#Президент_Мурожаатномаси
#Муносабат

ТАЪЛИМ СИФАТИНИ ОШИРИШ - ЮРТ ТАРАҚҚИЁТИНИ ЮКСАЛТИРАДИ

✅ Давлатимиз раҳбарининг Олий Мажлис ва Ўзбекистон халқига йўллаган мурожаатномаси мамлакатимиз ҳаётидаги муҳим воқелик сифатида қаралади. Чунки, мурожаатномада бевосита мамлакатимиз тараққиёти, халқимиз фаровонлигини ўзида мужассам этган муҳим масалалар ҳамда уларнинг ечими кўрсатилади. Бу йилги мурожаатномани тинглаб, таълим тизимига қаратилаётган эътибор, педагогларга кўрсатилаётган ишонч, биз устоз-мураббийлар зиммасига катта масъулият, қалбимизга ғурур бағишлади.

⚡️Айниқса, янги кириб келаётган 2023 йилни “Инсонга эътибор ва сифатли таълим йили” деб эълон қилиниши ҳам келаётган йил таълим тизими йили бўлишидан дарак беради.
Юртбошимиз мурожаатномасида “Таълим сифатини ошириш - Янги Ўзбекистон тараққиётининг яккаю ягона тўғри йўлидир!”, дея таъкидлаб ўтди. Янги Ўзбекистон учун энг катта инвестиция бўлган таълимни қўллаб-қувватлашга катта эътибор қаратилиши, ўқитувчиларнинг мақомини, уларнинг шаъни ва қадр-қимматини ҳимоя қилишни Конституцияда алоҳида белгилаш зарурлиги қайд этилди.

✅Дарҳақиқат, устоз ва мураббийлар қадр топган юртда юксалиш ва ривожланиш бўлади. Бежизга, устоз отадек улуғланмайди, юрт тараққиётининг пойдеворига маҳоратли ва малакали педагоглар асос солади. Пойдеворнинг мустаҳкам бўлиши эса биз педагоглар зиммасига катта масъулият юклайди. Демак, нафақат ўқувчига таълим-тарбия беришимиз, мунтазам равишда ўқиб, изланиб ўз устимизда ишлашимиз даркор.

Соадат Мамасобирова

Олтинсой туманидаги 12-сонли умумтаълим мактаби она тили ва адабиёт фани ўқитувчиси

Каналга уланиш: 👉https://t.iss.one/surxonvxtb