Boshlanajak yangi o‘quv yili bilan barchangizni chin yurakdan muborakbod etaman. Ushbu o‘quv yili hammamiz uchun yangidan-yangi yutuq va muvaffaqiyatlarga boy bo‘lsin!

Yangi o‘quv yilida Sizga o‘zgacha kayfiyat bag‘ishlash va munosib sharoit yaratish maqsadida viloyatdagi 862 ta maktablar to‘liq joriy ta'mirdan chiqarildi, 7 ta maktabda mukammal ta'mirlash, 48 ta maktabda kapital rekonstruksiya ishlari amalga oshirildi va 3 ta yangi maktab qurildi. 

Qolaversa, ta'til kunlarida biz pedagog-kadrlar uchun o'quv-seminarlar tashkil etdik va kasbiy rivojlanish darslarida o’zaro sohadagi yangiliklarni bo'lishishlariga zamin hozirladik. Zero, malakali o'qituvchi sifatli ta'limni ta'minlaydi.

Siz uchun bugun eng hayajonli va quvonchli kun.

Surxondaryodagi maktablarga joriy o‘quv yilida Sizdek 7 yoshni qarshilagan 63 ming 945 nafar jajji 1-sinf o‘quvchilari qabul qilinmoqda.

Sizni bugungi quvonchli kuningiz bilan tabriklayman. Ta'lim dargohiga qo‘ygan ilk qadamingiz qutlug‘ bo‘lsin. Kelgusida yurtimizning barkamol avlodlari bo‘lib yetishishingizga tilakdoshman!