Соғлиқни сақлаш вазирлиги | Вакцина – ягона чора!
105K subscribers
7.01K photos
2.75K videos
47 files
10.7K links
Соғлиқни сақлаш вазирлиги расмий телеграм канали — t.iss.one/ssvuz

Вазирликнинг Матбуот ва ПР хизмати томонидан юритилади.

Расмий сайт: ssv.uz
Cаҳифаларимиз:
facebook.com/ssvuz
twitter.com/ssv_uz

Манзил: Тошкент ш. Навоий кўчаси, 4.
Тел: 1003
Download Telegram
ССВ: Пойтахтимиздаги махсус COVID поликлиникалари ҳар куни 24 соат давомида фаолият кўрсатмоқда

Аввал хабар берганимиздек, Тошкент шаҳрининг 12 та туманида 1 тадан махсус COVID
поликлиникалар фаолияти йўлга қўйилди. Улар қуйидаги манзилларда жойлашган:

📌Бектемир туман марказий кўп тармоқли поликлиникаси
📍Бектемир тумани, Водник даҳаси, 75-уй.

📌5-сонли Фтизиатрия диспансери
📍Миробод тумани, 8-март кўчаси, 58-уй.

📌23-сон оилавий поликиника “Бирлик” филиали
📍Учтепа тумани, Чакмоний кўчаси, 14-а уй.

📌1-сон Фтизиатрия диспансери
📍Мирзо Улуғбек тумани, А. Югнакий мавзеси, 15-а уй.

📌58-сон оилавий поликлиника
📍Яккасарой тумани, А.Қаҳҳор кўчаси, 44-уй.

📌11-сон оилавий поликлиника
📍Сергели тумани, Чоштепа кўчаси, 147-уй.

📌3-сон Фтизиатрия диспансери
📍Олмазор тумани, Уста Ширин кўчаси, 1-берк, 3-уй.

📌Тошкент шаҳар фтизиатрия ва пулмонология маркази
📍Чилонзор тумани, Лутфий 7, 33-уй, 1-хонадон.

📌4-сон фтизиатрия диспансери
📍Юнусобод тумани, 3-тор, Ниязбек йўли, 6-уй.

📌42-сон оилавий поликлиника
📍Шайхонтоҳур тумани, Тахтапул кўчаси, 14-а уй.

📌2-сон фтизиатрия диспансери
📍Яшнобод тумани, Мурғоб кўчаси, 93-уй.

📌Тошкент шаҳар тери-таносил диспансери
📍Янгиҳаёт тумани, Йўлдош 7, 23-уй.

❗️Эслатиб ўтамиз, ушбу поликлиникалар рентген, кислород конденсаторлари, ПЗР-тест ва коронавирусга қарши зарур дори-дармонлар, сарфлов материаллари, дезинфекцияловчи эритмалар билан таъминланган.

Поликлиникалар ҳар куни 24 соат давомида фаолият кўрсатади.

Соғлиқни сақлаш вазирлиги
Матбуот хизмати.

▶️
@ssvuz
▶️@ssvmatbuotkotibi
January 18, 2022
❗️Касалланишлар сони яна ортмоқда: Кеча юртимизда 1210 нафардан зиёд кишида коронавирус инфекцияси аниқланди

🔺2022 йил 18 январь ҳолатига кўра, Ўзбекистонда коронавирус инфекцияси қайд этилганлар сони 208271 (+1214) нафарни ташкил этмоқда.

🔴Янги касалланиш ҳолатларининг:
📌31 нафари Қорақалпоғистон Республикасида,
📌28 нафари Андижон вилоятида,
📌40 нафари Бухоро вилоятида,
📌39 нафари Жиззах вилоятида,
📌22 нафари Қашқадарё вилоятида,
📌10 нафари Навоий вилоятида,
📌30 нафари Наманган вилоятида,
📌45 нафари Самарқанд вилоятида,
📌26 нафари Сирдарё вилоятида,
📌25 нафари Сурхондарё вилоятида,
📌161 нафари Фарғона вилоятида,
📌34 нафари Хоразм вилоятида,
📌181 нафари Тошкент вилоятида,
📌542 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

♻️Кеча кун давомида:
🔹Қорақалпоғистон Республикасида 22 нафар,
🔹Андижон вилоятида 12 нафар,
🔹 Бухоро вилоятида 30 нафар,
🔹 Жиззах вилоятида 55 нафар,
🔹Қашқадарё вилоятида 13 нафар,
🔹Навоий вилоятида 9 нафар,
🔹 Наманган вилоятида 27 нафар,
🔹 Самарқанд вилоятида 34 нафар,
🔹Сирдарё вилоятида 10 нафар,
🔹Сурхондарё вилоятида 9 нафар,
🔹 Фарғона вилоятида 24 нафар,
🔹Хоразм вилоятида 19 нафар,
🔹Тошкент вилоятида 122 нафар,
🔹Тошкент шаҳрида 254 нафар бемор тузалиб, касалликдан соғайганлар жами 200512 (+640) нафарга етди ва соғайиш кўрсаткичи 96 фоизни ташкил этмоқда.

⚫️Шунингдек, 3 нафар коронавирусга чалинган бемор вафот этиб, касалликдан вафот этганлар сони 1525 нафарни ташкил қилди.

Соғлиқни сақлаш вазирлиги
Матбуот хизмати.

▶️
@ssvuz
▶️@ssvmatbuotkotibi
January 19, 2022
January 19, 2022
January 19, 2022
“Зангиота шифохонасига мурожаат қилаётган 90-95 фоиз беморларда ўпка зарарланиши кузатилмаяпти"

Ўтган икки йил давомида коронавирус инфекциясининг турли штаммлари билан юзлашдик. Хусусан, касалликнинг “дельта” ва “британча” мутациялари беморларда анча оғир кечган бўлса, унинг янги тури аксинча бироз енгил ўтяпти.

Зангиота 1-сон юқумли касалликлар шифохонаси директори Анвар Ҳусанов шу ҳақдаги фикрлари билан ўртоқлашди.

— Айни пайтда муассасамизда коронавирусга чалинган 1300 нафардан зиёд бемор даволанмоқда, — дейди шифокор. — Афсуски, сўнгги кунларда аҳоли орасида касалланиш ҳолатлари кўп кузатилаётгани боис, 5 январдан шифохонага мурожаат қилаётган беморлар сони ҳам кескин ошди.

📌Ҳозирда муассасамизга ўртача кунига 300-400 нафар бемор мурожаат қилиб, шундан 200-300 нафари госпитализация қилиняпти. Ваҳоланки, январь ойининг тўртинчи санасига қадар кунига 65-70 та мурожаат бўлиб, шундан 70 фоиз бемор даволанишга ётқизилган.

Бугунги кунда муассасамизга мурожаат қилаётганларнинг аксарияти енгил даражадаги беморларни ташкил қилмоқда. Уларда касаллик асосан:
🦠 иситма,
🦠бўғимларда оғриқ,
🦠бош оғриғи,
🦠ҳолсизлик
каби оддий респиратор белгилар билангина намоён бўляпти.

Қолаверса, 5 январдан бошлаб шифохонага келаётган 90-95 фоиз беморда сатурациянинг пасайиши ва ўпканинг зарарланиши кузатилмаяпти. Вируснинг жиддий асоратлар билан кечиши нисбатан кам. Ўпкада зарарланиш деярли кузатилмаяпти.

Даволаниш муддати эса қисқариб, ўртача 5 кунни ташкил қилмоқда. Энг муҳими, оғир аҳволдаги беморларни даволашда ишлатиладиган вирусга қарши ремдесивир ва бошқа дори воситаларига бўлган эхтиёж камайди.

Натижада бугунги кунда 190 ўринга мўлжалланган жонлантириш бўлимида даволанаётган беморлар сони сезиларли даражада қисқарди. Ваҳоланки, “дельта” штамми авж олган ўтган йил ёз ойларида реанимацион бўлимларда беморлар сони анча кўп эди.

❗️Шундай экан, юртдошларимиздан ортиқча саросимага берилмасликларини, зарурат бўлмаганда юқумли касалликларни даволаш муассасаларига бормасликларини, агар ўзларида касаллик белгиларини сезса, дарҳол оилавий шифокор пунктлари ва оилавий поликлиникаларга, пойтахтимиз аҳолиси эса Тошкент шаҳрининг 12 та туманида ташкил этилган махсус поликлиникаларга мурожаат қилишларини сўраймиз. Энг муҳими, бевосита коронавирусга чалинган беморларни даволаётган амалиётчи шифокор сифатида барчани касалликка қарши эмланишга, агар вакцина олган бўлса, бустер дозаларини олишга чақириб қоламан.

Соғлиқни сақлаш вазирлиги
Матбуот хизмати.

▶️
@ssvuz
▶️@ssvmatbuotkotibi
January 19, 2022
Media is too big
VIEW IN TELEGRAM
January 19, 2022
Бир ҳафта ичида дунёда 18 миллиондан зиёд кишида коронавирус инфекцияси аниқланди

Коронавирус пандемияси қачон тугайди? Инсоният бу хавфли касалликдан қачон батамом халос бўлади? Мана, икки йилдирки, ана шу саволларга асосли жавоб қидиряпмиз.

Айниқса, касаллик қайта бош кўтариб, ер юзининг деярли барча нуқталарини янги штамм “забт этган” мураккаб бир вазиятда бу мавзу яна кун тартибига чиққан.

Кеча Жаҳон соғлиқни сақлаш ташкилоти бош директори Тедрос Гебрейесус шу ҳақдаги хулосаларини баён қилди. Унинг айтишича, пандемия ҳали тугамайди. Чунки коронавируснинг “омикрон” штаммидан сўнг CОVID-19нинг янги-янги мутациялари пайдо бўлиши мумкин.

Шунингдек, ЖССТ раҳбари фикрича, “омикрон” аввалги мутацияларга қараганда оғир асоратларни нисбатан кам келтириб чиқараётган бўлса-да, уни енгил касаллик, дея хотиржамликка берилмаслик керак.

Негаки, бир ҳафта ичида дунёда COVID-19ни юқтириш ҳолатлари 20 фоизга ошган. Яъни бу давр ичида 18 миллиондан ортиқ кишида коронавирус инфекцияси аниқланган.

“Тўғри, ўлим ҳолатлари динамикаси у қадар тез ўсаётгани йўқ, — деди Т.Гебрейесус. — Яъни ҳафта давомида бу борадаги кўрсаткич 4 фоизга ошиб, 45 минг бемор ушбу хасталик туфайли ҳаётдан кўз юмди. Аммо шунинг ўзи ҳам жуда катта йўқотишдир”.

Жорж Вашингтон университети профессори, вирусолог Константин Чумаковнинг хулосасига кўра, “омикрон” бошқа штаммлардан фарқли ўлароқ пневмонияни келтириб чиқармайди.

“Ҳозир кўпчиликда касаллик енгил шаклда кечмоқда. Қолаверса, агар илгари касалланганларнинг 2 фоизга яқини вафот этган бўлса, ҳозир бу кўрсаткич 0,1 фоиз атрофида”, — дейди вирусолог.

Шу билан бирга, Чумаков “омикрон” ёшларда кексаларга қараганда анча осонроқ ўтаётганини қайд этди.

Россиялик иммунолог Николай Крючковнинг хулосалари ҳам шунга яқин. У “омикрон” штамми юқори нафас йўлларининг шиллиқ пардалари ҳужайраларида фаолроқ тарқалиши, шу сабабли бу штаммга чалинган беморларда касаллик енгил кечишини айтди.

Иммунологнинг фикрича, янги вариант “дельта” билан солиштирганда юқори нафас йўлларининг шиллиқ қаватлари ҳужайраларида яхшироқ, ўпкада эса ёмонроқ кўпаяди. Япон олимларининг лаборатория шароитида ўтказган тадқиқотлари натижаси буни тасдиқлайди.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi
January 19, 2022
January 19, 2022
Media is too big
VIEW IN TELEGRAM
January 19, 2022
January 19, 2022
Соғлиқни сақлаш вазири: “Ҳар бир бемор назоратимиз остида бўлади”

Соғлиқни сақлаш вазири Беҳзод Мусаев бошчилигида соҳа мутахассисларидан иборат ишчи гуруҳ Фарғона вилоятидаги даволаш муассасаларида бўлиб, ҳудудда фаолият юритаётган тиббиёт ходимлари билан учрашди.

👉Батафсил

▶️@ssvuz
▶️
@ssvmatbuotkotibi
January 20, 2022
❗️Касалланишлар сони ортишда давом этмоқда: Кеча юртимизда яна 1300 нафардан зиёд кишида коронавирус инфекцияси аниқланди, 4 нафар бемор вафот этди

🔺2022 йил 19 январь ҳолатига кўра, Ўзбекистонда коронавирус инфекцияси қайд этилганлар сони 209578 (+1307) нафарни ташкил этмоқда.

🔴Янги касалланиш ҳолатларининг:
📌39 нафари Қорақалпоғистон Республикасида,
📌31 нафари Андижон вилоятида,
📌31 нафари Бухоро вилоятида,
📌51 нафари Жиззах вилоятида,
📌19 нафари Қашқадарё вилоятида,
📌12 нафари Навоий вилоятида,
📌55 нафари Наманган вилоятида,
📌43 нафари Самарқанд вилоятида,
📌20 нафари Сирдарё вилоятида,
📌34 нафари Сурхондарё вилоятида,
📌157 нафари Фарғона вилоятида,
📌53 нафари Хоразм вилоятида,
📌194 нафари Тошкент вилоятида,
📌568 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

♻️Кеча кун давомида:
🔹Қорақалпоғистон Республикасида 26 нафар,
🔹Андижон вилоятида 24 нафар,
🔹 Бухоро вилоятида 16 нафар,
🔹 Жиззах вилоятида 28 нафар,
🔹Қашқадарё вилоятида 12 нафар,
🔹Навоий вилоятида 6 нафар,
🔹 Наманган вилоятида 23 нафар,
🔹 Самарқанд вилоятида 47 нафар,
🔹Сирдарё вилоятида 23 нафар,
🔹Сурхондарё вилоятида 16 нафар,
🔹 Фарғона вилоятида 89 нафар,
🔹Хоразм вилоятида 39 нафар,
🔹Тошкент вилоятида 178 нафар,
🔹Тошкент шаҳрида 207 нафар бемор тузалиб, касалликдан соғайганлар жами 201246 (+734) нафарга етди ва соғайиш кўрсаткичи 96 фоизни ташкил этмоқда.

⚫️Шунингдек, 4 нафар коронавирусга чалинган бемор вафот этиб, касалликдан вафот этганлар сони 1529 нафарни ташкил қилди.

Соғлиқни сақлаш вазирлиги
Матбуот хизмати.

▶️
@ssvuz
▶️@ssvmatbuotkotibi
January 20, 2022
Министр здравоохранения: «Каждый больной будет под нашим контролем»

В преддверии этого мероприятия рабочая группа из числа специалистов Министерства здравоохранения во главе с министром Бехзодом Мусаевым побывала в лечебных учреждениях Ферганской области, где провела встречу с работниками здравоохранения региона.

👉🏻Батафсил

▶️@ssvuz
▶️
@ssvmatbuotkotibi
January 20, 2022
January 20, 2022
January 20, 2022
​​ССВ: Энди “103”га тушган чақириқлар сараланиб, аҳволи енгил беморларга поликлиникалар ҳам тез тиббий ёрдам кўрсатади

Мамлакатимизда коронавирус инфекцияси, қолаверса, мавсумий хасталикларга чалиниш ҳолатлари ошиб бораётганлиги кузатилмоқда. Бу, ўз навбатида, “Тез ёрдам” хизматига бўлаётган чақириқлар сони ва соҳа ходимларининг иш юкламаси ортишига сабаб бўлаётир.

— Пандемия шароитида аҳоли “Тез ёрдам” хизматига ҳар қачонгидан-да кўпроқ эҳтиёж сезмоқда, — дейди Тошкент шаҳар тез тиббий ёрдам станцияси CALL-маркази бўлим бошлиғи Насиба Маҳмудова. — Шу сабабли юртимизда ушбу тизим фаолияти янада яхшиланиб, моддий-техник базаси мустаҳкамланди. Натижада бугун “103” хизмати халқимизга туну кун сифатли тиббий ёрдам кўрсатмоқда.

Рақамларга мурожаат қилсак, 2022 йил 1-18 январь кунлари пойтахт “103” хизматига жами 78 минг 771 та чақириқ келиб тушди, — дейди Тошкент шаҳар тез тиббий ёрдам станцияси Call-маркази бўлим бошлиғи Насиба Маҳмудова. — Шундан тана ҳароратининг кўтарилиши бўйича 23 минг 335 та, коронавирусга гумон қилинган, касалликка чалинган ва бошқа юқумли касалликлар билан 2632 та мурожаат қайд этилди.

Cўнгги 5 кун ичида шаҳар “103” хизматига бўлаётган чақириқлар сони кескин ошиб, кунлик ўртача 5200-5300 тани ташкил қилмоқда. Ваҳоланки, январь ойи бошида бу рақам 3200-3400 тадан иборат эди.

Кейинги кунларда “Тез ёрдам” хизматига умумий чақириқлар сони ортгани сабабли шаҳар тез тиббий ёрдам станцияси Call-марказига пойтахтимизнинг 12 туманида жойлашган марказий поликлиникалардан мутахассислар жалб этилиб, чақириқларни саралаш тизими йўлга қўйилди.

Унга кўра, эндиликда “103” хизматига мурожаат қилган беморнинг шикоятлари тингланиб, агар унинг аҳволи енгил бўлса, бириктирилган ходимлар чақириқни ўз ҳудуди бўйича оилавий поликлиникаларга йўналтиради. Шундан сўнг мурожаат қилган беморга поликлиниканинг мобиль бригадалари томонидан тез тиббий ёрдам кўрсатилади. Оғир аҳволдаги беморлар эса “Тез ёрдам” хизмати билан қамраб олинади.

Бу эса “103” хизмати фаолиятини яхшилаш, аҳолига тезкор, сифатли, энг асосийси, ишончли ва самарали тиббий хизмат кўрсатиш имконини беради.

Шунингдек, январь ойида “Тез ёрдам” бригадалари томонидан коронавирус аниқланган ва аҳволи енгил фуқароларга уйда даволанишлари учун вирусга қарши дори-дармонлар бўлган “COVID-box”лар бериш ҳамда касалликка гумон қилинган шахслардан экспресс-тест олиш ҳам йўлга қўйилди.

Эслатиб ўтамиз, чақириқлар сони ортгани ва иш юкламаси кўпайиб бораётгани сабабли куни кеча шаҳар “103” хизмати тасарруфига Соғлиқни сақлаш вазирлиги томонидан қўшимча 40 та замонавий жиҳозланган тез тиббий ёрдам машинаси ҳайдовчилари билан бирга бириктириб берилди. Шунингдек, Call-марказ иш самарадорлигини ошириш учун 30 та янги оператор ўрни яратилди.

Шу ўринда вазирлик аҳолидан ортиқча саросимага берилмасликни, агар коронавирус белгилари кузатилса, оилавий шифокор пунктлари ва оилавий поликлиникаларга, пойтахтимиз аҳолиси эса Тошкент шаҳрининг 12 та туманида фаолияти йўлга қўйилган махсус COVID поликлиникаларига мурожаат қилишларини сўрайди.

Соғлиқни сақлаш вазирлиги
Матбуот хизмати.

▶️
@ssvuz
▶️@ssvmatbuotkotibi
January 20, 2022
“Омикрон”нинг қайта юқиш хавфи “дельта”га нисбатан 16 баробар юқори

Коронавируснинг янги мутацияси дунё миқёсида доминант вариантга айланиб бўлди. ЖССТ ҳисоботига кўра, сўнгги ойда жаҳонда COVID-19 инфекциясига чалинганларнинг 72 фоизи “омикрон”, 28 фоизи эса “дельта” штамми билан касалланган.

ЖССТ раҳбари бу хасталик нисбатан енгил кечаётган бўлса-да, бироқ оммавий эмлаш кўрсаткичлари паст бўлган ҳудудларда оғир оқибатларга олиб келиши мумкинлигидан хавотирда. Чунки ўрганишлар натижаси шуни тасдиқладики, эмланмаганлар орасида COVID-19 билан қайта касалланиш кўрсаткичлари тўлиқ ва бустер-дозада вакцина олганларга нисбатан 2 баробар кўп.

Буюк Британия олимлари эса махсус тадқиқот давомида “омикрон”нинг қайта юқиш хавфи “дельта” қараганда 16 баравар юқорилигини аниқлашди.

Шу билан бирга, ЖССТ жаҳон ҳамжамиятига мурожаат қилиб, мамлакатларни халқаро саёҳатларга қўйилган чекловларни бекор қилиш ёки юмшатишга чақирди. Негаки, транспорт алоқаларини тақиқлаш орқали “омикрон” штаммининг трансчегаравий тарқалишига тўсиқ қўйиш самарасиз уринишдир.

Масалан, сўнгги кунларда Европада касалланиш кўрсаткичлари антирекорд даражага етмоқда. Биргина Францияда сешанба куни ярим миллионга яқин кишида коронавирус инфекцияси аниқланиши мамлакат учун пандемия чўққиси бўлди.

Германияда
ҳам пандемия бошланганидан бери энг юқори кўрсаткич қайд этилди. Куни кеча бу ерда 118 минг беморда касаллик рўйхатга олинган.

Ирландияда эса бунинг акси, кейинги кунларда янги ҳолатларнинг камайиши кузатиляпти. Шу сабабли мамлакат Соғлиқни сақлаш вазири ой бошида жорий этилган карантин чекловлари январь охиригача бекор қилиниши мумкинлигини айтди.

Буюк Британияда ҳам кунлик касалланишлар сони пасаймоқда. Шундан келиб чиқиб ҳукумат декабрь ойидан амалда бўлган “Б режаси” келгуси ҳафтадан ўз кучини йўқотишини эълон қилди. Бу транспорт ва ўрта мактабларда мажбурий ниқоб тақиш талабининг бекор қилиниши, масофавий режимда ишлаётган ходимларнинг офисларга қайтиши, шунингдек, COVID паспортларининг бекор қилинишини англатади.

АҚШ эса янги штамм тарқалиши муносабати билан “локдаун”га қайтиш ниятида эмас.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi
January 20, 2022
January 20, 2022
January 20, 2022
January 20, 2022