Улуғбек Қосимов: “Янги йирик лойиҳаларни ишга тушириш орқали аҳоли бандлигини таъминлаш асосий вазифамиз бўлади!”

Сурхондарё вилояти ҳокими раҳбарлигида навбатдаги “Ҳокимлик соати” ўтказилди. Вилоят, шаҳар ва туманлар ҳокимликлари студиялари орқали мутасаддилар билан давлат раҳбарининг вилоятимизга ташрифида белгилаб берилган вазифалар ижроси, ижро интизоми, маҳаллий бюджет тушумларининг бажарилиши, аҳолига кўмир етказилиши ҳолати, “Яшил макон”, куз-қиш мавсумини беталофат ўтказиш бўйича берилган топшириқлар ижроси ҳамда қишлоқ хўжалиги масалалари муҳокама қилинди.

- Президентимиз вилоятимизга ташрифида бизнинг олдимизга аҳоли турмуш фаровонлигини ошириш, янги иш ўринларини яратиш орқали уларнинг бандлигини таъминлаш масаласини асосий вазифа сифатида белгилаб бердилар. Мен бошчилигимда барча шаҳар ва туманлар ҳокимлари зиммамизга юклатилган ушбу вазифани сифатли бажаришимиз, инвестицияларни жалб қилган ҳолда йирик лойиҳаларни ишга тушириш орқали янги иш ўринларини яратишимиз лозим – дея таъкидлади, вилоят раҳбари муҳокама аввалида.

Кун тартибидаги барча масалалар юзасидан масъулларга вазифалар белгилаб берилди. Тармоқ ва ҳудудлар раҳбарларига ишлаб чиқилган йирик лойиҳаларнинг муддатида ва сифатли амалга оширилишини таъминлаш, ҳар бир топшириқда ижро интизомига қатъий риоя этилиши устидан доимий назорат ўрнатиш топширилди.

Сурхондарё вилояти ҳокимлиги Матбуот хизмати

Каналга уланиш: t.iss.one/axborot_xizmati
Telegram | Facebook | Instagram | YouTube | Web-site | Twitter

Maktabgacha va maktab taʼlimi vazirligi huzuridagi Maktabgacha taʼlim agentligi tomonidan Surxondaryo viloyatida davlat maktabgacha taʼlim tashkilotlari pedagog xodimlari uchun qisqa muddatli malaka oshirish kurslari tashkil etildi. Viloyatimizning 50 nafarga yaqin tajribali pedagoglari mazkur treninglarga jalb etildi.

Ushbu kurslarning asosiy maqsadi maktabgacha yoshdagi bolalarda sifatli bilim va ko'nikmalarni shakllantirish bilan birga noanʼanaviy, faol metodlarni keng qo'llashdir.

Trening davrida tajribali masterlar mentor, kauching, fasilitator, kollaborator kabi metodlarning mazmun-mohiyatini ochib berishdi. Shu bilan birga tinglovchilarga kundalik ish jarayonida uchraydigan psixologik muammoli vaziyatlarning yechimini topish, ota-onalar bilan faol hamkorlikni yo'lga qo'yish, shaxsga yo'naltirilgan sifatli taʼlim berish, bolajonlarni rag'batlantirib, ularni tasavvur olamini rivojlantirish, maktab taʼlimiga tayyorlash kabi vazifalarni belgilab berishdi.

Telegram | Facebook | Instagram | You tube

Жаҳолатга қарши маърифат билан

Ёшларни диний ақидапарастлик ва экстремизмнинг салбий оқибатларидан огоҳ этиш мақсадида тарғибот-ташвиқот тадбирлари ўтказилмоқда.

Дин ишлари бўйича Қўмитанинг Сурхондарё вилояти бошқармаси ҳамда Шўрчи туман ҳокимлиги ва ҳамкор ташкилотлар билан биргаликда “Жаҳолатга қарши маърифат” шиори остида тарғибот тадбири ташкил этилди.

Тадбир жараёнида мавзуга доир расмлар танлови ўтказилиб, унда тумандаги умумтаълим мактабларида таҳсил олаётган 12 ёшдан 17 ёшгача бўлган иқтидорли ва ҳаваскор рассом ўқувчилар иштирок этишди. Якунда энг яхши деб топилган асар муаллифлари ташкилотчилар томонидан тақдирланди.


✍🏻 Шўрчи тумани ҳокимлиги
Матбуот хизмати


Расмий саҳифаларимиз
📱Telegram ✅ Facebook 🎞 Youtube 🔎Web-site  🌐Instagram 🕊Twitter

Viloyat Maktabgacha va maktab ta'limi boshqarmasida bugun "Alabuga" erkin iqtisodiy zonasi hamda boshqarma vakillari ishtirokida Termiz tumanidagi umumta'lim maktablari direktorlari bilan uchrashuv o'tkazildi. Unda viloyatimizda o'tkazilishi rejalashtirilgan 9-11-sinf o‘quvchilari o‘rtasida tadbirkorlik asoslari va moliyaviy savodxonlik fanlari bo‘yicha olimpiadani o'tkazishdan ko'zlangan maqsad, uning ahamiyati, o'tkazilish tartibi va boshqalar xususida so'z yuritildi.

Uchrashuv davomida maktab rahbarlari mas'ullardan o'zlarini qiziqtirgan savollariga javob olishdi.

✍🏻 Surxondaryo viloyati Maktabgacha va maktab ta'limi boshqarmasi matbuot xizmati.

Telegram | Facebook | Instagram | You tube