⚡️Hududlarga tashrif: maktablarda qurilish ishlari yakunlari bilan tanishildi

🖥Bugun Surxondaryo viloyati Maktabgacha va maktab ta'limi boshqarmasi boshlig'i Xusniddin Mamadiyev hududlarga tashrifi davomida maktablarning yangi o'quv yiliga tayyorgarligini o'rgandi.

➡️Xususan, Termiz shahridagi 20-sonli, Sherobod tumanidagi
15-sonli, Boysun tumanidagi 47-sonli, Bandixon tumanidagi
3-sonli hamda Qiziriq tumanidagi 30-sonli umumta'lim maktablarida olib borilayotgan qurilish-ta'mirlash ishlari yakuni bilan tanishildi. Bino, sinfxonalar ta'mirida sifatga alohida e'tibor qaratilib, yangi o'quv yiliga puxta hozirlik ko'rish, mavjud kamchiliklarni tezkorlik bilan bartaraf etish bo'yicha mas'ullarga tegishli ko'rsatmalar berildi.

ℹ️Ma'lumot uchun, viloyatda joriy yilda investitsiya dasturi bo'yicha
7 ta maktabda mukammal ta'mirlash, shuningdek, 48 ta maktabda kapital rekonstruksiya, qurilish-ta’mirlash ishlari bajarildi va 3 ta yangi maktab qurilyapti.

#Hududlar #organish #yangioquvyili

Telegram | Facebook | Instagram | You tube | Twitter | Veb-sayt

🔔Ilk marta tizim xodimlari o‘rtasida "Boshqarma boshlig‘i kubogi" uchun sport musobaqalari o‘tkazildi

➡️Ma'lumki, davlatimiz rahbarining 2020-yil 30-oktabrdagi "Sog'lom turmush tarzini keng tatbiq etish va ommaviy sportni yanada rivojlantirish chora-tadbirlari to'g'risida"gi 6099-sonli Farmoni ijrosini ta’minlash maqsadida, viloyat Maktabgacha va maktab ta’limi boshqarmasining tegishli buyrug’iga asosan, tizimning erkak xodimlari o'rtasida mini-futbol musobaqasi o'tkazilgan edi.

📈Musobaqalar natijalariga ko‘ra:

1-o‘rinni - Jarqo’rg’on tumani,
2-o‘rinni - Muzrabot tumani,
3-o‘rinni - Oltinsoy tumani jamoasi qo'lga kiritgan edi.

✔️Navbatdagi musobaqalar Surxondaryo viloyati Maktabgacha va maktab ta’limi boshqarmasi, tuman-shahar bo‘limlarining ayol xodimlari hamda maktab va maktabgacha ta'lim tashkilotlarining ayol rahbarlari o‘rtasida “Boshqarma boshlig‘i kubogi" uchun sportning voleybol turi bo‘yicha bo'ldi.

🖥Musobaqalar qizg'in kechdi. Yakuniy natijalarga ko'ra:

1-o'rin - Denov tumani jamoasi,
2-o'rin - Muzrabot tumani jamoasi,
3-o'rin - viloyat Maktabgacha va maktab ta'limi boshqarmasi jamoasiga nasib etdi.

⚡️Taqdirlash marosimida viloyat Maktabgacha va maktab ta'limi boshqarmasi boshlig'i Xusniddin Mamadiyev ishtirok etdi. G‘olib va sovrindorlarga viloyat Maktabgacha va maktab ta’limi boshqarmasi boshlig‘ining kubogi, diplom va qimmatbaho esdalik sovg'alari topshirildi.

#voleybol #boshqarmaboshligikubogi

Telegram | Facebook | Instagram | You tube | Twitter | Veb-sayt