Surxonmuslim.uz

#Раддия

Сохта салафийларнинг дангасалик билан номоз ўқиймадиганларни кофирга чиқариши ва унга раддия.

Абдуллоҳ ибн Умар розияллоҳу анҳумодан ривоят қилинади: «Расулуллоҳ соллаллоҳу алайҳи ва саллам: «Қай бир киши биродарига «эй кофир» деб айтса, (у сўз) икковларидан бирига қайтади. Агар у ўша айтган сўзидек бўлса, (кофирдир). Борди-ю, ундай бўлмаса, (айтувчининг) ўзига қайтади», дедилар» (Бухорий ва Муслим ривояти).
Ушбу ҳадиснинг зоҳирига биноан мусулмонга қарата «эй кофир» деган кишининг ўзи кофир бўлади, деганлар ҳам бор. Аммо жумҳур уламо «Сўкиниш ниятида айтган бўлса, кофир бўлмайди-ю, лекин таъзирга мустаҳиқ бўлади. Мабодо сўкиниш нияти билан эмас, балки ўша мусулмонни ҳақиқатан кофир деб эътиқод қилган бўлса, унда бу сўзни айтувчининг ўзи кофир бўлади» деган. Аммо, минг афсуски, ҳозирги кунда «бенамозлар кофирдир» деювчилар сўкиниш ниятида эмас, балки уларни ҳақиқатан имонсиз деб эътиқод қилишмоқда.
Ақоид китобларимизда келтирилишича, жумҳур аҳли суннат қибла аҳлини куфрга ҳукм этмасликка қарор қилишган. Имом Аъзам Абу Ҳанифа раҳимаҳуллоҳ «Ал-Фиқҳул акбар»да бундай дейди:Биз бирорта мусулмонни бирор гуноҳ сабабли, гарчи у кабира бўлса ҳам, Модомики гуноҳни ҳалол ҳисобламас экан, кофир демай миз. Ва ундан имон исмини олиб ташламаймиз Балки уни ҳақиқатан мўмин деб атаймиз. Киши кофир эмас, балки фосиқ мўмин бўлиши мумкиндир».
Ушбу матн шарҳида Али Қори айтади: «Имом Абу Ҳанифа бу сўзларни қибла аҳлини, гарчи у аҳли бидъат бўлса ҳам, кофир деб ҳукм қилиш мумкин эмаслигини билдириб қўйиш ниятида келтирганлар». «Мулҳақот»да Али Қори Имом Абу Ҳанифанинг «Аҳли қибладан бирортасини кофирга чиқармадик» деган сўзларини ҳам нақл қилган

✍✍Узун тумани "Домла Маҳмуд" жомеъ масжиди имом-хатиби Сирожиддин Самадов

♻️ Дўстларингизга ҳам улашинг!!!
👉 https://t.iss.one/surxonmuslimuz