“Sayrob” mahallasida 100 o‘ringa mo‘ljallangan Davlat xususiy-sherikchilik asosidagi nodavlat maktabgacha ta’lim tashkiloti foydalanishga topshirildi

Bugungi kunda amalga oshirilgan islohotlar natijasida Boysun tumanida jami 93 ta maktabgacha ta’lim tashkilotlari faoliyat ko‘rsatmoqda. Bu o‘tgan uch yilga nisbattan 72 taga ko‘p ya’ni 720 foizga o‘sish demakdir.

Jumladan, Davlat maktabgacha ta’lim tashkilotlari soni 20 taga, davlat xususiy-sherikchilik asosidagi maktabgacha ta’lim tashkilotlari soni 10 taga hamda oilaviy nodavlat maktabgacha ta’lim tashkilotlari soni 63 taga yetkazildi. Natijada, tumandagi 3-7 yoshgacha bo‘lgan bolalarni qamrov darajasi 7,6 foizdan 59,2 foizga oshirildi.

Bugun tumandagi “Sayrob” mahallasida joylashgan 100 o‘ringa mo‘ljallangan Davlat xususiy-sherikchilik asosidagi 2 mlrd. 589 mln. so‘mlik qiymatga bo‘lgan 10-sonli davlat xususiy-sherikchilik asosidagi nodavlat maktabgacha ta’lim tashkilotining ochilish marosimi bo‘lib o‘tdi.

Tadbirda Oliy majlis Qonunchilik Palatasi deputati X.Xo‘jamqulov, tuman hokimi va sektor rahbarlari, nuroniylar, faxriylar, faollar hamda mahalla fuqarolari ishtirok etishdi.

Ayni vaqtda “Sayrob” mahallasida 300 nafarga yaqin 3 yoshdan 7 yoshgacha bo‘lgan bolalar mavjud bo‘lsa, shularning 100 nafari ushbu nodavlat maktabgacha ta’lim tashkilotiga qamrab olinishi ko‘zda tutilgan.

Bundan tashqari aholi bandligini ta’minlash maqsadida ushbu tashkilotga hududdagi jami 20 nafarga yaqin pedagog va ishchi xodimlar ishga qabul qilinadi.

Ushbu nodavlat maktabgacha ta’lim tashkilotini faoliyat ko‘rsatishi uchun barcha sharoitlar yaratilgan.

👉 Kanalga ulanish 👉https://t.iss.one/boysunaxborotxizmati

✅ Telegram 💬 Facebook 📹 YouTube 🌍 Web-site