O‘zbekiston Respublikasi Prezidenti, Qurolli Kuchlar Oliy Bosh Qo‘mondoni Shavkat Mirziyoyev Surxondaryo viloyatidagi harbiy qismga tashrif buyurdi.

Davlat rahbari harbiy qismda yaratilgan sharoitlar, chegarani qo‘riqlashda qo‘llanilayotgan harbiy texnika va qurol-aslahalarni ko‘zdan kechirdi. Bunda uchuvchisiz uchish apparatlarining ahamiyati alohida taʼkidlandi, ularni ishlab chiqarish masalalari muhokama qilindi.

Qurolli Kuchlarimizning salohiyatini oshirish va moddiy-texnik bazasini mustahkamlash, shaxsiy tarkibning shayligi, zamonaviy qurol-aslahalar, uchuvchisiz uchish apparatlarini boshqarish hamda ularga texnik xizmat ko‘rsatish bo‘yicha amalga oshirilayotgan ishlar haqida maʼlumot berildi.

Davlatimiz rahbariga “Bayraktar TB2” razvedka-zarba uchuvchisiz uchish apparatining parvozi namoyish etildi.

Telegram I Facebook I Instagram I YouTube

Uch yil oldin Surxondaryoda elektr generatsiyasi bor-yo‘g‘i 30 megavatt bo‘lgan.

Bu borada 165 million dollar investitsiya evaziga “To‘palang” GESni modernizatsiya qilish, “Zarchob-1” va “Zarchob-2” GESlarini ishga tushirish orqali quvvatlar 251 megavattga yetkazildi. Ularga qo‘shimcha yana bir loyiha – “Zarchob-3” GES qurilishi ham boshlanayapti.

Bu hali boshlanishi, dedi Prezident. To‘palang daryosining yuqori oqimida umumiy quvvati 265 megavatt bo‘lgan yana 20 ta GES qurish imkoniyati bor.

Shu bilan birga, 1 milliondan ortiq voha aholisi uchun toza ichimlik suvi orzu bo‘lib kelayotgandi. Qanchalik qiyin bo‘lmasin, “To‘palang” suv omboridan Termiz shahri va 11 ta tumanga toza ichimlik suvi olib kelinayapti. Mazkur loyiha to‘liq ishga tushgach, 2 million aholida tunu-kun toza ichimlik suvi bo‘ladi.

Telegram I Facebook I Instagram I YouTube

Келгуси йили вилоятда 1,5 миллиард доллар инвестиция олиб келиб, саноатда 12 триллион сўм маҳсулот ишлаб чиқариш, 500 миллион долларлик экспортни амалга ошириб, 100 миллион доллар импортни қисқартириш, камида 500 минг хорижий сайёҳга хизмат кўрсатиш учун шароит яратиш, 400 минг аҳолини банд қилиш вилоят, туман ҳокимларининг асосий вазифаси бўлиши кераклиги таъкидланди.

Энг асосий масала – инвестиция ва саноат. Бунда энг катта захира мавжуд конларни ишга солишдир.

Сариосиёдаги "Чинорсой" полиметалл конида қўрғошин, рух ва олтин, "Хўжа-осмин" конида оқ мармар, Бойсун ва Сариосиёда кўмир, Шерободдаги “Хўжаи-кон” конида калий ўғити захираларини ўзлаштириш бўйича мутасаддиларга тегишли топшириқлар берилди.

Тоғ-кон саноати ва геология вазирлиги олдига вилоятнинг тоғли ҳудудларида геология-қидирув ишларини кенгайтириш вазифаси қўйилди.

Facebook|Instagram|Twitter

🇺🇿1991 yil 18 noyabr – O‘zbekiston Respublikasining Davlat bayrog‘i qabul qilingan kun.

Kadastr agentligi hamda Davlat kadastrlari palatasi Surxondaryo viloyati boshqarmalari jamoasi siz aziz yurtdoshlarimizni vatanimizning muqaddas ramzi – Davlat bayrog‘i qabul qilingan kun munosabati bilan samimiy qutlaydi.

Telegram I Facebook I Instagram I YouTube

Viloyatning qishloq xo‘jaligidagi imkoniyatlari tahlil qilinar ekan, Surxondaryo o‘zining tabiiy tuproq-iqlim sharoiti bilan ertaki mahsulotlarni yetishtirishda birinchi o‘rinda bo‘lishi kerakligi taʼkidlandi.

Lekin, hosildorligi yuqori urug‘ va ko‘chat bilan taʼminlash hamda yetishtirilgan mahsulotni sotib olishda muammolar borligi ko‘rsatib o‘tildi. Shu bois, Qishloq xo‘jaligi vazirligiga 10 ta tumanda in vitro laboratoriyalarini tashkil qilish topshirildi.

Kelgusi yilda dala chetlarida 100 ta mini quritish, saralash va qadoqlash uskunalari hamda 70 ta kichik sovutkichlar o‘rnatiladi. Buning uchun yerlar dehqonlarga tekin beriladi.

100 ming gektarda ixcham parniklar tashkil qilib, barra piyoz, brokkoli, rozmarin, rukkola, timyan, qizil rayhon, yalpiz kabi eksportbop ekinlar yetishtirish mumkinligi taʼkidlandi.

Telegram I Facebook I Instagram I YouTube

Йиғилишда вилоятда ечимини кутаётган ижтимоий муаммолар ҳам етарли экани таъкидланди.

Иш ўрни яратиш, камбағалликни қисқартириш, инвестиция олиб келиб, тадбиркорликни ривожлантириш сиёсати барча туманларга ҳам ҳали кириб келмагани таъкидланди. Бунда ҳокимларнинг биринчи ўринбосарлари ва ҳоким ёрдамчиларининг иши сустлиги кўрсатиб ўтилди.

Вилоятдаги 724 та маҳаллага 1 минг 390 та тиббий бригадалар бириктирилган. Лекин улар касалликнинг сабаби билан эмас, кўпроқ оқибати билан шуғулланаётгани кўрсатиб ўтилди.

Ҳар бир маҳаллада фитобарлар, дорихоналарда фитобурчаклар ташкил қилиш, халқ табобати бўйича қисқа курслар ўтказиш, уй шароитида қилинадиган машқлар дастури ва соғлом овқатланиш менюсини ишлаб чиқиш муҳимлиги таъкидланди.

Маҳалласида бу борада яхши натижа кўрсатган тиббиёт бригадалари рағбатлантирилиши белгиланди.

509 та мактаб, Она ва бола маркази, болалар кардиохирургия бўлими ва 44 та оилавий шифокорлик пунктини жиҳозлаш ва таъмирлаш чоралари кўрилиши таъкидланди.

Шунингдек, вилоятдаги 1,6 миллион ёшлар билан алоҳида шуғулланиш, ҳар бир хонадон, маҳалла ва таълим даргоҳига барқарор ижтимоий кайфият, келажакка ишонч, касб, тил эгаллаш, энг муҳими, меҳнат орқали яхши ҳаётга интилиш муҳити кириб бориши кераклиги таъкидланди.

Facebook|Instagram|Twitter

Президентнинг Сурхондарёга ташрифи: воҳанинг улкан имкониятлари, ерости бойликлари, бағрикенг ва меҳнаткаш халқнинг бунёдкор салоҳиятини тўлиқ рўёбга чиқариш йўлида
—
Поездка Президента в Сурхандарью: во имя полномасштабного задействования колоссальных возможностей, подземных богатств области, созидательного потенциала его великодушного и трудолюбивого народа

Prezident.uz|Facebook|Instagram|YouTube|Twitter

🇺🇿Bugun — Oʻzbekiston Respublikasining Davlat bayrogʻi qabul qilingan kun

Koʻkda hilpirab turgan Vatan bayrogʻi... U — ulugʻlik, birdamlik timsoli. Qanot yozgan ezgu orzu-maqsadlarimizning yorqin ifodasi. Gʻururimiz, iftixorimiz, or-nomusimiz ramzi...

Biz shu zaminni Vatan atadik, har hovuch tuprogʻini muqaddas bildik. Bu yurt esa bizga beshik boʻldi, bagʻriga oldi, ulgʻaytirdi, kamolga yetkazdi.

Davlatimiz bayrogʻida qadimiy oʻtmishimiz mujassam, bugunimiz zohir, kelajagimiz ifodalangan. Vatanni qanday sevsak, bu ulugʻ timsolni ham shunday qadrlash, ardoqlash — burchimiz.