BOSHQARMANING FAOL XODIMLARI TAQDIRLANDI

Bugun Surxondaryo viloyati Maktabgacha va maktab ta'limi boshqarmasida boshqarma boshlig'i Xusniddin Mamadiyev rahbarligida taqdirlash marosimi o'tkazildi. Tadbirda dastlab boshqarma boshlig'i yakunlanayotgan yil davomida tizimda erishilgan yutuqlarni e'tirof etib, barcha xodimlarni Yangi yil bayrami bilan qutladi.

Shundan so'ng tizimda ko'rsatgan samarali xizmatlari uchun boshqarmaning bir guruh fidoyi xodimlari boshqarma boshlig'ining tashakkurnomalari va bayram sovg'alari bilan taqdirlandi.

Munosib rag'bat ish unumdorligini oshirishda muhim sanalganidek, bugungi e'tirof har bir xodimga kuch-g'ayrat bag'ishlab, sohada yanada ilg'orlikka chorlaydi degan umiddamiz.

✍🏻 Surxondaryo viloyati Maktabgacha va maktab ta'limi boshqarmasi Axborot xizmati.

Telegram | Facebook | Instagram | You tube | Twitter

Bayramga munosib tuhfa

Boysun tumanida 2018-yilda faqat davlat maktabgacha ta’lim tashkilotlari mavjud bo‘lib, ularning soni 10 ta edi xolos.

Amalga oshirilgan islohotlar natijasida bugungi kunda Boysun tumanida jami 100 ta maktabgacha ta’lim tashkilotlari faoliyat ko‘rsatmoqda.

Boysun tumandagi “Obi” mahallasida joylashgan 150 o‘ringa mo‘ljallangan, Investitsiya dasturi asosida 5 mlrd 200 mln so‘m mablag‘ evaziga qurilgan 8-sonli davlat maktabgacha ta’lim tashkiloti Yangi yil bayrami arafasida foydalanishga topshirildi.

Endilikda “Obi” mahallasidagi 150 nafar 3 yoshdan 7 yoshgacha bo‘lgan bolalar ushbu davlat maktabgacha ta’lim tashkilotiga qamrab olinishi ko‘zda tutilgan.

✍🏻 Surxondaryo viloyati Maktabgacha va maktab ta'limi boshqarmasi Axborot xizmati.

Telegram | Facebook | Instagram | You tube | Twitter