#САВОЛ_ЖАВОБЛАР

Намозни уйда ўқиганда азон ва иқомат айтиладими? Aёллар ҳам азон ва иқомат айтишадими?

Савол: Намозни уйда ўқиганда азон ва иқомат айтиладими? Aёллар ҳам азон ва иқомат айтишадими?

Жавоб: Жамоат билан ўқиладиган беш вақт намозга азон ва иқомат айтиш суннати муаккададир. Жамоатга йетолмай, намозни уйида ўқиган кишининг ва мусофирнинг азон ва иқомат айтиши мустаҳабдир. Уйда ўқилган қазо намозга ҳам азон ва иқомат айтиш суннатдир.

Aзон намоз вақти кирганидан сўнг айтилади. Иқомат бевосита фарз намозни бошлашдан олдин айтилади. Aёллар азон ва иқомат айтмайдилар.

📚@surxonmuslimuz | Диний-маърифий канал

Жума кунида

…поклик
Жума куни ювиниш суннатдир. Баъзи одамларнинг фикрича вожибдир.
Кишининг иш кийимларидан ташқари жума куни киядиган бир ички ва ташқи кийими бўлса, яхши, бу ҳол имкони борлар учун мустаҳабдир. Муҳими озодлик ва покликдир.
Расулуллоҳ (с.а.в.) марҳамат қиладилар: “Кимки жума куни тирноқларини олса, Aллоҳ ундан бир касалликни кетказади ва бир шифо беради”.

…мақбул вақт
Расулуллоҳ (с.а.в.) марҳамат қиладилар: “Жума кунида шундай бир вақт борки, кимки бу вақтда дуо қилса, тилаги шу вақтга тўғри келса, Жаноби Ҳақ у кишини тилагига йетказади”.
Бу ижобат вақти ҳақида қирққа яқин қарашлар бўлиб, булардан енг саҳиҳи хатибнинг минбарда ўтиргандан намоз ўқилгунга қадар ўтган вақтдир. Бу вақтда қалбан дуо қилинади.

… Қаҳф сурасини ўқиш
Расулуллоҳ (с.а.в.) марҳамат қиладилар: “Кимки жума куни сураи Қҳфни ўқиса, оёқлари остидан осмонларга қадар унинг учун бир нур юксалади. Бу нур қиёмата қадар порлаб туради. Икки жума ўртасидаги хатолар авф етилади”.
“Жума куни сураи Қаҳф ўқиган киши саккиз кун барча фитналардан сақланади. Дажжол чиқса ҳам, унинг ёмонлигидан муҳофаза қилинади”.
“Бирор киши жума куни ёки оқшоми сураи Қаҳфни ўқиса, ўқиган жойидан Маккаи Мукаррамага қадар нурга тўлади. Келгуси жумагача ва яна уч зиёда кунга гуноҳлари кечирилади. Йетмиш минг фаришта тонгга қадар унинг авф етилишини тилайди” (Aбу Довуд ривоятлари)

📚@surxonmuslimuz | Диний-маърифий канал

🌹 Айём муборак
•┈┈•┈┈•⊰✿✿⊱•┈┈•┈┈•
▫️Қуёш чиқди, борлиқ нурафшон.
▫️Еру-само нурларга тўлсин.
▫️Бугун жума, қадрли инсон,
◾️Айёмингиз муборак бўлсин.

▫️Қилиб барча гўзал тилаклар,
▫️Ҳар ким эзгу тилакка етсин.
▫️Амийн десин кўкда малаклар,
◾️Айёмингиз муборак бўлсин.

▫️Кахф сурасин ўқиган инсон,
▫️Фитналардан омонда бўлсин.
▫️Бугун жума эй аҳли қуръон,
◾️Айёмингиз муборак бўлсин.

▫️Росулимиз ул мухаммадга,
▫️Чексиз солат , саломлар бўлсин.
▫️Табрик сўзим айтай умматга,
◾️Айёмингиз муборак бўлсин.

▫️Икки ракъат жума намозин,
▫️Адо этмоқ муяссар бўлсин.
▫️Тингланг бугун қалбим овозин,
◾️Айёмингиз муборак бўлсин.

▫️Хамду-сано айтиб эгамга,
▫️Лаблар титраб, кўзлар нам бўлсин.
▫️Табрик сўзим барча оламга,
◾️Айёмингиз муборак бўлсин.

▫️Салом қутла аҳли исломни,
▫️Қутловингдан кўнгиллар тўлсин.
▫️Ва йўллагин ушбу каломни,
◾️Айёмингиз муборак бўлсин.

https://t.iss.one/joinchat/AAAAAEfty0zeadQebCEeRw

🌺🌺🍀🍀🌸🌸🍀🍀🌺🌺

ЖУМА КУНИ ҚИЛИНАДИГАН АМАЛЛАРНИНГ ЭНГ АФЗАЛИ – РАСУЛУЛЛОҲ СОЛЛАЛЛОҲУ АЛАЙҲИ ВАСАЛЛАМГА КЎП САЛОВАТ АЙТИШДИР

Авс ибн Авс розияллоҳу анҳудан ривоят қилинади, Расулуллоҳ соллаллоҳу алайҳи ва саллам дедилар: “Энг афзал кунларингиздан бири жума кунидир. У куни Менга кўп салавот айтинглар, чунки сизларнинг салавотларингиз менга етказилади». Саҳобалар: “Ё Расулуллоҳ, чириб кетган бўлсангиз сизга бизнинг салавотларимиз қандай етказилади?”, дейишди. У зот: “Аллоҳ таоло пайғамбарларнинг жасадларини ейишни ерга ҳаром қилди”, дедилар (Имом Абу Довуд ривояти).

Анас розияллоҳу анҳудан ривоят қилинади. Набий соллаллоҳу алайҳи васаллам:“Менга жума кунида ва жума кечасида кўп салавот айтинглар, бас ким шундай қилса, мен унга қиёмат куни гувоҳ ва шафоатчи бўламан”, дедилар (Имом Байҳақий ривояти).

САЛОВАТ ТУРЛАРИ
Каъб ибн Ужра розияллоҳу анҳудан ривоят қилинади: "Бир киши: "Эй, Расулуллоҳ! Биз Сизнинг ҳаққингизга салом айтишликни билиб олдик. Бироқ, саловатни қандай айтамиз?", – деди. Расулуллоҳ соллаллоҳу алайҳи васаллам айтдилар: "Менинг ҳаққимга саловатни шундай айт: "Аллоҳумма солли ъала Муҳаммадин ва ъала али Муҳаммад. Кама соллайта ъала Иброҳима. Иннака Ҳамидун Мажид. Аллаҳумма барик ъала Муҳаммадин ва ъала али Муҳаммад. Кама барокта ъала Иброҳима Иннака Ҳамидун Мажид” (Имом Бухорий ва Имом Муслим ривояти).

Абу Ҳомид ас – Саъидий розияллоҳу анҳудан ривоят қилинган ҳадиси шарифда шундай дейилади: "Саҳобийлар: "Эй, Расулуллоҳ! Сизга саловатни қандай айтамиз?", – дейишди. Шунда Расулуллоҳ соллаллоҳу алайҳи васаллам шундай дедилар: "Аллоҳумма солли ъала Муҳаммадин ва азважиҳи ва зуррияйтиҳи. Кама соллайта ъала али Иброҳим ва барик ъала Муҳаммадин ва азважиҳи ва зуррийятиҳи кама барокта ъала али Иброҳим. Иннака Ҳамидун Мажид” – деб айтинглар" (Имом Бухорий, Имом Муслим, Имом Молик ва Аҳмад ибн Ҳанбал ривояти).

ҚИСҚА САЛОВАТЛАР:

🍃🌹🍃 "Соллаллоҳу алайҳи васаллам"

🍃🌹🍃 "Аллоҳумма солли ва саллим ва барик алайҳ"

🍃🌹🍃 "Ас – Солату вас – саламу алайка я Росулаллоҳ"

🍃🌹🍃 “Соллаллоҳу алайка я Росулаллоҳ”

🍃🌹🍃 “Аллоҳумма солли аъла Муҳаммад”

🍃🌹🍃 “Аллоҳумма солли аъла саййидина Муҳаммад”

🍃🌹🍃 “Аллоҳумма солли ва саллим ъалaа ҳабибина Муҳаммад”

🍃🌹🍃 “Алайҳис-солату ва вас-сала-а-му”

#КУН_ОЯТИ

Эй, имон келтирганлар! Қачонки, жумъа кунидаги намозга (азон) чақирилса, дарҳол Аллоҳнинг зикри сари (имом хутбасини тинглаш учун) ҳаракатга тушингиз ва савдо-сотиқни тарк қилингиз! Агар биладиган бўлсангиз, мана шу (иш) ўзларингиз учун яхшидир/

Жумъа сураси 9-оят

📚@surxonmuslimuz | Диний-маърифий канал

#КУН_ҲАДИСИ

Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам: «Беш вақт намоз ва жумадан жумагача ўз ораларидаги (гуноҳ)ларга каффоротдирлар. Модомики, катта гуноҳлар қилинмаган бўлса?!» дедилар.

Муслим ва Термизий ривоят қилишган.

Шарҳ: Беш вақт намоздан бири ўқилгандан сўнг навбатдагиси келгунича содир бўлган гуноҳлар навбатдаги намоз ўқилгач, ўша намоз туфайли ювилади. Жума намозини ўқиганидан кейин янаги жума келгунича бўлган даврдаги беш вақт намоз билан ювилмай қолган гуноҳлар жума намози билан ювилади. Шу билан бирга, ҳадисда ҳаммаси учун бир умумий шарт зикр қилинмоқда. «Модомики, катта гуноҳлар қилинмаган бўлса». Яъни, беш вақт намоз ва жума намози катта гуноҳлардан бошқа гуноҳларни кечирилишига сабаб бўлар экан.

📚@surxonmuslimuz | Диний-маърифий канал

#САВОЛ_ЖАВОБЛАР

НАМОЗ ВАҚТЛАРИ

САВОЛ: Ассалому алейкум ва рахматуллохи ва барокатух. Хуфтон намозини канча кеч укиса шунча яхши деб эшитдим, шу тугрими? Шу хакида маълумот берсангиз, жавоб учун олдиндан рахмат!

ЖАВОБ: Ва алайкум ассалом. Намозларнинг мустаҳаб вақтларини қуйида эслатиб ўтамиз:

Бомдодни субҳ оқарганда бошлаш мустаҳабдир. Токи қирқ оятни тартил қилишга ва таҳорати йўқлиги зоҳир бўлиб қолса, яна қайтаришга имкон бўлсин.

Ёзда пешинни кечга суриш мустаҳабдир. Асрни ҳам, модомики қуёш ўзгармаса. Шунингдек, хуфтонни кечанинг учдан биригача ва уйғонишга ишончи борлар учун витрни (кечанинг) охиригача (суриш мустаҳабдир).

Қишда пешин ва шомни эрта ўқиш мустаҳабдир. Булутли кунда аср ва хуфтонни эрта ўқилади. Иккисидан бошқани кеч ўқилади.

ЎМИ фатво ҳайъати
savollar.muslim.uz

📚@surxonmuslimuz | Диний-маърифий канал

#СИЙРАТ

РАСУЛУЛЛОҲ СОЛЛАЛЛОҲУ АЛАЙҲИ ВАСАЛЛАМНИНГ ИЛМЛАРИ МУКАММАЛЛИГИ

4. У зот соллаллоҳу алайҳи васалламнинг Аллоҳ таоло томонидан Арш оламидан хабардор қилинганлари.
Ҳадисларда келишича, у зот соллаллоҳу алайҳи васаллам Арш ҳақида сўзлаб, унинг соялари, устунлари ва хазиналари борлигини айтганлар. Яна Аршни кўтариб турувчи фаришталар, уларнинг қуввати ва улуғликлари тўғрисида ҳам маълумот берганлар. «Муснад» китобида келган ҳадисда у зот соллаллоҳу алайҳи васаллам шундай деганлар: ­ «...Мен жаҳаннамнинг қўриқчилари ва Аршнинг кўтарувчилари қанчалигини биламан».

5. Пайғамбар алайҳиссаломнинг жаннат ва жаҳаннамни билишлари.
Жаннат ва жаҳаннам ул зот соллаллоҳу алайҳи васалламга бир қанча муносабат ва ҳолатлар тақозосига кўра кўрсатилган. Меърож воқеаси ҳақидаги ҳадисда Расулуллоҳ соллаллоҳу алайҳи васаллам: «Сўнгра мен жаннатга киритилдим. Қарасам, у ерда дурдан ясалган гумбазлар бор экан. Тупроқлари хушбўй ҳидли мушки анбардан экан», деганлар.
Абу Дардо розияллоҳу анҳудан ривоят қилинади: «Набий соллаллоҳу алайҳи васаллам: «Жаннатга яқинлаштириб, жаҳаннамдан узоқлаштирадиган амаллар борки, улар ҳақида сизларга (тўлиқ) баён қилиб бердим», дедилар.

6. Пайғамбар алайҳиссаломнинг Маҳшар олами (Маҳшар олами – қиёмат куни, инсонлар қайта тирилганда ҳисоб-китоб учун тўпланадиган жой), у ердаги инсонларнинг аҳволи, арз олами (Арз олами – қиёмат куни инсонларнинг дунё ҳаётида қилган амаллари ўзларига кўрсатиладиган ҳолат), ҳавз олами (Ҳавз олами – бу оламда қиёмат куни Пайғамбар алайҳиссалом ҳавзи кавсарларидан ўз умматларига сув ичирадилар), бандаларнинг номаи аъмоллари ўзларига қай тарзда кўрсатилиши, ҳисоб-китоб қилиниши, мезон, сирот кўприги ҳақидаги маълумотларни билишлари.
Пайғамбар алайҳиссалом мазкур ҳолатлар ҳақида худди уларни кўриб тургандек, батафсил маълумотлар берганлар.

7. Осмон ва ердаги барча нарса ҳақида билишлари.
Пайғамбар алайҳиссалом шундай ҳикоя қиладилар: «Бир куни кечаси туриб, насиб қилинганча намоз ўқидим. Намозимда мени мудроқ босди, ҳатто оғирлашиб кетдим. Ўша ҳолатимда Роббим менга: «Эй Муҳаммад, фаришталар нима тўғрисида баҳслашяптилар?», деди. Мен: «Билмайман», дедим».
Ҳадиснинг давомида Пайғамбар алайҳиссаломнинг шу сўзларидан кейин Аллоҳ таоло у зотга барча нарсанинг илмини ўргатганлиги зикр қилинади. Мазкур ҳолат ҳақида у зотнинг ўзлари шундай деганлар: «Менга барча нарса аён бўлди, мен уларни тўлиқ билиб олдим» (Имом Термизий, имом Аҳмад ва бошқалар ривояти). Бошқа бир ривоятда Пайғамбар алайҳиссалом: «Мен осмонлар ва ердаги барча нарсаларни билдим», деганлар. Имом Табароний раҳматуллоҳи алайҳининг ривоятида эса: «Роббим менга барча нарсани ўргатди», деганлар. Имом Табаронийнинг бошқа бир ривоятида Расулуллоҳ соллаллоҳу алайҳи васаллам шундай марҳамат қиладилар: «Шундан кейин Аллоҳ таоло мендан нима ҳақида сўраса, уни биладиган бўлдим. Роббим менга: «Эй Муҳаммад, фаришталар нима ҳақида баҳслашяпти?» деди. Мен: «Каффоротлар ва даражалар ҳақида», дедим».

Расулуллоҳ соллаллоҳу алайҳи васаллам ғайбиёт оламидан ташқари, ҳайвонот олами, уларнинг турлари, яшаш тарзи ҳақида батафсил маълумотга эга бўлганлар.
Абу Дардо розияллоҳу анҳудан ривоят қилинади: «Расулуллоҳ соллаллоҳу алайҳи васаллам ҳаётлик чоғларида бизга осмонда учадиган қушлар ҳақида (ҳам) айтиб берганлар» (Имом Табароний ривояти).
Абу Зарр розияллоҳу анҳудан ривоят қилинади: «Расулуллоҳ соллаллоҳу алайҳи васаллам бу дунёни тарк этишларидан олдин осмонда қанот қоқиб учадиган қушлар ҳақида хабар бериб, у ҳақдаги илмни ҳам ўргатдилар».
Дарҳақиқат, Расулуллоҳ соллаллоҳу алайҳи васаллам саҳобаларга қушлар олами ҳақида кенг маълумот берганлар. Шундан ҳам билиш мумкинки, Пайғамбар алайҳиссаломнинг барча олам турлари ҳақида илмлари кенг бўлган. Яна шуни яхши билишимиз лозимки, Расулуллоҳ соллаллоҳу алайҳи васалламнинг уммондек беқиёс илмларининг қанчалигини фақатгина ана шу илмларни ато қилган Зот – Аллоҳ таолодан бошқа ҳеч ким билмайди.

«ИККИ ОЛАМ САРВАРИ». САЙЙИД МУҲАММАД ҲАСАНИЙ

📚@surxonmuslimuz | Диний-маърифий канал

Фарзандинг ҳам сен каби инсондир. Унда ҳам ҳис туйғуси бор ва у ҳам маҳзун бўлади. Уни ҳам ўзига яраша ғурури бор десам ҳам муболаға қилмаган бўламан.

Шундай экан, уни бошқалар олдида қийин аҳволга солиб, қалбига жароҳат етказиб қўйишдан эҳтиёт бўл. Фарзандингни ёшлигида ҳурмат қилсанг, кексайганингда у ҳам сени ҳурмат қилиб, қадрлайди.

📚@surxonmuslimuz | Диний-маърифий канал

#МУТОЛАА_ВАҚТИ

* * * * * * *

Емай, ичмай, Саъд билан гаплашмай давом эттирилган ўлим рўзаси туфайли учинчи куннинг оқшомига бориб онанинг дармони қолмади. Хўрозлар тонг отганидан хабар берганларида, аёл ҳам ҳушидан кетган эди.
Иккинчи ўғли Умора уни ҳушига келтириш учун юзига сув сепди. Ўзига келиши билан:
— Саъд нима қилди? — деб босинқиради.
— Шу ердаман, онажон.
— Қайтдингми?.. Ота-боболарингнинг динига қайтдингми?..
— Йўқ, энди қайтолмайман, онажон.
Она яна хушидан кетди. Сув ичиришга уриндилар. Оғзини чўп билан очиб, зўрлаб овқат қуйдилар. Аёл бир зумга яна ўзига келди ва қўлига илинган бир калтак билан Саъднинг бурнига урди. У ҳадеб лаънатлар ёғдирар, дуойибад қилар эди.
Саъднинг бурни яраланди... Ўлгунига қадар ўша яранинг изи яхши ёмон кунларидан бир хотира ўлароқ қолди.
Саъд бурнидан оқаётган қонга қарамай, онасининг қаршисида тиз чўкди.
— Севикли онажоним, — деди, — сени жуда яхши кўришимни биласан. Лекин шуни ҳам яхши билгинки, юзта жонинг бўлса, кўз ўнгимда юз марта ўлсанг ҳам, мен бу диндан воз кечолмайман. Энди истасанг, бу бемаъни ўжарликка барҳам бер ва овқатингни е, истамасанг, ема...
Шундан кейин маҳзун бир аҳволда, кўзларидан аччиқ-аччиқ ёшлар оқиб, ўрнидан турди. Дардини енгиллатишни истади.
Она дунёда энг севимли жигаргўшасига қандай қилиб бу тарз муносабатда бўлади, уни куфрга қайтариш учун қанақасига бу нодонликка боради? Бундан буён онасига қандай муносабатда бўлсин? Орада бир ип узилди, энди уни қандай қилиб қайтадан тугунсиз боғлаш мумкин, ахир? Шулар ҳақида Пайғамбардан (соллаллоҳу алайҳи васаллам) сўрамоқчи, У зотнинг муборак тилларидан эшитадиган сўзлари билан кўнглига таскин бермоқчи эди. Аммо булар ҳақида сўрашга фурсат бўлмади. Чунки малаклар оламидан келган янги бир илоҳий ҳукм ер юзига таралаётган, пайғамбаримиз у ваҳийни қабул қилиш билан овора эдилар.
Саъд қалби тўла ҳурмат туйғулари билан набийлар тожининг сўнгги соҳиби бўлмиш Буюклар Буюгининг ҳузурига кирганида, У зотнинг муборак юзларида ҳали ҳам ваҳийнинг таъсири сезилиб турар эди.
Саъд бир неча сония бу муборак чеҳрага тикилиб қолди. Диққат билан, ўта синчковлик билан қаради. Қўрқиладиган, ташвишланадиган биронта ҳам нуқта чизги йўқ эди бу чеҳрада. Гўёки вужудларидаги юрак ёритаётган эди бу юзларни. Ў юрак қанчалар соф бўлса, бу юз ҳам шунчалар пок, шунчалар пурзиё эди. Юракда йўқ нарса, юзларида ҳам йўқ эди. Бу муборак юзга қараган зийрак киши: «Шубҳаланаман, бу юз менда ишонч туғдирмади», дейиши асло мумкин эмас эди. Ҳеч кимсага нисбатан ёмонлик қилишни раво кўрмаган бу нуроний чеҳра ишончлиликнинг ҳамма белгиларини ўзига жо этган эди.

Аҳмад Лутфий Қозончи “Саодат асри қиссалари”

📚@surxonmuslimuz | Диний-маърифий канал

#КУН_ОЯТИ

Эй, имон келтирганлар! Молини одамлар кўрсин деб берадиган, Аллоҳга ва охират кунига ишонмайдиган кимсага ўхшаб, (берган) садақаларингизни миннат ва озор билан йўққа чиқарманг! У (риёкор) устини тупроқ қоплаган силлиқ қояга ўхшайди; устига жала ёққанда, (тупроқ ювилиб,) сип-силлиқ тошнинг ўзини қолдиради. Улар топган (ва сарфлаган) бойликларидан ҳеч нарсага эга бўла олмайдилар. Зотан, Аллоҳ кофирлар қавмини ҳидоят сари йўлламагай.

Бақара сураси 264-оят

📚@surxonmuslimuz | Диний-маърифий канал

#КУН_ҲАДИСИ

Абу Мусо розияллоҳу анҳудан ривоят қилинади:

«Расулуллоҳ соллаллоҳу алайҳи васаллам билан шом намозини ўқидик. Сўнгра «Хуфтонни ўқигунча ўтириб турайлик», дедик. Бас, Расулуллоҳ соллаллоҳу алайҳи васаллам олдимизга чиқдилар ва:
«Ҳали ҳам шу ердамисизлар?» дедилар.
«Ҳа, эй Аллоҳнинг Расули. Хуфтонни ўқигунча ўтириб турайлик, дедик, деб жавоб бердик.
«Яхши қилибсизлар» ѐки «Тўғри қилибсизлар», дедилар у зот. Сўнгра бошларини осмонга кўтардилар. Кўпинча шундоқ қилар эдилар. Кейин у зот:
«Юлдузлар осмоннинг ишончларидир. Қачон юлдузлар кетса, осмонга унга таҳдид қилинган нарса келади. Мен саҳобаларимнинг ишончлариман. Қачон мен кетсам, саҳобаларимга уларга таҳдид қилинган нарса келади. Саҳобаларим умматимнинг ишончларидир. Қачон саҳобаларим кетсалар, умматимга уларга таҳдид қилинган нарса келадир», дедилар».

Муслим ривоят қилган.

📚@surxonmuslimuz | Диний-маърифий канал

​#СИЙРАТ

РАСУЛУЛЛОҲ СОЛЛАЛЛОҲУ АЛАЙҲИ ВАСАЛЛАМ – ЮКСАК БАЛОҒАТ ВА ФАСОҲАТ СОҲИБИ

Али розияллоҳу анҳу Пайғамбар алайҳиссаломнинг фасоҳатларини: «Мен араблардан қандайдир ажойиб, нодир сўз эшитган бўлсам, фақат Расулуллоҳ соллаллоҳу алайҳи васалламдан эшитганман. Мен Расулуллоҳнинг «Маата ҳатфа анфиҳи» (Ҳеч бир ташқи таъсирсиз вафот этган кишига нисбатан қўлланиладиган бу ибора араб тилида юксак фасоҳат намунасидир) деганларини эшитганман. Бундай сўзни илгари бирор арабдан эшитмаган эдим», деб тавсифлайдилар».
Расулуллоҳ соллаллоҳу алайҳи васалламнинг каломлари шу даражада равшан ва очиқ-ойдин эдики, унда бирор-бир ортиқчалик ҳам, камчилик ҳам бўлмасди, ҳатто ёнларидаги киши гапларини ёдлаб оладиган даражада тушунарли гапирардилар.
Оиша онамиз розияллоҳу анҳодан ривоят қилинади: «Расулуллоҳ соллаллоҳу алайҳи васаллам сизларга ўхшаб шошилиб гапирмасдилар, балки шундай очиқ-ойдин ва дона-дона қилиб гапирардиларки, у зот билан бирга ўтирган киши гапларини бемалол ёдлаб оларди».
Яна Оиша онамиз розияллоҳу анҳодан ривоят қилинади: «Расулуллоҳ соллаллоҳу алайҳи васаллам шундай гапирардиларки, сўзларининг ҳарфларини санамоқчи бўлган киши санашга улгурарди».
Анас розияллоҳу анҳудан ривоят қилинади: «Расулуллоҳ соллаллоҳу алайҳи васаллам бирор гапни гапирсалар, (агар эҳтиёж бўлса) уни уч марта такрорлардилар».

Саҳобалар Расулуллоҳ соллаллоҳу алайҳи васалламни «Сиздан фасоҳатлироқ кишини кўрмадик» деб мақтаганларида, ул зот: «Аллоҳ таоло мени лаҳҳонлардан (Нотўғри, ғализ гапирувчи, грамматик қоидаларга риоя қилмайдиган киши) қилмади, Аллоҳ таоло мен учун энг яхши калом бўлмиш китоби – Қуръони Каримни танлади», деб жавоб берганлар («Жомиъус-сағир» китобида ҳадис ривояти имом Дайламийга нисбат берилган).

Расулуллоҳ соллаллоҳу алайҳи васаллам фасоҳат билан сўзлашни мақтардилар. Жумлаларнинг маъносини бузиб, қўпол гапиришдан қайтарардилар. Шунинг учун Аббос розияллоҳу анҳу: «Гўзаллик нима?» деб сўраганларида, Расулуллоҳ соллаллоҳу алайҳи васаллам: «Тил», деб жавоб берганлар ( Имом Ҳоким ривояти).
Бошқа бир ривоятда Аббос розияллоҳу анҳу: «Кишидаги гўзаллик нима?» деб сўраганларида Расулуллоҳ соллаллоҳу алайҳи васаллам: «Тилининг фасоҳатлилиги», деб жавоб бериб, «Равон гапирадиган кишига Аллоҳ таоло раҳматини ёғдирсин!» деб дуо қилдилар__(Аскарий ривояти. Мазкур икки ривоятдан биринчисида Аббос розияллоҳу анҳу умумий қилиб сўрадилар, кейингисида эса хос қилиб сўрадилар. Расулуллоҳ соллаллоҳу алайҳи васалламнинг иккала саволга ҳам жавоблари тил ҳақида бўлди).__

«ИККИ ОЛАМ САРВАРИ». САЙЙИД МУҲАММАД ҲАСАНИЙ

📚@surxonmuslimuz | Диний-маърифий канал

Жаҳл ва ғазабнинг давоси.

Икки киши Набий саллаллоҳу алайҳи васалламнинг ҳузурларида сўкишиб, бири иккинчисига ғазаб қилганидан юзлари қизариб кетди.
Набий саллаллоҳу алайҳи васаллам унга қарадила ва : "Мен бир калимани биламан. Агар уни айтса, ундан мана бу ғазаб бартараф бўлади. Ўша калима “аъузу биллаҳи минаш шайтонир рожийм, яъни, раҳматдан қувилган шайтондан Аллоҳ номи билан паноҳ тилайман, сўзидир", деб айтдилар.

📚@surxonmuslimuz | Диний-маърифий канал

Биз билан Қуёш орасида 29 миллион миллик узоқ масофа бўлсада, қаттиқ иссиқдан шикоят қиласиз. Қиёмат куни, Қуёшни бошимизга яқин келтирилган, кийимсиз турганимизда ҳолимиз нима бўлур?!

Аллоҳим! Ўзингни соянгдан бошқа соя йўқ кунда бизни Ўз соянг билан соялантиргин!

📚@surxonmuslimuz | Диний-маърифий канал

#МУТОЛАА_ВАҚТИ

* * * * * * *

Бир дақиқадан сўнг ёзув тахтаси сифатида келтирилган курак суягига Набийи Акмалнинг (соллаллоҳу алайҳи васаллам) оғизларидан «тўкилган» ваҳий калималари нақш этилди:
«Биз инсонга ота-онасини (яъни, уларга яхшилик қилишни) амр этдик. Онаси унга ожизлик устига ожизлик билан ҳомиладор бўлди (яъни, қорнидаги хомила каттарган сари онанинг ҳоли қуриб заифлаша борур), уни (кўкракдан) ажратиш (муддати) икки йилда (келур). (Биз инсонга буюрдикки) «Сен Менга ва ота-онангга шукр қилгин! Ёлғиз Ўзимга кайтажаксан!» Агар улар сени ўзинг билмаган нарсаларни Менга шерик қилишга зўрласалар, у ҳолда уларга итоат этма! Уларга (гарчи кофир бўлсаларда) дунёда энг яхши муомалада бўлгин ва ўзинг Менга ижобат тавба қилган кишиларнинг йўлига эргашгин! Сўнгра Ўзимга қайтурсизлар, бас, Мен сизларга қилиб ўтган амалларингизнинг хабарини берурман» (Луқмон сураси, 14-15).
Саъд ортиқ саволга ўрин қолмаганини ҳис этди. Сўрамаса ҳам, миясини ғовлатаётган саволларга жавоб топган эди.
Ер юзида фақат икки инсон орасида бўлиб ўтган, аммо ҳақиқатан ҳам улкан аҳамиятга эга бу воқеа малаклар оламидан хусусий бир фармон келишига сабаб бўлган, токи ер юзида она ва ўғил бор экан, доимо ўтимли бўлажак бир ҳукм келган эди.
Аёл ҳам ўз навбатида ўлим рўзасига барҳам берди... (Ибн Касир. Тафсир.)

Аҳмад Лутфий Қозончи “Саодат асри қиссалари”

📚@surxonmuslimuz | Диний-маърифий канал

СЕВИНЧ УЧУН САБАБ ҚИДИРЯПСИЗМИ?..

СОҒЛИКДА-ОМОНЛИКДА ТОНГ ОТТИРДИК. ЯНА БИР ИМКОН ТАҚДИМ ЭТГАН АЛЛОҲГА ШУКУРЛАР БЎЛСИН!!!

АССАЛОМУ АЛАЙКУМ!
ХАЙРЛИ КУНЛАР...

📚@surxonmuslimuz | Диний-маърифий канал

#КУН_ОЯТИ

Молларини Аллоҳ ризолигини истаб, самимий дилларидан чиқариб сарф қиладиган кишилар адирдаги боққа ўхшар: унга жала қуйгач, ҳосилини икки баробар етиштирар. Агар унга жала ёғмаган бўлса, томчилаб ёққан ёмғир ҳам (ўзига яраша ундирар). Аллоҳ қилаётган амалларингизни кўриб турувчидир.

Бақара сураси 265-оят

📚@surxonmuslimuz | Диний-маърифий канал

#КУН_ҲАДИСИ

Усмон розияллоҳу анҳудан ривоят қилинади:

«Қиёмат куни уч тоифа шафоат қилади: «Анбиёлар, уламолар ва шаҳидлар», дедилар».

Ибн Можа ривоят қилган.

📚@surxonmuslimuz | Диний-маърифий канал

​#СИЙРАТ

РАСУЛУЛЛОҲ СОЛЛАЛЛОҲУ АЛАЙҲИ ВАСАЛЛАМ – ЮКСАК БАЛОҒАТ ВА ФАСОҲАТ СОҲИБИ

Расулуллоҳ соллаллоҳу алайҳи васалламнинг фасоҳатлари шу даражада эдики, ҳар бир қавмга ўша қавмнинг тилига хос фасоҳат билан хитоб қилар, ўша қавмнинг шевасида гаплашар ҳамда уларнинг тилларига оид балоғат масалалари бўйича баҳслаша олар эдилар. Бу ҳолатни кузатган саҳобалар кўпинча у зотдан бошқа шевада айтган гапларини шарҳлаб, изоҳлаб беришларини сўрашарди.
Расулуллоҳ соллаллоҳу алайҳи васалламнинг Қурайш, Ансор, Ҳижоз ва Нажд халқи билан қилган суҳбатлари Хазрамавт ва Яман подшоҳлари билан бўладиган суҳбатларига сира ўхшамас эди (яъни ул зот соллаллоҳу алайҳи васаллам подшоҳлар билан бўлган суҳбатларида ўша подшоҳларнинг тили, фасоҳати ва балоғатида гаплашардилар. Улар билан гаплашишда қўллайдиган сўзлари Қурайш ва ансорларга нисбатан ишлатадиган сўзларидан фарқ қиларди. Шу ўринда сўзлашув услублари фарқли эканини билдириш мақсадида араб тилидаги сўзларни ўзбек ёзувида ифодалаб, ёнида изоҳини келтириб ўтдик).

Расулуллоҳ соллаллоҳу алайҳи васаллам Ҳамадонга шундай мактуб ёзган эдилар: «Албатта, сизлар Ҳамадоннинг фараъи (ернинг тепаликлари), вуҳоти (пастликлари), азози (бирор киши эгалик қилмайдиган бепоён қаттиқ ерлари) га эгалик қиласизлар. Ўша жойларнинг алофи (подалар ўтлайдиган ўтлар) да подаларингиз ўтлайди ҳамда афолари (бирор киши эгалик қилмайдиган, кимсасиз жойлари) да подаларингизни боқасиз. Модомики (Ҳамадон халқи) аҳду паймон ва омонатларини (закотларини) топширар эканлар, Ҳамадоннинг дафъилари (туя, қўйлари) ва суромлари (хурмо дарахтлари ёки хурмо мевалари) гина бизга тегишлидир. Садақанинг салб (тишлари тўкилган қари туялар), ноб (қари туяларнинг урғочиси), форидуд дожин (қари сигир), кабшул ҳаворийи (қўйларнинг катта ёшли қўчқор) уларникидир. Зиммаларида садақанинг солиғи (ёши олтига тўлган қўй ва сигир) ва фориҳи (беш ёшли туя ва отни бизларга юбориш вазифаси) бор».

Расулуллоҳ соллаллоҳу алайҳи васаллам Наҳд аҳлига ҳам шунга ўхшаш мактуб ёзганлар: «Аллоҳим, уларнинг маҳди (қаймоғи) га, мазқи (қоришма сути) га баракот бер. Подачиларини дусур (унумдор, серҳосил ерлар) га юбор, подачининг самади (оз миқдордаги суви) ни мўл-кўл қилиб бер ҳамда моллари ва фарзандларига барака ёғдир. Ким намозни адо қилса, у (комил) мўмин бўлади, ким закотни берса, ғофил бўлмайди, ким «Лаа илааҳа иллаллоҳ» деб гувоҳлик берса, мусулмон бўлади. Эй Наҳд уруғи, сизлар учун вадоиъуш-ширк (урушдан кейинги ўзаро келишилган аҳду паймонлар) ва вазоиъул мулк (мулк солиқлари) лозимдир. Намоз борасида дангасалик қилманглар, закотни ман қилманглар ҳамда ҳаётда ҳақ йўлдан оғманглар».

Расулуллоҳ соллаллоҳу алайҳи васаллам наҳдликларга фарз топшириқ борасида ҳам қуйидагича мактуб ёзганлар: «Фориз (қари сигир), фариш (ёш сигир), зул инонир-рукуб (миниладиган туя), филвуз-зобис (миниш қийин бўлган тойчоқ) сизларгадир. Модомики ичингизда римоқ (нифоқ, мунофиқлик) сақлаб юрмасангиз (яъни қалбларингиз ҳаққа бўйсунишдан бош тортмас экан), рибоқ (арқон) емас экансиз (ўртамиздаги келишувни бузмас экансиз), сизларнинг сарҳларингиз (кундузи яйловда ўтлаб юрадиган подаларингиз) ман қилинмайди (ўтлашдан тўсиб қўйилмайди), толҳингиз (мевасиз дарахтларингиз) кесилмайди, шунингдек, даррингиз (сут берувчи чорваларингиз) ҳам яйловдан тўсилмайди. Ким (бизнинг айтганларимизга) амал қилса, келишувни бажарган бўлади. Ким келишувдан бош тортса, унинг зиммасига (закотдан ташқари жазо ўлароқ олинадиган) зиёда нарса юкланади».

«ИККИ ОЛАМ САРВАРИ». САЙЙИД МУҲАММАД ҲАСАНИЙ

📚@surxonmuslimuz | Диний-маърифий канал