​Марказий сайлов комиссияси раиси ўринбосари: "Сайловлар ўтган деб ҳисобланиши учун етарлича овоз берилди"

Марказий сайлов комиссияси соат 11:00га қадар овоз берган сайловчилар кўрсаткичини эълон қилди. Қайд этилишича, 24 октябрь куни соат 8:00 ва 11:00 оралиғида 6 669 552 нафар сайловчи овоз беришга улгурган. Бу умумий сайловчиларнинг 33,6 фоизини ташкил этади.

Ўзбекистон Республикаси Сайлов кодексининг 96-моддасига мувофиқ, агар сайловчилар рўйхатига киритилган фуқароларнинг 33 фоизи овоз беришда иштирок этган бўлса, сайлов ўтган ҳисобланади.

Демак жорий сайловлар ўтган деб ҳисобланади ва бу билан барча сайлов жараёни иштирокчиларини табриклаймиз», деди Марказий сайлов комиссияси раиси ўринбосари Баҳром Қўчқоров.

Қорақалпоғистон Республикасида 331 377 нафар (31,7 фоиз),

Андижон вилоятида 672 733 нафар (37,3 фоиз),

Бухоро вилоятида 380 751 нафар (34,2 фоиз),

Жиззах вилоятида 276 640 (35,1 фоиз),

Қашқадарё вилоятида 600 528 нафар (32,1 фоиз),

Навоий вилоятида 182 989 нафар (29,4 фоиз),

Наманган вилоятида 609 278 (36,8),

Самарқанд вилоятида 621 013 нафар (28,3),

Сирдарё вилоятида 177 338 нафар (35,9 фоиз),

Сурхондарё вилоятида 589 739 нафар (40,2 фоиз),

Тошкент вилоятида 496 729 нафар (27,6 фоиз),

Фарғона вилоятида 938 937 (41,1 фоиз),

Хоразм вилоятида 346 804 нафар (32,5 фоиз),

Тошкент шаҳрида 444 696 нафар (26,9 фоиз) сайловчи сайлов ҳуқуқидан фойдаланган.

▶️@ssvuz
▶️@ssvmatbuotkotibi

"Кўриб турганингиздек, Ўзбекистоннинг турли ҳудудларидаги 207 та сайлов участкасида ўрнатилган 414 та видеокамера сайловчиларнинг овоз бериш жараёнини ушбу матбуот марказида ўрнатилган маниторда, “saylov2021.uz” веб- сайтида ҳамда “Ўзбекистон 24” телеканалида тўғридан тўғри намойиш қилиб турибди.

Шуни алоҳида такидлаш жоизки, Ўзбекистон Республикасининг фуқаролари сайловда юксак сиёсий фаоликкни намоён этмоқда.

Ўзбекистон Республикаси Сайлов кодексининг 96-моддасига мувофиқ, агар сайловчилар рўйхатига киритилган фуқароларнинг 33 фоизи овоз беришда иштирок этган бўлса, сайлов ўтган ҳисобланади.

Ўзбекистон Ресрубликаси Президенти сайловини ўтказувчи Участка ва округ сайлов комиссияларидан олинган маълумотларга эътибор қаратсак, соат 11:00 га қадар сайловчиларнинг 6 млн 669 минг 552 нафари ёки 33, 6 фоизи овоз берди.

Демак, жорий сайловлар ўтган, деб ҳисобланади ва бу билан барча сайлов жараёни иштирокчиларини табриклаймиз".

Бахром ҚЎЧҚОРОВ,
Марказий сайлов комиссияси раиси ўринбосари.

101 яшар онахон 81 ёшдаги қизи билан президент сайловида овоз берди

Андижондаги сайлов участкасида 101 яшар Турсинхон Сирожиддинова 81 яшар қизи билан бирга овоз берди. Фарғона канали қурилишида иштирок этган онахон улуғ ёшда эканига қарамай ҳамон бардам ва тетик.

Манба: Kun.uz

▶️@ssvuz
▶️@ssvmatbuotkotibi

Фуқароларнинг сайлаш ёки сайланиш, сайловолди тарғиботи олиб бориш ҳуқуқларини, ишончли вакилларни ўз ваколатларини эркин амалга оширишларида зўрлик ишлатиш, қўрқитиш, алдаш ёки оғдириб олиш йўли билан тўсқинлик қилиш билан боғлиқ жиноят ишлари ҳам судларнинг иш юритувига келиб тушмаганлигини маълум қиламан.

Козимжон Камилов
Олий суд раиси
————
Хочу проинформировать вас о том, что в судопроизводство не поступало уголовных дел, связанных с правом граждан избирать или быть избранными, вести предвыборную агитацию, препятствовать свободному осуществлению доверенных лиц силой, запугиванием, обманом или мошенничеством.

Камилов Козимджан
Председатель Верховного суда

Сайловнинг ўтказилиши билан боғлиқ жараён юзасидан Республика бош давлат санитария врачи ҳам ахборот беради

Мана, Ўзбекистон Республикаси Президенти сайловида овоз бериш жараёнлари якунланишига саноқли соатлар қолди.

Ўзбекистон Марказий сайлов комиссиясининг Матбуот марказида эса ушбу сиёсий тадбирнинг бориши хусусида пешма-пеш маълумотлар тақдим этиб борилмоқда.

Хусусан, бироздан сўнг, яъни соат 19:00 да бўлиб ўтадиган галдаги матбуот анжуманида Санитария-эпидемиологик осойишталик ва жамоат саломатлиги хизмати бошлиғи, бош давлат санитария врачи Баҳодир Юсупалиевнинг чиқиши кутиляпти.

Мазкур анжуман тафсилотларига бироздан кейин батафсил тўхталамиз.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi

​Баҳодир ЮСУПАЛИЕВ:

"Сайлов участкаларида коронавируснинг тарқалишига қарши барча тегишли чоралар кўрилди"

Бу галги Президент сайлови пандемия шароитида ўтказилиши сайлов куни коронавирус касаллиги тарқалиб кетишига қарши профилактик чора-тадбирларни янада кучайтиришни тақозо этди.

Хўш, бу борада қандай ишлар қилинди ва натижалар қониқарлими?

Ўзбекистон Марказий сайлов комиссиясининг Матбуот марказида бошланган анжуманда Санитария-эпидемиологик осойишталик ва жамоат саломатлиги хизмати бошлиғи, бош давлат санитария врачи Баҳодир Юсупалиев шу ҳақда ахборот бермоқда.

Унинг таъкидлашича, коронавирус касаллигининг тарқалиб кетишига, авж олишига қарши чоралар “Ўзбекистон Республикаси Президенти сайловини ўтказишда коронавирус инфекцияси (COVID-19)нинг тарқалиши хавфини олдини олиш тўғрисида”ги йўриқнома талабларига мувофиқ амалга оширилди.

Хусусан, сайловчилар ва ташриф буюрувчилар коронавирус инфекцияси юқишининг олдини олишга қаратилган ниқоб тақиш қоидасига қатъий амал қилиши, биноларнинг кириш қисмида ва овоз бериш хонасида ижтимоий масофани сақлаш учун ўрнатилган 1,5–2 метр оралиқ масофани сақлаши, бир-бири билан мулоқотни камайтириш мақсадида ҳаракатланиш йўналишини кўрсатувчи чизиқларга амал қилиши таъминланди.

Сайловга ташриф буюрган ҳар бир иштирокчининг тана ҳарорати бинонинг кириш қисмида бириктирилган тиббий ходимлар томонидан пирометрлар ёрдамида ўлчангани, ниқобсиз ташриф буюрганларга бинонинг кириш қисмида бир марталик тиббий ниқоб берилиши, антисептик суюқлик мосламаларидан фойдаланиши асосий чоралардан бири бўлди.

Сайлов ўтказишга ажратилган ҳар бир бинода шамоллатиш ва сайлов кунидан олдинги дезинфекция тадбирлари тўлиқ ўтказилди.

Сайлов биноларининг ҳар бирида тиббий хоналар ташкил этилди ва зарур дори-дармон ҳамда тиббий воситалар захираси яратилиб, тиббиёт ходимлари фаолият кўрсатиши таъминланди.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi

​Республика бош давлат санитария врачи:

"Сайлов жараёнига соғлиқни сақлаш тизимининг 21 минг нафардан ортиқ мутахассислари жалб этилди"

Айни пайтда Ўзбекистон Марказий сайлов комиссиясининг Матбуот марказида Санитария-эпидемиологик осойишталик ва жамоат саломатлиги хизмати бошлиғи, бош давлат санитария врачи Баҳодир Юсупалиев ахборот бермоқда.

Унинг маълум қилишича, коронавирус инфекцияси билан касалланганлик ёки аломатлигининг бошқа монеликлари туфайли сайлов ўтказиш биносига ташриф буюриш имконияти бўлмаган сайловчилар учун турган (яшаш) жойида овоз бериш жараёни эпидемияга қарши талаблар асосида амалга оширилмоқда.

Республикадаги мавжуд шифохоналарда даволанаётган беморлар ҳам Президент сайловларида фаол иштирок этишди. Жумладан, мустақил юриш имконияти бўлган беморлар учун шифохона ҳудудида махсус тайёрланган хонада, ётоқ режимидаги беморлар учун махсус мобиль сайлов қутилари орқали овоз беришлари ташкил этилди.

Сайлов комиссияси аъзоларининг COVID-19 коронавирус инфекциясига қарши эмланганлиги ҳам уларни касалликдан ҳимоялашнинг яна бир муҳим омили бўлди.

Юқоридаги тадбирларнинг бажарилишига соғлиқни сақлаш тизимининг 21 минг нафардан ортиқ мутахассислари жалб этилди.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi

​Баҳодир Юсупалиев:

"Республика бўйича 150 дан ортиқ шифохоналарда сайлов участкалари ташкил этилди"

Ўзбекистон Марказий сайлов комиссиясининг Матбуот марказида бўлиб ўтган матбуот анжуманида Санитария-эпидемиологик осойишталик ва жамоат саломатлиги хизмати бошлиғи, бош давлат санитария врачи Баҳодир Юсупалиев яна қуйидагиларни қайд этиб ўтди:

— Олинган маълумотларга кўра, сайлов участкаларига ташриф буюрган шахсларнинг 53 нафарида тана ҳароратининг кўтарилиши аниқланиб, дарҳол бошқалардан алоҳида хонага (изоляторга) ажратилди ва уларга тегишли тиббий ёрдам кўрсатилди. Шу билан бир вақтнинг ўзида яширин овоз беришлари ташкил этилди.

Юртимиздаги COVID-19 коронавирус инфекциясини даволашга ихтисослашган шифохоналарда 25 та сайлов участкаси ташкил этилиб, шифохонада даволанаётган 3 минг нафар сайловчи (беморлар) овоз беришлари учун имконият яратилди.

Шунингдек, республика бўйича 150 дан ортиқ шифохоналарда сайлов участкалари ташкил этилиб, уларда даволанаётган беморларнинг овоз беришлари таъминланди.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi