👍Xalq ta’limi vazirligi o‘quv-tarbiya jarayoniga ilg‘or pedagogik va axborot-kommunikasiya texnologiyalarini joriy etish, umumiy o‘rta ta’lim sifatini yangi bosqichga ko‘tarish, elektron ta’lim resurslaridan keng foydalanishni rivojlantirish maqsadida 🔥 “Bilim onlayn” nodavlat notijorat muassasasi bilan hamkorlik memorandumini imzolagan.

🏠 Ushbu muassasa bilan hozirgi kunga qadar qator ijobiy ishlar amalga oshirilib kelinmoqda.

🤝 Hamkorlikni yanada mustahkamlash maqsadida ushbu muassasa bilan joriy yilning 14-15 oktyabr sanalarida “Khan Academy O‘zbek” ta’lim platformasi hamda Xalq ta’limi vazirligi tomonidan ishlab chiqilgan bir qator 🗂️ loyihalar taqdimoti o‘tkazildi.

🚩14-oktyabr sanasida hududiy xalq ta’limi boshqarmalari vakillari bilan 📹 video-konferensiya orqali seminar o‘tkazilgan bo’lsa, 15-oktyabr sanasida Toshkent viloyati Yuqori Chirchiq tumanida joylashgan 🏠 “Astrum” IT akademiyasiga 200 nafardan ortiq o‘qituvchilar taklif etilib, ularga amaliy trening o‘tkazildi.

📝 Tadbir yakuniga ko‘ra faol ishtirok etgan o‘qituvchilar maxsus sertifikatlar taqdirlandilar.