❗️Кеча дунё бўйича 586 мингдан зиёд кишида коронавирус инфекцияси аниқланди. Бу 5 май санасига нисбатан қарийб 10 мингта кўп кўрсаткичдир.

Энг юқори кунлик ҳолатлар қуйидаги мамлакатларда қайд этилди:

🇺🇸 АҚШ — 94 минг,

🇩🇪 Германия — 72 минг,

🇮🇹 Италия — 44 минг,

🇰🇷 Жанубий Корея — 39 минг,

🇫🇷 Франция — 38 минг,

🇦🇺 Австралия — 36 минг,

🇯🇵 Япония — 21 минг,

🇧🇷 Бразилия — 20 минг,

🇹🇭 Таиланд — 16 минг,

🇵🇹 Португалия — 14 минг,

🇨🇳 Хитой — 11 минг,

🇬🇧 Буюк Британия — 11 минг.

@ssvuz | @ssvmatbuotkotibi |Facebook | Instagram

​Якунланаётган ҳафта давомида каналимизда эълон қилинган энг муҳим хабарлар дайжести

💊 Юртимизда 77 нафар болада камёб касаллик — спинал мушак атрофияси аниқланган.

🏥 Мамлакатимизда хусусий тиббиёт муассасалари сони 7320 тага етди.

🥣 Ош тузи нима учун йодланган бўлиши зарур?

🍹Оғиз қуриши жиддий касаллик аломати(ми?)

🚫 Коронавирусга қарши эмланганларга 750 минг сўмдан пул маблағи берилаётгани ҳақидаги хабарлар асоссиз!

🚑 Президент раислигида тез тиббий ва шошилинч ёрдам хизмати фаолиятини такомиллаштириш бўйича видеоселектор йиғилиши ўтказилди.

👭Тошкент шаҳар болалар кўп тармоқли тиббиёт маркази ташкил этилди.

🦠 Дунёда пандемиянинг янги тўлқини бошланиши мумкин!

💉Юртимиз аҳолиси 13 турдаги касалликларга қарши режали эмланмоқда.

📝 Қашқадарё вилояти соғлиқни сақлаш тизимида қатор тайинловлар амалга оширилди.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram

​ССВ: Юқумли касалликлардан ўлим кўрсаткичлари камаймоқда

(Давоми)

Авваллари аҳоли, айниқса, болалар ўртасида турли юқумли касалликлардан ўлим кўрсаткичлари юқори бўлган. Чунки улар қатор хавфли инфекцияларга қарши эмланмаган.

Бугунги кунда эса ўғил-қизларнинг ҳаётига зомин бўлган бундай хавфли хасталикларнинг олдини олиш имкони бор.

Санитария-эпидемиологик осойишталик ва жамоат саломатлиги хизмати бўлим раҳбари Дилором Турсунова билан суҳбатимизни шу мавзуда давом эттирдик.

— 2000 йилгача ўғил-қизларимиз 6 турдаги инфекцияга қарши эмланган холос, — дейди Д. Турсунова. — 2001 йилдан ҳозирги вақтга қадар яна 7 турдаги вакцина профилактик эмлаш календарига киритилиб, улар сони 13 тага етказилди.

Ана шу вакциналарнинг аксарияти бола бир ёшга тўлгунича қўлланилади. Масалан, 2001 йилдан бери 1 суткалик чақалоқлар вирусли гепатит Вга қарши ВГВ вакцинаси билан эмланади.

2000 йилгача дифтерия, қоқшол ва кўкйўталга қарши фақат АКДС вакцинаси қўлланилган. Кейинчалик профилактик эмлаш календарига ўзгартириш киритилиб, 2, 3 ва 4 ойлик чақалоқларни Пента-1, Пента-2 ҳамда Пента-3 комбинация қилинган вакциналари билан эмлаш йўлга қўйилди.

Қолаверса, илгари 5 ёшгача бўлган болалар вирусли диарея касаллиги туфайли ҳам нобуд бўлар эди. Бу касалликни ротавирус инфекцияси келтириб чиқариши аниқлангач, унга қарши вакцина ҳам яратилиб, 2014 йилда профилактик эмлаш календарига киритилди.

Ҳозир болалар 2, 3 ва 4 ойлигида тегишли кетма-кетликда Рота-1, Рота-2, Рота-3 вакциналари билан эмланмоқда. Натижада ўғил-қизлар ўртасида вирусли диарея касаллигидан ўлим ҳолатлари кузатилгани йўқ.

2018 йилда пневмакокк касаллигига қарши бола 2, 3 ва 12 ойлик бўлганида қўлланиладиган Пневмо-1, Пневмо-2, Пневмо-3 вакциналари профилактик эмлаш календарига киритилди.

Шу йили 2, 3, 4 ва 16 ойлик болаларни полиомиелитга қарши вакцина билан эмлаш ҳам жорий қилинди.

Болалар 12 ойлик вақтида қизамиқ, паротит ва қизилчага қарши КПК-1, олти ёшлигида эса КПК-2 вакциналари билан эмланади.

Миллий эмлаш календарига 2019 йилдан бачадон бўйни саратонига қарши қўлланилувчи ОПВ вакцинаси ҳам киритилди. Ҳар йили 9 ёшли 350 минг нафардан ортиқ қизлар ушбу вакцина билан эмланмоқда.

(Давоми бор!)

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram

ССВ: Фарғонадаги тиббий сайёр қабул юзлаб беморларга қайта ҳаёт, минглаб қалбларга умид ва ишонч бағишламоқда

Қашқадарё, Наманган ва Сурхондарё вилоятларидан сўнг Фарғонада Соғлиқни сақлаш вазирлигининг соғломлаштириш акцияси старт олди.

2022 йил 8 май. Фарғона шаҳри марказидаги “Тўқимачилар” маданият ва истироҳат боғи эрта тонгдан одамлар билан гавжум. Ўсмир ёшдаги йигит-қизлар, кекса ёшдаги нуроний отахон ва онахонлар, қўлида жажжи фарзандини кўтариб олган ёш оналар, болажонлар, қўйинки, юзлаб аҳоли Соғлиқни сақлаш вазирлиги томонидан ташкил этилган сайёр тиббий қабулга йиғилган.

Президентимизнинг тиббиёт ходимлари билан бўлган очиқ мулоқотида белгиланган муҳим вазифалар ижросини таъминлаш мақсадида ташкил этилган мазкур тадбирда вазирлик марказий аппарати жамоаси, республика ихтисослаштирилган тиббиёт марказлари раҳбарлари ва шифокорлари, тиббиёт олий ўқув юртлари олимлари ҳамда маҳаллий мутахассислар, жами 200 нафардан иборат махсус гуруҳ эрта тонгдан аҳолини қабул қилишга киришди.

👉🏻Батафсил

@ssvuz | @ssvmatbuotkotibi |Facebook | Instagram

Соғлиқни сақлаш вазирлиги ташаббуси билан Фарғона шаҳрида бўлиб ўтган бугунги сайёр тиббий қабул давомида фуқароларга юртимизнинг энг малакали шифокорлари томонидан керакли тавсиялар берилди.

Шунингдек, оғир аҳволдаги беморларни туман, вилоят ва республика даражасида даволаш чоралари кўрилди.

“Far‘ona MTRK” телеканалининг “Махсус ракурс”и орқали тадбир жараёнларига биргаликда назар ташлаймиз.

❗️Кеча юртимизда яна 20 нафардан зиёд кишида коронавирус инфекцияси аниқланди

🔺2022 йил 8 май ҳолатига кўра, Ўзбекистонда коронавирус инфекцияси қайд этилганлар сони 238736 (+21) нафарни ташкил этмоқда.

🔴Янги касалланиш ҳолатларининг:
📌3 нафари Тошкент вилоятида,
📌18 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

♻️Кеча кун давомида:
🔹Тошкент вилоятида 2 нафар,
🔹Тошкент шаҳрида 23 нафар бемор тузалиб, касалликдан соғайганлар жами 236853 (+25) нафарга етди ва соғайиш кўрсаткичи 99 фоизни ташкил этмоқда.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram

Фарғона — юртимизнинг энг гўзал гўшаларидан бири

Соғлиқни сақлаш вазирлиги томонидан ўтказиб келинаётган соғломлаштириш акцияси Қашқадарё, Наманган ва Сурхондарё вилоятларидан сўнг бу гал ана шу ҳудудда старт олди.

Бугун эрта тонгдан вилоят марказидаги “Тўқимачилар” маданият ва истироҳат боғи одамлар билан гавжум.

Ўсмир ёшдаги йигит-қизлар, кекса ёшдаги нуроний отахон ва онахонлар, қўлида жажжи фарзандини кўтариб олган ёш оналар, болажонлар, қўйинки, юзлаб аҳоли пойтахтдан келган малакали шифокорлар, тор соҳа мутахассислари томонидан тиббий кўрикдан ўтказилмоқда.

Энг муҳими, Фарғонада бўлиб ўтаётган тиббий сайёр қабул юзлаб беморларга қайта ҳаёт, минглаб қалбларга умид ва ишонч бағишлаётир.

Юқоридаги лавҳа мазкур тадбир жараёнлари ҳақида тўлиқ тасаввур ҳосил қилишингизга ёрдам беради.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram

Гломерулонефрит ва туғма нефротик касалликлар қандай даволанади? — мутахассис жавоб беради

АҚШ ва Жанубий Кореянинг етакчи клиникаларида фаолият юритган, Болалар миллий тиббиёт маркази нефрология бўлими шифокори, тиббиёт фанлари номзоди, доцент Комилжон Ҳамзаев билан болаларда учрайдиган нефрологик касалликлар ҳақидаги суҳбатни давом эттирамиз.

— Биламизки, буйрак организмда пайдо бўлган заҳарли моддаларни қондан чиқариб ташлаш вазифасини бажаради. Гломерулонефрит эса тўғридан тўғри буйрак етишмовчилигига олиб келади.

Унда ҳам организмнинг ўз буйрагига қарши антитаналар ишлаб чиқариши кузатилади. Оқибатда буйракларнинг нормал фаолияти тўлиқ ишдан чиқади.

Гломерулонефритнинг даво чораси сифатида агрессив даво муолажалари қўлланилади. Чунки бунда кучли дори воситаларисиз буйракни асраб қолишнинг имкони йўқ.

👉🏻Батафсил

@ssvuz | @ssvmatbuotkotibi |Facebook | Instagram

“Энди Тошкентга даволангани эмас, саёҳат учун бораман”

Бугун орамизда оғир касалликка чалиниб, узоқ йиллар тўшакка михланиб қолган ана шундай беморлар йўқ эмас. Бироқ уларнинг ҳаммасида ҳам шифохонада ётиб даволанишга, ўз вақтида керакли муолажаларни олишга имкон йўқ.

Давлатимиз томонидан бугун шу каби юртдошларимиз саломатлигига алоҳида эътибор қаратилиб, кам таъминланган, ногиронлиги бор, боқувчисини йўқотган шахсларнинг мураккаб операциялари бепул амалга оширилмоқда.

Президентимизнинг тиббиёт ходимлари билан очиқ мулоқотида белгилаб берилган устувор вазифалар ижросини таъминлаш мақсадида Соғлиқни сақлаш вазирлиги ташаббуси билан Фарғона вилоятида бўлиб ўтаётган соғломлаштириш акцияси эса айни шу мақсадларни кўзда тутади.

Тадбир доирасида шу кунларда вилоятдаги қатор тиббиёт муассасаларида пойтахтдан келган малакали шифокорлар бошчилигида кўплаб юқори технологияли мураккаб жарроҳлик амалиётлари бажарилмоқда.

Соғлиқни сақлаш вазирлиги Матбуот хизмати ўтказилган ана шундай операциялар туфайли яна соғлом ҳаётга қайтган бир неча беморлар билан суҳбатлашди...

👉Батафсил

​ССВ: Фарғонада илк бор атеросклероз касаллигига чалинган икки нафар беморда мураккаб жарроҳлик амалиёти ўтказилди

Соғлиқни сақлаш вазирлиги ташаббуси билан Фарғона вилоятида бошланган соғломлаштириш акцияси қизғин давом этмоқда. Хусусан, тадбир доирасида Республика шошилинч тиббий ёрдам илмий маркази Фарғона филиалида бир қанча оғир беморларда мураккаб операциялар муваффақиятли ўтказилди.

Соғлиқни сақлаш вазирлиги Матбуот хизмати ушбу беморлар билан суҳбатлашиб, уларнинг таассуротларини ёзиб олди.

“Сўнгги беш-олти йил жон ҳовучлаб яшадим”

Бемор одамнинг кўнглига ҳеч нима сиғмайди. Ўзидан ўтганини ўзи билади.

Фарғона тумани, Водил қишлоғи, Чимён маҳалласида яшовчи Абдуназар Тўраев ҳам йигирма беш йилдирки, юқори қон босимидан азият чекади. Йиллар давомида қилинган муолажалар эса самара бергани йўқ.

Аксинча, йилдан-йилга аҳволи янада оғирлашди. Касаллик зўрайиб, умумий ҳолатида салбий ўзгаришлар кузатила бошлади. Айниқса, охирги йиллар кучли бош оғриғи, ҳушдан кетиш, қўл-оёқларда ҳолсизлик, нутқ чалкашиши, кўриш қобилиятининг сустлашиши каби асоратлар беморни анча ҳолдан тойдирди.

Шу йил ўтказилган томография текширувларидан сўнг унда атеросклероз касаллиги аниқланиб, бош мия қон томирлари тўсилиб қолгани маълум бўлди.

— Дарднинг яхшиси бўлмайди, — дейди Абдуназар ака. — Инсон касал бўлганида ҳаётнинг қадрини, саломатликнинг ҳақиқий қимматини ҳис қиларкан. Қолаверса, хасталик аниқ бўлса-ю, даволанишга имконинг бўлмаса, бундан ёмони йўқ. Чунки чорасизликдан нима қилишни, қаердан нажот кутишни билмайсан.

Мана шундай оғир пайтда вилоятимизда ўтказилаётган соғломлаштириш акцияси оиламиз жонига оро кирди. Ҳозир ўзимни яхши ҳис қиляпман. Шифокорларнинг айтишича, яқин кунларда яна соғлом ҳаётга қайтарканман.

Республика шошилинч тиббий ёрдам илмий маркази Фарғона филиали кардиожарроҳи Ҳондамир Мамадалиевнинг айтишича, уйқу артериясини атероскелероздан тозалаш — анчагина мураккаб муолажа. Бунинг учун беморнинг бўйин қисми жарроҳлик йўли билан очилиб, бош мияга кетган артериал қон томирлари холестериндан тозаланади. Шуниси эътиборлики, бундай мураккаб операция Фарғонада илк бор ўтказилди.

“Касалликнинг келиши осон, кетиши қийин экан”
Ана шундай оғир хасталикка чалинганлардан яна бири олтиариқлик Собиржон Раҳмонов бўлиб, 2021 йил январь ойида инсульт хасталигини бошдан кечирган. Шундан сўнг ўша йили май ойида унда кардиожарроҳлик операцияси ўтказилган. Бироқ бемор муолажадан кейин ҳам бутунлай соғайиб кетмади. Сўнгги тиббий текширувлардан кейин унинг уйқу артерияларини атероскелероздан тозалаш кераклиги маълум бўлди.

— Касалликнинг келиши осон, кетиши қийин экан, — дейди бемор. — Буни эса ўз бошимдан ўтказиб билдим. Аммо дард қанчалик оғир бўлмасин, инсон тушкунликка тушмаслиги керак. Айниқса, оилавий шароити даволанишга имкон бермайдиган биз каби беморларга давлатимиз томонидан алоҳида ғамхўрлик кўрсатилаётгани соғайишимизга янада ишонч бағишламоқда.

Операциям муваффақиятли ўтди. Бунинг учун шифокорлардан миннатдорман.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram

❗️Кеча юртимиз бўйича фақат Тошкент шаҳрида 7 кишида коронавирус инфекцияси аниқланди

🔺2022 йил 9 май ҳолатига кўра, Ўзбекистонда коронавирус инфекцияси қайд этилганлар сони 238743 (+7) нафарни ташкил этмоқда.

🔴Янги касалланиш ҳолатларининг 7 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

♻️Кеча кун давомида Тошкент шаҳрида 4 нафар бемор тузалиб, касалликдан соғайганлар жами 236857 (+4) нафарга етди ва соғайиш кўрсаткичи 99 фоизни ташкил этмоқда.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram

ССВ: Фарғонадаги cоғломлаштириш акцияси юзлаб беморларга қайта ҳаёт, минглаб қалбларга умид ва ишонч бағишламоқда

Куни кеча Фарғона шаҳри марказидаги “Тўқимачилар” маданият ва истироҳат боғи вазирлик томонидан сайёр тиббий қабул ташкил этилди.

Президентимизнинг тиббиёт ходимлари билан бўлган очиқ мулоқотида белгиланган муҳим вазифалар ижросини таъминлаш мақсадида ташкил этилган мазкур тадбирда вазирлик марказий аппарати жамоаси, республика ихтисослаштирилган тиббиёт марказлари раҳбарлари ва шифокорлари, тиббиёт олий ўқув юртлари олимлари ҳамда маҳаллий мутахассислар, жами 200 нафардан иборат махсус гуруҳ аҳолини қабул қилди.

Шунингдек, тадбир доирасида вилоятдаги қатор тиббиёт муассасаларида пойтахтдан келган малакали шифокорлар бошчилигида кўплаб юқори технологияли жарроҳлик амалиётлари бажарилмоқда.

Соғлиқни сақлаш вазирлиги Матбуот хизмати ўтказилган ана шундай операциялар туфайли яна соғлом ҳаётга қайтган бир неча беморлар билан суҳбатлашди.

👉🏻Батафсил

@ssvuz | @ssvmatbuotkotibi |Facebook | Instagram

ССВ: Вазир байрам куни фахрий шифокорларга “Соғлиқни сақлаш аълочиси” кўкрак нишони ва эсдалик совғалари топширди

Соғлиқни сақлаш вазири Б.Мусаев 9 май — Хотира ва қадрлаш куни муносабати билан бир гуруҳ тиббиёт соҳаси фахрийлари хонадонига бориб, уларни байрам билан табриклади.

Мулоқот чоғида айтилганидек, шифокорлик — машаққатли касб. Ўзгалар дарди билан, уларнинг тақдири ҳақида қайғуриб яшаш, албатта, осон эмас. Беморларнинг тезроқ тузалиб, оиласи бағрига соғ-омон қайтиши эса нафақат тиббий муолажалар, балки ширин сўз ва меҳрга ҳам боғлиқ.

Бутун фаолияти давомида қасамёдига содиқ қолиб, шифокор номига доғ туширмаган, минглаб беморлар дуосини олган бундай фидойи инсонлар ҳамиша эъзозу эҳтиромга лойиқ.

— Сиз, соҳамиз фахрийлари ёшларимиз учун ҳамиша ибрат намунасисиз, — деди вазир учрашувда. — Тиббиётда фақат билим ва тажриба билангина муваффақиятга эришиб бўлмайди. Бунинг учун сабр-матонат, қолаверса, жасорат ва фидойилик ҳам керак. Шифокор ҳар бир беморга ўз ака-укаси, опа-синглиси, яқинларидек муносабатда бўлсагина, халқ орасида ҳурмат, ном ва меҳр қозонади. Шундай устоз шифокорлар хонадонига келиб, уларга ўз миннатдорлигимиз ва эзгу тилакларимизни етказаётганимиздан мамнунмиз.

👉Батафсил

@ssvuz | @ssvmatbuotkotibi |Facebook | Instagram

Фарғона вилоятида Соғлиқни сақлаш вазирлиги томонидан ўтказилаётган сайёр тиббий қабуллар давом этмоқда.

Мутахассислар сайёр қабул жараёнида ҳудудда қайси касалликлар кенг тарқалгани, уларни даволаш учун бирламчи тизим билан ҳамкорликни йўлга қўйиш бўйича ўз хулоса ва режаларини белгилаб олмоқда.

Фуқаролар эса марказларда узоқ навбатда турмасдан, ўз оёғи билан келган тор соҳа мутахассислари тиббий кўригидан ўтишмоқда.

Шунингдек, вилоят тиббиёт муассасаларида мураккаб технологик амалиётлар давом этмоқда. Республика даражасидаги тиббий ёрдамга муҳтож бўлганларга шу ернинг ўзида ордер расмийлаштириб берилаяти.

Бундан ташқари, аҳоли вакиллари ва тадбиркорларнинг тиббиёт йўналишидаги таклифлари ҳам Соғлиқни сақлаш вазирлиги мутасаддилари томонидан қўллаб-қувватланмоқда.

@ssvuz | @ssvmatbuotkotibi |Facebook | Instagram

Кимлар тиббиёт муассасаларида овқатланиш тўловидан озод қилинади?

Қуйидаги шахслар тиббиёт муассасаларида овқатланиш тўловидан озод қилинади:

✅I ва II гуруҳ ногиронлари, болаликдан ногиронлар;

✅1941 – 1945 йиллардаги уруш ногиронлари ва қатнашчилари, уларга тенглаштирилганлар;

✅Чернобиль АЭС ҳалокати оқибатларини тугатишда қатнашган ногиронлар;

✅1941 – 1945 йиллардаги уруш йиллари меҳнат фронти қатнашчилари;

✅байналмилалчи жангчилар;

✅чин етимлар;

✅ёлғиз пенсионерлар;

✅18 ёшгача бўлган болалар, ўрта махсус, касб-ҳунар таълими муассасалари ўқувчилари;

✅чақириқ комиссиялари хулосаси асосида мудофаа бўлимлари йўлланмалари бўйича 18 ёшдан 27 ёшгача бўлганлар;

✅“Ўзбекистон Республикаси фахрий донори” кўкрак нишони билан тақдирланганлар;

✅1 ёшгача болали эмизикли оналар.

@ssvuz | @ssvmatbuotkotibi |Facebook | Instagram

❗️Кетма-кет икки кунлик кескин пасайиш динамикасидан сўнг дунёда касалланишлар сони яна ортди. Яъни кеча 634 мингга яқин кишида коронавирус инфекцияси аниқланди. Бу 8 май санасига нисбатан қарийб 370 мингта кўп кўрсаткичдир.

Энг юқори кунлик ҳолатлар қуйидаги мамлакатларда қайд этилди:

🇺🇸 АҚШ — 110 минг,

🇩🇪 Германия — 108 минг,

🇰🇷 Жанубий Корея — 50 минг,

🇦🇺 Австралия — 48 минг,

🇯🇵 Япония — 28 минг,

🇬🇧 Буюк Британия — 26 минг,

🇮🇹 Италия — 17 минг,

🇧🇪 Бельгия — 14 минг,

🇧🇷 Бразилия — 10 минг,

🇳🇿 Янги Зеландия — 9 минг,

🇨🇳 Хитой — 9 минг,

🇹🇭 Таиланд — 6 минг.

@ssvuz | @ssvmatbuotkotibi |Facebook | Instagram

​Инсоният ҳаёти ва саломатлигига хавф солувчи беш асосий хатар маълум бўлди

Жаҳон соғлиқни сақлаш ташкилоти жорий йилда инсоният ҳаётига таҳдид солаётган беш асосий хавф рейтингини эълон қилди.

Кўпчилик қашшоқлик ва озиқ-овқат маҳсулотлари тақчиллиги бу рўйхатнинг бошида эътироф этилса керак, деб тахмин қилганди. Чунки дунёда мазкур муаммодан азият чекаётган қарийб бир миллиард одам бор.

Аммо 2022 йилда инсоният саломатлиги учун очарчилик ва камбағалликдан кўра энг кўп семизлик хавф солиши маълум бўлди. Бу “фаст-фуд”лар борзори янада чаққонлашиши ва шундай маҳсулотлар рекламаси авж олиши билан боғлиқ.

Иккинчи жиддий хатар — ёлғизлик! Коронавирус пандемияси даврида янада жиддий тус олган ушбу муаммо кўплаб ривожланган мамлакатларда одамлар соғлиги ва ҳаётини издан чиқармоқда.

Сайёрамизнинг деярли барча аҳолисига хос бўлган стресс ва ҳаддан зиёд хавотир ҳисси рейтингнинг 3-поғонасини банд этди.

Жаҳондаги тўс-тўполонлар, аччиқ ичакдай чўзилган пандемия, беқарор сиёсий вазият, иқтисодий инқироз ва бошқа омиллар бу муаммони янада кучайтириб юбориши башорат қилиняпти.

Шу сабабли ЖССТ экспертлари 2016 йилдаёқ сурункали стрессни ХХI асрнинг энг хавфли эпидемияси, деб эълон қилган эди.

Одамзот ҳаётига хавф туғдирувчи тўртинчи глобал муаммо сифатида ичак хасталиклари, жумладан, ривожланган мамлакатларда кенг тарқалаётган Крона касаллиги тан олинди.

Таҳлилларга кўра, ушбу дардга чалинган энг кўп бемор Исроил давлатида қайд этилган. Ҳозир бу ерда камида 40 минг нафар киши шундай касаллик билан курашяпти.

Ниҳоят рўйхатнинг бешинчи поғонасидан хотин-қизлар ўртасида тобора авж олаётган гинекологик хасталик — эндометриоз жой олди.

Маълумотларда келтирилишича, у дунё бўйича туғиш ёшидаги аёлларнинг 10-15 фоизида аниқланмоқда. Ачинарли жиҳати, шифокорлар ҳали бу касалликка аниқ ташхис қўйиш ва уни самарали даволаш борасида универсал усулларга эга эмас.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram

​Аллергология маркази беморлар учун бепул онлайн маслаҳат беради

Баҳорнинг айни кунларида юртдошларимиз орасида мавсумий аллергик хасталиклар янада авж олган. Ўcимликлaр гул чaнглaри бурун шиллиқ пaрдaлaри, юқoри нaфac йўллaри ҳамда кўз кoнъюнктивacигa салбий таъсир кўрсатмоқда.

Бундан ташқари, орамизда аллергиянинг бошқа турларидан азият чекаётган, бироқ олис манзиллардан пойтахтга келишга имкон топа олмаётган юртдошларимиз ҳам кам эмас.

❗️Республика илмий ихтисослаштирилган аллергология маркази ана шу ҳолатларни ҳисобга олиб, жорий йил 12 май куни, соат 14:00да онлайн видеомулоқот ташкил этишга қарор қилди.

✅ Ушбу мулоқот давомида аҳоли ўртасида кенг тарқалган аллергик касалликлар ва уларнинг асосий сабаблари, шунингдек даволаш усуллари ҳақида маълумотларлар тақдим этилади.

❗️Энг муҳими, иштирокчилар ўзларини қизиқтирган соҳага доир барча саволларга малакали аллерголог мутахассислардан жавоб олишлари мумкин.

🖥 Видеомулоқот учун телеграм манзили:
👉 @allergocentruz

Қўшимча маълумотлар учун:
☎️ +99878 150-96-49
☎️ +99871 214-55-03.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram

❗️Коронавирус: кеча юртимиз бўйича фақат Тошкент шаҳрида 4 кишида касаллик аниқланди

🔺2022 йил 10 май ҳолатига кўра, Ўзбекистонда коронавирус инфекцияси қайд этилганлар сони 238747 (+4) нафарни ташкил этмоқда.

🔴Янги касалланиш ҳолатларининг
4 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

♻️Кеча кун давомида
🔹Тошкент вилоятида 2 нафар,
🔹Тошкент шаҳрида 3 нафар бемор тузалиб, касалликдан соғайганлар жами 236862 (+5) нафарга етди ва соғайиш кўрсаткичи 99 фоизни ташкил этмоқда.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram

❗️Мамлакатимизда жами 52,4 миллион дозадан ортиқ вакцинадан фойдаланилди

🔺10 май мамлакатимиз ҳудудлари бўйлаб 130 596 доза COVID-19га қарши вакцина қўлланилди. Улардан:
✅ 1-босқич эмланганлар 3 156 нафарни,
✅ 2-босқич эмланганлар 13 084 нафарни,
✅ 3-босқич ва бустер доза билан эмланганлар 114 356 нафарни ташкил қилди.

🔺Айни кунгача мамлакатимизда жами 52 486 997 доза вакцинадан фойдаланилди. Улардан:
✅ 1-босқич эмланганлар 20 288 229 нафарни,
✅ 2-босқичда эмланганлар 16 342 260 нафарни,
✅ 3-босқич ва бустер доза билан эмланганлар 15 856 508 нафарни ташкил қилди.

🔺Кеча эмлаш кўрсаткичлари бўйича юқори ўринларни:
🔹Самарқанд вилояти (17 259 доза),
🔹Тошкент шаҳри (14 735 доза),
🔹Хоразм вилояти (12 771 доза) банд қилди.

❗️Биринчи доза билан эмланиш кўрсаткичи эмланиши режалаштирилган қатламга нисбатан 94,6 фоизга, тўлиқ вакцина курсини олганлар эса 76,8 фоизга етган.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram

​Буйракдаги тошлардан қандай халос бўлиш мумкин?

ССВ Матбуот хизмати Республика ихтисослаштирилган урология илмий-амалий тиббиёт маркази директори ўринбосари, тиббиёт фанлари номзоди Шавкат ШАВАҲАБОВ билан буйракда тош йиғилишига доир суҳбатини давом эттиради.

— Касаллик қандай даволанади?

— Бу, аввало, хасталикнинг енгил ёки оғирлигига қараб белгиланади, — дейди Ш. Шаваҳабов. — Масалан, Литотрипси деб аталувчи буйрак тошларини йўқ қилиш учун кўпинча жарроҳлик амалиёти зарур бўлади. Бироқ операцияни эшитиб, дарҳол ваҳимага тушмаслик керак. Сабаби ҳозирги кунда замонавий технологиялар бу амалиётни оғриқсиз ва самарали бажариш имконини беради.

Шунингдек, буйрак тошларини “юмшоқ” усул, яъни эритиш орқали ҳам йўқотиш мумкин. Бу жараён бутунлай оғриқсиз бўлиб, муолажа махсус препаратлардан фойдаланган ҳолда амалга оширилади. Дориларнинг дозаси эса беморнинг ёши ва вазнига қараб шифокор томонидан тавсия қилинади.

— Ушбу хасталикка чалинмаслик учун нима қилиш лозим?

— Энг аввало, ҳар бир инсон кундалик суюқлик ичиш меъёрига амал қилиши керак. Яъни, соғлом одам кунига ҳар бир килограмм вазн учун 30 миллилитр сув ичишини ҳисобга олсак, 60 килограмм вазнга эга киши бир суткада деярли 2 литр сув истеъмол қилиши зарур.

Шунингдек, спорт билан мунтазам шуғулланиш, асабийлашмаслик, тез-тез пешоб таҳлили топшириш, гастроэнтеролог ва уролог қабулидан ўтиб туриш, бел ва қовуқ соҳаларининг шамоллашига йўл қўймаслик талаб этилади.

— Касалликда қандай маҳсулотларни истеъмол қилиш мумкин эмас?

— Агар пешобда фосфат тузлари аниқланса, сут маҳсулотлари (сметанадан ташқари), дудланган егуликлар, консервалар, алкоголли ичимликлар, тухум сариғи, қалампир, мурч, аччиқ чой, кофе каби маҳсулотларни ейиш ва ичиш ман этилади.

Мабодо, пешобда оксолат тузлари аниқланса, лавлаги, гўшт, турли салатлар, қўзиқорин, ровоч, шовул, қовурилган картошка, аччиқ қора чой, узум, холодец, какао, помидор шарбати ва хамиртурушли нон каби бир неча озиқ-овқат маҳсулотларини тановул қилиш мумкин эмас.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram