Саҥа дьыллааҕы бэлэх💫💫💫

🔹Тойбохойго Сунтаардааҕы дьиэ кэргэҥҥэ иитиигэ көмөнү оҥорор киин саҥа дьылы көрсөөрү бэлэмнэнэр. Таһырдьаттан күлүмүрдэс уотунан киэргэтиллэн, дьиэ иһэ сырдык, сылаас, иһирэх. Манна билигин 5 сааһыттан 16-гар диэри саастаах, барыта 27 иитиллээччи баар.

🔹Оҕолор оскуола, нэһилиэк олоҕор олус көхтөөхтөр, үөрэхтэригэр кыһаллыгастар, ситиһиилэрэ үгүс. Биир бастыҥ көрдөрүүлээх оҕонон Зафар Решетников буолар. Кини отой кыра сааһыгар Чурапчыттан кэлбитэ. Билигин 10-с кылаас үөрэнээччитэ буолар.

🔹Зафар спордунан утумнаахтык дьарыктанан хапсаҕайга, мас тардыһыыга республика чөмпүйүөнэ. Ону таһынан, волейбол күрэҕэр "Бастыҥ оонньооччу" аат хаһаайынынан буолар.

🔹Сунтаар улууһун баһылыга Анатолий Григорьев оҕолору кытта көрүстэ. Бэйэлэрин ааттара суруктаах чааскылары уонна минньигэс бэлэҕи туттарда. Манна, барыта 85 педагог, социальнай үлэһит, психолог о.д.а. анал идэлээхтэр оҕолор үтүө дьон буола улааталларын туһугар, күннэтэ түбүгүрэллэр.

🚀 @suntaar_ulus

🥳🥳🥳 Саҥа дьылы кырачаан оҕолор олус күүтэллэр. Маннык дьоллоох бырааһынньыкка бэлэҕи тутар икки бүк үөрүүлээх.

🌲Сунтаар улууһун баһылыга Анатолий Григорьев анал байыаннай дьайыыга сулууспалыы сылдьар биир дойдулаахпыт дьиэ кэргэнигэр ыалдьыттаата.

🌲Биир, алта, аҕыс саастаах - 3 оҕолоох ыалга, кэлэн иһэр саҥа дьылынан эҕэрдэлээн туран оонньуур, минньигэс бэлэх туттарда.

🚀 @suntaar_ulus

Харысхалларга өрөмүөн үлэтэ бара турар.

🔹Аҕа Дойдуну көмүскээччилэр дьиэ кэргэттэрин кэмитиэтэ Сунтаарга "Харысхал" волонтерскай хамсааһыны үлэлэтэр. Кинилэр байыастарга хаххалыыр сиэккэлэри өрөллөр, гуманитарнай көмөнү хомуйан ыыталлар. Үлэлиир дьиэлэрэ, "Партизан" НАТК балаҕана тымныы буолан, улуус дьаһалтата өрөмүөн үлэтин ыытар.

🔹Балаҕан сылаас-иһирэх, үлэлииргэ табыгастаах буоллун диэн өрөмүөннүүр биригээдэ муостаны оҥороллор, сылаас матырыйаалынан бүрүйэллэр уонна аһаҕас сирдэри ханаппаахылыыллар. Бу күннэргэ үлэ түмүктэнэн Харысхаллар сылаас дьиэҕэ саҥа дьылы көрсүөхтэрэ, үлэлэрин өссө күүһүрдүөхтэрэ.

🔹Улуус баһылыга Анатолий Григорьев волонтердары кытта көрсөн, анал байыаннай дьайыы буола турар сиригэр айанын уонна уолаттары көрсүүтүн туһунан кэпсээтэ. Кинилэр өрөр сиэккэлэрэ олус наадалааҕын, элбэх байыас олоҕун быыһаабытын бэлиэтээн эттэ. Маны тэҥэ, бэйэтин дьиэ кэргэнин аатыттан саҥа дьыллааҕы бэлэҕи туттарда.

🚀 @suntaar_ulus

Бүгүн Ил Дархан Айсен Николаев быһа холбонуу ньыматынан республика араас муннуктарыгар, барыта 9 саҥа эбийиэги арыйда.

🔹Нэһилиэнньэ олоҕун хаачыстыбатын тупсарыыга туһуламмыт анал программаларынан үөрэҕирии, култуура, доруобуйа, спорт эйгэлэригэр социальнай инфраструктураны сайыннарыыга олус элбэх эбийиэк тутуллан үлэҕэ киирдэ. Оттон бүгүн арыллыбыт 9 эбийиэктэн иккитэ Сунтаар улууһугар.

🔹Ол курдук, Элгээйигэ "Доруобуйа" национальнай бырайыагынан врачебнай амбулатория тутуллан үлэҕэ киирдэ. Ону тэҥэ, улуус киинигэр Абаҕа түөлбэтигэр "Сахам сирэ 21-с үйэҕэ" Үтүө дьыала тосхолунан спорт саалата тутулунна.

🔹Спорт эбийиэгэ олохтоохторго олус күүтүүлээх. Биэс сыл устата кэтэспит ыра санаалара туолан, үөрүүлэрэ үрдүк. Өрөгөйдөөх күҥҥэ түөлбэ олохтоохторо, 2-с нүөмэрдээх оскуола үөрэнээччилэрэ кыттыыны ыллылар.

Инникитин да, маннык баараҕай бырайыактар олоххо киирэ турдуннар.

🚀 @suntaar_ulus

Элгээйигэ быраас амбулаторията национальнай бырайыагынан тутулунна.

🔹"Доруобуйа харыстабылын бастакы звеноларын модернизациялааһын" тосхолунан Сунтаар улууһун Элгээйи нэһилиэгэр саҥа врачебнай амбулатория үлэҕэ киирдэ. Эбийиэги Ил Дархан Айсен Николаев быһа холбонуу ньыматынан үөрүүлээх түгэҥҥэ арыйда.

🔹 Барыта 646 кв. м. иэннээх саҥа дьиэҕэ участковай быраастар – терапевт уонна педиатр кабинеттара, процедурнай, прививочнай, УЗИ, стоматологическай кабинет, ону тэҥэ регистратура уонна лаборатория үлэлиэҕэ. 1500-тэн тахса нэһилиэнньэлээх бөһүөлэк дьоно, маннык олус наадалаах тэрилтэ саҥа дьиэлэнэн үөрүүлэрэ үгүс.

🚀 @suntaar_ulus