“Jadid tafakkuri” stipendiyasi tanlovi g‘oliblari aniqlandi

Bugun Adliya vazirligi tizimdagi ta’lim muassasalari talaba-o‘quvchilari ilk bora o‘rtasida o‘tkazilgan “Jadid tafakkuri” stipendiyasi tanlovi g‘oliblari aniqlandi.

Marhamat, ular bilan tanishing:

Yuridik texnikumlar va akademik lisey o‘quvchilari o‘rtasida:

1-o‘rin  Qodirova Go‘zal Qodir qizi
2-o‘rin: Turg‘unboyev Abdulhoshim Ikromjon o‘g‘li
3-o‘rin: Rahimova Anajon Otabek qizi

TDYUU va Ixtisoslashtirilgan filial talabalari o‘rtasida:

1-o‘rin  Zayniyev Mujohid Halimjon o‘g‘li
2-o‘rin: Murodillayeva Sevinch Mahmudjon qizi
3-o‘rin: Xolbekova Muxlisa Xolbek qizi.

Gʻoliblarni qutlaymiz va ularning kelgusi ishlarida omad tilaymiz!

🏢 Surxondaryo viloyat adliya boshqarmasi

#Конституцияга_30_йил

✅ Ҳамма учун виждон эркинлиги кафолатланади. Ҳар бир инсон хоҳлаган динга эътиқод қилиш ёки ҳеч қайси динга эътиқод қилмаслик ҳуқуқига эга. Диний қарашларни мажбуран сингдиришга йўл қўйилмайди.

Ўзбекистон Республикаси Конституцияси, 31-модда

Каналга уланиш👇👇👇
https://t.iss.one/huquqiyaxborot

#Bilasizmi

✅ 14 yoshgacha bolalari bo'lgan oilalarga nafaqa hamda bola 2 yoshga to'lguniga qadar uni parvarish qilish nafaqasi o'rniga kam ta'minlangan oilalarga bolalar nafaqasi joriy etilgan.

📌 Bolalar nafaqasi 18 yoshgacha bolalar uchun 12 oygacha to'lanadi.

🔰 Bolalar nafaqasining har oylik miqdori quyidagicha:

● 3 yoshdan 18 yoshgacha 1 nafar farzand uchun – 250 ming so'm;
● 3 yoshgacha bo'lgan bitta kichik farzand uchun – 325 ming so'm;
● oilaning ikkinchi farzandi uchun qo'shimcha – 150 ming so'm;
● oilaning uchinchi va undan keyingi har bir farzandi uchun – 100 ming so'mdan.

☑️ Yolg'iz fuqarolarga, farzandi bo'lmagan yoki barcha farzandlari 18 yoshdan katta bo'lgan kam ta'minlangan oilalarga oylik 380 ming so'm moddiy yordam tayinlanadi.

🏢 Surxondaryo viloyat adliya boshqarmasi

#Диққат_танлов

🇺🇿 Умуммиллий Конституция имтиҳони ўтказилади

Ўзбекистон Республикаси Конституциясининг 30 йиллиги муносабати билан Адлия вазирлиги ва Ёшлар ишлари агентлиги томонидан Умуммиллий Конституция имтиҳони ўтказилади.

✅ Имтиҳонда барча иштирок этиши мумкин.

📝 Танловда иштирок этиш учун 8-dekabr.adliya.uz сайтида рўйхатдан ўтилади (15 ноябрдан 25 ноябрь 23:59 гача).

🔰 Танлов қуйидаги 2 босқичда 3 та тоифа учун алоҳида ташкил этилади:

1️⃣-босқич – тест синовлари:

▫️ умумтаълим мактаб, академик лицей ва техникум ўқувчилари учун – 26 ноябрь соат 9:00 дан 14:00 гача;
▫️ ҳуқуқшунослар ва олий таълим муассасаларида ҳуқуқшунослик мутахассислиги бўйича ўқиётган талабалар учун – 27 ноябрь соат 9:00 дан 14:00 гача;
▫️ бошқа барча фуқаролар учун – 28 ноябрь соат 9:00 дан 14:00 гача;

2️⃣-босқич – суҳбат.

➡️ Тест синовида 8-dekabr.adliya.uz сайти орқали онлайн тарзда иштирок этилади.

☑️ Тест синови 20 та тест саволи ва 1 та ижодий саволдан иборат. Тест саволларига энг қисқа муддатда тўғри жавоб берган иштирокчилар орасидан 30 нафари танлаб олиниб, уларнинг ижодий саволга жавоблари кўриб чиқилади.

❕Баҳолаш натижасига кўра, энг юқори балл тўплаган 10 нафар иштирокчи кейинги босқичга ўтади.

⏩ Иккинчи босқич (суҳбат) 8 декабрь – Конституция байрами арафасида ташкил этилади.

🖥 Суҳбат жараёнлари онлайн трансляция қилинади.

🎁 Ғолиблар диплом ва қуйидаги қимматбаҳо совғалар билан тақдирланади:

▫️1-ўрин – ноутбук;
▫️2-ўрин – телевизор;
▫️3-ўрин – микротўлқинли печ.

⚠️ Танловда фақат битта аккаунтдан иштирок этишга рухсат этилади.

❗️Иштирокчи кейинги босқичга ўтиш вақтида турли аккаунтлардан қатнашган ҳолатлар аниқланган тақдирда, натижасидан қатъи назар, имтиҳондан четлаштирилади.

Каналга уланиш👇👇👇
https://t.iss.one/huquqiyaxborot

Русланбек Давлетов: Адлия вазирлиги тизимидаги касбий фаолиятим ниҳоясига етмоқда!

Беш йил давомида меҳнатсевар, шижоатли, ватанпарвар ва билимли ҳамкасблар билан юртимиз равнақи, халқимизни рози қилиш йўлида биргаликда ишладик, бир-биримиздан кўп нарса ўргандик.

Бу давр мобайнида фойдали лойиҳаларни амалга оширишга ҳаракат қилар эканмиз, кўп натижалар бўлди, қийинчиликларга ҳам дуч келдик, амалга ошмаган айрим ғояларимиз ва лойиҳаларимиз ҳам йўқ эмас. Албатта, бу табиий.

Ҳурматли ҳамкасблар! Адлия вазирлиги жамиятимизнинг ривожланишида жуда муҳим ўрин тутувчи бўғиндир: замонавий қонунчилик, фуқаролар ҳуқуқлари, давлат бошқарувининг такомиллашуви, бюрократияга қарши кураш, бир кунда 100 минглаб аҳолига 250 дан ортиқ хизматлар кўрсатиш – барчаси аҳамиятли.

Шундай экан ушбу вазирлик фаолияти ҳар доим жамоатчилик назоратининг диққат марказида бўлиши, ходимлар эса ўзларини ислоҳ қилиб, жамият учун енгилликлар яратиш йўлида янада самаралироқ ишлаши керак.
Шу фурсатда барчангизга, жумладан креатив, жўшқин ҳамда серқирра қобилиятга эга билимли ёшлар ва хотин-қизларимизга, биргаликдаги фаолият учун миннатдорчилик билдираман.

Тиниб-тинчимас журналистлар, кенг жамоатчиликнинг конструктив ёндашуви ва танқиди бизни ҳушёр тортишга ундаганини тан олишимиз керак. Бу ҳар бир жамият ривожи учун энг зарур мулоқот.

Ҳар қадамда объектив бўлишга максимал даражада ҳаракат қилдик, қаттиқ кадр сиёсати юритдик, меритократия принципларини кадрлар танлашда фаол қўлладик. Ўйлайманки, ўтган йиллар давомида шаклланган қадриятлар бундан кейин ҳам Адлия вазирлигида давом этади ва янада ривожланади. Чунки янги раҳбар ҳам, аминманки, ушбу принципларга содиқ ишлайдиган тажрибали ва билимли инсон.
Давлат раҳбари томонидан катта ишонч билдирилиб, ўз меҳнат фаолиятимни маслаҳатчи лавозимида давом эттиришга киришар эканман, бу жуда катта масъулият ва жавобгарлик эканини чуқур ҳис қилиб турибман.

Буюк Ўзбекистон халқи учун давлат тузилмаларида хизмат қилиш мен учун энг катта бахтдир.

Кейинги фаолиятимда ҳам қадриятларимизга сидқидилдан меҳнат қилиб, барча ватанини севувчи ватандошларимиз билан самарали ҳамкорликда ишлашга умид қиламан.
Ҳаммага толе ёр бўлсин! Юртимиз тинч ва ривожланишимиз барқарор бўлсин! Янги вазирга омадлар тилаймиз!

#meningadliyam