Деновлик ўқувчилар Малайзия давлатида Халқаро инглиз тили олимпиадасида муваффақиятли иштирок этди

Айни вақтда Малайзия давлатида бўлиб турган Денов туманидаги 74-умумий ўрта таълим мактабининг директори Руқия Ҳакимова шундай дейди:

- Куала-Лумпур шаҳрида ўтказилаётган "SPELLING BEE" Халқаро инглиз тили олимпиадасининг финал босқичида ўқувчиларимиз муваффақиятли катнашдилар.

Барча ўқувчиларимиз яхши натижа кўрсатишиб, иштирок этаётган мамлакатлар ўртасида иккинчи ўринни эгалладик. Бу олимпиадада мактабимизнинг икки нафар ўқувчиси Бехрузбек Султонмуродов ва Ифтихорбек Фахриддинов иштирок этди.

Маълумот учун, “Spelling Bee” – Инглиз тили мусобақасида умумтаълим мактабларининг 2-11 синф ўқувчилари қатнашади. Иштирокчилар инглиз тилидан сўз бойлиги, сўзларни тўғри талаффуз ва талқин қилиш , имловий хатога йўл қўймаслик юзасидан оғзаки ва ёзма равишда беллашади. Олимпиаданинг асосий мақсади ҳам “Ўқиб муваффақият қозониш”, яъни ўқувчиларнинг инглиз тилида ўрганаётган асосий сўз бойлиги, луғати, сўзлаши ва фикрлаш қобилиятини кучайтириш ва қўллаб қувватлашдан иборатдир.


Денов тумани ҳокимлиги
Ахборот хизмати

🕊@dthaxborotxizmati 📱Instagram 📱Facebook 📺YouTube 🐦 Twitter