🇺🇿🇺🇿🇺🇿🇺🇿🇺🇿

Joy nomlari tarixiga nazar

🇺🇿 Respublikamizning hududlaridagi Joy nomlari, tarixi, geografik joylashuvi sizga qiziq bo‘lsa, Davlat kadastrlari palatasi Axborot xizmati Geografik obyektlar nomlarining ekspertizasi bo‘limi bilan hamkorlikda navbatdagi Jayraxona qishlog'i haqidagi ma'lumotlarni taqdim etadi:

🇺🇿 JАYRАXONА - Kitob tumanidagi qishloq nomi bo'lib, Toʼra Nafasovning “Qashqadaryo qishloqnomasi” kitobida yozilishicha, jayra yashaydigan joy, toʼqay yaqinidagi qishloq Jayraxona deyilgan.

◼️Mahalliy aholining fikriga ko'ra esa, bu joylarda jayralar yashamagan. Bir paytlar Jayraxonaga kiraverishdagi Gʼortepani qalandarlar makon qilib, baland ovozda zikr aytishgan. Shu sababli odamlar bu joyni Jahrxona deyishgan. Ovoz chiqarib qilinadigan zikr jahr deyilgan. Keyinchalik soʼz tarkibida oʼzgarishlar boʼlib, Jahrxona Jayraxonaga aylangan.

◼️Shu yerlik 80 yoshdan oshgan Аlijon ota Ochilov Jayraxona qishlogʼi nomi boʼyicha yana bir fikr bildirgan. Unga ko'ra, hududdagi Yaltirtepa tepaligi va uning atrofi yaylovlardan iborat boʼlgan. Yoz oylari choʼllik jelovchi shevada gapiruvchilar qoʼy-qoʼzilarini olib kelib boqishgan va joyni “Jaylovxona” deyishgan. Jayraxona soʼzi aynan Jaylovxonadan kelib chiqqan boʼlishi ham mumkin.

#DavKadastrPalata #toponimika #joy_nomlari

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter