#No_comment

🏢 Пойтахтимизда “Аллергология-иммунология — инновациядан амалиётга” мавзусида илмий-амалий анжуман бўлиб ўтмоқда.

🌐 Республика ихтисослаштирилган аллергология ва клиник иммунология илмий-амалий тиббиёт маркази томонидан ташкил этилган ушбу халқаро тадбирда маҳаллий мутахассислар билан бирга, қўшни давлатлардан келган етакчи олимлар иштирок этяпти.

🔬 Анжуманда диагностика ва даволашнинг замонавий усулларини амалиётга татбиқ этиш, ўзаро тажриба алмашиш, соҳага оид клиник тавсиялар, ихтисослаштирилган тиббий ёрдам кўрсатиш тартиби ва стандартлари атрофлича муҳокама этилмоқда.

‼️ Тадбирнинг якуний қисми маҳорат дарслари ва шўъба йиғилишларидан иборат бўлиб, унда қатнашчилар жаҳон тиббиётидаги энг сўнгги ютуқлар ҳамда илмий ишланмалар билан яқиндан танишиш имконига эга бўлади.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram

Бухоро вилоят болалар кўп тармоқли тиббиёт марказида беморларга қандай хизматлар кўрсатилмоқда?

👶 Ёш авлоднинг соғлом ва ҳар томонлама баркамол бўлиб шаклланишини таъминлаш ҳар бир давлат ва жамият олдида турган асосий вазифалардан ҳисобланади.

❗️ Юртимизда ҳам болаларга тиббий хизмат кўрсатиш сифатини ошириш, улар орасида ногиронлик кўрсаткичини камайтириш, илғор даво муолажаларини жорий этиш, шифокорларнинг касбий маҳорати ва малакасини ошириш масалаларига алоҳида эътибор қаратилмоқда.

🏥 Мазкур йўналишда амалга оширилаётган ишлар самарасини Бухоро вилоят болалар кўп тармоқли тиббиёт маркази мисолида ҳам кўриш мумкин.

📌 225 ўринга эга мазкур шифо масканида кунлик 100 қатновга мўлжалланган маслаҳат-диагностика поликлиникаси ҳамда 12 та даволовчи ва 9 та ёрдамчи бўлимлар мавжуд.

🩺 Марказ вилоятда истиқомат қилувчи 600 минг нафардан зиёд болаларга 24 йўналишдаги ихтисослаштирилган тиббий ёрдам кўрсатиб келмоқда.

🔬 Ҳозирда турли оғир хасталикларга чалинган жажжи беморларда кўплаб мураккаб жарроҳлик амалиётлари шу ернинг ўзида бажариляпти. Масалан, ўтган йил марказда 3300 дан ортиқ операциялар ўтказилган бўлса, шулардан 653 таси лапароскопик, торакоскопик, нейрохирургик ва бошқа турдаги юқори технологик жарроҳлик амалиётларидир.

🔶 Энг муҳими, ушбу операцияларнинг аксарияти кам инвазив усулда бажарилиб, бунинг натижасида беморларнинг шифохонада реабилитация ўташ даври 10-15 кундан 4-5 кунгача қисқарди.

‼️ Таъкидлаш жоиз, марказда нафақат вилоят, балки бошқа ҳудудлардан келган беморлар ҳам дардига шифо топиб кетмоқда. Жумладан, муассасанинг ҳудудлараро чақалоқлар хирургияси ва интенсив терапия бўлимида Навоий ва Қашқадарё вилоятларидан келган туғма нуқсонли чақалоқларда ҳам зарур жарроҳлик амалиётлари ўтказиб келинмоқда.

🔷 Ўтган йили ушбу бўлимда 110 дан ортиқ операциялар бажарилди. Айтиш жоиз, аввалари бундай амалиётлар фақатгина республика клиникалари ёки хорижда бажарилар эди.

🫀 Яқинда эса марказда вилоят миқёсида илк бор туғма юрак, юз-жағ соҳасида туғма нуқсони бўлган, кўкрак қафаси туғма деформацияси, микроскоп остида ноғора пардани эндоскопик стентлаш каби жарроҳлик амалиётлари ҳам кам инвазив йўл билан бажариш йўлга қўйилди.

🩻 Муассасанинг лаборатория текширувларини ўтказиш имконияти ва кўлами тобора кенгайиб бораётгани касалликларга ташхис қўйиш аниқлигини оширишда муҳим аҳамият касб этмоқда. Масалан, бундан 3-4 йил олдин лаборатория бўлимида 20-30 турдаги таҳлиллар олиш имкони бўлган бўлса, ҳозирда ушбу текширувлар сони 70 тага яқинлашиб қолди.

🖥 Марказ маслаҳат-диагностика поликлиникасида “Электрон поликлиника” тизими жорий этилиши бу ерга мурожаат қилиб келган фуқароларнинг электрон базасини яратиш ва ортиқча қоғозбозликни бартараф этиш имконини берди.

🤝 Янги даволаш услуларини жорий этиш, мутахассисларнинг билим ва малакасини ошириш мақсадида муассаса турли хорижий клиникалар, университетлар ва тиббиёт марказлари билан фаол ҳамкорлик қилиб келмоқда.

🌍 Хусусан, 2023 йилда бу ерга Россия, Хитой, АҚШ, Ҳиндистон ва Туркия каби хорижий давлатлардан мутахассислар ташриф буюриб, улар иштирокида 100 ортиқ болалар кўрикдан ўтказилди ва уларда мураккаб жарроҳлик амалиётлари бажарилди.

⬇️ Марказ юқори технологик амалиётларни туман даражасига туширишга ҳам алоҳида эътибор қаратмоқда. Биргина ўтган йили марказ мутахассислари томонидан олис ҳудудларда 3,5 минг нафардан ортиқ бемор болалар тиббий кўрикдан ўтказилиб, уларда 50 дан ортиқ юқори технологик жарроҳлик амалиётлари муваффақиятли амалга оширилди.

🏢 Яқин келажакда марказда гемодиализ, 10 ўринли кардиохирургия бўлимларини ташкил этиш режалаштирилган бўлиб, бу болажонларга кўрсатилаётган юқори технологик ихтисослаштирилган тиббий хизматлар кўлами ва сифатини оширишга хизмат қилади.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram

🏞 Урганч шаҳрида “Ўзбекистонда аёлларга амбулатор ёрдам: муаммолар ва ечимлар” мавзуида минтақавий илмий-амалий анжуман бўлиб ўтди.

🏢 Республика ихтисослаштирилган она ва бола саломатлиги илмий-амалий тиббиёт маркази томонидан ташкил этилган ушбу тадбирда юртимизда аёллар ва болалар саломатлигини мустаҳкамлаш бўйича кўрсатилаётган тиббий хизмат сифатини ошириш масалалари атрофлича муҳокама қилинди.

📹 Юқоридаги видеолавҳада бу ҳақда батафсил сўз боради.
————————
🏞 В городе Ургенче состоялась региональная научно-практическая конференция на тему «Амбулаторная помощь женщинам в Узбекистане: проблемы и решения».

🏢 На мероприятии, организованном Республиканским специализированным научно-практическим медицинским центром здоровья матери и ребенка, подробно обсуждены вопросы повышения качества медицинской помощи, оказываемой женщинам и детям в нашей стране.

📹 Подробности — в данном видеорепортаже.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram

🏥 7 ёшли Сабрина Жамшидзодага бир эмас, бир нечта туғма юрак нуқсонлари ташхиси қўйилган. Тожикистонлик шифокорлар қизалоқнинг ота-онасига фарзандини Ўзбекистон Болалар миллий тиббиёт марказига олиб боришни тавсия қилган.

🔬 Бу эса ўзбек тиббиётига узоқ-яқин мамлакатларда ҳам катта ишонч билдирилаётганининг амалий тасдиғидир. Айтиш лозимки, юқори технологик жарроҳлик амалиёти муваффақиятли бажарилиб, бемор қизга еттинчи куни уйига рухсат берилди.

📹 Юқоридаги видеолавҳада ушбу мураккаб операция тафсилотлари ҳақида батафсил сўз боради.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram

❗️Ўзбекистон ва Россияни нафақат муштарак тарихий илдизлар, ўзаро ишонч ва ҳурматга асосланган яқин дўстлик муносабатлари, балки соғлом келажакни барпо этишдек умумий эзгу мақсад бирлаштириб туради.

🔷 Касалликларни даволаш соҳасида ўзаро тажриба ва технологиялар алмашишдан тортиб, биргаликда кадрларни тайёрлашгача —икки томонлама кўп қиррали ҳамкорлигимиз бугун тиббиётнинг барча йўналишларини қамраб олган.

✅ 24-25 май кунлари пойтахтимизда ўтказиладиган “Ўзбекистон — Россия: саломатлик йўлида ҳамкорлик” илмий-амалий конференцияси эса ушбу ҳамкорликнинг яна бир амалий натижасидир. Анжуман тажриба алмашиш, тиббиёт соҳасидаги долзарб муаммоларнинг ечимини ҳамкорликда излаш ҳамда янги ғояларни илгари суриш учун ўзига хос майдон бўлиши кутилмоқда.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram

🇺🇿🇷🇺 Бугун пойтахтимизда “Ўзбекистон — Россия: саломатлик йўлида ҳамкорлик” мавзуидаги илмий-амалий конференцияга старт берилди.

🔬 Мазкур нуфузли тадбирнинг биринчи кунида Россиянинг турли йўналишлардаги бир гуруҳ юқори малакали мутахассислари томонидан юртимизнинг қатор етакчи тиббиёт марказларида юқори технологик операциялар, тиббий кўриклар ва маҳорат дарслари ўтказилди.

✍️ Шунингдек, анжуман доирасида икки давлатнинг бир қанча тиббиёт муассасалари ўртасида ўзаро ҳамкорлик тўғрисида келишувлар имзоланди.

🏥 Тадбир дастурига кўра, эртага, 25 май куни Академик В. Воҳидов номидаги Республика ихтисослаштирилган хирургия илмий-амалий тиббиёт марказида конференциянинг асосий қисми — шўъба йиғилишлари ва икки томонлама ўзаро мулоқотлар бўлиб ўтади.

📹 ССВ Матбуот хизмати томонидан тайёрланган юқоридаги видеолавҳада шу ҳақда батафсил сўз боради.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram

🇺🇿🇷🇺 Сегодня в столице стартовала научно-практическая конференция «Узбекистан — Россия: партнёрство во имя здоровья».

🔬 В первый день этого престижного мероприятия группа квалифицированных специалистов из России провела высокотехнологичные операции, консультации и мастер-классы в ряде ведущих медицинских центрах нашей страны.

✍️ Также в рамках конференции между медицинскими учреждениями двух стран подписано несколько соглашений о сотрудничестве.

🏥 В соответствии с программой мероприятия завтра, 25 мая в Республиканском специализированном научно-практическом медицинском центре хирургии имени академика В. Вахидова пройдет основная часть конференции, состоящая из панельных сессий и двусторонних переговоров.

📹 Подробнее об этом рассказывается в видеосюжете, подготовленном Пресс-службой Минздрава.

Пресс-служба
Министерства здравоохранения.

@ssvuz | @ssvmatbuotkotibi |Facebook | Instagram

#онлайн

📌 Яна саноқли дақиқалардан сўнг пойтахтимизда "Ўзбекистон-Россия: саломатлик йўлида ҳамкорлик" мавзусида илмий-амалий конференция бошланади.

🏥 Айни дамда Академик В. Воҳидов номидаги Республика ихтисослаштирилган хирургия илмий-амалий тиббиёт марказида икки мамлакатнинг етакчи тиббиёт муассасалари раҳбарлари, соҳа олимлари ва экспертлари жам бўлган.

📹 ССВ Матбуот хизмати ушбу анжуман тафсилотларини онлайн ёритиб боради.
------------
📌 Буквально через считанные минуты свою работу начнет научно-практическая конференция «Узбекистан — Россия: партнёрство во имя здоровья».

🏥 Сейчас в Республиканском специализированном научно-практическом медицинском центре хирургии имени академика В. Вахидова собрались руководители ведущих медицинских учреждений, ученые и эксперты двух стран.

📹 Пресс-служба Минздрава будет освещать данное мероприятие в режиме онлайн.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram

#онлайн

📌 Пойтахтимизда "Ўзбекистон-Россия: саломатлик йўлида ҳамкорлик" мавзусидаги илмий-амалий конференция қизғин давом этмоқда.
————
📌 В столице продолжается научно-практическая конференция «Узбекистан — Россия: партнёрство во имя здоровья».

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram