Bahodir Jalolov ikki karra Olimpiya oʻyinlari chempioni!

Boks boʻyicha Tokio-2020 yozgi Olimpiya oʻyinlari chempioni Bahodir Jalolov ikkinchi bor Olimpiada chempioniga aylandi. Eng ogʻir vazn toifasida ishtirok etayotgan yurtdoshimiz hozirgina yakunlangan jangda ispaniyalik raqibi Ayub G’adfani magʻlub etdi.

Jangni oilaviy tomosha qildik, hayajonlarga boy, shiddatli bahsda Bahodir raqibiga hech qanday imkoniyat qoldirmadi.

Xabaringiz bor, Toshkent shahrida Boks bo‘yicha Bahodir Jalolov sport mahorati maktabi faoliyat yuritmoqda. Maktabga tashrif buyurgan davlatimiz rahbari “Endi Bahodir Jalolov maktabi o‘z yo‘nalishida xuddi Prezident maktabidek namunaviy tizim bo‘ladi”, degan edilar.

Bugungi bellashuvni ayni vaqtda seminar-treninglarda qatnashayotgan tizim xodimlari, maktab direktorlari, vazirligimiz jamoasi ham qizg’in kuzatib bordi.

Bahodirning tinimsiz mehnati va Prezidentimiz tomonidan bildirilgan ishonch bugun o’z mevasini berdi. Bahodir Jalolov maktabi bu yurtga hali yuzlab, minglab bahodirlarni yetishtirib berishiga ishonamiz.

Olimpiadada munosib ishtirok etib, Vatanimiz bayrog’ini baland ko’targan, rekord natijalar bilan yurtdoshlarimizni faxrlantirgan barcha sportchilarimizga minnatdorlik bildiraman.

Ikki karra Olimpiada chempionligini qo‘lga kiritgan Bahodir Jalolovning final jangini viloyat hokimi boshchiligidagi sektor rahbarlari, faollar hamda vohalik muxlislar katta ishtiyoq bilan tomosha qilishdi hamda Surxon o‘g‘lonini qo‘llab-quvvatlab turishdi.

Viloyat rahbari jangdan so‘ng OAV vakillariga bergan intervyusida barchani g‘alaba bilan tabrikladi.

Telegram | Facebook | Instagram | YouTube | Web-site | X