" Дорҕоонноох тылым хоһооно
Долгутар алгыстаах..."
( П.А.Ойуунускай бэргэн этиилэрэ)

☘️✨ ОЛОҤХО

🟢 Ырыаҕа, олоҥхоҕо саамай сыаналааҕа диэн баар - тылын күүһэ, этиитин күүһэ. Историк үөрэхтээх дьон ырыаттан, олоҥхоттон сирдэтэн, урукку ааспыт олохтору үөрэтэллэр.

"Литература үспүкүлээннэрэ", 1930 с.

🟢 Былыргы саха, саха омук эрдэҕинэ, олоҥхо айымньытын үрдүк сүһүөҕэр тахса илигинэ, - кини айар тылын чабырҕаҕынан ааннаабыта. Ол маҥнайгы чабырҕахтар сорохторо олоҥхоҕо киирсиспиттэрэ.

"Абаҕыыныскай туһунан аҕыйах тыл", 1934 с.

#газетатаатта
#улуустааҕыкииннэммитбиблиотека

"Дорҕоонноох тылым хоһооно
Долгутар алгыстаах..."
( П.А.Ойуунускай бэргэн этиилэрэ"

☀️🌿 ОЛОҤХО күнүнэн! ✨

🌈 Саха олоҥхото киэҥ, дириҥ, тыла уус. Саха олоҥхото элбэх үйэлээх, элбэх омук санааларын, олохторун, олоҥхолорун түммүт, бэрт баай, бэрт күүстээх олоҥхо.

"Литература үспүкүлээннэрэ", 1930 с.

🌈 Значение "олоҥхо" неизмеримо. "Олоҥхо" определило мировоззрение древнего якута; оно же освещает нам и весь древний период жизни якута, его доисторию.

"Якутская сказка (олоҥхо), ее сюжет и содержание", 1927 г.

#газетатаатта
#улуустааҕыкииннэммитбиблиотека

" Дорҕоонноох тылым хоһооно
Долгутар алгыстаах..."
( П.А.Ойуунускай бэргэн тыллара)

🌪❄️🌫 Кыыдааннаах дьыбар тумарыктыйа оргуйбут, кыдьымах хаар кырылыы көппүт.

"Олох дуу? Түүл дуу?", 1935 с.

#газетатаатта
#улуустааҕыкииннэммитбиблиотека

ТИМИР УУСТАРА

⚒🔥 Баалтааны ууһун балтата дуо диэн
Барык-сарык илбистээх
Баараҕай балталаах,
Чыскыйбахтыы сытар
Чыскылаах,
Иэрийбэхтии сытар
Игиилээх.

⚒🔥 Күөттээни ууһун
Күөтүн тыаһа
Күксүйэ күүгүнээн,
Кыһа төлөнө кыырыктыйбыт,
Кыстык тыаһа чыҥкынаабыт,
Тимир тимиргэ чыҥырҕаабыт,
Тимир сааҕа сырдырҕаабыт...

"Дьулуруйар Ньургун Боотур", 1932 с.

📕Тыллары быһаарыы
✔️ КЫСТЫК. Кытарбыт тимири ууран таптайар тэрил.
✔️БАЛТА. Кытарбыт тимири охсор тэрил.
✔️ КҮӨТ. Салгыны үрдэрэн уоту күөдьүтэр сүөһү тириититтэн оҥоһуллубут тэрил.

#газетатаатта
#улуустааҕыкииннэммитбиблиотека

" Дорҕоонноох тылым хоһооно
Долгутар алгыстаах..."
( П.А.Ойуунускай бэргэн этиилэрэ)

🌈🌿 САХА ИҺИТЭ

🟠 Тамылҕаннаах иһит
Тардыллыбыт,
Кэрэниистээх иһит
Кэккэлэспит,
Сирии иһит
Сириэдийбит,
Туос иһит тоҕуоруйбут.

🟠 Кытыйата барахсан баара
Кылыйа былаастаан
Кысхарыйан кэллэ,
Чорооно баара
Дьоруолуу былаастаан
Чоноһуйан кэллэ,
Хамыйаҕа баара
Халыйа көтөн кэлэн
Халыр гына түстэ.

"Дьулуруйар Ньургун Боотур", 1932 с.

#газетатаатта
#улуустааҕыкииннэммитбиблиотека

🏛️И.А. Аргунов аатынан Ытык Күөл киин библиотекатын сайтыгар Таатта улууһун историятыгар аналлаах подкастарга
Таатта биллэр дьонун туһунан историк Ирина Иннокентьевна Григорьева кэпсиир.

Эһиги болҕомтоҕутугар Саха бастакы разведчига *Андросов Георгий Михайлович*.
Сиһилии⤵️
https://taattalib.ru/читателям/история-таттинского-улуса/андросов-георгий-михайлович-первый-п/
#газетатаатта
#улуустааҕыкииннэммитбиблиотека

" Дорҕоонноох хоһоонум тыла
Долгутар алгыстаах..."
( П.А.Ойуунускай бэргэн этиилэрэ)

⚪️ ӨЛҮӨНЭ ӨРҮС

🌀🌊 Өлүөнэ өрүс барахсан - оо, улаххан даҕаны өрүс эбит... Саха норуотун кэтит кэскилин, тэбэр сүрэҕин ииппит, хорук тымыра буолбут өрүс диэн ааттыахтарын да ааттыыллар эбит...

🌀🌊 Үс үөстээх, үллэр дэбилгэн уулаах Өлүөнэ өрүс, уҥуоргута биллибэт кэтит киэбэ-киэлитэ үллэҥнэччи бысхалдьыйбыт, дэбилийэ эҥсиллибит, холорук ытыйбытын курдук төттөрү-таары чөмөрүйэ бурулуйбут.

"Дьэбэрэттэн тахсыы", 1930 с.

#газетатаатта
#улуустааҕыкииннэммитбиблиотека

" Дорҕоонноох тойугум хоһооно
Долгутар алгыстаах..."
( П.А.Ойуунускай бэргэн этиилэрэ)

🌞🌈🌙 ОРТО ТУРУУ ДОЙДУ

Иэгэлдьийэр икки атахтаах, бүгүлдьүйэр босхо сүһүөхтээх урааҥхай саха барахсан өргөстөөҕүнэн өрө көрөн таһаардаҕына, - аҕыс дьарҕаалаах арылык дьэргэн кустугунан курдаммыт, күлүм-чаҕыл күнүнэн саба көрөн сандаарбыт, сандал маҥан халлаан тула сабырыйбыт туой буор ньуурдаах, кыһыл кумах кырдайдаах, сытар хайа сындыыстаах, буор хайа модьоҕолоох Саха сирэ
барахсан, төһө да хотугу муус-кудулу байҕал дьүкээгир уотунан өрө уһуутаан, холоруктаах муус-сата тыынынан саба эппэҥнээбитин иһин, уолан бараммат уйгуланан, кэхтэн бараммат кэскиллэнэн, үс саханы үтүмэхтээбит эбит, түөрт саханы төрүттээбит эбит.

"Улуу Кудаҥса", 1929 с.

#газетатаатта
#улуустааҕыкииннэммитбиблиотека

"Дорҕоонноох тойугум хоһооно
Долгутар алгыстаах..."
( П.А.Ойуунускай бэргэн этиилэрэ)

🏚🔥ААЛ УОТ

💥✨Алаһа дьиэ иһигэр
Аал уот иччитэ оҥорон,
Хара буруо харалдьыта
Хатан Тэмиэрийэ диэн ааттааннар
Орто курбуу-дьирбии дойдуга
Олохтообуттара эбитэ үһү...

"Дьулуруйар Ньургун Боотур", 1932 с.

💥✨Андаҕайабын - аал уотум
Аалыы көмүс кыымынан,
Көҕөрөр торҕо төлөнүнэн...

"Кыһыл Ойуун", 1925 с.

💥✨Аалыы көмүс кыымнаах аал уоту оттуом.

"Кээрэкээн", 1936 с.
#газетатаатта
#улуустааҕыкииннэммитбиблиотека

" Дорҕоонноох тойугум хоһооно
Долгутар алгыстаах..."
( П.А.Ойуунускай бэргэн этиилэрэ)

🍀ААЛ-ЛУУК МАС🍀

Тоҕус томторҕолоох
Тойон айах курдук
Лоһуор көмүс туорахтаах,
Тыала суохха тыалыран
Салыбырыы-илибирии турар
Кытыт биэ тириитин тиирэ тардан
Кыаһаанныы ыйаан кычымнаабыт курдук
Нэлэмэн көмүс сэбирдэхтээх,
Айдам-аарык аҕыс салаалаах
Аал-луук мас диэн
Ананан-айыллан үөскээбит эбит...

"Дьулуруйар Ньургун Боотур", 1932 с.

#газетатаатта
#улуустааҕыкииннэммитбиблиотека

« Дорҕоонноох тойугум хоһооно
Долгутар алгыстаах..."
( П.А.Ойуунускай бэргэн этиилэрэ)

🌞КҮН

🔴 Арҕаа халлааҥҥа, кытара ууллубут чугуун курдук, күн кытара дьэбидийэн, мэлбэйдэ-мэлбэйбитинэн олоро түһэн эрэр эбит. Кытарбыт чугууҥҥа салгын оҕустаҕына өҥө онон-манан тунаарыс гына түһэрин курдук, күммүт өҥө онон-манан буруо устан эрэрин курдук тунаарыс, хараарыс гынан ылаттыырга дылы.

"Дьэбэрэттэн тахсыы», 1930 с.

#газетатаатта
#улуустааҕыкииннэммитбиблиотека

❄️ТЫМНЫЫ❄️

💨 Тохсунньу кыыдаан дьыбара чыҥкыныы турара, силлээбит сил сиргэ тиийбэккэ муус буолан тобугуруу тохторо... Кыыгыныы-чыҥкыныы турар түптэлэс тымныы уот-дьыбар мууһунан хаарыйбахтыыр, уотунан салаамахтыыр. Бу буоллаҕа дии бии бургунас муоһа булгурута тоҥор тымныыта!

"Сүрэх", 1930 с.
#газетатаатта
#улуустааҕыкииннэммитбиблиотека

🔥ААЛ УОТ

🏠 Алаһа дьиэм алын киинэ,
Аал уотум иччитэ,
Хара буруом харалдьыта,
Хатан Тэмиэрийэ оҕонньор!
Сиэн-аһаан сирдьигинээ,
Сирилий-бурулуй!..

"Кыһыл Ойуун", 1925 с.

#газетатаатта
#улуустааҕыкииннэммитбиблиотека

❄️🌬ТЫМНЫЫ💨❄️

Тохсунньу кыыдаан дьыбара чыҥкыныы турара, силлээбит сил сиргэ тиийбэккэ муус буолан тобугуруу тохторо... Кыыгыныы-чыҥкыныы турар түптэлэс тымныы уот-дьыбар мууһунан хаарыйбахтыыр, уотунан салаамахтыыр. Бу буоллаҕа дии бии бургунас муоһа булгурута тоҥор тымныыта!

"Сүрэх", 1930 с.
#газетатаатта
#улуустааҕыкииннэммитбиблиотека

Ытык-Кюельская центральная библиотека предлагает прослушать подкаст Жегусов Иван Пудович - первый директор Якутского педагогического института.

Иван Пудович - один из видных деятелей, заложивших основу высшего образования в Якутии.

taattalib.ru/читателям/жегусов-иван-пудович-первый-директор/

#газетатаатта
#улуустааҕыкииннэммитбиблиотека

" Дорҕоонноох тойугум хоһооно
Долгутар алгыстаах..."
( П.А.Ойуунускай бэргэн этиилэрэ)

🌪Аан талҕа таҥнары сатыылаата,
Күнү көрдөрбөт
Күдээр былыт
Күүгүнүү көттө,
Хара былыт
Ханыылаһан барда,
Үрүҥ былыт
Үөрдүһэн барда.

📗 «Дьулуруйар Ньургун Боотур», 1932 с.

#газетатаатта
#улуустааҕыкииннэммитбиблиотека

" Дорҕоонноох тойугум хоһооно
Долгутар алгыстаах..."
( П.А.Ойуунускай бэргэн этиилэрэ)

🪡🧵САХА ДЬАХТАРЫН ТАҤАҺА 🌈☘️

🔶Буоҕуралаах бууттаах сонун
Буобуратын түүтэ күлүмнээтэ,
Илин-кэлин кэбиһэрин
Илбиргэстээх симэҕэ
Илибирии-дьиримнии түстэ,
Кылдьыытын симэҕэ
Кыыгыныы-кылыгырыы түстэ,
Нуоҕайдаах бэргэһэтин
Чопчуура умайда,
Туһахтата сандаарда,
Туналыйан көһүннэ...

📙"Дьулуруйар Ньургун Боотур", 1932 с.

#газетатаатта
#улуустааҕыкииннэммитбиблиотека

"Дорҕоонноох тойугум хоһооно
Долгутар алгыстаах"
( П.А.Ойуунускай бэргэн этиилэрэ)

🍀☀️🌈 Саха тыла сайдыан баҕарабын, сайдыа диэн бэркэ эрэнэбин.

📝 "Кыһыл Ойуун". Ааҕааччыларга, 1925 с.

🍀☀️🌈 Эппит тылбын
Этигэн илбистээн,
Саҥарбыт саҥабын
Сатарар саҥалаан,
Чуораан курдук
Чуҥкуначчы чугдаардыҥ,
Хобо курдук
Хоҥкуначчы куугунатыҥ!

📝 «Дьулуруйар Ньургун Боотур», 1932 с.

#газетатаатта
#улуустааҕыкииннэммитбиблиотека