​​#Иккинчи_таълим

Иккинчи ва ундан кейинги олий таълимга рўйхатдан ўтиш учун қўшимча муддат берилади

Бугун, 31 август куни ЎзР Вазирлар Маҳкамаси ҳузуридаги Давлат персоналлаштириш маркази серверларида техник ишлар олиб борилаётганлиги сабабли кун давомида ikkinchitalim.edu.uz платформаси орқали ариза тўлдиришда вақтинча узилишлар кузатилиши мумкин.

Шу сабабли, абитуриентларга қулайлик яратиш мақсадида иккинчи ва ундан кейинги олий таълим учун ҳужжатлар қабули шу йилнинг 1-2 сентябрь кунлари ҳам давом эттирилиши кутилмоқда.

✅ Эслатиб ўтамиз, Ўзбекистон Республикаси таълим муассасаларида иккинчи ва ундан кейинги таълимни олиш тартиби тўғрисида Низом асосида республикадаги давлат ОТМларида 2- ва ундан кейинги олий маълумот бўйича қабул амалга оширилади.

➖ Бунда бакалавр ва дипломли мутахассис даражасига эга бўлган шахслар бакалавриат таълим йўналишлари бўйича иккинчи ва ундан кейинги олий маълумотни олишлари мумкин.

➖ Иккинчи олий таълим бўйича кириш синовлари санитария-гигиена талабларига қатъий амал қилган ҳолда белгиланган тартибга мувофиқ ОТМлар қабул комиссиялари томонидан ўтказилади.

➖ОТМ қабул комиссияси томонидан номзоднинг биринчи маълумоти билан таққослаган ҳолда ўқув режа ва дастурларидаги фарқлар аниқланади ҳамда шу асосида таълим муассасасида ўқитиш курси (биринчи ёки иккинчи курсдан юқори бўлиши мумкин эмас) белгиланади.

➖ ЎзР таълим муассасаларига ўқишга қабул қилиш бўйича Давлат комиссиясининг 2020 йил 7 августдаги 2-сонли баёни билан 2020/2021 ўқув йилида 55 та ОТМда иккинчи ва ундан кейинги олий таълим олишга рухсат этилган.

➖ Иккинчи ва ундан кейинги олий таълим кундузги, кечки ва сиртқи таълим шаклларида амалга оширилади.

➖Иккинчи ва ундан кейинги олий маълумот бўйича ўқитиш тўлов-контракт асосида амалга оширилади.

Каналга уланиш: 👇👇👇
https://t.iss.one/joinchat/AAAAAEj41EOgo4JF8DB1sQ