Тошкент тиббиёт академиясида Талаба-ёшларнинг 1-халқаро илмий амалий конференцияси ўказилди.

Дунёнинг турли мамлакатларидан бўлажак шифокорлар иштирок этган онлайн илмий-амалий анжуман туфайли турли мамлакатлар иқтидорли талаба-ёшларининг илғор қарашларини ZOOM платформаси кўмагида бир жойга жамланди...

▶️Батафсил

Тошкент тиббиёт академияси Матбуот хизмати

▶️@ssvuz
▶️@ssvmatbuotkotibi

​“Темир дафтар”га киритилган фуқаролар бепул операция қилинмоқда

Самарқандда чаноқ-сон ва тизза бўғимларини эндропротезлаш бўйича жарроҳлик амалиётлари бажарилмоқда. Аҳамиятлиси, Республика ихтисослаштирилган травматология ва ортопедия илмий-амалий тиббиёт маркази шифокорлари томонидан ўтказилаётган бундай жарроҳлик амалиётлари ижтимоий ҳимояга муҳтож, қаровчиси бўлмаган ва ногиронлиги сабабли “Темир дафтар”га киритилган, 35 нафар таянч ҳаракатида патологиялари бор аҳолига бепул ўтказилмоқда.

— Марказий Осиё мамлакатлари аҳолиси орасида туғма сон чиқиши ҳолатлари кўп учрайди, — дейди ушбу тиббиёт маркази Самарқанд филиали директори ўринбосари Маъруф Қодиров. — Ўз вақтида даволанмаса, йиллар ўтиб, асоратини қолдиради, ҳатто ногиронликка олиб келади. Шунингдек, турли йилларда жароҳат олиб, ўз вақтида тўғри даволанмаслик ва оқибатда бўғимлар емирилиши ҳолати ҳам ҳаракатда нуқсонлар келтириб чиқаради. Ушбу жарроҳлик амалиётлари, мана бир неча йилдирки, марказ шифокорлари томонидан амалга ошириб келинмоқда. Хусусан, филиалимизда йилига 250 га яқин эндопротезлар қўйилади, шунингдек, юзлаб умуртқа поғонаси нуқсонларида мураккаб жарроҳлик амалиётлари, бўғимлар артроскопияси, узун ва калта найсимон суяклар синишларида замонавий блокловчи интрамедуляр остеосинтез амалиётлари ҳам амалга ошириб келинмоқда.

Пойтахтдан келган шифокорлар томонидан таянч-ҳаракати тизимида нуқсони бўлган фуқароларга кам инвазив жарроҳлик амалиётлари ўтказилиб, уларнинг келгусида тўлақонли ҳаёт кечириши учун имкон яратилмоқда. Шунингдек, улар томонидан самарқандлик травматолог шифокорларга маҳорат машғулотлари ўтказилиб, назарий билим берилди.

— Болалигимда сонларнинг туғма чиқиши хасталиги билан оғриганман, — дейди Самарқанд шаҳридаги Зиёкорлар маҳалласида яшовчи М.Ҳакимова. — Ўша пайт оёқларим кечроқ операция қилинган экан. Шунинг учун йиллар ўтиб, асорати билинди ва юришим, эгилишим, умуман, ҳаракатларимда жиддий ўзгариш содир бўлди. Кам таъминланган оиламиз, тўрт нафар фарзандим бор, уларни оёққа қўйиб олишда ҳали меҳнат қилишим керак. Маҳалламиз фаоллари шуни инобатга олиб, бизни “Темир дафтар”га киритганди. Ҳозир жарроҳлик амалиётига тайёрлашяпти, операция муваффақиятли бўлишидан умидворман.

Албатта, ҳар бир операция ўзига хос мураккаб жараён. Қолаверса, эндопротезлаш жараёнида фақатгина шифокорнинг маҳорати эмас, балки ушбу операцияда муҳим бўлган тиббий мослама ҳам лозим бўлади. Хусусан, эндопротез учун лозим бўлган тиббий мосламанинг ўзи хориждан олиб келинади.

“Темир дафтар”даги аҳоли учун эса бу мосламалар бюджет маблағлари ҳисобидан келтирилмоқда.

Самарқанд вилояти соғлиқни сақлаш бошқармаси Ахборот хизмати.

▶️@ssvuz
▶️@ssvmatbuotkotibi

Республикамиз бўйлаб коронавирусга қарши оммавий эмлаш бошланди.

Зангиота юқумли касалликлар шифохонасидан лавҳа.

▶️@ssvuz
▶️@ssvmatbuotkotibi

Республикамиз бўйлаб коронавирусга қарши оммавий эмлаш бошланди.

Наманган вилоятидаги эмлаш жараёнларидан лавҳа.

▶️@ssvuz
▶️@ssvmatbuotkotibi

​Самарқандда биринчи бўлиб 86 ёшли отахон коронавирусга қарши эмланди

Самарқанд вилоятида ҳам коронавирусга қарши эмлаш жараёнининг илк босқичи бошланди.

Самарқанд шаҳрида бошланган эмлашда 65 ёшдан юқори бўлган аҳоли қамраб олинмоқда.
Бугун эрталабдан шаҳардаги 4-оилавий поликлиникада эмлаш жараёнига киришилди.

Маълумотларга кўра, мазкур ҳудуддаги 4511 нафар 65 ёшдан юқори бўлган аҳоли рўйхатга олинган ва илк босқичда улар эмланади.

Эмланаётганлар аввал кўрик хонасига кириб, соғлиги тўлиқ назоратдан ўтказилди, кейин эмлаш хонасида коронавирусга қарши эмлаш амалга оширилиб, кейинги – кузатув хонасига олиб кирилди. Монелиги бўлмаган, яъни иситма қилмаётган, сурункали хасталиги хуруж қилмаган, аллергик реакция кузатилмаган фуқароларгина эмланиши мумкин. Кўрик хонасида ҳар бир фуқаро тўлиқ врач назоратидан ўтгач эмлаш хонасига олиб кирилади.

Самарқандда биринчи вакцина олган инсон Боғбон маҳалласида яшовчи 86 ёшли Толиб Муродов бўлди.

– Ўтган йили коронавирус хасталигини бошимдан ўтказдим, – дейди Толиб бобо. – Уйда даволангандим. Поликлиника шифокорлари соғлиғимни назорат қилиб туришди. Вирусга қарши вакцина олишга биринчилардан бўлиб келдим. Соғлиғимизни эҳтиёт қилишимиз, яқинларимизга оғирлигимизни туширмаслигимиз керак.

– Айни пайтда вилоятда битта марказий, 16 та ҳудудий туман (шаҳар) вакцина сақлаш омборхоналари, улардаги совутгичлар, электрогенераторлар, термосумкалар ва термоконтейнерлар шай ҳолатга келтирилди, — дейди вилоят соғлиқни сақлаш бошқармаси бошлиғи ўринбосари Суҳроб Зайниев. — Эмлаш ишларини амалга ошириш учун 411 та эмлаш пунктларига 180 та қўшимча хона ва 186 та ҳаракатдаги бригадалар ташкил этилди. Соғлиқни сақлашнинг бирламчи тиббий бўғини ходимлари, эмлаш жараёнида қатнашадиган 367 нафар врач ҳамда 724 нафар ўрта тиббиёт ходимлари махсус дастур бўйича ўқитилди.

Вилоятда биринчи босқичда эмланадиганлар кексалар 168 минг 218 нафарни ташкил этади.

Вакцинация жараёнларини аҳоли ўртасида кенг тарғиб этиш ҳамда бу жараёндаги турли хил гап-сўзларга ўрин қолдирмаслик мақсадида Самарқанд шаҳар тиббиёт бирлашмаси бошлиғи А.Бобожонов ва бир қатор тиббиёт ходимлари ҳам биринчилар қаторида эмланди.

Манба: UzA

▶️@ssvuz
▶️@ssvmatbuotkotibi

​Ўнгарбой бобо САРИЕВ:
“МЕН ЭМЛАНДИМ. ЭНДИ КЎНГЛИМ ТЎҚ”

Аввал хабар берганимиздек, бугун Қашқадарё вилоятида ҳам коронавирус инфекциясига қарши босқичма-босқич оммавий эмлаш тадбирлари бошланди.
— Вилоят марказидаги жами 8 та муассасадаги эмлаш пунктларида дастлабки босқичда эмлаш тадбирларига старт берилди, — дейди Cанитария-эпидемиологик осойишталик ва жамоат саломатлиги хизмати вилоят бошқармаси бошлиғи Тўхтамурод Пакиров. — Вакциналар тегишли тартибда совуқлик занжири қоидаларига қатъий амал қилинган ҳолда эмлаш пунктларига етказиб берилмоқда. Мазкур пунктларда эмлаш бўйича етарли малакага эга бўлган шифокорлар ва ҳамширалар фаолият олиб боришаяпти.

Қарши шаҳридаги 5-оилавий поликлиникада ҳам эмлаш тадбирлари самарали ташкил этилмоқда.
— Поликлиникамиздаги эмлаш пунктида барча шароитлар яратилган, — дейди поликлиника бош шифокори Шомурод Назаров. — Жумладан, кўрув хоналарида эмлаш олдидан фуқароларимиз тегишли тартибда кўрикдан ўтказилмоқда, улар билан мулоқотлар ташкил этилмоқда. Уларнинг қон босимлари, сатурациялари ўлчанаяпти. Эмлашга монелик қиладиган ҳолатлар кузатилса, бундай фуқароларга алоҳида эътибор қаратилаяпти. Анамнезида оғир аллергик реакциялари мавжуд бўлган шахсларни эмлаш тавсия этилмаяпти. Умуман, ҳар қандай ҳолатда ҳам эмлаш тўғрисидаги қарор тиббий кўрик натижасига кўра қабул қилинмоқда. Дастлабки босқичда поликлиникамиз хизмат кўрсатадиган ҳудуд бўйича 65 ёшдан ошган 1505 нафар қария, сўнг 2000 нафарга яқин тиббиёт ходимлари эмланади. Барча босқичларда жами 8636 нафар фуқарони рўйхатга олиш кўзда тутилмоқда.
— Мен ҳозиргина эмландим, энди кўнглим тўқ, — дейди Қарши шаҳри Худойзод маҳалласида яшовчи 74 ёшли Ўнгарбой бобо Сариев. — Дўхтирларимиз барака топишсин, эмлашдан олдин эринмасдан кўрикдан ўтказишди. Мана, кузатув хонасида эмлашдан кейинги ҳолатимизни ҳам назоратга олиб, ярим соат-бир соатдан кейингина уйга рухсат беришаяпти. Шукур, ҳеч қандай салбий ҳолат кузатилгани йўқ. Давлатимизга минг раҳмат. Мана шундай қиммат турадиган вакциналарни келтириб, барчани бепул эмлашни ташкил қилиб қўйибди. Уйга бориб, фарзандларим, набираларим, қариндошларим, қўни-қўшниларим, маҳалладошларимга ҳам тавсия қиламан. Ўтган йилгидек ташвишли кунларимиз қайталанмаслиги учун ҳам барчамиз эмлаш тадбирларида фаол қатнашишимиз зарур.
Энг муҳими, Ўнгарбой бобо сингари эмлаш тадбирларида иштирок этаётган фуқароларимизнинг кайфиятлари юқори. Улар коронавирусга қарши вакцинация ўз саломатликлари, хонадонлари, маҳаллалари, пировардида юртимиз тинч-хотиржамлиги учун нечоғлик катта аҳамиятга эга эканлигини англаб етган ҳолда эмлашда фаол қатнашишаяпти, шу билан бир қаторда мазкур тадбирнинг фаол тарғиботчисига ҳам айланишмоқда.

Қашқадарё вилояти соғлиқни сақлаш бошқармаси Ахборот хизмати.

​НАМАНГАНДА ҲАМ ЭМЛАШ БОШЛАНДИ

Бутун мамлакатимизда бўлгани каби Наманган вилоятида ҳам коронавирус инфекциясига қарши эмлаш тадбирлари бошланди. Бугун Наманган шаҳридаги 21 та эмлаш пунктларида эрталабданоқ вакцинацияга киришилди.

Шуни алоҳида таъкидлаш жозки, мазкур муҳим тиббий тадбирга ҳар тамонлама пухта тайёргарлик кўрилди.

Вакцинация ишлари айниқса 14-сон оилавий поликлиникада жадал борди. Тадбир олдидан бўлиб ўтган маросимда сўзга чиққанлар коронавирусга қарши курашда эмлашнинг аҳамияти юксаклигини, давлатимиз раҳбари, ҳукуматимиз бу муҳим жараённи муваффақиятли амалга ошириш борасида зарур чоралар кўрганлигини таъкидлашди.

Поликлиникага ташриф буюрган кексалар дастлаб шифокорлар кўригидан ўтишди. Саломатлиги қониқарли бўлган отахон ва онахонлар навбат билан эмлаш хонасига йўлланди. Вилоятда биринчиларда бўлиб, Чорсу маҳалласида яшовчи 87 ёшли Аҳмаджон ота Исмоилов ҳамшира томонидан юборилган вакцинани қабул қилди.

— Мен ўтган йили коронавирус инфекциясига чалиниб, 45 кун касаллик азоб-уқубатларини тортдим. Шифокорларнинг беминнат хизмати туфайли оёққа турдим. Бу касаллик ўта хавфли эканлигини бошимдан кечирдим. Яратганга шукурлар бўлсинки, коронавирусга қарши эмланадиган кунларга ҳам етдик. Шунинг учун эмлаш бошланаётганлигини эшитиб, ўз ҳоҳишим билан поликлиникага келдим. Жуда ҳам хурсандман. Шифокорлар иззат-ҳурмат билан кутиб олиб, кузатиб қўйишаяпти. Энди манда хавотирга ўрин йўқ, — дейди нуроний.

Ташкилий ишлар самараси ўлароқ эмлаш тадбирлари зўр уюшқоқлик билан давом этмоқда. Бош шифокор Нафиса Турсунқулованинг таъкидлашича, бугун 70 нафар хавф гуруҳидаги инсонлар эмлашдан ўтказилиши кўзда тутилган.

Тиббий тадбирнинг бориши мутахассислар томонидан қатъий назоратга олинган.

Маълумки, тиббий тадбирнинг биринчи босқичида вилоятда 106 минг нафардан зиёд 65 ва ундан ортиқ ёшдаги кексаларни эмлаш кўзда тутилган. Наманган вилояти бўйича 238 та эмлаш пунктлари ташкил этилган, 293 та эмлаш бригадаси ва 54 та мобил гуруҳлари иш олиб боради.

Наманган вилояти соғлиқни сақлаш бошқармаси Ахборот хизмати.

▶️@ssvuz
▶️@ssvmatbuotkotibi