Ялпи ички маҳсулот

Миллий статистика қўмитаси дастлабки маълумотларига кўра, 2025 йилнинг январь-июнь ойларида Ўзбекистон Республикаси ялпи ички маҳсулоти (ЯИМ) ҳажми жорий нархларда 807 937,1 млрд. сўмни ташкил этди ва 2024 йилнинг мос даврига нисбатан 7,2 % га ўсди.

Саноат тармоғининг ўсиши 6,6 % ни ташкил этди ва ЯИМ ўсишига ижобий ҳиссаси 1,6 ф.п.ни ташкил этди.

Қишлоқ, ўрмон ва балиқчилик хўжалигининг ўсиши 4 % ни ташкил этди ва ЯИМ ўсишига ижобий ҳиссаси 0,6 ф.п.ни ташкил этди.

Қурилиш ишлари ҳажмининг ўсиши 10,7 % ни ташкил этди. Қурилиш тармоғининг ЯИМ ўсишига ижобий ҳиссаси 0,8 ф.п.ни ташкил этди.

Хизматлар кўрсатиш соҳасида ўсиш суръати 8,2 % ни ташкил этди. Шундан савдо, яшаш ва овқатланиш бўйича хизматлар 10,2 % га, ташиш ва сақлаш, ахборот ва алоқа 14,7 % га ҳамда бошқа хизмат соҳалари 5,7 % га ўсди. Хизматлар кўрсатиш соҳасининг ЯИМ ўсишига ижобий ҳиссаси 4,0 ф.п.ни ташкил қилди.

Маҳсулотларга соф солиқлар ҳажми 6,5 % га ўсди ва унинг ЯИМ ўсишига ижобий ҳиссаси 0,2 ф.п.ни ташкил этди.

Читать на русском

Саноат маҳсулоти

Миллий статистика қўмитаси дастлабки маълумотларига кўра, 2025 йилнинг январь-июнь ойларида республика корхоналари томонидан 488 532,3 млрд. сўмлик саноат маҳсулотлари ишлаб чиқарилди ва саноат ишлаб чиқариш индекси ўтган йилнинг шу даврига нисбатан 106,6 фоизни ташкил этди.

Шу билан бирга, саноат ишлаб чиқаришининг умумий ҳажмида ишлаб чиқарадиган саноатнинг улуши 85,1 фоизни, тоғ-кон саноати ва очиқ конларни ишлаш саноати 7,5 фоизни, электр, газ, буғ билан таъминлаш ва ҳавони кондициялаш 6,9 фоизни, сув билан таъминлаш, канализация тизими, чиқиндиларни йиғиш ва утилизация қилиш 0,5 фоизни ташкил этди.

Саноат ишлаб чиқариши ўсишининг асосий омили бўлиб ишлаб чиқарадиган саноат корхоналарида ишлаб чиқариш ўтган йилнинг шу даврига нисбатан 7,1 % га ошганлиги, сув билан таъминлаш, канализация тизими, чиқиндиларни йиғиш ва утилизация қилиш саноатида физик ҳажм индекси 9,7 % га ошганлиги, электр, газ, буғ билан таъминлаш ва ҳавони кондициялашда 3,1 % га ҳамда тоғ-кон саноати ва очиқ конларни ишлаш саноатида 5,1 % га ошганлиги кузатилди.

Шу билан бирга, ишлаб чиқарадиган саноатида резина ва пластмасса буюмлар ишлаб чиқариш (2024 йилнинг январь-июнь ойларига нисбатан физик ҳажм индекси 129,7 %), шунингдек, бошқа нометалл минерал маҳсулотлар (2024 йилнинг январь-июнь ойларига нисбатан физик ҳажм индекси 123,7 %) ҳажми ошди.

Ўтган йилнинг шу даврига нисбатан хом нефт ва табиий газ ишлаб чиқариш (2024 йилнинг январь-июнь ойларига нисбатан физик ҳажм индекси 96,7 %), машина ва ускуналарни таъмирлаш ва ўрнатиш (2024 йилнинг январь-июнь ойларига нисбатан 91,5 %) ҳажми пасайиши кузатилди.

Читать на русском

Қишлоқ, ўрмон ва балиқчилик хўжалиги

Миллий статистика қўмитаси дастлабки маълумотларига кўра, 2025 йилнинг январь-июнь ойларида қишлоқ, ўрмон ва балиқчилик хўжалиги маҳсулот (хизмат)лари ҳажми 194 910,4 млрд. сўмни ёки 2024 йилнинг мос даврига нисбатан 104,0 % ни, шу жумладан, деҳқончилик ва чорвачиликда, овчиликда ва ушбу соҳаларда кўрсатилган хизматлар – 188 869,8 млрд. сўмни (104,0 %), ўрмон хўжалигида – 4 791,5 млрд. сўмни (103,1 %), балиқчилик хўжалигида – 1 249,1 млрд. сўмни (109,0 %) ташкил қилди.

Қишлоқ, ўрмон ва балиқчилик хўжалиги маҳсулот(хизмат)лари ҳажмининг ошиши, асосан қишлоқ хўжалиги маҳсулотларини етиштириш ҳажмининг кўпайганлиги (4,0 %) билан боғлиқ. Барча тоифадаги хўжаликларда қишлоқ хўжалиги маҳсулотларининг ошиши балиқнинг – 9,4 % га, полизнинг – 8,3 % га, тухумнинг – 8,2 % га, узумнинг – 7,8 % га, меванинг – 6,6 % га ва доннинг – 4,5 % га ошиши билан изоҳланади.

Хўжалик тоифалари бўйича таҳлиллар қишлоқ хўжалиги маҳсулотлари умумий ҳажмининг 75,0 % - деҳқон ва томорқа хўжаликлари, 20,1 % - фермер хўжаликлари, 4,9 % - қишлоқ хўжалиги фаолиятини амалга оширувчи хўжаликлар ҳиссасига тўғри келишини кўрсатмоқда.

Читать на русском