📖Chegaraoldi hududdagi maktablar faoliyati bilan tanishildi

📰Bugun Surxondaryo viloyati Maktabgacha va maktab ta'limi boshqarmasi boshlig'i Xusniddin Mamadiyev hududlarga tashrifi davomida Muzrabot tumanining chegaraoldi, chekka hududida joylashgan 22-, 29-sonli umumta'lim maktablarida bo'ldi.

🚪Manzildagi o'rganishlar davomida ta'lim muassasalarida kuz-qish mavsumiga tayyorgarlik ishlari, bino, moddiy-texnik baza holati, obodonlashtirish jarayonlari va tizimga oid hujjatlarning yuritilishi va boshqalar ko‘zdan kechirildi.

✅Tanaffus davomida maktab o‘quvchilari bilan bo‘lgan suhbat mobaynida boshqarma boshlig‘i o‘g‘il-qizlarning kelgusida mukammal ta'lim-tarbiyani egallashlari bo‘yicha taklif va tavsiyalar berib o‘tdi.

📂O‘rganish davomida mavjud kamchiliklarni bartaraf etish va kelgusida amalga oshirilishi lozim bo‘lgan vazifalar yuzasidan maktab mas'ullariga tegishli ko‘rsatmalar berildi.

👆Ma'lumot uchun, bugungi kunda Muzrabot tumanida 57 ta umumta'lim maktabi va 23 ta davlat maktabgacha ta'lim tashkilotlari faoliyat yuritmoqda.

🕊Telegram   📱Facebook
📱Instagram 📺You tube
🕊Twitter       ✅Veb-sayt