#foyda_soligi

Foyda soligʻi hisobotini taqdim etganlar kiritilgan oʻzgartirishlar bo‘yicha qayta hisobot topshirmaydi

Foyda soligʻi hisobotiga oʻzgartirishlar kiritildi – paket kodi – 10205_43

Tovarlar (xizmatlar) tannarxi aniqlash boʻyicha 2.1(a) va 2.1(b)-ilovalarga quyidagi satrlar qoʻshildi.

021-satr – jami xarajatlarning xizmat koʻrsatish faoliyati uchun amalga oshirilgan qismi ushbu satrda aks etadi.

031-satr – ishlab chiqarish, ishlar bajarish va xizmat koʻrsatish uchun amalga oshirilgan jami xarajatlar boʻyicha tuzatishlar aks ettiriladi.

Ushbu satrga tuzatishlar quyidagi holatlarda kiritiladi:
– ishlab chiqarish jarayonida hosil boʻlgan chiqindilar tovar moddiy zaxiralar tarkibiga qaytarilganda;
– hayvonlarni oʻstirish va boʻrdoqiga boqish boʻyicha joriy xarajatlar hayvonlar tannarxiga (oʻsish va ortgan vazn) kiritilganda;
– oʻzida ishlab chiqarilgan yarim tayyor mahsulotlar operatsiyalararo omborlarga kirim qilinganda;
– asosiy ishlab chiqarishda aniqlangan toʻgʻirlanmaydigan yaroqsiz mahsulot (yoʻqotish)lar hisobdan chiqarilganda;
– asosiy ishlab chiqarishda moddiy qiymatliklarning kamomadi aniqlanganda;
– tabiiy ofatlar, yongʻin va shu kabilar natijasida tugallanmagan ishlab chiqarishdagi yoʻqotishlar hisobdan chiqarilganda;
Yuqoridagi tuzatishlar hisobiga yil davomida amalga oshirilgan jami xarajatlar (030-satrdan) avtomatik kamayadi.

07011 - 07021-satrlar – joriy davrda sotish uchun kirim qilingan tayyor mahsulot va tovarlar qiymatiga kiritiladigan tuzatishlar aks ettiriladi.
Mazkur satrlar quyidagi holatlarda toʻldiriladi:
- inventarizatsiya natijasida aniqlangan ortiqcha tayyor mahsulot va tovarlar kirim qilinganda;
- tayyor mahsulot va tovarlar ajratilgan boʻlinmalardan kelib tushganda;
- ustav kapitaliga ulush sifatida kelib tushgan tovarlar kirim qilinganda;
- oʻtgan yil realizatsiya qilingan tayyor mahsulot va tovarlar xaridor va buyurtmachi tomonidan qaytarilganda.

07012 - 07022-satrlar – joriy davrda sotish uchun chiqim qilingan tayyor mahsulot va tovarlar qiymatiga kiritiladigan tuzatishlar aks ettiriladi.
Mazkur satrlar quyidagi holatlarda toʻldiriladi:
- tayyor mahsulot va tovarlar yoʻqolishi va buzilishidan kamomadlar aniqlanganda;
- ichki ehtiyojlar uchun tayyor mahsulotlar ishlatilganda, tayyor mahsulotlar sexlarga qayta ishlovga berish va boshqalar uchun qaytarilganda;
- tayyor mahsulot va tovarlar tekinga berilganda;
- tayyor mahsulot va tovarlar boshqa holatlar boʻyicha chiqib ketganda.

0903-satr – oʻzida ishlab chiqarilgan yarim tayyor mahsulotlar, shuningdek, xom ashyo va materiallar sotilganganda ularinng tannarxi aks ettiriladi.
Mazkur satr faqatgina oʻz mahsulotini yarim tayyor holatda yoki xom ashyo va material holatida realizatsiya qilinganda toʻldiriladi.

📖 Soliq to‘lovchilar shaxsiy kabineti "Foyda solig‘i hisob-kitobi" bo‘limida ushbu soliq hisobotini to‘ldirish bo‘yicha yangilangan qo‘llanma joylashtirilgan.

Muhim❗️Bungacha amal qilgan paket kodlari (10205_41 / 10205_42) bo‘yicha taqdim etilgan hisobotlarni qayta topshirish talab etilmaydi.

Тelegram |Facebook |Youtube| Instagram |X| Threads