​​RASMIY MUNOSABAT

«Telegram» ijtimoiy tarmog‘ining « EFFECT.UZ saytining rasmiy Telegram kanali orqali “ Masjid uchun ajratilgan yer “tuya” qilinganmi?” sarlavhasi ostida qilgan murojaatlar yuzasidan Davlat kadastrlari palatasi Surxondaryo viloyati boshqarmasi mutaxassislari tomonidan o‘rganilib chiqildi.

🔵O‘rganish jarayonida Guliston SIU, Uzunqishloq mahallasi hududidan 1200.0 kv.m yer maydoni Uzunqishloq mahallasi oqsoqollar yig‘inining 20.04.1995 yildagi 20-sonli majlis bayoniga asosan fuqaro O‘.Xidirov shaxsiy mablag‘i hisobidan masjid qurish uchun ajratilganligi, lekin o‘sha vaqtda masjidlarni faoliyati to‘xtatilganligi sababli fuqaro K.Xidirova tomonidan tadbirkorlik qilish maqsadida Uzun tumani hokimining 22.09.2009 yildagi №419-sonli qarori bilan “Maishiy xizmat ko‘rsatish shaxobchasi” qurishga ruxsat berilganligi, fuqaro K.Xidirova o‘z mablag‘i hisobidan 16.07x6.50=104.45 kv.m hajmda maishiy xizmat nuqtasi qurib, Uzun tumani hokimining 24.01.2020 yildagi “qurib bitkazilgan binoga bo‘lgan mulk huquqini tan olish haqida”gi №q-68-sonli qarori tasdiqlanib 24.02.2020 yilda №10862: 10145 raqami bilan davlat kadastr ro‘yxatidan o‘tkazilgan.

🔵 Ushbu “Maishiy xizmat ko‘rsatish nuqtasi” joyi amalda 922.98 kv.m bo‘lib, 2020-yil 06-mart kunidagi Obyektni qayta ixtisoslashtirish va rekonstruksiya qilishga ruxsatnomasiga asosan 400.0 kv.m joyi turar joy toifasiga o‘tkazilgan. Uzun tumani notarial idorasining 12.03.2021 yildagi oldi sotdi shartnomasiga asosan 400.0 kv.m yer maydoni va 52.26 kv.m qurilish maydonidan iborat turar joy fuqaro M.Xujamqulovaga sotilgan va kadastr hujjatlari shakllantirib, davlat kadastr ro‘yxatidan o‘tkazilganligi aniqlandi.

🔵 Yuqoridagilardan kelib chiqib, mazkur masala yuzasidan belgilangan tartibda fuqarolik ishlari bo‘yicha tumanlararo sudga shikoyat tartibida murojaat qilish huquqi borligi, hamda ushbu javob xatidan norozi bo‘lgan taqdirda, O‘zbekiston Respublikasi "Jismoniy va yuridik shaxslarning murojaatlari to‘g‘risida" Qonuning 33-moddasiga muvofiq, yuqori turuvchi organlarga murojaat qilish huquqi borligini maʼlum qilinadi.

🌟Davlat kadastrlari palatasi Surxondaryo viloyati
Axborot xizmati.
🌐Telegram 💬Facebook 📸Instagram 📹YouTube