Surxondaryolik zakovatli o'quvchilar bir manzilda jam bo'ldi

“Zakovat” intellektual o’yinining bosh maqsadi – o'quvchi-yoshlarni haqiqiy bilim maydonida birlashtirish, sog’lom raqobatni shakllantirish, do’stlar orttirish, hurmat-e'tibor qozonish, o’tib borayotgan vaqtni mazmunli o’tkazish, bilmagan narsalarni bilib olish, ham g’oliblik, ham mag’lubiyat nashidasini tatib ko’rishdan iborat.

Bugun "Besh tashabbus olimpiadasi"ning 2-mavsumi doirasida Surxondaryo viloyatining Angor tumanida o'tkazilgan "Zakovat" intellektual oʻyinining viloyat bosqichi ham ana shunday ezgu maqsadlarga qaratildi.

Qizg'in va bahs-munozaralarga boy tarzda o'tgan o'yinda jami
45 ta jamoa ishtirok etdi.

Natijalarga ko‘ra:

🥇1-o’rin - Termiz shahar 9-umumta'lim maktabi  jamoasi,
🥈2-o'rin - Qiziriq tuman 36-umumta'lim maktabi jamoasi,
🥉3-o’rin - Qumqo'rg'on tumani 82-umumta'lim maktabi jamoasiga nasib etdi va ushbu jamoalar Respublika bosqichida ishtirok etish imkoniyatiga ega bo'lishdi.

Telegram | Facebook | Instagram | You tube

SURXONDARYODAGI 48 TA MAKTAB 816 DONA ZAMONAVIY KOMPYUTER JAMLANMALARI BILAN TA'MINLANMOQDA

Oʼzbekiston Respublikasi Prezidentining 2022-yil 11-maydagi “Maktabgacha va maktab taʼlimini rivojlantirishga oid qoʼshimcha chora-tadbirlar toʼgʼrisida”gi PQ-241-sonli qarorida
2023-2024-yillarda maktablarda maʼnan eskirgan kompyuter sinflarini yangilash belgilangan.

Shunga koʼra Maktabgacha va maktab taʼlimi vazirligi tomonidan respublika budjeti hisobidan Surxondaryo viloyatidagi 48 ta umumtaʼlim maktablariga 816 dona kompyuter jihozlari yetkazildi. Viloyat Maktabgacha va maktab ta'limi boshqarmasi mas'ullari tomonidan ushbu zamonaviy kompyuterlar o'z egalariga topshirilmoqda.

Ma'lumot o'rnida, Surxondaryoda 958 ta umumta'lim maktabi mavjud bo'lib, bugungi kunda ularning 885 tasi to'liq zamonaviy kompyuter jihozlari bilan ta'minlangan. Qolgan maktablar ham bosqichma-bosqich zamonaviy kompyuterlar bilan ta'minlanishi ko'zda tutilgan.

Telegram | Facebook | Instagram | You tube