360 o‘ringa moslashtirilgan qo‘shimcha maktab binosi foydalanishga topshirildi.

Har qanday davlatning tarixiy taraqqiyot yo‘li yurtning jadal rivojlanishi, muayyan yutuqlarga erishishi, xalqning farovon bo‘lishi, o‘sha davlatda yoshlar ta’lim-tarbiyasi va kelajagiga beriladigan e’tibor darajasiga chambarchas bog‘liq.

Ta’kidlash joizki, mamlakatimizda yosh avlodga ta’lim tarbiya berish, ularni bilimli va zukko qilib tarbiyalash hamda turli yo‘nalishlarda ijod qilayotgan yosh ijodkorlarni qo‘llab-quvvatlash, ularni rag‘batlantirish borasida qator ijobiy ishlar amalga oshirilmoqda.

Jumladan, bugun tuman hokimi, sektor rahbarlari, nuroniylar, faxriylar, keng jamoatchilik vakillari, shuningdek, yoshlar ishtirokida O‘zbekiston Respublikasi Prezidentining 465-sonli qaroriga asosan, Investitsiya dasturi doirasida Boysun tumani “Shirinobod” mahalasida joylashgan 33-son umumta’lim maktabi zamon talablariga mos, 360 o‘ringa moslashtirilgan qo‘shimcha binosi yangidan qurilib, foydalanishga topshirildi.

Ma’lumot o‘rnida 33-son umumta’lim maktabi 1992-yilda qurilgan bo‘lib, o‘quvchilar sonining ko‘pligi sababli qo‘shimcha binoga ehtiyojlari mavjud edi.

Bugungi kunda maktabda jami 875 nafar o‘quvchilarning sifatli ta’lim-tarbiya olishlari uchun 81 nafar o‘qituvchi va ishchi xodimlar faoliyat olib bormoqdalar.

Ushbu qo‘shimcha qurilgan maktab binosida o‘quvchilarning ta’lim olishlari uchun barcha shart-sharoitlar yaratilgan.

Shuningdek, tadbir davomida nuroniy otaxonlar, faollar hamda maktab jamoasi ushbu xayrli ishga o‘z hissalarini qo‘shgan quruvchilar va ishchilarga rahmatlar bildirishib, duoga qo‘l ochdilar.

👉 Kanalga ulanish 👉https://t.iss.one/boysunaxborotxizmati

✅ Telegram 💬 Facebook 📹 YouTube 🌍 Web-site