaning Seged shahrida bo‘lib o‘tgan 35-Xalqaro Informatika Olimpiadasida O‘zbekiston tarixida ilk bor g‘alaba qozonib, 2 ta bronza va sharafli ishtirok (Honourable mention) diplomiga sazovor bo‘lishdi. Ushbu g‘oliblarga mentor-trenerlik qilgan TATU, AKT sohasida Iqtisodiyot va menejment fakulteti, 130-22 guruh talabasi Miroqilov Davlatbek so‘ngi rusumdagi noutbuk bilan taqdirlandi.

📄 Ma’lumot uchun, 2026-yilda O‘zbekistonda ilk bor Xalqaro informatika olimpiadasi bo‘lib o‘tadi.

#ICPC #Olimpiada

👨‍💻 Oliy ta’lim muassasalari talabalari o‘rtasida ICPC (International Collegiate Programming Contest) xalqaro dasturlash olimpiadasining respublika bosqichi va kontest doirasida IT Park Cup tanlovi bo'lib o'tdi.

👨‍💻 Musobaqa official.contest.yandex.com platformasida 5 soat davomida o'tkazildi, jami 12 ta masala berildi va 15 ta jamoa yarim finalga yo'llanma oldi.

💻 Eng quvonarlisi, ularning 9 tasi Muhammad al-Xorazmiy nomidagi Toshkent axborot texnologiyalari universiteti va uning hududiy filiallarining terma jamoalaridir.

🏆TATUning yarim finalga yo'llanma olgan jamoalar quyidagilar:

1-Code of Duty (Umurzoqov Quvonchbek, Miroqilov Davlatbek, Qodirov Jamshidxon)
Murabbiy: Abdukarimov S.
2-Algo Experts (Qarshiyev Asadbek, Jaxongir Qayumjonov, Jalolov Ibrohim) Murabbiylar: Qodirov Z.Hojiyev S.
3-IMA (Ahmadjonov Ibrohim, Ma'rufjonov Azizbek, Muhammadjafar Zokirov) Murabbiylar: Hojiyev S. Qodirov Z.

👏Ushbu jamoalarga 2023-yil dekabr oyida Qozog'istonning Olmaota shahrida bo‘lib o‘tadigan yarim finalida omad tilab qolamiz.

✅ Natijalarni quyidagi havola orqali ko'rishingiz mumkin

#olimpiada #OMOUS

📣 Muhammad al-Xorazmiy nomidagi TATU talabalari Xalqaro fan olimpiadasi sovrindorlari bo'lishdi.

👥 Joriy yilning 3-8-mart kunlari Turkmaniston Respublikasida talabalar oʻrtasida matematika boʻyicha ochiq fan olimpiadasi (Open Mathematical Olympiad for University Students (OMOUS)) bo‘ldi. Ushbu xalqaro fan olimpiadasining alohida (yakka) bahslarida Kiberxavfsizlik fakulteti talabalari Isroilov Javohir , Sindarov Asadbek 3-o'rin, bronza medali sohibi bo'ldilar va Teshabayev Ixtiyor, Saxadinov Muzaffar munosib qatnashib umumjamoa hisobida g'olib bo'ldilar.

🗒 Ma'lumot uchun: OMOUS-2024ga AQSh, Rossiya, O‘zbekiston, Xitoy, Bolgariya, Ispaniya, Meksika, Indoneziya kabi davlatlarning yetakchi universitetlaridan 500 nafardan ortiq matematiklar qatnashdi. OMOUS-2024 ning asosiy vazifasi ilmiy va amaliy bilimlar almashinuvi, rivojlanish va oʻzaro tushunish katalizatoriga aylanadigan qulay muhitni yaratish, butun dunyo universitetlari talabalari va oʻqituvchilarini birlashtirishdir. Xalqaro olimpiadaning rasmiy tili turkman va ingliz tillarida amalga oshirildi.

🎉 Talabalarimizning keyingi o‘qish va ishlarida zafarlar tilab qolamiz. Yutuqlar bardavom bo‘lishiga tilakdoshmiz!