Иқтисодиётга маҳаллий ва хорижий хусусий инвестицияларни кўпайтириш учун шароитларни янада яхшилаш устувор йўналиш бўлади.

Келаси йили қарийб 30 миллиард доллар сармоя жалб қилинади, шундан 25 миллиард доллар хусусий инвестициялар бўлади.

Жумладан, умумий қиймати 8 миллиард долларлик 300 дан зиёд лойиҳани ишга туширамиз ва яна 40 та янги йирик лойиҳа бошланади. Мисол учун:

- “Ёшлик” мис конини ўзлаштиришнинг биринчи босқичи якунига етказилиб, 60 миллион тонна рудани қайта ишлаш қувватига эга 3-мисни бойитиш фабрикаси ишга тушади;

- Олмалиқда 4-мисни бойитиш фабрикаси ва Мис эритиш заводи лойиҳалари бошланади;

- Навоийдаги Пистали конида 4 миллион тонна олтин рудасини қайта ишлаш мажмуасининг қурилиши якунланади.

Facebook|Instagram|Twitter

Давлатимиз раҳбари келаси йили “катта хусусийлаштириш” бошланиши, 1 мингга яқин корхона савдога чиқарилишини таъкидлади.

"Менинг катта ниятим – юртдошларимиз орасида юз минглаб мулкдорлар, акциядорлар пайдо бўлсин. Одамларимиз ўз омонатларини инвестиция қилиб, юқори даромадларга эга бўлсин.

Шунинг учун, топшириқ бердим. Кейинги йилда энг йирик 10 та компаниялар ва тижорат банкларимизни акциялари ўз аҳолимиз учун очиқ ва шаффоф савдога чиқарилади.

Бу чинакам халқ IPOси бўлишига ишонаман", - деди Президент.

Жаҳон савдо ташкилотига аъзо бўлиш бўйича асосий музокараларни якунлаб, ички қонунчиликни мослаштириш, янги стандартларни жорий этиш ишлари жадаллаштирилади.

Умуман, 2023 йилда экспорт ҳажми тарихимизда илк бор 23 миллиард доллардан ортади (2018 йилда 14 миллиард доллар бўлган).

Facebook|Instagram|Twitter

Дунёдаги ҳозирги мураккаб шароитда очиқ ва прагматик, ўзаро ишонч ва ҳурматга асосланган ташқи сиёсат изчил давом эттирилиши таъкидланди.

Бундан кейин ҳам асосий эътиборимиз Марказий Осиёдаги барча қўшни мамлакатлар ва дунёдаги стратегик шерикларимиз бўлган давлатлар, халқаро ташкилотлар билан кўп қиррали ва ўзаро манфаатли ҳамкорликни кучайтиришга қаратилади.

Миллий хавфсизликни таъминлаш, Қуролли Кучларимиз жанговар салоҳиятини ошириш борасидаги ишлар янги босқичга олиб чиқилади.

"Биз жамиятимизда ҳар қандай радикаллашувга, ёшларимиз онгини бузғунчи ёт ғоялар билан заҳарлашга, диндан сиёсий мақсадларда фойдаланишга, маърифат ўрнини жаҳолат эгаллашига йўл қўймаймиз", - деди Президент.

Қадимий ва бетакрор тарихимизни, айниқса, ғоят оғир шароитда илм-маърифат, инсон эркинлиги, халқ озодлиги, Ватанга, миллий қадриятларга меҳр ва садоқат ғояларини дадил кўтариб чиққан жадид боболаримиз фаолиятини янада чуқур ўрганишимиз лозимлиги қайд этилди.

Facebook|Instagram|Twitter

Президент Мурожаатномага якун ясар экан, унда айтилган вазифаларни дунёдаги ҳозирги мураккаб шароитда амалга ошириш осон бўлмаслигини қайд этди.

"Лекин биз ўтган даврда катта билим ва тажриба тўпладик. Энг муҳими, ўз куч ва имкониятларимизга бўлган ишончимиз тобора ортиб бормоқда.

Шу боис, қанчалик қийин бўлмасин, танлаган йўлимиздан ҳеч қачон ортга қайтмаймиз. Кўзлаган марраларимизга албатта етамиз.

Бу йўлда нияти улуғ, қалби пок, меҳнаткаш халқимизга таянамиз. Бир тану бир жон бўлиб ҳаракат қилсак, мен ишонаман, эл-юртимиз интилаётган Янги Ўзбекистонни албатта барчамиз биргаликда бунёд этамиз", - деди давлатимиз раҳбари.

Президент сўзининг якунида йиғилганларни, бутун халқимизни кириб келаётган Янги йил байрами билан чин қалбдан самимий табриклаб, сиҳат-саломатлик, файзу барака, оилавий бахт тилади.

Facebook|Instagram|Twitter

📹 Мактабларда таълим сифати тубдан оширилади, бошланғич синф ўқувчилари учун бепул овқатланиш амалиёти барча вилоятлар ва Тошкент шаҳри мактабларида ҳам жорий этилади

📹 Давлатимиз раҳбари тиббиёт соҳасида кутилаётган янгиланишларни белгилаб берди

Telegram | Facebook | Instagram | Youtube | Медиабанк

📹 Мактабларда таълим сифати тубдан оширилади, бошланғич синф ўқувчилари учун бепул овқатланиш амалиёти барча вилоятлар ва Тошкент шаҳри мактабларида ҳам жорий этилади

📹 Давлатимиз раҳбари тиббиёт соҳасида кутилаётган янгиланишларни белгилаб берди

Telegram | Facebook | Instagram | Youtube | Медиабанк

📣 Барча мактаб ўқувчилари диққатига:

🔊Мактаб ўқувчилари ўртасида спортнинг шахмат тури бўйича “Вилоят ҳокими кубоги” мусобақалари ўтказилади. Ушбу мусобақада барча мактаб ўқувчилари иштирок этишлари мумкин.

📝Мусобақанинг:
✔️ сектор ва туман (шаҳар) босқичи жорий йилнинг 23-26 декабрь кунлари;
✔️ вилоят босқичи 27 декабрь куни ўтказилади.

Мусобақада иштирок этиш учун @HokimKubogiBot ботидан рўйхатдан ўтинг ва кубок мусобақаларида иштирок этинг.

Батафсил маълумот учун Ёшлар ишлари агентлигининг туман (шаҳар) бўлимларига мурожаат қилишингиз мумкин!

Сурхондарё вилояти ҳокимлиги Матбуот хизмати

Каналга уланиш: t.iss.one/axborot_xizmati
Telegram | Facebook | Instagram | YouTube | Web-site

Surxondaryoda chet tili imtihonlari 27-28-dekabr kunlari yozma qismi o‘tkaziladi

✅ Chet tilini bilish darajasini aniqlash bo‘yicha dekabr oyining ikkinchi yarmida bo‘lib o‘tadigan test sinovi sanalari e’lon qilindi.

📆 Unga ko‘ra test sinovining yozma qismi 27-28-dekabr kuni, gapirish ko‘nikmasini baholash imtihonlari esa 22-23-24-, 26-, 29-30-dekabr kunlari o‘tkaziladi.


👨🏻‍💻 Talabgorlar imtihon joyi, kuni va aniq vaqtini my.gov.uz sayti orqali “Mening arizalarim” bo‘limidan bilishlari va ruxsatnomani yuklab olishlari mumkin.

❕ Talabgorlardan test sinovi o‘tkaziladigan hududga belgilangan vaqtdan kamida yarim soat oldin shaxsini tasdiqlovchi hujjat bilan kelishlari so‘raladi.

Imtihonning yozma qismi:

Joy nomi: Termiz davlat universitetining “Axborot texnologiyalari” fakulteti (yangi 7 qavatli bino).
Manzili: Termiz shahri Barkamol avlod ko‘chasi 43-uy.
Joylashuvi (geolokatsiya): https://maps.app.goo.gl/NfKxrH6b3FS4Cmjj9.

Gapirish ko‘nikmasini baholash imtihoni:

Joy nomi: Termiz olimpiya va paralimpiya zaxiralari kolleji.
Manzil: Termiz shahri A.Navoiy ko‘chasi 42-uy.
Mo‘ljal: Davlat xizmatlari markazi ro‘parasi.
Joylashuvi (geolokatsiya): https://maps.app.goo.gl/t3tJnMVkx4SCkr178.

☎️Murojaat uchun telefon: 76-225-16-45

DTM Surxondaryo viloyat bo'limining rasmiy sahifalari:
Telegram | Facebook | Instagram | YouTube