🔺2021 йил 25 январь ҳолатига кўра, Ўзбекистонда коронавирус инфекцияси қайд этилганлар сони 78471 (+42) нафарни ташкил этмоқда.

🔴 Янги касалланиш ҳолатларининг:
📌4 нафари Хоразм вилоятида,
📌 6 нафари Тошкент вилоятида,
📌32 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

♻️Кеча кун давомида:
📌Қорақалпоғистон Республикасида 1 нафар,
📌Андижон вилоятида 10 нафар,
📌Бухоро вилоятида 3 нафар,
📌Жиззах вилоятида 1 нафар,
📌Қашқадарё вилоятида 2 нафар,
📌Навоий вилоятида 2 нафар,
📌Фарғона вилоятида 10 нафар,
📌 Тошкент шаҳрида 21 нафар бемор тузалиб, касалликдан соғайганлар жами 76912 (+50) нафарга етди ва соғайиш кўрсаткичи 98 фоизни ташкил қилмоқда.

❗️ Айни пайтда тиббиёт муассасаларида даволанаётган 938 нафар бемордан 158 нафари оғир, 32 нафари эса ўта оғир аҳволда.

Соғлиқни сақлаш вазирлиги
Жамоатчилик билан алоқалар бўлими.

▶️@ssvuz
▶️@ssvmatbuotkotibi

❓Кун давомидаги уйқучанликдан қандай қутулиш мумкин?

🛌Тунда етарлича ухламасангиз ва кундузи ишлашингиз керак бўлса, гаджетлардан ўзингизни узоқроқ тутинг. Бунинг иложи бўлмаса, мен ҳеч бўлмаганда орқа нури порлоқ қилмасликни маслаҳат бераман.

☕️Кофеинни ҳам чеклаш керак. Бунинг ўрнига асаб тизими мослашишига ёрдам берадиган соғлом витаминлар бўлган овқатларни танлаган маъқул. Бу цитрус мевалар ва умуман В ва С гуруҳлари витаминлари бўлиши мумкин.

🤾Жисмоний фаоллик жуда муҳимдир. Бу кортизол гормони ишлаб чиқарилиши учун муҳимдир ва у диққатни жамлашга ҳам, ишлашга ҳам таъсир қилади.

Манба «Соғлом ҳаёт»

▶️@ssvuz
▶️@ssvmatbuotkotibi

​​Жонс Хопкинс университети: дунёда коронавирус инфекцияси билан касалланганлар сони 99,7 миллион нафардан ортиқни ташкил этмоқда

Жаҳон соғлиқни сақлаш ташкилоти маълумотларига кўра, дунёда коронавирус инфекциясини юқтирганлар сони 98 миллион 794 мингдан ортиқни ташкил этмоқда, шундан 2 миллион 124 мингдан зиёд киши вафот этган (25.01.2021 йил Европа вақти билан соат 17:30 ҳолатига кўра). Охирги сутка давомида дунёда коронавирус инфекцияси билан касалланишнинг 514 098 янги ҳолати аниқланди, 11 434 нафар бемор вафот етди.

Жонс Хопкинс университетининг ҳозирги (26.01.2021 йил Тошкент вақти билан соат 10:22 ҳолати) маълумотларига кўра, дунёда касалликни 99 миллион 718 мингдан ортиқ одам юқтирган, улардан 2 миллион 139 мингдан ортиғи вафот этган.

Касаллик тасдиқланган ҳолатлар бўйича АҚШ биринчи ўринда турибди, у ерда ЖССТ маълумотларига кўра 24,775 миллиондан ортиқ коронавирус инфекциясини юқтирганлар аниқланган. Иккинчи ўринда Ҳиндистон (10,667 миллиондан ортиқ), учинчи ўринда Бразилия (8,816 миллиондан ортиқ), тўртинчи ўринда Россия (3,738 миллиондан ортиқ), бешинчи ўринда эса Буюк Британия (3,647 миллиондан ортиқ).

ЖССТ маълумотларига кўра, бир сутка давомида АҚШда 170 883, Ҳиндистонда 13 203, Бразилияда 62 334, Россияда 19 290, Буюк Британияда эса 30 004 нафар янги касалланиш ҳолати аниқланган.

Соғлиқни сақлаш вазирлиги
Жамоатчилик билан алоқалар бўлими.



Согласно актуальным данным Университета Джонса Хопкинса в мире коронавирусной инфекцией заразилось более 99,7 миллион человек

По данным Всемирной организации здравоохранения число зараженных коронавирусной инфекцией в мире составляет более 98 млн 794 тысячи, из них более 2 млн 124 тысячи человек умерли (по состоянию на 17:30 по центральноевропейскому времени 25 января 2021 года). За последние сутки в мире выявлено 514 098 нового случая заболеваемости коронавирусной инфекцией, 11 434 больных умерло.

Согласно актуальным данным Университета Джонса Хопкинса (по состоянию на 10:22 часов по ташкентскому времени 26 января 2021 года), в мире заразилось более 99 млн 718 тысяч человек, из них более 2 млн 139 тысяч скончались.

Лидером по количеству подтвержденных случаев остаются США, где по данным ВОЗ выявлено более 24,775 млн зараженных. На втором месте находится Индия (более 10,667 млн), на третьем — Бразилия (более 8,816 млн), на четвертом — Россия (3,738 млн), на пятом — Великобритания (3,647 млн).

По данным ВОЗ, за последние сутки в США было зарегистрировано 170 883, Индии — 13 203, Бразилии — 62 334, России — 19 290 и Великобритании — 30 004 новых случаев заболевания.

Отдел по связям с общественностью
Министерства здравоохранения.

▶️@ssvuz
▶️@ssvmatbuotkotibi

​​ЮРАК-ҚОН ТОМИР КАСАЛЛИКЛАРИ ЙИЛ САЙИН “ЁШАРИБ” БОРАЁТГАНИГА САБАБ НИМА?

Бутун дунёда бўлгани каби минтақамизда яшовчи аҳоли орасида ҳам юрак-қон томир касалликлари кенг тарқалган. Бунга тобора ўзгариб бораётган табиий иқлим, яшаш шароити таъсир этади.

▶️Хўш, йу йўналишда аҳолига сифатли тиббий хизмат кўрсатиш ишлари қандай ташкил этилган?
▶️Кардиология соҳасида қандай натижаларга эришилмоқда?
▶️Юрак-қон томир тизимига оид касалликларнинг профилактикасини қандай ташкил этиш керак?

ССВ матбуот хизматининг шу каби саволларига Республика ихтисослаштирилган Кардиология илмий амалий тиббиёт маркази директори Хуршид Фозилов жавоб беради.

— Тиббиётнинг кардиология ихтисослигини бугунги кун талаби асосида янада ривожлантириш, олис қишлоқларда яшаётган аҳолига замонавий кардиологик ёрдам кўрсатиш борасида қандай ишлар олиб борилмоқда?

— Жаҳон тиббиётида ушбу йўналишда қандай ютуқлар қўлга киритилган бўлса, уларнинг барчаси Ўзбекистон тиббиётига ҳам жорий этилмоқда. Юрак-қон томир касалликларида коронарография ва стентлаш амалиёти бунга ёрқин мисолдир. Ана шундай юқори технологиялар тиббиётимизга кириб келиши туфайли кейинги йилларда миокарднинг ўткир инфарктидан содир бўлаётган госпитал ўлим ҳолатлари 9-10 фоизгача камайди.

Яна бир юқори технологик усул — юракнинг мураккаб аритмияларида қўлланадиган радиочастотали аблация ва юрак блокадаларида электрокардиостимуляция усуллари ҳам марказимизда самарали амалга оширилмоқда. Тиббиётнинг бундай ютуқларини ҳудудлардаги шифо муассасаларига ҳам жорий этиш энг муҳим вазифамиздир.

Ҳозирданоқ бу борада муҳим қадамлар қўйила бошланди. Жумладан, Республика ихтисослаштирилган кардиология илмий-амалий тиббиёт марказининг Қарши, Наманган, Урганч, Навоий, Самарқанд филиаллари, Фарғона, Бухоро вилояти ва Қорақалпоғистон Республикасидаги тиббиёт муассасаларида коронарография ва стентлаш амалиёти ўтказилаётгани ҳудудлар аҳолиси учун катта қулайлик бўлди.

— Ҳудудлардаги ҳомиладор аёлларнинг кўпчилиги қон босими ошишидан шикоят қилади. Бу табиий ҳолатми ёки бирор касаллик белгисими?

— Ҳомиладорликнинг иккинчи ярмида баъзи аёлларда қон босимининг ошиши кузатилади. Бу организмда ҳомиладорлик туфайли рўй берадиган гормонал ўзгаришлар сабабли. Бироқ ҳолат жуда оғир кечса ва чўзилиб кетса, шифокорга ўз вақтида мурожаат этиш керак. Ҳомиладор аёл фарзандли бўлиб, туғруқхонадан чиққанидан кейин она-бола доимий патронаж кузатувида бўлади.

Тиббий кўрик вақтида аёлнинг қон босимини ўлчаш, агар босим юқори бўлса, тегишли шифокорлар кўригини ташкил этиш зарур.

— Юрак-қон томир касалликлари йил сайин “ёшариб” бораётгандай?..

— Тўғри, юрак-қон томир касалликлари анча ёшармоқда. Бунга ҳаёт суръатининг жадаллашуви асосий сабаб десак, муболаға бўлмайди. Сир эмас, бугун ахборот босими таъсирида яшаяпмиз.

Қолаверса, турмуш тарзимиз енгиллашгани сари жисмоний фаоллик сусайиб боряпти. Ёшлар орасида чекиш кўпроқ учрамоқда. Пала-партиш, норационал овқатланиш туфайли вазн ортиши юракка янада оғир зарба беради. Оқибатда қон таркибида биокимёвий ўзгаришлар юзага келиб, юрак-қон томир хасталиги кучайишига олиб келади.

— Қон босими фақат юрак-қон томир тизими касалликлари туфайли ошадими ёки бунга бошқа аъзо ва тизимлардаги ўзгаришлар ҳам сабаб бўлиши мумкинми?

— Албатта, бошқа аъзолардаги хасталиклар ҳам қон босимини ошириши мумкин. Масалан, буйрак-тош касалликлари, пиелонефрит, эндокрин касалликлар (бўқоқ, буйрак усти безининг катталашиши) туфайли қон босими ошиши кузатилади. Бироқ юрак-қон томир касалликларидан фарқли равишда бундай вазиятда артериал гипертония ўзига хосликка эга, яъни диастолик босим анча ошиб кетади, 140/100, 150/110 симоб устунини ташкил этади.

Бундай вазиятда беморнинг юрак-қон томир тизимидан бошқа аъзоларида касаллик бор-йўқлигини аниқлаб, тегишли шифокорга йўналтиришингиз керак.

Соғлиқни сақлаш вазирлиги
Жамоатчилик билан алоқалар бўлими.

▶️@ssvuz
▶️@ssvmatbuotkotibi

“Тараққиёт стратегияси” маркази ЎзМТРК билан ҳамкорликда Давлат дастури лойиҳаси муҳокамасига бағишланган туркум кўрсатувлар давом этмоқда. Жонли эфирдаги ушбу кўрсатувларни “Ўзбекистон-24” телеканали, шунингдек, “Тараққиёт стратегияси” марказининг Facebook тармоғидаги DSCUzbekistan саҳифаси орқали ҳам томоша қилишингиз мумкин.

Давлат дастури лойиҳаси муҳокамасига бағишланган бугунги кўрсатувда Соғлиқни сақлаш вазирининг биринчи ўринбосари Амрилло Иноятов иштирок этмоқда.

ЖОНЛИ ЭФИРДА КЎРИШ
▶️https://www.facebook.com/DSCUzbekistan/

Ведущие специалисты Республиканского специализированного научно-практического медицинского центра урологии провели мастер-класс для своих коллег в Сурхандарьинской области. Об этом в репортаже телеканала "Узбекистон 24".

▶️@ssvuz
▶️@ssvmatbuotkotibi

​​ЮРТИМИЗДА САНИТАРИЯ ТАЛАБЛАРГА РИОЯ ЭТГАН ҲОЛДА КОНЦЕРТ-ТОМОША ТАДБИРЛАРИНИ ТАШКИЛ ЭТИШГА РУХСАТ БЕРИЛДИ

2020 йилнинг ноябрь ойидан бошлаб мамлакатимизда коронавирус пандемияси билан боғлиқ вазият бироз бўлса-да барқарорлашганлиги муносабати билан босқичма-босқич жорий этилган карантин чекловлар бекор қилиниб, ижтимоий ва иқтисодий соҳалар фаолияти тикланди.

Сўнгги кунларда келиб тушган кўплаб маданият соҳаси вакилларининг мурожаатларини инобатга олган ҳолда, шунингдек, ҳалқимизни маданий хордиқ чиқаришлари учун қулай шароит яратиш мақсадида концерт-томоша тадбирларини жорий йилнинг
28 январидан бошлаб санитария-эпидемиологик талабларга қатъий риоя этган ҳолда ташкил этишга рухсат берилди.

Республика махсус комиссиясининг қарори билан концерт ва томоша тадбирларини ўтказиш бўйича қуйидаги талаблар белгиланди:

❗️концерт саройларининг томошабин сиғимини инобатга олган ҳолда томошабинлар сонини 50 фоиздан оширмаган ҳолда ташкил этиш;
❗️концерт саройларининг томошабин ўриндиқларидан оралиқ масофани сақлаган ҳолда фойдаланилишини таъминлаш ва бу борада оралиқ масофани сақлаш учун талаб этиладиган ўриндиқларни консервация қилиш;
❗️концерт саройларига ташриф буюрувчи томошабин ҳамда хизмат кўрсатувчи ходимлар қатъий ниқобда (маскада) бўлиш.

Шунингдек, ушбу қарор билан Республика махсус комиссиясининг умумий овқатланиш корхоналари ва кўнгилочар объектлар томонидан соат 8:00 дан 23:00 гача бўлган даврида фаолият юритиши билан боғлиқ бўлган чекловлар бекор қилиниб, Вазирлар Маҳкамасининг “Тунги вақтда фаолият юритувчи умумий овқатланиш корхоналари ва кўнгилочар объектларда жамоат хавфсизлигини таъминлашга доир қўшимча чора-тадбирлар тўғрисида” 2019 йил 24 июлдаги 624-сон қарори талаблари доирасида фаолиятни ташкил этилишига рухсат берилди.

Шу ўринда таъкидлаб ўтиш жоизки, ҳозирда дунёнинг қатор мамлакатларида коронавирус билан боғлиқ вазиятнинг кескинлашуви натижасида карантин ҳаттоки ижтимоий
ва иқтисодий соҳалар фаолиятини тўхтатиш каби чекловлар ҳамон давом этмоқда.

Республика махсус комиссияси халқимиздан коронавирус инфекциясини тарқалишини олдини олиш мақсадида санитария-эпидемиологик қоидаларга қатъи риоя этишлари ҳамда мамлакатимизда эпидемиологик барқарорликни таъминлаш борасида эришилган бугунги вазиятни бардавом бўлиши учун шахсий масъулиятни оширишларини сўраб қолади.

Соғлиқни сақлаш вазирлиги
Жамоатчилик билан алоқалар бўлими.

▶️@ssvuz
▶️@ssvmatbuotkotibi

​​❗️ССВ ҳудудий бошқармалари фаолиятидан:

🔺Қорақалпоғистон Республикаси.
Республика ихтисослаштирилган илмий-амалий тиббиёт марказларининг бир гуруҳ мутахаcсислари Қорақалпоғистон Республикасида бўлиб беморларни даволаш, уларни тиббий кўрикдан ўтказиш, кадрларнинг малакасини ошириш ҳамда аҳоли ўртасида касалликнинг олдини олиш бўйича тарғибот ишларини олиб борди. Жумладан, Республика ихтисослаштирилган терапия ва тиббий реабилитация илмий-амалий тиббиёт марказидан профессор Мирвосит Каримов, терапевт Амина Файзуллаева ва пульмонолог Элина Исмаилова У. Холмуродов номидаги Республика кўп тармоқли тиббиёт марказида беморларнинг ҳолати, уларга яратилган шароитлар ва муолажалар билан танишди.

🔺 Андижон вилояти.
Вилоят соғлиқни сақлаш бошқармаси бошлиғи Салоҳиддин Юсупов ва Республика шошилинч тиббий ёрдам илмий маркази Андижон филиали раҳбари Дониёр Бурибаев филиалда фаолият олиб бораётган мутахассиларнинг малака ошириш ишлари, ундаги олиб борилаётган қурилиш ишлари, билан танишдилар. Пахтаобод, Қўрғонтепа, Шахрихон туманларида олиб борилаётган тадбирлар доирасида ҳудудларга сафар қилдилар.

🔺 Бухоро вилояти.
Республика ихтисослаштирилган онкология ва радиология илмий-амалий тиббиёт марказининг тажрибали мутахассислари Бухоро вилоятида бўлишди. Гуруҳ раҳбари Жамшид Ҳалимовга онкожарроҳ Бахтиёр Мадиёров, бош-бўйин ўсмалари шифокори Азизбек Абдикаримовлар ҳамроҳлик қилишди.

🔺Сирдарё вилояти.
Ўтган йилнинг ўзида Республика ихтисослаштирилган онкология ва радиология илмий-амалий тиббиёт марказининг Сирдарё вилоят филиалида 3002 нафар бемор даволанган. Айни чоғда, онкологик касалликлар билан касалланган беморлар сони вилоятда 1752 нафарни ташкил этади. Шундан 373 нафари янги бемор бўлиб, уларнинг 80 нафарида касалликнинг белгилари соҳа ходимлари томонидан ўтказилган профилактик кўриклар вақтида аниқланган.

▶️@ssvuz
▶️@ssvmatbuotkotibi

​​МИОКАРД ИНФАРКТИНИ БОШДАН КЕЧИРГАН БЕМОРГА УЙ ШАРОИТИДА ҚАНДАЙ ЁРДАМ БЕРИШ МУМКИН?

ССВ матбуот хизматининг кардиология соҳасига оид саволларига Республика ихтисослаштирилган Кардиология илмий амалий тиббиёт маркази директори Хуршид Фозилов жавоб беради (2-қисм).

— Юрак хуружи таҳдид солаётганини билдирувчи белгилар борми?

— Тўш соҳасидаги оғриқ, нафас қисилиши, тез-тез ҳолдан тойиш, юракнинг бетартиб ва тез уриши, бош айланиши, кўнгил айниши ҳолатлари юрак хуружидан огоҳлантираётган бўлиши мумкин. Юрак-қон томир касалликларининг атипик кўринишларида ошқозон соҳасидаги, пастки жағдаги оғриқ ҳам юрак хасталиги белгиси бўлиши мумкин. Бундай беморлар ўз билганича дори-дармон ичмасликни, зудлик билан шифокор кўригига бориб, тиббий кўрикдан ўтиши керак. Ўз вақтида кўрилган ҳар бир чора юрак касалликларининг олдини олишга сабаб бўлади.

— Миокард инфарктини бошидан кечирган беморларга уй шароитида қандай ёрдам бериш мумкин?

— Бундай беморлар стационарда даволаниб уйига қайтгач, диспансер назоратига олинади. Уларни уй шароитида реабилитация қилишда енгил машқларни бажартириш мумкин.

Масалан, енгил бадантарбия тавсия қилинади. Бемор қонидаги биокимёвий кўрсаткичларни, жумладан, липидлар миқдорини доимий текшириб туриш керак. Ўз вақтида тиббий кўрикларга жалб этиш, парҳезга амал қилиши, шифокор буюрган дориларни вақтида қабул қилишини кузатиб, оиладагиларга бемор парвариши бўйича маслаҳатлар бериш лозим.

— Қон босимининг пасайиши сабаби нимада? Бундай беморларга уй шароитида қандай ёрдам кўрсатиш керак?

— Қон босими пасайишининг бир неча сабаблари бор. Масалан, беморда ўткир миокард инфаркт ҳолати бўлса, қон босими бирдан тушиб кетиши мумкин. Юрак ритмининг кескин бузилиши ҳам қон босими пасайишига олиб келади.

Шундай ҳолатларда зудлик билан тез ёрдам чақириб, у етиб келгунига қадар беморни текис ҳолатда ётқизиш, хона эшик-деразаларини очиш, сиқиб турган кийимларни ечиш лозим. Қора чой, кофе бериш мумкин. Билиб-билмай ҳар хил дори-дармон бериш беморнинг аҳволини янада оғирлаштириши мумкин.

— Юрак-қон томир касалликларининг олдини олишда оддий ва осон усуллар борми?

— Бу борада ҳар бир инсон қуйидаги шартларга амал қилиши керак. Шу талаблар ортида соғлом юрак сири яширинган, дейиш мумкин:
— чекмаслик;
— бир кунда ўртача 3 километр пиёда юриш;
— доимий равишда мева-сабзавот истеъмол қилиш;
— қон босимининг 140 миллиметр симоб устунидан кам бўлиши;
— юрак уруши бир дақиқада ўртача 70 тадан ошмаслиги;
— қондаги холестерин миқдори ўртача 5 ммоль/л дан ошмаслиги;
— липидлар миқдори ўртача 3 ммоль/л дан юқори бўлмаслиги;
— ортиқча вазндан холи бўлиш.

Булар ҳар бир инсон амал қилиши мумкин бўлган энг осон ва оддий қоидалар. Профилактиканинг бундай самарали усуллари ҳақида аҳолини хабардор қилишда патронаж ҳамширалар бизнинг асосий таянчимиздир.

Соғлиқни сақлаш вазирлиги
Жамоатчилик билан алоқалар бўлими.

▶️@ssvuz
▶️@ssvmatbuotkotibi

​​🔺2021 йил 26 январь ҳолатига кўра, Ўзбекистонда коронавирус инфекцияси қайд этилганлар сони 78510 (+39) нафарни ташкил этмоқда.

🔴 Янги касалланиш ҳолатларининг:
📌2 нафари Жиззах вилоятида,
📌1 нафари Навоий вилоятида,
📌3 нафари Наманган вилоятида,
📌2 нафари Самарқанд вилоятида,
📌1 нафари Сурхондарё вилоятида,
📌3 нафари Хоразм вилоятида,
📌3 нафари Тошкент вилоятида,
📌24 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

♻️Кеча кун давомида:
📌Андижон вилоятида 8 нафар,
📌Жиззах вилоятида 3 нафар,
📌Қашқадарё вилоятида 3 нафар,
📌Навоий вилоятида 2 нафар,
📌Наманган вилоятида 2 нафар,
📌Сирдарё вилоятида 9 нафар,
📌Сурхондарё вилоятида 12 нафар,
📌Фарғона вилоятида 9 нафар,
📌Хоразм вилоятида 12 нафар,
📌Тошкент вилоятида 4 нафар,
📌 Тошкент шаҳрида 21 нафар бемор тузалиб, касалликдан соғайганлар жами 76 997 (+85) нафарга етди ва соғайиш кўрсаткичи 98 фоизни ташкил қилмоқда.

❗️ Айни пайтда тиббиёт муассасаларида даволанаётган 892 нафар бемордан 158 нафари оғир, 32 нафари эса ўта оғир аҳволда.

Соғлиқни сақлаш вазирлиги
Жамоатчилик билан алоқалар бўлими.

▶️@ssvuz
▶️@ssvmatbuotkotibi

Республика ихтисослаштирилган урология илмий-амалий марказининг мутахассислари Сурхондарё вилоятида бўлиб, аҳолини тиббий кўрикдан ўтказди ҳамда ҳамкасблари билан биргаликда жарроҳлик амалиётларини амалга оширишди.

Бу ҳақда "Ўзбекистон 24" телеканалининг репортажида кўришингиз мумкин.

▶️@ssvuz
▶️@ssvmatbuotkotibi

​​Жонс Хопкинс университетининг ҳозирги маълумотларига кўра, дунёда коронавирус инфекцияси билан касалланганлар сони 100 миллион нафардан ошди

Жаҳон соғлиқни сақлаш ташкилоти маълумотларига кўра, дунёда коронавирус инфекциясини юқтирганлар сони 99 миллион 363 мингдан ортиқни ташкил этмоқда, шундан 2 миллион 135 мингдан зиёд киши вафот этган (26.01.2021 йил Европа вақти билан соат 16:50 ҳолатига кўра). Охирги сутка давомида дунёда коронавирус инфекцияси билан касалланишнинг 410 152 янги ҳолати аниқланди, 10 413 нафар бемор вафот етди.

Жонс Хопкинс университетининг ҳозирги (27.01.2021 йил Тошкент вақти билан соат 10:23 ҳолати) маълумотларига кўра, дунёда касалликни 100 миллион 270 мингдан ортиқ одам юқтирган, улардан 2 миллион 157 мингдан ортиғи вафот этган.

Касаллик тасдиқланган ҳолатлар бўйича АҚШ биринчи ўринда турибди, у ерда ЖССТ маълумотларига кўра 24,916 миллиондан ортиқ коронавирус инфекциясини юқтирганлар аниқланган. Иккинчи ўринда Ҳиндистон (10,676 миллиондан ортиқ), учинчи ўринда Бразилия (8,844 миллиондан ортиқ), тўртинчи ўринда Россия (3,756 миллиондан ортиқ), бешинчи ўринда эса Буюк Британия (3,669 миллиондан ортиқ).
ЖССТ маълумотларига кўра, бир сутка давомида АҚШда 141 691, Ҳиндистонда 9 102, Бразилияда 28 323, Россияда 18 241, Буюк Британияда эса 22 195 нафар янги касалланиш ҳолати аниқланган.

Соғлиқни сақлаш вазирлиги
Жамоатчилик билан алоқалар бўлими.

————————————

Согласно актуальным данным Университета Джонса Хопкинса в мире количество заразившихся коронавирусной инфекцией превысило 100 миллионов человек

По данным Всемирной организации здравоохранения число зараженных коронавирусной инфекцией в мире составляет более 99 363 тысячи, из них более 2 млн 135 тысяч человек умерли (по состоянию на 16:50 по центральноевропейскому времени 26 января 2021 года). За последние сутки в мире выявлено 410 152 нового случая заболеваемости коронавирусной инфекцией, 10 413 больных умерло.

Согласно актуальным данным Университета Джонса Хопкинса (по состоянию на 10:23 часов по ташкентскому времени 27 января 2021 года), в мире заразилось более 100 млн 270 тысяч человек, из них более 2 млн 157 тысяч скончались.

Лидером по количеству подтвержденных случаев остаются США, где по данным ВОЗ выявлено более 24,916 млн зараженных. На втором месте находится Индия (более 10,676 млн), на третьем — Бразилия (более 8,844 млн), на четвертом — Россия (3,756 млн), на пятом — Великобритания (3,669 млн). По данным ВОЗ, за последние сутки в США было зарегистрировано 141 691, Индии — 9 102, Бразилии — 28 323, России — 18 241 и Великобритании — 22 195 новых случаев заболевания.

Отдел по связям с общественностью
Министерства здравоохранения.

▶️@ssvuz
▶️@ssvmatbuotkotib

​​ССВ: 2020 йилда «тез ёрдам»га 11 ярим миллионга яқин мурожаат келиб тушди

Ўтган йил шошилинч ва тез тиббий ёрдам хизматининг ходимлари учун анча серташвиш йил келди, десак, адашмаймиз. Юртимизда шаклланган ушбу хизматнинг инсон ҳаёти ва саломатлигини асрашдаги ўрни ниҳоятда муҳим эканлиги яна бир бор аён бўлди.

Жумладан, «103» хизмати 2019 йилда 10 миллионга яқин чақириқни қабул қилган бўлса, 2020 йилда бу кўрсаткич 11 ярим миллионга яқинлашди.

Шундан ўтган йилида энг кўп чақириқлар Фарғона, Андижон, Тошкент, Наманган вилоятлари ва пойтахтимизда (1 миллиондан зиёд) келиб тушган бўлиб, энг кам мурожаат Навоий (355 мингдан ортиқ) ҳамда Сирдарё (384 мингдан ортиқ) вилоятларида кузатилган.

2020 йилги мурожаатлар сони ошганлигини пандемия шароити билан боғлаш мумкин. Чунки карантин даврида «COVID-19» ни юқтириш хавфи туфайли уйдан чиқишни афзал кўрмаганларнинг аксарияти «тез ёрдам»га қўнғироқ қилишди.

Эслатиб ўтиш лозимки, тез тиббий ёрдам тизими фаолиятини самарали йўлга қўйиш мақсадида Соғлиқни сақлаш вазирлиги ва Республика шошилинч тиббий ёрдам илмий маркази дастурчилар марказининг Жаҳон банки томонидан молиялаштирилган ҳамкорлик лойиҳаси амалга оширилмоқда.

Тошкент шаҳрида хизмат мутахассислари фаолиятда замонавий ахборот-коммуникация технологияларини жорий этиш, қўнғироқларни қабул қилиш ва қайта ишлашни автоматлаштириш, маълумот алмашиш ва тез тиббий ёрдам бригадаларини бошқариш бўйича ўқитилди.

Янги тизимга кўра, бир маротаба олинган маълумотлар тизимда электрон тарзда бригадага тўғридан тўғри узатилади ва бу билан вақтнинг бир неча маротаба камайиши ва тежалишига олиб келади. Бу тизим ўрнатилишидан аввал эса чақириқ хақидаги барча маълумотлар аввал диспетчер томонидан қоғозга тушириб олинар эди.

Шундан сўнг, телефон орқали бригадаларни йўналтирувчи иккинчи диспетчерга айтилиб, у ҳам қоғозга юқоридаги маълумотларни қайта тушириб, бригадага шу иккинчи марта тўлдирилган қоғоз билан хабар узатар эди.

Қолаверса, янги тизим орқали чақириқдан бўш бўлган ва чақириқ манзилига энг яқин бўлган тез тиббий ёрдам бригадасига хабар узатиш имкони яратилган ва уларнинг ҳаракати онлайн кузатиб борилади.

Бундан ташқари, юртимиз бўйлаб шошилинч ёрдам кўрсатиш хизматлари тизимида сall-марказлар ташкил этилиб, у ерда шифокорлар ҳам фаолият юритиши ва лозим бўлганида беморларга «тез ёрдам» машинаси етиб келгунича телефон орқали консультация қилиб, унинг ёнидаги инсонга биринчи ёрдам кўрсатиш бўйича кўрсатмалар бериб, беморнинг ҳаётини қутқариб қолишга кўмаклашиши аҳоли саломатлигини муҳофазалашда муҳим омил бўлмоқда.

Соғлиқни сақлаш вазирлиги
Жамоатчилик билан алоқалар бўлими.

▶️@ssvuz
▶️@ssvmatbuotkotibi

​​Минздрав: в 2020 году в «скорую помощь» поступило около 11,5 миллиона вызовов

Прошлый год был нелегким и для персонала экстренной и скорой медицинской помощи. В очередной раз стало ясно, что роль этой службы в защите жизни и здоровья людей чрезвычайно важна.

Если обратиться к цифрам, в 2019 году в службу «103» поступило около 10 миллионов звонков, а в 2020 году этот показатель приблизился к 11,5 миллиону.

В прошлом году наибольшее количество звонков было получено в Ферганской, Андижанской, Ташкентской, Наманганской областях и столице (более 1 миллиона в каждом регионе), наименьшее количество звонков — в Навоийской (более 355 тысяч) и Сырдарьинской (более 384 тысячи) областях.

Увеличение количества обращений в 2020 году можно отнести к условиям пандемии. Потому что в период карантина большинство из тех, кто болел, но не предпочел покидать свой дом из-за риска заразиться COVID-19, вызывал «скорую помощь».

Напоминаем, что в данный момент для эффективного управления системой «скорой помощи» реализуется совместный проект Министерства здравоохранения и Центра программистов Республиканского научного центра экстренной медицинской помощи, финансируемый Всемирным банком.

В городе Ташкенте специалисты службы прошли обучение по внедрению современных информационных и коммуникационных технологий, автоматизации приема и обработки вызовов, обмена информацией и управления бригадами «скорой помощи».

Согласно новой системе, полученные данные передаются в электронном виде непосредственно бригаде в системе, что сокращает и экономит время в несколько раз.

Перед установкой данной системы вся информация о звонке сначала фиксировалась на бумаге диспетчером. После этого по телефону передавали второму диспетчеру, направляющему бригады, он тоже переписывал вышеуказанную информацию на бумаге и отправлял сообщение бригаде с этой второй раз заполненной бумагой.

Кроме того, новая система позволяет отправлять сообщение бригаде «скорой помощи», которая свободна и находится ближе всего к адресу вызова, а их передвижения отслеживаются в режиме онлайн.

Также в системе экстренной и скорой медицинской помощи по всей стране созданы сall-центры, где работают и врачи, которые при необходимости, пока не приедет «скорая помощь», консультируют пациентов по телефону или инструктируют человека, находящегося рядом с больным. Тем самым они оказывают содействие выздоровлению пациентов и спасают их жизнь.

Отдел по связям с общественностью
Министерства здравоохранения.

▶️@ssvuz
▶️@ssvmatbuotkotibi

​​МУТАХАССИСЛАР ЗАМОНАВИЙ ТОРАКОСКОП УСКУНАСИДА БИР ҚАТОР ОПЕРАЦИЯЛАР ЎТКАЗДИ

Ҳудудларда ихтисослаштирилган тиббий хизмат сифатини янада яхшилаш ва моддий-техник базани мустаҳкамлаш мақсадида Қорақалпоғистон Республикаси Фтизиатрия ва пульмонология марказига торакоскоп ускунаси олиб келинди.

Шу муносабат билан Республика ихтисослаштирилган фтизиатрия ва пульмонология илмий-амалий тиббиёт маркази бош шифокори Нодир Сотволдиев ва торакал хирург Анвар Рисқиевлар мазкур марказда бўлди.

Мутахассислар марказ фаолияти билан яқиндан танишиб, беморларни тиббий кўрикдан ўтказди. Бир қатор беморларда торакоскопик операцияларни амалга оширди. Операциялар жараёнида маҳаллий шифокорларга торакоскоп ускунаси орқали хирургик амалиёт ўтказиш бўйича кенг тушунчалар берилиб, маҳорат дарслари ташкиллаштирилди.

Эндиликда Қорақалпоғистондаги Фтизиатрия ва пульмонология марказида торакоскопик операцияларни амалга ошириш мумкин. Бу эса, ўз навбатида, халқимизнинг оғирини енгил қилишда ва шифокорларнинг операцияларни юқори сифатда ва аниқликда ўтказишида муҳим ҳисобланади.

Қорақалпоғистон Республикаси
Соғлиқни сақлаш вазирлиги Ахборот хизмати

▶️@ssvuz
▶️@ssvmatbuotkotibi

В Ташкентской медицинской академии в сотрудничестве с Центрами по контролю и профилактике заболеваний США (CDC) запущен международный учебный курс, нацеленный на повышение качества подготовки эпидемиологов в нашей стране, обучение их самыми передовыми методами международных стандартов эпидемиологических исследований. Об этом подробнее в репортаже телеканала «Узбекистон 24».

▶️@ssvuz
▶️@ssvmatbuotkotibi

В стране осуществляется ряд мер по приближению специализированной медицинской помощи к населению, в частности, организуются выезды бригад врачей из республиканских центров в регионы. Данный репортаж телеканала "Узбекистон 24" о том, как ведущие врачи Республиканского специализированного научно-практического медицинского центра нейрохирургии побывали в Бухарской области, и провели не только медицинское обследование населения, но и сложные операции.

▶️@ssvuz
▶️@ssvmatbuotkotibi

Андижонда В. Воҳидов номидаги республика ихтисослаштирилган хирургия илмий-амалий тиббиёт маркази мутахассислари ва Андижон давлат тиббиёт институтининг клиникаси шифокорлари ҳамкорликда мураккаб юрак жарроҳлиги амалиётини амалга оширдилар.

▶️@ssvuz
▶️@ssvmatbuotkotibi