Ko'rsatkichi past maktablarga metodik yordam ko'rsatilmoqda

2022-2023-o'quv yilida oliy ta'lim muassasalariga kirishda past ko'rsatkichlarni qayd etgan maktablarga metodik yordam ko'rsatish maqsadida viloyat Maktabgacha va maktab ta'limi boshqarmasi tomonidan tajribali maktab rahbarlari va o'rinbosarlari, shuningdek malakali pedagoglardan tarkib topgan mobil metodik guruhlar tashkil etilgan bo'lib, Ayni kunlarda mazkur guruhlar o'tgan o'quv yilida ko'rsatkichlari past bo'lgan maktablarda bo'lib, metodik yordam ishlarini amalga oshirishmoqda.

Bundan ko'zlangan asosiy maqsad ta'lim-tarbiya jarayonlari sifatini yuqori darajaga olib chiqish va bitiruvchilarning oliy ta'lim muassasalariga kirishida yaxshi natijalarga erishishni ta'minlashdir.

✍🏻 Surxondaryo viloyati Maktabgacha va maktab ta'limi boshqarmasi Axborot xizmati.

Telegram | Facebook | Instagram | You tube

Termiz tumanida 1 176 o‘rinli maktab va 50 qatnovga mo‘ljallangan oilaviy shifokorlik punkti foydalanishga topshirildi

Bugundan boshlab Termiz tumani “Orol” mahallasidagi mingga yaqin bola zamonaviy maktabda tahsil olish imkoniyatiga ega bo‘lishdi. Hududdagi 3-sonli maktab viloyatdagi 61 ta og‘ir toifadagi maktablar ro‘yxatiga kiritilib, 3,9 mlrd so‘mlik loyiha asosida to‘liq rekonstruksiya qilindi.

Qurilish talablari asosida to‘liq ta’mirlangan va zamonaviy jihozlar bilan ta’minlangan maktab bugun foydalanishga topshirildi. Tantanali tadbirda viloyat hokimi Ulug‘bek Qosimov, mahalla nuroniylari, o‘qituvchi-murabbiylar va o‘quvchilar hamda tuman mutasaddilari ishtirok etishdi.

Tadbirda so‘z olgan mahalla nuroniylari, o‘qituvchilar hamda faollar hukumatimizning ta’limga, xususan, maktablar sharoitlarini yaxshilashga qaratayotgan e’tiboridan mamnun bo‘lib, o‘z minnatdorchiligini bildirishdi.

Shuningdek, bugunning o‘zida Termiz tumanidagi yangi aholi yashash punktlaridan biri bo‘lgan “Yangier” mahallasida “Tashabbusli budjet” loyihasi doirasida 2,2 mlrd so‘mga bunyod etilgan, zamonaviy shart-sharoitlarga ega Yangier oilaviy shifokorlik punkti ham foydalanishga topshirildi. Endilikda ushbu hudud aholisi ham o‘z uyi yaqinida malakali tibbiy xizmatdan foydalanish imkoniyatiga ega bo‘ldi.

Surxondaryo viloyati hokimligi Axborot xizmati

Kanalga ulanish: t.iss.one/axborot_xizmati
Telegram | Facebook | Instagram | YouTube | Web-site | Twitter

Yana 100 ta maktab uchun elektron doskalar topshirildi

Surxondaryo viloyatida investitsiya dasturi doirasida mukammal va joriy ta’mirlangan maktablar uchun Maktabgacha va maktab ta’limi vazirligi tomonidan 100 dona elektron interaktiv doskalar ajratildi. O‘quvchilarga ilg‘or texnologiyalar yordamida dars o‘tish imkoniyatini beruvchi mazkur zamonaviy jihozlar ta’lim sifatini oshirishda muhim rol o‘ynaydi.

Bugun Termiz shahridagi 16-sonli maktabda ushbu elektron doskalar viloyat hokimi hamda Maktabgacha va maktab ta’limi boshqarmasi mutasaddilari tomonidan maktab direktorlariga topshirildi.

Ma’lumot uchun, hozirda viloyatdagi 405 ta maktab elektron doskalar bilan ta’minlangan bo‘lib, qolgan maktablarga ham bosqichma-bosqich elektron doskalar yetkazib berish rejalashtirilgan.

Surxondaryo viloyati hokimligi Axborot xizmati

Kanalga ulanish: t.iss.one/axborot_xizmati
Telegram | Facebook | Instagram | YouTube | Web-site | Twitter