#Seminar

📈O'zbekiston Respublikasi Maktabgacha va maktab ta'limi vazirligining 2023-yil 27-iyundagi 192-sonli buyrug'iga asosan 2024-2025-o’quv yilida Surxondaryo viloyatida 62 tа maktabda tajriba-sinov tariqasida tanlov fanlari tashkil etilgan.

➡️Bugun Termiz shahridagi 13-umumta'lim maktabida "O'quvchilarning qiziqishi va qobiliyatiga ko'ra fanlarni chuqurlashtirib o'qitish" mavzusida seminar o'tkazildi.

✔️Unda tanlov fanlari joriy etilgan maktablarning o‘quv ishlari bo‘yicha o‘tinbosarlari ishtirok etishdi. Seminar davomida yig‘ilganlarga mavzuga doir zarur ma'lumotlar berildi.

Telegram | Facebook | Instagram | You tube | Twitter | Veb-sayt

🔔O‘quvchilar "til egasi"dan bilim olishmoqda

📈Davlatimiz rahbari tashabbusi bilan maktablarda xorijiy tillarni o‘qitishni yanada takomillashtirish maqsadida "til egalari" - xorijiy mutaxassislar jalb etilmoqda.

✔️Xususan, Termiz shahridagi 13-umumta'lim maktabida "til egasi" - Salew Kapani o‘quvchilarga ingliz tilidan saboq bermoqda.

⚡️Darslarning to‘liq ingliz tilida olib borilishi o‘quvchilarning o‘zlashtirishida ijobiy natija ko‘rsatyapti. Kelgusida viloyatdagi yana ko‘plab maktablarga xorijiy mutaxassislar jalb etilishi ko‘zda tutilgan.

Telegram | Facebook | Instagram | You tube | Twitter | Veb-sayt

⚡️Koreya taassurotlari: bolalar bog‘cha yoshidan aniq maqsad sari yo‘naltiriladi

📊Xabaringiz bor, ilk bora hududiy boshqarma boshliqlaridan iborat Maktabgacha va maktab taʼlimi vazirligi delegatsiyasi Janubiy Koreyada bo‘lib turibdi. Manzilda ta'lim tizimidagi ilg‘or tajribalar o‘rganilmoqda.

"Koreya ta'lim tizimida o‘rganishim kerak bo‘lgan jihatlar ko‘p ekan. Ayniqsa, bolada bog‘cha yoshidanoq aniq maqsad shakllantirilishi va ushbu maqsad sari harakatlanishga o‘rgatish tizimdagi katta yutuqlardan biri ekan.

Qolaversa, har bir o‘quvchining istaklari hisobga olingan holda, individual ishlash tizimining yo‘lga qo‘yilganligi menga juda yoqdi.

Yana bir muhim jihati shundaki, Janubiy Koreya ta'limida eng katta mas'uliyat o‘qituvchining zimmasida. Maktabga qabul qilinadigan har bir pedagog qat'iy sinovlardan o‘tadi. Bilimli, tashabbuskor ustozlarga o‘quvchilarning talabi ham yuqori ekanligi mening e'tiborimni tortdi.

Ushbu mamlakatda har 5 yilda ta'lim dasturlarida o‘zgarish bo‘ladi. O‘quvchilarni dunyo ehtiyojidan kelib chiqib kasbga yo‘naltirish Koreyaning yana bir katta yutug‘i bo‘lmoqda.

Shuningdek, davlat eng katta kapitalni ta'limga sarflashi ham bu boradagi muvaffaqiyatlarning asosi deb o‘ylayman.

Bu yerda o‘rganganlarimni vohalik ta'lim jonkuyarlari bilan ham bo‘lishib, viloyat ta'limini yuqori ko‘rsatkichga olib chiqish niyatidaman", - deydi Surxondaryo viloyati Maktabgacha va maktab ta'limi boshqarmasi boshlig‘i Xusniddin Mamadiyev.

Telegram | Facebook | Instagram | You tube | Twitter | Veb-sayt