Жарқўрғон туманидаги мактаблар шароити ўрганилди

Улуғбек Қосимовнинг ҳудудлардаги ўрганиш ишлари бугун Жарқўрғон туманида бўлиб ўтди. Вилоят раҳбарининг туманга ташрифининг илк манзили 13-сонли мактаб биноси бўлди.

Ушбу мактабнинг ўқув биноси 1972 йилда ҳашар йўли билан қурилган. Бино яхши сақланганлиги учун ҳам ҳозирги кунга қадар фойдаланилиб келинмоқда. Охирги марта 2006 йилда таъмирланган. Мактаб жорий йилда таъмирлаш дастурига киритилган. Вилоят раҳбари мактабдаги шароитлар, синф хоналарининг жиҳозланиши билан танишди. Ўқитувчилар билан суҳбатлашиб, уларнинг мактаб шароитлари ҳақидаги фикрлари билан қизиқди. Вилоят ҳокими мактабни таъмирлашда эътибор қаратиш лозим бўлган жиҳатларга ҳам тўхталиб, ўзининг тавсияларини берди. Мактабларнинг замонавий шароитларга эга бўлиши муҳимлиги таъкидланди.

Шундан сўнг, вилоят раҳбари тумандаги 15-сонли ва 32-сонли мактаблар ҳолати билан ҳам танишди. Туманнинг “Ёшлик” маҳалласида жойлашган 15-сонли мактаб биноси ҳам таъмирга муҳтож. Шу ерлик фуқароларнинг ташаббускорлиги сабаб мактабнинг бир қисмида “Ташаббусли бюджет” лойиҳаси орқали таъмирлаш ишлари олиб борилмоқда. Вилоят раҳбари фуқароларнинг ушбу ташаббусини қўллаб-қувватлаб, иккинчи қисмини ҳам “Ташаббусли бюджет” лойиҳасининг навбатдаги босқичига киритиш, таъмирлаш ишларини сифатли олиб борилишини назорат қилиш бўйича масъулларга топшириқлар берди.

Туманнинг “Соқчи” маҳалласида жойлашган 32-сонли мактаб биноси 2012 йилда видеокузатув мосламалари билан таъминланган. Ушбу мактабда таълим сифатини тўғри йўлга қўйиш, мавжуд муаммоларни бартараф этиш ва кейинги ҳафтада вилоят даражасида семинар ўтказиш бўйича масъулларга вазифалар белгилаб берилди.

Ташриф давомида вилоят раҳбари йўл бўйида жойлашган АЁҚШлардаги навбатлар ҳолатини ҳам ўрганди. Масъулларга АИ-80 бензинини биржа савдоларига чиқариш ҳажмларини ошириш бўйича кўрсатмалар берди.

Шунингдек, жарқўрғонлик 95 ёшли отахон ҳолидан хабар олинди. Нуронийнинг уй-жойи таъмирталаб ҳолатда, ўғли 2-гуруҳ ногирони. Вилоят ҳокими ушбу оилага кўмак кўрсатиш, уй-жойини таъмирлаш, қурилиш материалларини олиб келиб, бугуннинг ўзида ишларни бошлаш топшириғини берди.
Вилоят раҳбари ушбу манзилдан чиқишда йўлда тўхтаб фуқаролар билан учрашди. Уларнинг муурожаат ва муаммоларини ўрганди. Фуқароларнинг мурожаатига асосан 2 тонна кўмир қисқа муддатда етказиб берилди.

Сурхондарё вилояти ҳокимлиги Матбуот хизмати

Каналга уланиш: t.iss.one/axborot_xizmati
Telegram | Facebook | Instagram | YouTube | Web-site

Surxondaryoda "Mening kelajakdagi kasbim” mavzusida onlayn videoroliklar tanlovi o'tkazilmoqda.

O‘quvchilarni kasb-hunarga yo‘naltirish va psixologik-pedagogik respublika tashxis markazining 2023-yil 9-yanvardagi buyrug‘iga asosan Surxondaryo viloyatidagi umumta’lim maktablarining 9-,10-,11-sinf o'quvchilari o'rtasida "Mening kelajakdagi kasbim” mavzusida onlayn ko'rik-tanlovi o'tkazilmoqda.
Onlayn ko'rik-tanlovdan ko’zlangan asosiy maqsad o'quvchilarni bo'sh vaqtlarini mazmunli o'tkazish, yoshlarni kasblarga qiziqtirish orqali kelajakda munosib kasb egalari bo'lishlariga ko'maklashish, o'quvchilarda mehnat orqali daromad topishni rag'batlantirish, boshqa o'quvchilarga motivatsiya berish, yoshlarni yot g'oyalar ta'siridan himoya qilish, ularni milliy va umuminsoniy qadriyatlarga sodiqlik, o'zaro tenglik, mehnatsevarlik ruhida tarbiyalashdan iborat.

Hozirda tanlovning viloyat bosqichi yakuniga yetmoqda.

“Mening kelajakdagi kasbim” ko'rik tanlovini kuzatib boring:

Kanalga ulanish: https://t.iss.one/surxonvxtb

Surxondaryo viloyat Xalq ta’limi boshqarmasi Matbuot xizmati