​​Замонавий рақамли рентген ускунаси аҳолига беминнат хизмат кўрсатмоқда

Ўтган 2020 йилнинг октябр ойида Республика шошилинч тез тиббий ёрдам илмий маркази Фарғона филиали қошида пульмонология провизор маркази очилиши муносабати билан бўлимга замонавий рақамли рентгенофлюроскопик DRF-4 диагностик аппарати ўрнатилганди.

Ушбу замонавий қурилма айни пайтда вилоят аҳолисига беминнат хизмат кўрсатмоқда. Бу ускуна пандемия даврида “COVID-19” кассалиги асоратларини, хусусан, пневмония ва бошқа касалликларни эрта аниқлаш ва ташҳислашда катта ёрдам бермоқда.

Диагностика ускунаси рентген кўрсатмаларини негатив, позитив услубда ва видеога олиш имкониятига эга. Шунингдек, контраст модда юборилганда дақиқаларни ўзи ҳисоблайди, тасвирларни бир-бири билан таққослай олади. Бу ускунада беморни 90 дан 180 градусгача бўлган радиусда рентгенга олиш имконияти бор. Бу эса шифокорларга айрим касалликларга ташҳис қўйишга катта қулайлик яратади.

Рентген аппарати беморнинг катта ёки кичик ёшда, тўлишган ёки озғинлигига қараб ҳам рентген нурини танлаб узатиш хусусиятига эга. Бошқарув пультида замонавий мультифарматли, икки камерали термографик принтери ёрдамида рентгенни плёнкага тушириб, плёнкани икки хил ўлчамдаги негатаскоп орқали кўриш имконини яратиб беради.

Ушбу қурилма махсус хонага ўрнатилган бўлиб, бошқарув пулти хонаси орқали беморнинг ҳолатини кўриш учун замонавий янги кузатув камераси ва видеомонитор билан таъминланди. Шунингдек хонага симсиз, 4G тезликда ишлайдиган WF қурилмаси ўрнатилиб, интернет тармоғига уланди.

Мазкур рақамли рентген ускунасида замонавий билимларга эга бўлган ёш ва салоҳиятли мутахассислар фаолият олиб бормоқда.

Фарғона вилояти соғлиқни сақлаш бошқармаси Aхборот хизмати.

▶️@ssvuz
▶️@ssvmatbuotkotibi

​​РЕСПУБЛИКА ИХТИСОСЛАШТИРИЛГАН ТИББИЁТ МАРКАЗЛАРИНИНГ МУТАХАССИСЛАРИ ҚОРАҚАЛПОҒИСТОНДА

Аввал ҳам хабар берганимиздек, сифатли ихтисослаштирилган тиббий хизматни аҳолига яқинлаштириш, ҳудудларда фаолият олиб бораётган шифокорларнинг билим ва кўникмаларини ошириш мақсадида республика ихтисослаштирилган марказлар мутахассисларининг вилоятларга ташрифлари ташкиллаштирилмоқда.

Жумладан, Республика илмий-ихтисослаштирилган аллергология марказидан эса пульмонолог-аллерголог шифокор Ғайрат Қўзиев У.Холмуродов номидаги Республика кўп тармоқли тиббиёт марказининг пульмонология ва аллергология бўлимида бўлди.

Мутахассис бу ерда маҳаллий шифокорлар билан биргаликда беморларни тиббий кўрикдан ўтказди ва уларни даволашда муҳим тавсияларини бериб ўтди.

Пульмонология ва аллергологиянинг муҳим масалалари тўғрисида суҳбат олиб борилиб, кележакда тажриба алмашиш ва кадрларнинг билим-кўниикмаларини ошириш бўйича ҳамкорликни йўлга қўйиш борасида ўзаро фикр алмашилди.

Шунингдек, маҳаллий вазиятни ва ҳудуднинг касалликлар бўйича хусусиятларидан келиб чиқиб, У.Холмуродов номидаги Республика кўп тармоқли тиббиёт марказининг Пульмонология ва аллергология бўлими қошида Республика илмий-ихтисослаштирилган аллергология марказининг минтақавий филиалини очиш, уни капитал-таъмирлаш, малакали мутахассислар, асбоб-ускуналар билан таъминлаш масалалари муҳокама қилинди.

——————————————

Республика ихтисослаштирилган терапия ва тиббий реабилитация илмий-амалий тиббиёт марказидан профессор Мирвасит Каримов, терапевт Амина Файзуллаева ва пульмонолог Элина Исмаилова эса У.Холмуродов номидаги Республика кўп тармоқли тиббиёт марказига бориб, беморларнинг ҳолати, уларга яратилган шароитлар ва муолажалар билан танишди, мавжуд камчиликларни ўрганиб чиқишди.

Шундан сўнг Нукус шаҳар тиббиёт бирлашмаси шифохонасида терапевтик, пульмонологик, ички касалликлар билан оғриган оғир аҳволдаги, малакали мутахассислар кўригига муҳтож бўлган беморлар кўрикдан ўтказилди. Уларга ташхис қўйиш ва даволаш бўйича маслаҳатлар берилди. Бундан ташқари, мутахассислар томонидан шифокорларга “Юрак ишемик касаллиги, уни диагноз қилиш ва даволашнинг замонавий усуллари”, “Бронхиал астмани даволашда янгича даво усуллари” мавзуларида мастер-класс ва мулоқотлар ташкиллаштирилди.

Шунингдек, профессор М. Каримов маҳаллий шифокорларга “Гастроэзофагеал рефлюкс касаллик: муаммонинг Ўзбекистон соғлиқни сақлаш соҳаси учун долзарблиги” мавзуида семинар ўтди ҳамда келажакда кадрларнинг билим ва кўникмаларини янада ошириш бўйича ҳамкорлик дастурлари белгилаб олинди.

Бундан ташқари, марказ мутахассислари маҳаллаларга ҳам чиқиб, аҳоли орасида соғлом турмуш тарзини татбиқ этиш бўйича тарғибот ишларини олиб борди.

————————————

Республика ихтисослаштирилган эпидемиология, микробиология, юқумли ва паразитар касалликлар илмий-амалий тиббиёт маркази директори ўринбосари Мақсудбек Мадаминов ва олий тоифали шифокор Салоҳиддин Тошпўлатов Қорақалпоғистон Республикаси болалар юқумли касалликлар шифохонаси билан танишди. Шундан сўнг маҳаллий шифокорлар билан биргаликда Нукус шаҳри ва Беруний туманидаги шифохоналар ва поликлиникаларга бориб, юқумли касалликлар бўлимларида даволанаётган ва олис ҳудудларда яшайдиган, айниқса чорвачилик билан шуғилланадиган, бруцеллёз касаллигига чалинган қатор катта ёшли беморлар кўрикдан ўтказилиб, уларни даволаш бўйича тавсиялар берилди.

Бундан ташқари, мутахассислар Қорақалпоғистон Республикаси болалар юқумли касалликлар шифохонаси бош шифокори Ж. Жанибеков билан бирга туман тиббиёт бирлашмалари бош инфекционистларига семинар ташкиллаштириб, ҳозирда долзарб юқумли касалликлар эпидемиологияси, диагностикаси, даволаш ва профилактикаси бўйича маълумотлар билан ўртоқлашди.

Аҳволи оғир ва ташхис қўйишга қийинчилик туғдирадиган беморларга телемедицинани йўлга қўйган ҳолда онлайн маслаҳатлар бериш бўйича тавсиялар берилди. Шунингдек, пойтахтдаги ушбу ихтисослаштирилган марказда юқумли касалликлар бўйича мутахассислар учун ўқув курслари ташкиллаштириладиган бўлди.

Қорақалпоғистон Республикаси
Соғлиқни сақлаш вазирлиги
Ахборот хизмати.

▶️@ssvuz
▶️@ssvmatbuotkotibi

​​2021 йил 20 январь ҳолатига кўра, Ўзбекистонда коронавирус инфекцияси қайд этилганлар сони 78219 (+56) нафарни ташкил этмоқда.

🔴 Янги касалланиш ҳолатларининг:
📌 1 нафари Қорақалпоғистон Республикасида,
📌2 нафари Андижон вилоятида,
📌2 нафари Бухоро вилоятида,
📌2 нафари Жиззах вилоятида,
📌1 нафари Навоий вилоятида,
📌3 нафари Наманган вилоятида,
📌2 нафари Самарқанд вилоятида,
📌2 нафари Сурхондарё вилоятида,
📌8 нафари Тошкент вилоятида,
📌33 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

♻️ Кеча кун давомида:
📌Андижон вилоятида 6 нафар,
📌Жиззах вилоятида 2 нафар,
📌Қашқадарё вилоятида 1 нафар,
📌Наманган вилоятида 4 нафар,
📌 Тошкент шаҳрида 18 нафар бемор тузалиб, касалликдан соғайганлар жами 76655 (+31) нафарга етди ва соғайиш кўрсаткичи 98 фоизни ташкил қилмоқда.

❗️ Айни пайтда тиббиёт муассасаларида даволанаётган 944 нафар бемордан 156 нафари оғир, 30 нафари эса ўта оғир аҳволда.

Соғлиқни сақлаш вазирлиги
Жамоатчилик билан алоқалар бўлими.

CCВ расмий каналига уланиш: @ssvuz

​​«БЎЗАТОВ» ПОСЁЛКАСИ АҲОЛИСИНИНГ САЛОМАТЛИГИ МУТАСАДДИ РАҲБАРЛАР ДИҚҚАТИДА

Ўзбекистон Республикаси Соғлиқни сақлаш вазирининг ўринбосари Ш. Шарахметов ва Қорақалпоғистон Республикаси Соғлиқни сақлаш вазири М. Қурбанов Бўзатов туманидаги «Бўзатов» посёлкаси аҳолисининг ижтимоий ҳолати билан танишди.

“Бўзатов” посёлка фуқаролар йиғини Бўзатов тумани марказида жойлашган бўлиб, жами аҳоли сони 8 807 нафар, шундан 18 ёшга тўлмаган болалар 2 617 нафар, 18 ёшдан юқорилар 6 190 нафар, туғиш ёшидаги аёллар 774 нафар, ногиронлиги бўлганлар 213 нафарни ташкил қилади.

Аҳолининг ижтимоий турмуш шароитини ўрганишдан ташқари, аҳолини Нукус шаҳри ва туман тиббиёт бирлашмасидан жами 10 тор соҳа мутахассислари (окулист, кардиолог, хирург, акушер-гинеколог, педиатр, невролог, терапевт, рентгенолог, УДТ шифокори, дерматовенеролог) ва инструментал текширувлар (ЭКГ, УДТ, кўчмали рентген) 350 нафар фуқарони чуқурлаштирилган тиббий кўрикдан ўтказди.

Чуқурлаштирилган тиббий кўрик натижасида 49 нафар фуқарода касалликлар аниқланиб, 15 фуқарога Республика даволаш профилактика муассасаларига ва туман тиббиёт бирлашмасига стационар шароитда даволаниши учун йўлланмалар ва 91 та фуқарога амбулатор шароитда даволаниши учун тавсиялар берилди.

Шунингек, Ўзбекистон Республикаси Соғлиқни сақлаш вазирининг ўринбосари Ш.Шарахметов ва Қорақалпоғистон Республикаси Соғлиқни сақлаш вазири М. Қурбанов посёлка фуқаролар йиғини аҳолиси билан учрашув ўтказди ва аҳволи оғир беморларнинг уйига бориб, ҳолидан хабар олди. Уларга Тошкент ва Нукус шаҳарларида даволанишига ёрдам берилишини таъкидлади.

Қорақалпоғистон Республикаси Cоғлиқни сақлаш вазирлиги Ахборот хизмати

▶️@ssvuz
▶️@ssvmatbuotkotibi

​​Жонс Хопкинс университетининг ҳозирги маълумотларига кўра дунёда COVID-19 билан касалланганлар сони 96,8 миллион нафардан ортиқни ташкил этмоқда

Жаҳон соғлиқни сақлаш ташкилоти маълумотларига кўра, дунёда коронавирус инфекциясини юқтирганлар сони 94 миллион 963 мингдан ортиқни ташкил этмоқда, шундан 2 миллион 050 мингдан зиёд киши вафот этган (20.01.2021 йил Европа вақти билан соат 08:36 ҳолатига кўра). Охирги сутка давомида дунёда коронавирус инфекцияси билан касалланишнинг 496 206 янги ҳолати аниқланди, 12 933 нафар бемор вафот етди.

Жонс Хопкинс университетининг ҳозирги (21.01.2021 йил Тошкент вақти билан соат 08:22 ҳолати) маълумотларига кўра, дунёда касалликни 96 миллион 857 мингдан ортиқ одам юқтирган, улардан 2 миллион 074 мингдан ортиғи вафот этган.

Касаллик тасдиқланган ҳолатлар бўйича АҚШ биринчи ўринда турибди, у ерда ЖССТ маълумотларига кўра 23,884 миллиондан ортиқ коронавирус инфекциясини юқтирганлар аниқланган. Иккинчи ўринда Ҳиндистон (10,595 миллиондан ортиқ), учинчи ўринда Бразилия (8,511 миллиондан ортиқ), тўртинчи ўринда Россия (3,633 миллиондан ортиқ), бешинчи ўринда эса Буюк Британия (3,466 миллиондан ортиқ).

ЖССТ маълумотларига кўра, бир сутка давомида АҚШда 142 240, Ҳиндистонда 13 823, Бразилияда 23 671, Россияда 21 152, Буюк Британияда эса 33 355 нафар янги касалланиш ҳолати аниқланган.

Соғлиқни сақлаш вазирлиги
Жамоатчилик билан алоқалар бўлими.

————————————————

Согласно актуальным данным Университета Джонса Хопкинса в мире COVID-19 заразилось более 96,8 миллиона человек

По данным Всемирной организации здравоохранения число зараженных коронавирусной инфекцией в мире составляет более 94 млн 963 тысяч, из них более 2 млн 050 тысяч человек умерли (по состоянию на 08:36 по центральноевропейскому времени 21 января 2021 года). За последние сутки в мире выявлено 496 206 новых случаев заболеваемости коронавирусной инфекцией, 12 993 больных умерло.

Согласно актуальным данным Университета Джонса Хопкинса (по состоянию на 08:22 часов по ташкентскому времени 21 января 2021 года), в мире заразилось более 96 млн 857 тысяч человек, из них более 2 млн 074 тысяч скончались.

Лидером по количеству подтвержденных случаев остаются США, где по данным ВОЗ выявлено более 23,884 млн зараженных. На втором месте находится Индия (более 10,595 млн), на третьем — Бразилия (более 8,511 млн), на четвертом — Россия (3,633 млн), на пятом — Великобритания (3,466 млн).

По данным ВОЗ, за последние сутки в США было зарегистрировано 142 240, Индии — 13 823, Бразилии — 23 671, России — 21 152 и Великобритании — 33 355 новых случаев заболевания.

Отдел по связям с общественностью
Министерства здравоохранения.

▶️@ssvuz
▶️@ssvmatbuotkotibi

​​БЎЛАЖАК ШИФОКОР УЧУН АМАЛИЁТ ҲАМ МУҲИМ!

Ижтимоий тармоқларда тиббиёт таълим муассасалари битирувчи курслари бирламчи тиббиёт муассасаларига амалиётга юборилаётгани ҳамда улар тиббий хатлов жараёнларида қатнашиб, аҳолининг антропометрик ўлчовларини олиш ишларига жалб этилаётгани ҳақида турли мазмундаги маълумотлар берилмоқда. ССВ Матбуот хизмати ушбу чиқишларга ойдинлик киритиш мақсадида вазир биринчи ўринбосари Амрилло Иноятов билан суҳбат уюштирди.

— Тиббиёт таълим муассасалари битирувчилари айни пайтда амалиёт ўтаётган экан. Бу жараён қандай меъёрий ҳужжат асосида ўтказилаяпти?

— Албатта, ҳар бир талаба ўқув жараёнида амалиёт ўташи зарур. Айниқса, тиббиёт соҳасида талаба фақат назарияни ўрганиб, ҳеч қачон етук шифокор бўла олмайди. Тиббиёт таълими азалдан амалиёт билан бирга олиб борилган. Бутун дунёда ўқув жараёнида амалиётга алоҳида эътибор қаратилади. Айни пайтда бу масала кун тартибига чиққани ҳам аниқ сабабларга, ҳуқуқий асосга эга.

Президентимизнинг 2019 йил 6 май санасида эълон қилинган “Тиббиёт ва фармацевтика таълими ва илм фани тизимини янада ривожлантириш чора-тадбирлари тўғрисида”ги қарорига асосланиб, Соғлиқни сақлаш вазирлиги томонидан тасдиқланган ўқув режада ишлаб чиқариш ва ўқув амалиётлари вақти, муддати, қаерда, қандай олиб борилиши белгиланган.

Илгари битирувчи курсларнинг ишлаб чиқариш амалиёти фақат ёзги таътил мавсумида амалга оширилар эди. Уларнинг амалиётга қатнашётганини назорат қилиш таълим муассасасига қийинчилик тўғдиргани ҳам бор гап. Яширмаймиз, бу эса кўпчилик талабалар амалиётдан узоқлашишига, ўзларининг келажакдаги потенциал иш жойлари бўлган оилавий поликлиникаларга бормасликларига ҳам сабаб бўларди. Юқоридаги меъёрий ҳужжат ва тасдиқланган ўқув режа асосида амалиёт икки қисмга бўлиниб, ёз ва қиш мавсумларида амалга ошириладиган бўлди.

Шу боис, айни пайтда фақат битирувчи курс талабаларигина ўзларининг бирламчи тиббиёт муассасаларидаги врач ёрдамчиси сифатидаги амалиётини ўташ учун юборилган. Таъкидлаш керакки, улар шу йили институтни битириб айнан тиббиётни бирламчи бўғинида - шифокорлик пунктлари ва оилавий поликлиникада ишлаш хуқуқини оладилар. Қайд этиш керак, касалликка чалинганлар, ҳомиладорлар ва бошқа қатор сабабларга кўра талаба амалиётга жалб қилинмаслиги мумкин. Бу борада таълим муассасалари раҳбарияти ўрганиб, хулоса чиқаради.

Бу жараёнда ҳудудларда малакали мутахассисларни кўпайтириш ҳамда амалиёт ўтайдиган талабаларга қулай шарт-шароит яратиш мақсадида ўз ихтиёрларига кўра битирувчиларни ўзлари туғилиб-ўсган манзилдаги тиббиёт муассасаларига бириктириш тавсия этилган. Бу билан ўқишни тамомлагач, ўз ҳудудида ишламоқчи бўлган талабалар давлат тиббиёт ташкилотлари билан олдиндан ишга жойлашиш юзасидан дастлабки шартномаларни тузиш, ўзининг функционал вазифаларининг кўлам ва ҳажмини тўлиқ тасаввур қила олиш, тиббиёт муассасасининг мавжуд моддий-техник базаси билан танишиш, у ердаги аҳолининг тиббий ҳолати ҳақида олдиндан етарлича маълумотга эга бўлишига эришилади.

— Ўқув муассасаси битирувчи курс талабаларининг тиббий хатлов жараёнида аҳолининг антропометрик ўлчовларини олиб бораётгани ростми?

— Асло ундай эмас. Улар аҳолининг антропометрик ўлчовларини олаётгани йўқ. Бу ишни ҳамширалар хам қилиши мумкин. Тиббий хатлов бирламчи тиббиёт муассасалари ходимлари, хусусан, оилавий шифокорлар ва у ердаги ҳамширалар томонидан амалга оширилмоқда. Бу тадбирга жалб қилинган битирувчи курс талабалари, клиник ординаторлар, “Оилавий шифокор” сифатида ҳар бир фуқарони ҳам саломатлиги, ҳам касалланиш кўрсатгичларини ўрганадилар, уларни керакли кўрик ва текширувлардан ўтказадилар. Бу фаолият уларни ўқитувчи-домлалари иштирокида ва назоратида олиб борилиши лозим ҳамда ўқув жараёнининг муҳим қисми бўлиб ҳисобланади. Шу туфайли бирламчи тиббиёт муассасаларига врач ёрдамчиси сифатида амалиёт ўташга борган битирувчиларни ҳам фаол қатнашиши табиий ҳол.

Маълумот ўрнида айтиш мумкинки, ҳудудларда амалиёт ўтаётган талабалар шу йилнинг 25 январь куни одатий ўқув жараёнларига қайтишади.

Соғлиқни сақлаш вазирлиги
Жамоатчилик билан алоқалар бўлими.

@ssvuz
@ssvmatbuotkotibi

​​ВАКЦИНА — КОРОНАВИРУСДАН САҚЛАЙДИГАН ОМИЛ

Ўзбекистонда амалга оширилаётган вакцинация жараёнлари бораcидаги саволларга Санитария-эпидемиологик осойишталик ва жамоат саломатлиги хизмати бошлиғи ўринбосари Нурмат Атабеков қуйидагиларни маълум қилди:

— Таъкидлаш жойизки, COVAX (Коронавирус инфекциясига қарши эмлаш механизми) доирасида юртимизга келтирилиши режалаштирилаётган Pfizer/BioNTech компаниялари томонидан ишлаб чиқилган Comirnaty вакцинаси дастлабки босқичда 100 минг доза олиб келиш режалаштирилмоқда. Бу эса хавф гуруҳига мансуб 50 минг нафар аҳолини икки маротаба эмлашга етади.

Айни пайтда миллий эмлаш календарига мувофиқ, юртимизда 13 турдаги юқумли касалликларга қарши эмлаш тадбирлари амалга оширилмоқда. Мамлакатимиз тиббиёт тизимининг барча бўғинларида 2-8 ℃ ҳароратга мўлжалланган совуқлик занжири инфратузилмаси тўлиқ яратилган. Ушбу тизим Жаҳон соғлиқни сақлаш ташкилотининг барча талабларига жавоб беради.

Аввал ҳам таъкидлаганимиздек, ҳозирда Россиядан 100 доза “Sputnik V” вакцинаси юртимизга олиб келинган ва -20 ℃ ҳароратда сақлаб турилибди. Бир вақтнинг ўзида “Sputnik V” вакцинасини тезкор сертификациялаш ва Ўзбекистонда вакцина ишлаб чиқаришни маҳаллийлаштириш бўйича ҳам музокаралар олиб борилмоқда.

Таъкидлаш жоизки, юртимизга Хитойнинг "Ayhui Zhifei Longcom Biopharmaceutical” компанияси томонидан ишлаб чиқилган янги коронавирус рекомбинант вакциналари келтирилган бўлиб, уларнинг синов жараёнларида 8 нафар хитойлик мутахассис ҳам иштирок этмоқда ва амалга оширилаётган барча тадбирлар санитария-эпидемиологик осойишталик ва жамоат саломатлиги хизмати қошида ташкил этилган иммунизация штаби томонидан кузатиб борилмоқда.

2021 йилнинг 21 январь ҳолатига коронавирус касаллигига қарши вакцинани синов жараёнида иштирок этиш истагини билдириб, 8153 нафар кўнгиллилар мурожаат этишди.

Шу ўринда коронавирус касаллигига қарши эмланишнинг нечоғлиқ аҳамиятли эканлигига яна бир бор тўхталиб ўтмоқчиман. Ҳозир биз юртимиз аҳолисининг қанча қисми ушбу касаллик билан касалланиб улгурганини аниқ билмаймиз.

Қачонки у ёки бу давлатда аҳолининг 70 фоиздан ортиқроғида турғун иммунитет бўлмас экан (касалланиш ёки эмлашдан кейин), эпидемик жиҳатдан барқарорликни таъминлаш қийин бўлади. Фақат, вирус юқтирганлиги ёки юқтирмаганлигидан қатъий назар коронавирусга қарши эмланиш мазкур вирус билан касалланишни сақлайдиган асосий омил бўлиб қолаверади.

Соғлиқни сақлаш вазирлиги
Жамоатчилик билан алоқалар бўлими.

▶️@ssvuz
▶️@ssvmatbuotkotibi

​​Қонунчилик палатаси Спикери ва Соғлиқни сақлаш вазири ўринбосари Қашқадарёда тиббиёт соҳаси масъуллари билан мулоқот ўтказди

Олий Мажлис Қонунчилик палатаси Спикерининг Қашқадарёга ташрифи доирасида Қарши шаҳрида вилоят соғлиқни сақлаш тизимида аҳоли саломатлигини мустаҳкамлаш борасидаги ислоҳотларни ҳаётга татбиқ этиш ҳамда Президентимизнинг Олий Мажлисга Мурожаатномасида белгиланган соҳага оид энг муҳим йўналишлар бўйича ўзаро ҳамкорликни мустаҳкамлаш ва устувор вазифаларни амалга ошириш юзасидан йиғилиш ўтказилди.

Йиғилишда Олий Мажлис Қонунчилик палатаси Спикери Нурдинжон Исмоилов ва парламентнинг бир гуруҳ депутатлари, соғлиқни сақлаш вазирининг ўринбосари Улуғбек Собиров, вилоят соғлиқни сақлаш бошқармаси бошлиғи Равшан Тўлаков ҳамда шаҳар ва туман тиббиёт бирлашмалари, даволаш-профилактика муассасалари раҳбарлари иштирок этишди.

Унда таъкидланганидек, ҳудудлардаги кўпгина ҳокимлар ва уларнинг ўринбосарлари даладаги экин қачон экилди, қачон суғорилди, қачон ва қанча ўғит берилди – беш бармоқдай яхши билиши мумкин, бироқ кўпгина ҳолларда мамлакатимизнинг энг асосий бойлиги бўлган халқ саломатлиги билан етарли даражада қизиқишмайди. Бу борада жойлардаги депутатлар фаоллигини ҳам ошириш, уларнинг салоҳиятидан унумли фойдаланиш зарурлигига эътибор қаратилди.

— Бир неча кундан бери вилоятнинг қатор туманларида Президентимиз фармон ва қарорлари ижроси, хусусан, тиббий хатлов якунларини ўрганиш жараёнида амин бўлдикки, тизимда масъулиятни ошириш орасида ҳали қиладиган ишларимиз жуда кўп, — дейди Соғлиқни сақлаш вазирининг ўринбосари Улуғбек Собиров. — Тиббий хатлов бўйича ҳар бир рақамнинг ортида инсонлар тақдири, уларнинг келажаги турибди. Шу асосда хавф гуруҳлари ажратилаяпти, ҳудудларнинг саломатлик профиллари яратилаяпти. Мавжуд муаммолар таҳлил қилинаяпти. Жараённи амалга ошириш учун зарур барча ресурслар ажратиб берилди. Шу сабабли, бу борадаги статистиканинг реал бўлиши учун ҳар биримиз жон куйдириб, ҳаракат қилишимиз зарур.

Айниқса, вазирлик буйруғи билан ҳудудларга бириктирилган пойтахтлик юқори илмий салоҳиятли мутахассисларнинг бу борадаги ўрни сезилиши зарур. Улар олти ой давомида шу ҳудуд учун масъул, жойларда тиббиёт муассасаларининг моддий-техник жиҳатдан ривожлантиришни ҳокимлардан талаб қилиб, нафақат даволашда, ташкилий ишларда ҳам фаоллик, шахсий намуна кўрсaтиб ишлашлари зарур.

Йиғилишда парламент вакиллари томонидан мутасаддиларнинг жойларда тегишли вазифалар ижросидаги муаммолар ва уларнинг ечими юзасидан таклифлари тингланиб, муҳокома қилинди.
Масалан, қайд этилишича, барча тиббиёт муассасалари тўлиқ оптик толали интернет тармоғи, замонавий АКТ ускуналари билан таъминланиши зарур. Шунда тизимни рақамлаштириш, хусусан, хатлов натижаларини электрон базага киритиш, ҳудудларнинг саломатлик профилларини яратиш, электрон поликлиника ва телемедицинани ривожлантириш имкониятлари яратилади.
Тегишли меъёрларга асосан 13000 аҳолига битта тез тиббий ёрдам шохобчаси хизмат кўрсатиши белгиланган. Аммо бу меъёр шаҳар учун ҳам, аҳоли тарқоқ жойлашган узоқ тоғ ёки чўл қишлоқлари учун бир хил. Бундай ҳудудлар учун алоҳида меъёрлар белгиланиши зарур.

Шунингдек, йиғилишда тизим мутасаддилари томонидан тиббиёт муассасаларида хўжалик ҳисобида топиладиган маблағларга солинадиган солиқ юкини камайтириш, давлат харидлари тизимини мақбуллаштириш, тиббий ускуналар етишмайдиган ҳудудларда шартнома асосида хусусий сектор имкониятларидан фойдаланиш, вилоятларда филиаллари бўлмаган ихтисослаштирилган тиббиёт марказларининг ҳудудлардаги вакиллари учун етарлича шароитлар яратиш сингари бир қатор таклифлар муҳокома қилинди. Ҳамкорликни янада мустаҳкамлаш бўйича вазифалар белгилаб олинди.

Қашқадарё вилояти соғлиқни сақлаш бошқармаси ахборот хизмати.

▶️@ssvuz
▶️@ssvmatbuotkotibi

​​❗️ССВ ҳудудий бошқармалари фаолиятидан:

🔺Жиззах вилояти.
Республика ихтисослаштирилган дерматология венерология ва косметология илмий-амалий тиббиёт маркази профессори Эгамберди Эшбоев бошчилигидаги пойтахтлик бир гуруҳ олимлар Жиззах вилоятининг Шароф Рашидов, Арнасой, Дўстлик, Мирзачўл ва Фориш туманларида бўлиб, тиббиёт муассасалари фаолияти билан танишди.

🔺Сирдарё вилояти.
Республика ихтисослаштирилган дерматология венерология ва косметология илмий-амалий тиббиёт маркази бўлим мудири Сарвар Бегимқулов бошчилигидаги тиббиёт ходимлари гуруҳи Сирдарё вилоят дерматология венерология ва косметология диспансерида бўлишиб, тери-таносил касалликларига чалинган беморларга маслаҳат ва амалий ёрдам бердилар, соҳа ходимлари билан маҳорат дарслари ташкиллаштирди.

🔺Наманган вилояти.
Уйчи туманида аҳолини тиббий хатлов ва антропометрик ўлчовдан ўтказиш жараёнлари изчил давом этмоқда. Ҳудуддаги 58 та маҳалла фуқаролар йиғинида яшовчи икки юз минг нафардан зиёд одамнинг тўлиқ тиббий хатловдан ўтказиш ишлари режа жадвали асосида олиб борилмоқда.

🔺Фарғона вилояти.
Ўзбекистон туманида хатлов ва антропометрик кўрсаткичларни аниқлаш ишлари жадал суръатда олиб борилмоқда. Хатлов ишларига масъул этиб бириктирилган 2-сонли вилоят силга қарши курашиш диспенсери бош врачи Қаҳрамонжон Тўйчиев туман тиббиёт бирлашмасининг мутасадди раҳбарлари билан биргаликда хонадонларга бориб, аҳоли билан юзма-юз мулоқот ўтказиб, тиббий маслаҳатлар беришмоқда.

▶️@ssvuz
▶️@ssvmatbuotkotibi

​​2021 йил 21 январь ҳолатига кўра, Ўзбекистонда коронавирус инфекцияси қайд этилганлар сони 78272 (+53) нафарни ташкил этмоқда.

🔴 Янги касалланиш ҳолатларининг:
📌 1 нафари Қорақалпоғистон Республикасида,
📌2 нафари Андижон вилоятида,
📌1 нафари Жиззах вилоятида,
📌2 нафари Навоий вилоятида,
📌2 нафари Наманган вилоятида,
📌1 нафари Самарқанд вилоятида,
📌2 нафари Сирдарё вилоятида,
📌1 нафари Фарғона вилоятида,
📌2 нафари Хоразм вилоятида,
📌6 нафари Тошкент вилоятида,
📌33 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

♻️ Кеча кун давомида:
📌 Қорақалпоғистон Республикасида 3 нафар,
📌Андижон вилоятида 3 нафар,
📌Бухоро вилоятида 6 нафар,
📌Жиззах вилоятида 2 нафар,
📌Наманган вилоятида 3 нафар,
📌Самарқанд вилоятида 56 нафар,
📌Хоразм вилоятида 4 нафар,
📌 Тошкент шаҳрида 20 нафар бемор тузалиб, касалликдан соғайганлар жами 76752 (+97) нафарга етди ва соғайиш кўрсаткичи 98 фоизни ташкил қилмоқда.

❗️ Айни пайтда тиббиёт муассасаларида даволанаётган 900 нафар бемордан 156 нафари оғир, 30 нафари эса ўта оғир аҳволда.

Соғлиқни сақлаш вазирлиги
Жамоатчилик билан алоқалар бўлими.

CCВ расмий каналига уланиш: @ssvuz

ЖССТ маълумотларига кўра, охирги сутка давомида дунёда 610 минг нафардан ортиқ янги касалланиш ҳолати қайд этилди

Жаҳон соғлиқни сақлаш ташкилоти маълумотларига кўра, дунёда коронавирус инфекциясини юқтирганлар сони 95 миллион 612 мингдан ортиқни ташкил этмоқда, шундан 2 миллион 066 мингдан зиёд киши вафот этган (21.01.2021 йил Европа вақти билан соат 17:29 ҳолатига кўра). Охирги сутка давомида дунёда коронавирус инфекцияси билан касалланишнинг 610 413 янги ҳолати аниқланди, 14 569 нафар бемор вафот етди.

Жонс Хопкинс университетининг ҳозирги (22.01.2021 йил Тошкент вақти билан соат 09:22 ҳолати) маълумотларига кўра, дунёда касалликни 97 миллион 476 мингдан ортиқ одам юқтирган, улардан 2 миллион 088 мингдан ортиғи вафот этган.

Касаллик тасдиқланган ҳолатлар бўйича АҚШ биринчи ўринда турибди, у ерда ЖССТ маълумотларига кўра 24,037 миллиондан ортиқ коронавирус инфекциясини юқтирганлар аниқланган. Иккинчи ўринда Ҳиндистон (10,610 миллиондан ортиқ), учинчи ўринда Бразилия (8,573 миллиондан ортиқ), тўртинчи ўринда Россия (3,655 миллиондан ортиқ), бешинчи ўринда эса Буюк Британия (3,505 миллиондан ортиқ).

ЖССТ маълумотларига кўра, бир сутка давомида АҚШда 152 937, Ҳиндистонда 15 223, Бразилияда 62 094, Россияда 21 887, Буюк Британияда эса 38 905 нафар янги касалланиш ҳолати аниқланган.

Соғлиқни сақлаш вазирлиги
Жамоатчилик билан алоқалар бўлими.

————————————————

По данным ВОЗ за последние сутки в мире выявлено более 610 тысяч новых случаев заражения COVID-19

По данным Всемирной организации здравоохранения число зараженных коронавирусной инфекцией в мире составляет более 95 млн 612 тысяч, из них более 2 млн 066 тысяч человек умерли (по состоянию на 17:29 по центральноевропейскому времени 21 января 2021 года). За последние сутки в мире выявлено 610 413 новых случаев заболеваемости коронавирусной инфекцией, 14 569 больных умерло.

Согласно актуальным данным Университета Джонса Хопкинса (по состоянию на 09:22 часов по ташкентскому времени 22 января 2021 года), в мире заразилось более 97 млн 476 тысяч человек, из них более 2 млн 088 тысяч скончались.

Лидером по количеству подтвержденных случаев остаются США, где по данным ВОЗ выявлено более 24,037 млн зараженных. На втором месте находится Индия (более 10,610 млн), на третьем — Бразилия (более 8,573 млн), на четвертом — Россия (3,655 млн), на пятом — Великобритания (3,505 млн).

По данным ВОЗ, за последние сутки в США было зарегистрировано 152 937, Индии — 15 223, Бразилии — 62 094, России — 21 887 и Великобритании — 38 905 новых случаев заболевания.

Отдел по связям с общественностью
Министерства здравоохранения.

▶️@ssvuz
▶️@ssvmatbuotkotibi