#Qonunchilikdagi_yangiliklar

Ikkinchi jahon urushi qatnashchilari, faxriylariga qo'shimcha to'lov va kompensatsiya beriladi

“Ikkinchi jahon urushi qatnashchilari va faxriylarining moddiy ta'minotini yaxshilash hamda yolg'iz keksalar va nogironligi bo'lgan shaxslarni qo'llab-quvvatlash tizimini yanada takomillashtirish to'g'risida”gi Prezident qarori (PQ–274-son, 08.06.2022-y.) qabul qilindi

✅ Qarorga muvofiq:

🔸1941–1945 yillardagi urush faxriylari va fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan fuqarolarga, shuningdek, o'zgalar parvarishiga muhtoj bo'lgan yolg'iz keksalar va nogironligi bo'lgan shaxslarga bepul yetkazib beriladigan oziq-ovqat mahsulotlari hamda gigiyena tovarlari o'rniga har oyda BHMning 1 baravari (300 ming so'm) miqdorida qo'shimcha to'lov to'lab boriladi;

🔸1941–1945 yillardagi urush faxriylari va fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan fuqarolarga bepul yetkazib beriladigan zarur kiyim-kechak va poyabzallar o'rniga kiyim-kechak xaridi uchun har yili avgust oyida BHMning 15 baravari (4 mln 500 ming so'm) miqdorida to'lanadigan kompensatsiya joriy etiladi.

➡️ Bunda, qo'shimcha to'lov Tibbiy-ijtimoiy xizmatlarni rivojlantirish agentligi tomonidan pensiyalarni va nafaqalarni tayinlashga mas'ul bo'lgan tashkilotga o'zgalar parvarishiga muhtoj bo'lgan yolg'iz keksalar yoki nogironligi bo'lgan shaxslar to'g'risida taqdim etiladigan ma'lumotlar asosida amalga oshiriladi.

#Diqqat_loyiha

✅ Moliyaviy sanksiyalar sud tomonidan qo'llanilishi belgilanadi (soliqqa tortish va bank sohalaridagi sanksiyalar bundan mustasno).

📌 Tadbirkorlik kodeksi loyihasi muhokamasi davom etmoqda. Ushbu havola orqali loyiha muhokamasida faol ishtirok eting: https://regulation.gov.uz/oz/d/61999

#Qonunchilikdagi_yangiliklar

Mutaxassisligi bo'yicha 5 yil ish stajiga ega xotin-qizlar tavsiyanoma asosida o'qishga qabul qilinadi

Hukumat qarori (322-son, 09.06.2022-y.) bilan tasdiqlangan nizomga ko'ra, mutaxassisligi bo'yicha kamida 5 yil mehnat staji mavjud, biroq oliy ma'lumotga ega bo'lmagan xotin-qizlar davlat OTMga alohida qabul parametrlari (jami 500 ta kvota) doirasida to'lov-kontrakt asosida o'qishga qabul qilinadi.

➡️ Bunda o'qishga qabul qilish Oila va xotin-qizlar davlat qo'mitasi tavsiyanomasi asosida amalga oshiriladi.

🔰 Tavsiyanoma olish uchun talabgor quyidagi mezonlarning barchasiga muvofiq kelishi kerak:

▫️o'rta maxsus yoki professional ta'lim bo'yicha mutaxassislikka ega bo'lishi;
▫️tavsiyanoma olgunga qadar oliy ta'lim olmaganligi yoki olmayotganligi;
▫️o'rta maxsus yoki professional ta'lim mutaxassisligi bo'yicha 5 yillik mehnat stajiga ega bo'lishi.

🗓 Tavsiyanoma berilgan kundan boshlab 3 yil davomida faqat bir marta OTMga qabul qilinishi uchun amal qiladi.

📋 Tavsiyanoma olish uchun talabgor doimiy yashash yoki vaqtincha ro'yxatda turgan joyidagi tuman (shahar) oila va xotin-qizlar bo'limlariga har yili 1-maydan 1-iyungacha ariza bilan murojaat qiladi.

⏳ Ariza va hujjatlar 7-iyungacha ko'rib chiqiladi.

❕Shunga ko'ra, ishchi guruh xulosasi 10-iyungacha Qo'mitaga taqdim qilinadi.

🔘 Hujjatlar Qo'mita tomonidan 14-iyungacha ko'rib chiqilib, tavsiyanoma berish yoki uni rad etish to'g'risida buyruq chiqariladi.

Ishchi guruh har yili 15-iyungacha tavsiyanoma talabgorlarga yetkazilishini ta'minlaydi.

☑️ Tavsiyanomaga ega xotin-qizlar uchun tanlovlar umumiy tartibda davlat OTMning bakalavriatiga o'qishga qabul qilish bo'yicha kirish imtihonlari (test sinovi, kasbiy (ijodiy) imtihon) doirasida o'tkaziladi.

📌 Kirish imtihonlari yakuniga ko'ra talabalikka tavsiya etilmagan, biroq to'plash mumkin bo'lgan eng yuqori ballning 30 foizidan kam bo'lmagan ballni to'plagan tavsiyanomaga ega xotin-qizlar ballar ketma-ketligiga qat'iy rioya etilgan holda to'lov-kontrakt asosida o'qishga tavsiya etiladi.

#Adliya_aralashuvi_bilan

Uzun tuman adliya bo‘limi tomonidan tumanning veterinariya va chorvachilikni rivojlantirish bo‘limida ishlovchi 10 nafar fuqaroning 2019-yilning
3-4-choraklari davomida ko‘p yillik xizmatlari uchun qat’iy belgilangan lavozim maoshiga qo‘shimcha ustama pul mablag‘lari to‘lab berilmaganligini aytib, qonuniy tartibda undirib berilishida amaliy yordam so‘rab qilgan murojaatlari o‘rganib chiqildi va o‘rganish natijalariga ko‘ra, fuqarolik ishlari bo‘yicha Sariosiyo tumanlararo sudiga da’vo arizalari kiritilib, 11 184 900 so‘m miqdoridagi ustama pullarini undirib berish yuzasidan sud buyruqlari chiqarildi.

Kanalga ulanish👇👇👇
https://t.iss.one/surxondaryoadliya

#Adliya_aralashuvi_bilan

Boysun tuman adliya bo‘limi tomonidan joriy yilning may oyida “Sog‘liqni saqlash va ta’lim tizimi xodimlarining huquqlarini himoya qilish” huquqiy aksiyasi doirasida o‘tkazilgan sayyor qabul davomida fuqarolardan kelib tushgan og‘zaki murojaatlar bo‘yicha tuman tibbiyot birlashmasiga taqdimnoma kiritilib, natijalariga ko‘ra birlashma ko‘p tarmoqli markaziy poliklinikasining 2 nafar patronaj va bolalar bo‘limi hamshiralarining har biriga 598 400 so‘mdan jami 1 795 200 so‘m miqdoridagi safar xarajat pullari to‘lab berilishi ta’minlandi.

Kanalga ulanish👇👇👇
https://t.iss.one/surxondaryoadliya

#Davlat_xizmatlari

Yana bir yangi xizmat ishga tushdi!

Hukumat qarori (317-son, 07.06.2022-y.) bilan tasdiqlangan davlat xizmati koʻrsatishning maʼmuriy reglamentiga asosan:

👶🏻Bolalarni sogʻligʻiga zarar yetkazuvchi axborotdan himoya qilish sohasidagi ekspertlarni akkreditatsiya qilish boʻyicha davlat xizmati ishga tushurildi.

Ariza beruvchi DXMga bevosita yoki Yagona interaktiv davlat xizmatlari portali (YIDXP) orqali elektron murojaat qiladi.

🔹 Ariza beruvchi oliy maʼlumotga, pedagogika, yoshga oid psixologiya va fiziologiya, bolalar psixiatriyasi sohalarida bilimlarga (diplom yoki sertifikatga) ega boʻlishi kerak.

🔹 Soʻrovnoma toʻldirilgandan so'ng, 7 ish kunida oʻrganib chiqiladi.

🔹Ariza beruvchini akkreditatsiya qilish toʻgʻrisida qaror qabul qilingach, talabgor 1 kun ichida akkreditatsiyadan oʻtkaziladi.

🔹Ekspert akkreditatsiya qilinganligi toʻgʻrisida guvohnoma 5 yil muddatga beriladi.

📌 Mazkur davlat xizmatlari koʻrsatilganligi uchun yigʻim undirilmaydi.

@adliyangiliklari

#Қонунчиликдаги_янгиликлар

📋 Исҳоқхон Ибрат номидаги Наманган давлат чет тиллари институтида ташкил этиладиган бакалавриат таълим йўналишлари ва магистратура мутахассисликлари рўйхати

Каналга уланиш👇👇👇
https://t.iss.one/huquqiyaxborot

​#Adliyaspartakiadasi

Ruslanbek Davletov: Biz katta adliya jamoasimiz — sport esa bizni yanada jipslashtiradi!

“Yurtimizda jismoniy tarbiya va sportni ommalashtirish, ayniqsa, xodimlarimiz o‘rtasida sog‘lom turmush tarzini targ‘ib qilish va jamoaviy ruhni kuchaytirish maqsadida Adliya vazirligi tizimida birinchi marta “Adliya spartakiadasi”ga start berdik.

Spartakiadada markaziy apparat va hududiy adliya organlaridan 135 nafar ishtirokchi sportning 10 turi bo‘yicha o‘zaro bellashadi.

Biz barcha ishtirokchilar o‘zidagi bor salohiyatni to‘liq namoyon etib, musobaqalarda eng so‘nggi soniyalargacha sog‘lom raqobat ruhida kurash olib borishiga ishonamiz. Biz kutgan natija aynan mana shu — o‘zaro sog‘lom va adolatli muhitni yanada kuchaytirish.

G‘oliblar musobaqa mezonlaridan kelib chiqib o‘z ishtiroki, erishgan natijasiga qarab munosib taqdirlanadi. Eng katta yutuq esa — bizning jipsligimiz, maqsadga tomon oxirigacha intilishimiz va eng yuksak marralarni ham qo‘rqmay oldimizga qo‘yishga ishonchimiz bo‘ladi.

Haqiqiy adliyacha timbilding!

Adliya xodimi deganda ham ishda, ham oilada, ham sportda, umuman jamiyat hayotida boshqalarga namuna bo‘ladigan ko‘p qirrali shaxs ko‘z oldimizda gavdalanishi kerak. Biz adliyachilarni shunday tasavvur qilamiz va shunga intilamiz.

Ishonamizki, bu kuchli start bo‘ladi: xodimlarimiz sport bilan bundan keyin ham doimiy shug‘ullanib borishadi”.

Ruslanbek Davletov,
adliya vaziri.

@adliyangiliklari