🖥Xususiylashtirish jarayonlarida ochiqlik va shaffoflikni ta’minlash yuzasidan seminar o‘tkazildi

📈Bugun Surxondaryo viloyati Maktabgacha va maktab ta'limi boshqarmasida “E-AUKSION” elektron savdo platformasining xususiylashtirish jarayonlarida ochiqlik va shaffoflikni ta’minlashdagi ahamiyati mavzusida o‘quv-seminar tashkil etildi. 

📊Unda “Elektron onlayn-auksionlarni tashkil etish" aksiyadorlik jamiyati Surxondaryo viloyati vakillari tomonidan O‘zbekiston Respublikasining “Davlat mulkini boshqarish to‘g‘risida”gi Qonuni,
“E-AUKSION” elektron savdo platformasidan foydalanish tartibi, mazkur platformada realizatsiya qilinadigan mulk turlari, xususan yer uchastkalari hamda savdoda turgan boshqa mulklar, ko‘chma savdo joylari haqida batafsil ma’lumotlar berildi.

✔️Ko‘rgazmali vositalar orqali “E-AUKSION” elektron savdo platformasida so‘nggi 5 yillikda savdoga chiqarilgan va sotilgan mulklar dinamikasi namoyish etilib, yoshlarga yer ajratish orqali ularning daromadini oshirish, xususiylashtirish dasturida belgilangan imkoniyat va imtiyozlar to'g'risida hamda auksion savdolarda ishtirok etish tartibi bosqichma-bosqich tushuntirib berildi.

#eauksion #seminar #xususiylashtirish

Telegram | Facebook | Instagram | You tube | Twitter | Veb-sayt

🖥Surxondaryoda kasbiy sertifikatlash sinovlari boshlandi

📈Xabaringiz bor, umumiy oʻrta taʻlim tashkilotlarida pedagog kasbiga birinchi marta ishga qabul qilingan stajyor-oʻqituvchilar navbatdan tashqari kasbiy sertifikatlash sinovlarida qatnashishi belgilangan.

➡️Shunga asosan Termiz shahridagi 26-maktabda pedagogik faoliyatni yangi boshlagan oliy ma’lumotli mutaxassis stajyor o‘qituvchilar uchun kasbiy sertifikatlash nazorat sinov jarayonlari o'tkazilmoqda.

✔️Sinov jarayonlarida o'qituvchilar uchun barcha zarur sharoitlar yaratilgan. Jumladan, zamonaviy kompyuterlar va uzluksiz internet tezligi bilan ta’minlangan. Barcha harakatlar o‘rnatilgan kameralar nazoratida.

ℹ️Sinovlarda qatnashish uchun jami 1 ming 394 nafar surxondaryolik yosh pedagoglar o‘z arizalarini yuborishgan. Shulardan 753 nafar pedagoglarning murojaatlari Nizom talablari asosida qabul qilingan va test sinovlarida qatnashmoqdalar.

#kasbiysertifikatlash #stajyorlar

Telegram | Facebook | Instagram | You tube | Twitter | Veb-sayt

🔔Termiz shahridagi maktablarning yangi o‘quv yiliga tayyorgarligi o‘rganildi

📈Bugun Surxondaryo viloyati Maktabgacha va maktab ta'limi boshqarmasi boshlig'i Xusniddin Mamadiyev Termiz shahridagi
3-15-umumta'lim maktablariga tashrif buyurib, yangi o'quv yiliga tayyorgarlik holati bilan tanishdi.

➡️Maktab binolarining jihozlanishi, sinfxonalarning, maktab darsliklari va 1-sinf o‘quvchilari uchun "Prezident sovg‘alari"ning yetkazib berilganlik holati ko‘zdan kechirilib, mas'ullarga tegishli ko'rsatmalar berildi.

✔️Ma'lumot uchun, Termiz shahrida bugungi kunda 26 ta umumta'lim maktabi hamda 32 ta davlat maktabgacha ta'lim tashkiloti mavjud. Shahardagi maktablarning 25 tasi 145 million so'm mablag' evaziga joriy ta'mirdan chiqarildi.

#Termizshahri #organish
#3maktab #15maktab #yangioquvyili

Telegram | Facebook | Instagram | You tube | Twitter | Veb-sayt