#суннат
Бу суннат

Оиша розияллоҳу анҳу шундай деди: Муҳаммад алайҳиссалом марҳамат қилдилар: “Агар бирортангиз таом тановул қилса, “Бисмиллоҳ”ни айтсин, агар эсидан чиқарса, у ҳолда эсига тушганда “Бисмиллоҳи аввалаҳу ва охираҳу” (“Аввали ва охирида Аллоҳ номи билан”), деб айтсин” (Абу Довуд ва Термизий ривоятлари).
Жобир розияллоҳу анҳу ривоятида: “Муҳаммад алайҳиссаломнинг шундай деганларини эшитдим. “Киши уйига кирганида ва таом тановул қилиш олдидан Аллоҳ номини зикр этса, шайтон ўз шерикларига: "Бу ерда бугун қололмайсиз ва тановул ҳам қилолмайсиз”, дейди. Киши агар уйига кириб, Аллох номини зикр этмаса, унда шайтон "Бу уйда қола оласиз”, агар таомланишдан олдин ҳам Аллоҳ номини зикр этмаса, "Бугун бу ерда тановул ҳам қила оласиз”, дейди”, деб келтирилган (Муслим ривояти).

🕌 МАСЖИДГА БОРИШДА БАЖАРИЛАДИГАН СУННАТЛАР

⏱ 1. Намозга эрта бориш.
Расулуллоҳ соллаллоҳу алайҳи васаллам айтадилар: “Одамлар азонда ва биринчи сафда нима борлигини билганларида эди, унга фақат қуръа ташлаш билан эришишдан бошқа илож бўлмаса, албатта қуръа ташлар эдилар. Таҳжир[1]да нима борлигини билганларида, унда кимўзар қилар эдилар. Хуфтон ва Бомдод намозларида нима борлигини билганларида, эмаклаб бўлса ҳам келган бўлар эдилар” (Имом Бухорий ривояти).

🤲 2. Масжидга бориш дуосини ўқиш.
اللَّهُمَّ اجْعَلْ في قَلْبِي نُوراً، وفي لِسانِي نُوراً، وَاجْعَلْ في سَمْعِي نُوراً، وَاجْعَلْ في بَصَري نُوراً، وَاجْعَلْ مِنْ خَلْفِي نُوراً، وَمِنْ أمامي نُوراً، وَاجْعَلْ مِنْ فَوْقي نُوراً وَمِنْ تَحْتِي نُوراً، اللَّهُمَّ أعْطِني نُوراً

“Аллоҳумма, ижъал фий қолбий нурон ва фий лисаний нурон, важъал фий самъии нурон, важъал фий басории нурон, важъал мин холфий нурон ва мин амаамий нурон, важъал мин фавқий нурон ва мин таҳтий нурон. Аллоҳумма аътиний нурон”

“Аллоҳим! Қалбимда нур қилгин, тилимда нур қилгин, қулоғимда нур қилгин, кўзимда нур қилгин, олдимдан нур қилгин, ортимдан нур қилгин, устимдан нур қилгин, остимдан нур қилгин. Аллоҳим, менга нур ато этгин” (Имом Муслим ривояти).

✅ 3. Сакинат ва виқор билан юриш.
Набий соллаллоҳу алайҳи васаллам айтадилар: “Иқоматни эшитсангиз, намозга сакинат[2] ва виқор[3] билан юриб келинглар” (Имом Бухорий, Имом Муслим ривояти). ᅠ
➡️ БАТАФСИЛ

Muslim.uz
@muslimuzportal | @Muftiy_Nuriddin_domla | @mp3muslim | @diniysavollar

#40_sunnat #суннат