"Vatanparvarlar" harbiy sport musobaqasining g‘oliblari taqdirlandi

Joriy yilning 30-mart kuni Termiz shahridagi harbiy qismda 10-11-sinf o‘quvchilaridan tashkil topgan “Vatan tayanchi” otryadi a’zolari o‘rtasida Mudofaa Vazirining kubogi uchun “Vatanparvarlar harbiy sport musobaqasi”ning viloyat bosqichi bo‘lib o‘tdi.

Musobaqada viloyatning barcha hududlaridan maktab jamoalari ishtirok etib, 5 ta shart bo‘yicha bellashdilar.

Natijalarga ko‘ra, 1-o‘rinni Denov tumanidagi 24-maktabning “Janub qalqonlari” guruhi a’zolari egallab, tanlovning respublika bosqichiga yo‘llanmani qo‘lga kiritishdi.

Shu munosabat bilan jamoa a'zolariga Surxondaryo viloyati Maktabgacha va maktab ta'limi boshqarmasi boshlig‘i Xusniddin Mamadiyev tomonidan viloyat hokimining qimmatbaho esdalik sovg‘alari topshirildi. Boshqarma boshlig‘i jamoani muvaffaqiyat bilan qutlab, respublika bosqichida ularga omad tiladi.

Telegram | Facebook | Instagram | You tube | Twitter | Veb-sayt

⚡️Siyosiy-ma'rifat soati

🔹Bugungi kunning eng muhim va dolzarb mavzulari haqida maʼlumot berib boruvchi "Siyosiy-maʼrifat soati" taqdim qilindi.

☑️Shuningdek, mazkur oʼquvni Prezident huzuridagi Davlat xizmatini rivojlantirish agentligining ilm.argos.uz platformasi hamda you tubedagi https://www.youtube.com/watch?v=EPK6XyzVwh8 sahifasida tomosha qilishingiz mumkin.

✍🏻 Surxondaryo viloyati Maktabgacha va maktab ta'limi boshqarmasi axborot xizmati

Telegram | Facebook | Instagram | You tube | Twitter | Veb-sayt

⚡️TALIS xalqaro tadqiqotida Surxondaryodagi 18 ta maktabning 393 nafar o‘qituvchilari ishtirok etmoqda

🔹Joriy yilning 4-15-aprel kunlari Surxondaryo viloyatida xalqaro TALIS- 2024 tadqiqoti o‘tkazilmoqda.

🔘Tadqiqotda ishtirok etish uchun Surxondaryo viloyatidagi umumta’lim maktablari orasidan tasodifiy reprezentativlik tamoyili asosida 18 ta maktab tanlab olingan bo‘lib, tadqiqot jarayonlarida mazkur maktablarda faoliyat yuritayotgan 393 nafar o‘qituvchi ishtirok etadi.

☑️Tadqiqot o‘tkazilishi uchun har bir maktabda xonalar belgilanib, ushbu xonalarga ishtirok etishi rejalashtirilgan o‘qituvchilar soniga mos ravishda kompyuterlar o‘rnatilgan bo‘lib, barchasi internet tarmog‘iga ulangan.

🏞Fotosuratlarda Sherobod tuman 66-umumta'lim maktabidagi jarayonlar aks etgan.

✍🏻 Surxondaryo viloyati Maktabgacha va maktab ta'limi boshqarmasi axborot xizmati

Telegram | Facebook | Instagram | You tube | Twitter | Veb-sayt

⚡️Bugun Surxondaryo viloyati Maktabgacha va maktab ta'limi boshqarmasi boshlig‘ining birinchi o‘rinbosari Bekzod Tashpulatov rahbarligida tuman, shahar Maktabgacha va maktab ta'limi bo‘limlarining mas'ul xodimlari ishtirokida yig‘ilish o‘tkazildi.

☑️Unda asosan, fan olimpiadalarini tashkil etishda yo‘l qo‘yilayotgan xato va kamchiliklar tanqid ostiga olinib, mas'ullarga bu borada qat'iy tartib-intizomga rioya qilishlari bo‘yicha tushuntirishlar berildi.

🔘O‘qituvchilar va o‘quvchilarning bilimlarini baholab borish ta'lim-tarbiya sifatini yuqori ko‘rsatkichga olib chiqishda muhim ekanligi ta'kidlandi. Shuningdek, 6-aprel kuni 5-8-sinf o‘quvchilari o‘rtasida o‘tkaziladigan informatika bo‘yicha fan olimpiadasining tuman, shahar bosqichlarini yuqori saviyada tashkil etish bo‘yicha chora-tadbirlar belgilandi.

✍🏻 Surxondaryo viloyati Maktabgacha va maktab ta'limi boshqarmasi axborot xizmati

Telegram | Facebook | Instagram | You tube | Twitter | Veb-sayt