​​❗️ССВ ҳудудий бошқармалари фаолиятидан:

🔺Жиззах вилояти.
Вилоят соғлиқни сақлаш бошқармаси бошлиғи Озода Махмудова Фориш тумани Ухум оилавий поликлиникасида сайёр қабул ўтказди.

🔺Фарғона вилояти.
Фарғонада сил касаллиги бор шахсларни ижтимоий ҳимоялаш мавзусида анжуман ўтказилди.

🔺Қашқадарё вилояти.
Санитария-эпидемиологик осойишталик ва жамоат саломатлиги хизмати вилоят бошқармаси учун музлаткичли махсус юк машинаси ва бошқарманинг шаҳар ҳамда туман бўлимлари учун 15 та махсус изоляция қилинган авторефрижиратор мутасаддиларга топширилди.

Қамаши тумани “Лангар” маҳалла фуқаролар йиғини Ўрта дара қишлоғида туман тиббиёт бирлашмаси шифокорлари томонидан тиббий кўрик ташкил этилди.

🔺Бухоро вилояти.
“Замин” фонди вакиллари Бухорога ташриф буюриб, ўз фаолиятлари доирасида вилоят Болалар кўп тармоқли касалхонасида ва Бухоро шаҳридаги 123-сон эшитиш қобилияти чекланган болалар мактаб-интернатида бўлдилар.

🔺Андижон вилояти.
Вилоят соғлиқни сақлаш бошқармаси бошлиғи Салоҳиддин Юсуповнинг Асака туман аҳолиси билан сайёр қабули ўтказилди, бошқарма бошлиғининг ўринбосарлари, бўлим мудирлари, бош мутахасисслари, ихтисослаштирилган даволаш-профилактика муассасаларининг 30 нафар малакали мутахассислари, туман тиббиёт бирлашмасининг масъул мудирлари, мутахассис шифокорларидан иборат 40 нафар ходимлар, жами 83 нафар тиббиёт ходимлари иштирок этди.

🔺Наманган вилояти.
Президентимизнинг вилоятимизга ташрифларидан сўнг Наманган шаҳридаги “Бунёдкор” маҳалласида аҳолига тиббий хизмат кўрсатишни янада яхшилаш чоралари кўрилмоқда. Хусусан, бу ердаги 6- сон оилавий поликлиникасининг “Бўстон” филиалида аҳоли чуқурлаштирилган тиббий кўрикдан ўтказилди.

🔺Сирдарё вилояти.
Инвестиция дастури ҳисобига Ховосдаги оилавий поликлиника мукаммал таъмирдан чиқди.

🔺Навоий вилояти.
Хатирчи туманида вилоят соғлиқни сақлаш бошқармаси томонидан “Оммавий спорт – саломатлик, соғлом хаёт ва бахтли турмуш асоси”, “Соғлом хаёт учун 5000 қадам” лойиҳалари доирасида эрталабки бадантарбия ва спорт машғулотлари бўлиб ўтди.

▶️@ssvuz
▶️@ssvmatbuotkotibi

Дунёда коронавирусдан вафот этганлар сони 2,6 миллионга яқинлашди

Жонс Хопкинс университети берган маълумотларга кўра, дунёда коронавирусдан вафот этганлар сони 2 506 344 кишига етди.

Ўлим сони бўйича биринчи ўринда АҚШ (508 114), иккинчи ўринда Бразилия (251 498), учинчи ўринда Мексика (182 815) туради. Ундан кейин Ҳиндистон, Буюк Британия, Италия, Франция ва Россия.

Умумий қилиб олганда дунёда 112,9 млн киши коронавирусни юқтирган.

@ssvuz
@ssvmatbuotkotibi

Британча штамм илк бор қайд этилган бемор 12 кунда тузалиб чиққан

Ўзбекистонда коронавируснинг британча штамми илк марта 10 ёшли болада аниқланганди. Маълум бўлишича, қизчада касаллик оғир кечмаган ва асоратлар қолдирмаган. 12 кунлик даволанишдан сўнг шифохонадан уйига жавоб берилган.

👉 https://kun.uz/73551829

@ssvuz
@ssvmatbuotkotibi

#Тиббий_луғат

Бери-бери – организмда В1 витамин етишмаслигидан келиб чиқадиган касаллик.

▶️@ssvuz
▶️@ssvmatbuotkotibi

​​🔺2021 йил 25 февраль ҳолатига кўра, Ўзбекистонда коронавирус инфекцияси қайд этилганлар сони 79804 (+31) нафарни ташкил этмоқда.

🔴Янги касалланиш ҳолатларининг:
📌2 нафари Самарқанд вилоятида,
📌1 нафари Хоразм вилоятида,
📌6 нафари Тошкент вилоятида,
📌22 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

♻️Кеча кун давомида:
📌Қашқадарё вилоятида 1 нафар,
📌Наманган вилоятида 3 нафар,
📌Тошкент вилоятида 8 нафар,
📌 Тошкент шаҳрида 31 нафар бемор тузалиб, касалликдан соғайганлар жами 78333 (+43) нафарга етди ва соғайиш кўрсаткичи 98 фоизни ташкил қилмоқда.

❗️Айни пайтда тиббиёт муассасаларида даволанаётган 849 нафар бемордан 153 нафари оғир, 28 нафари эса ўта оғир аҳволда.

Соғлиқни сақлаш вазирлиги
Жамоатчилик билан алоқалар бўлими.

▶️@ssvuz
▶️@ssvmatbuotkotibi

​ЖССТ маълумотларига кўра, охирги сутка давомида дунёда COVID-19 дан 10 мингдан ортиқ бемор вафот этди

Жаҳон соғлиқни сақлаш ташкилоти маълумотларига кўра, дунёда коронавирус инфекциясини юқтирганлар сони 112 миллион 209 мингдан ортиқни ташкил этмоқда, шундан 2 миллион 490 мингдан зиёд киши вафот этган (25.02.2021 йил Европа вақти билан соат 16:20 ҳолатига кўра). Охирги сутка давомида дунёда коронавирус инфекцияси билан касалланишнинг 421 407 янги ҳолати аниқланди, 10 508 нафар бемор вафот этди.

Жонс Хопкинс университетининг ҳозирги (26.02.2021 йил Тошкент вақти билан соат 10:22 ҳолати) маълумотларига кўра, дунёда касалликни 112 миллион 981 мингдан ортиқ одам юқтирган, улардан 2 миллион 507 мингдан ортиғи вафот этган.

Касаллик тасдиқланган ҳолатлар бўйича АҚШ биринчи ўринда турибди, у ерда ЖССТ маълумотларига кўра 27,955 миллиондан ортиқ коронавирус инфекциясини юқтирганлар аниқланган. Иккинчи ўринда Ҳиндистон (11,046 миллиондан ортиқ), учинчи ўринда Бразилия (10,257 миллиондан ортиқ), тўртинчи ўринда Россия (4,212 миллиондан ортиқ), бешинчи ўринда эса Буюк Британия (4,144 миллиондан ортиқ).

ЖССТ маълумотларига кўра, бир сутка давомида АҚШда 71 778, Ҳиндистонда 16 738, Бразилияда 62 715, Россияда 11 198, Буюк Британияда эса 9 938 нафар янги касалланиш ҳолати аниқланган.

Соғлиқни сақлаш вазирлиги
Жамоатчилик билан алоқалар бўлими.

———————————————

По данным ВОЗ за последние сутки в мире от COVID-19 умерло более 10 тысяч человек

По данным Всемирной организации здравоохранения число зараженных коронавирусной инфекцией в мире составляет более 112 209 тысяч, из них более 2 млн 490 тысяч человек умерли (по состоянию на 16:20 по центральноевропейскому времени 25 февраля 2021 года).

За последние сутки в мире выявлено 421 407 новых случаев заболеваемости коронавирусной инфекцией, 10 508 больных умерло.

Согласно актуальным данным Университета Джонса Хопкинса (по состоянию на 10:22 часов по ташкентскому времени 26 февраля 2021 года), в мире заразилось более 112 млн 981 тысяча человек, из них более 2 млн 507 тысяч скончались.
Лидером по количеству подтвержденных случаев остаются США, где по данным ВОЗ выявлено более 27,955 млн зараженных. На втором месте находится Индия (более 11,046 млн), на третьем — Бразилия (более 10,257 млн), на четвертом — Россия (4,212 млн), на пятом — Великобритания (4,144 млн).

По данным ВОЗ, за последние сутки в США было зарегистрировано 71 778, Индии — 16 738, Бразилии — 62 715, России — 11 198 и Великобритании — 9 938 новых случаев заболевания.

Отдел по связям с общественностью
Министерства здравоохранения.

​Ўзбекистонда миллий эмлаш календарига қандай вакциналар киритилган?

Юртимизда жорий йил коронавирус инфекциясига қарши аҳолини оммавий эмлаш жараёни ўтказилиши режалаштирилмоқда. Хўш, мамлакатимиз соғлиқни сақлаш тизими иммунизация ва вакцинация тадбирларини ташкил этиш бўйича қандай амалий тажрибага эга? ССВ матбуот хизмати ушбу савол билан Санитария-эпидемиологик осойишталик ва жамоат саломатлиги хизмати бошлиғи ўринбосари Ботир Қурбоновга мурожаат қилди.

— Мамлакатимизда миллий эмлаш календаридаги 13 турдаги юқумли касалликларга қарши вакциналарни харид қилиш тўлиқ давлат бюджетидан қопланади. 2020 йилда ҳам ана шу вакциналарни харид қилиш 100 фоиз давлат бюджетидан амалга оширилди.

Жаҳон тажрибасига таяниб, соғлиқни сақлаш тизимида босқичма-босқич амалиётга янги вакциналар киритилмоқда, масалан:
▶️ 2001 йил чақалоқларни вирусли гепатит В га қарши эмлаш;
▶️ 2007 йил қизамиқ-паротит-қизилчага қарши уч валентли КПК вакцина билан эмлаш;
▶️ 2009 йил пента-валент (АКДС+ВГВ+ХИБ) вакцина билан болаларни 2-3-4 ойликда эмлаш;
▶️ 2014 йил ротавирус инфекциясига қарши болаларни 2 ва 3 ойлигида эмлаш;
▶️ 2016 йил пневмококк инфекциясига қарши эмлаш;
▶️ 2018 йил фаоллиги камайтирилган полиомиелит вакцина билан болаларни 4 ойликда эмлаш (ИПВ);
▶️ 2019 йил Республикада 9 ёшдаги қиз болаларни одам папиллома вирусига қарши эмлаш.

Жаҳон соғлиқни сақлаш ташкилоти томонидан берилган тавсияларга мувофиқ, ҳар йили ўткир бўшашган шолни эпидемиологик назорати ўрнатилган тартибда олиб борилади.

Ўткир бўшашган шолга гумон этилган ҳар бир бемордан намуна олиб, аккредитациядан ўтган Санитария-эпидемиологик осойишталик ва жамоат саломатлиги хизматининг вирусология лабораториясида текширувлар ўтказилади.

Республикада 1994 йилдан полиомиелитга қарши оммавий эмлаш кунлари ва 8 та чегарадош вилоятларда тозалаш усулида полиомиелитга қарши эмлаш кунлари ўтказиб келинмоқда.

Бир сўз билан айтганда, мамлакатимизда иммунизация ва вакцинация тадбирларини юқорида даражада ташкил этиш борасида амалий тажриба ва етарли шарт-шароитлар мавжуд бўлиб, юқумли касалликлар бўйича эпидемик барқарорлик таъминланиб келинмоқда.

Соғлиқни сақлаш вазирлиги
Жамоатчилик билан алоқалар бўлими.

▶️@ssvuz
▶️@ssvmatbuotkotibi