#keshbek
#turizm

🔴 Dam olish kunlari oilamiz bilan Buxoroga bordik. “O‘zbekiston temir yo‘llari” AJdan ikki tomonga - borish va qaytish uchun chipta sotib oldik, mehmon uyidan xona oldik. Sayohatimiz davomida biz shunchaki eski shaharni aylanib chiqdik va muzeylarga, madaniy obida majmualariga bormadik. Biz sayohat uchun keshbek olishimiz mumkinmi?

🔵 Sayohat uchun keshbekga ega bo‘lish uchun bir qator shartlarni bajarish kerak:

📲Soliq mobil ilovasida JShShIRni kiritgan holda FACE ID orqali ro‘yxatdan o‘tish;
shuningdek, sayohatning barcha uch bosqichi uchun amalga oshirilgan to‘lovlarga taqdim etilgan QR-kodli cheklarni Soliq mobil ilovasida skanerlash orqali ro‘yxatdan o‘tkazish, ya'ni:
✈️ avia, temir yo‘l va (yoki) avtobus transporti chiptasini xarid qilish;
⛺️ joylashtirish vositalaridan (mehmonxonalar, dam olish uylari va zonalari, mehmon uylari va boshqalardan) foydalanish;
🕌 madaniy meros obyektlariga tashrif buyurish.

Sizning holatingizda 3-bosqich tugallanmagan, ya'ni madaniy meros obyektlariga tashrif buyurganlik uchun chek mavjud emasligi sababli, sayohat uchun keshbek olish mumkin emas deb hisoblanadi.

❗️Eslatamiz: joriy yilning 1-sentabridan boshlab respublika boʻylab sayohat qiluvchi va sayohat davomida sayohatning barcha uch bosqichini bir vaqtning oʻzida yakunlagan sayyohlar xarajatlari uchun 15 dan 50% gacha keshbekka ega bo‘lmoqda.

👉PQ-232 30.04.2022-yil
👉VMQ-484 31.08.2022-yil

👉 Sayohat uchun keshbek: ilk natijalar

Тelegram | Facebook | Youtube| Instagram

#MXIK

Hurmatli soliq to'lovchilar!

Siz tasnif.soliq.uz saytida mahsulot va xizmatlar uchun talab qilinadigan identifikatsiya kodini (MXIK) topolmayapsizmi ❓
Unda elektron onlayn-ariza qoldiring❗️

Тelegram |Facebook |Youtube| Instagram |Twitter

#yer_soligi
#imtiyoz

Yuridik shaxslarning soliq solinmaydigan yer uchastkalari jumlasiga quyidagi yerlar kiradi:

🔹madaniyat, ta’lim, sog‘liqni saqlash va ijtimoiy ta’minot obyektlari egallagan yerlar;

🔹sport va jismoniy tarbiya-sog‘lomlashtirish majmualari, o‘quv-mashq bazalari va bolalar-sog‘lomlashtirish oromgohlari egallagan yerlar;

🔹shahar elektr transporti yo‘llari va metropoliten liniyalari, shu jumladan jamoat transporti bekatlari va metropoliten stansiyalari hamda ularning inshootlari egallagan yerlar;

🔹aholi punktlarining suv ta’minoti va kanalizatsiya inshootlari egallagan yerlar;

🔹magistral issiqlik trassalari, shu jumladan nasos stansiyalari, issiq suv ta’minotining issiqlikni hisobga olish va nazorat qilish asboblari, isitkichlari, sirkulatsiya nasoslari hamda shunga o‘xshash inshootlar egallagan yerlar;

🔹 ihota o‘rmon daraxtzorlari egallagan yerlar;

🔹suvni tejaydigan (tomchilatib, yomg‘irlatib, diskret va boshqa) sug‘orish texnologiyalari joriy etilgan yerlar;

🔹qishloq xo‘jaligi maqsadlari uchun yangi o‘zlashtirilayotgan yerlar;

🔹melioratsiya ishlari amalga oshirilayotgan mavjud sug‘oriladigan yerlar;

🔹yangi barpo etilayotgan bog‘lar, tokzorlar va tutzorlar egallagan yerlar;

🔹ilmiy tashkilotlarning, qishloq xo‘jaligi va o‘rmon xo‘jaligi sohasidagi ilmiy-tadqiqot tashkilotlari hamda o‘quv yurtlariga qarashli tajriba, eksperimental va o‘quv-tajriba xo‘jaliklarining bevosita ilmiy hamda o‘quv maqsadlari uchun foydalaniladigan qishloq xo‘jaligi ahamiyatiga molik bo‘lgan yerlar va o‘rmon fondining yerlari;

🔹qishloq joylarda joylashgan (bundan shaharlar va tumanlarning markazlari mustasno) antenna-machta metall konstruksiyalari egallagan yer uchastkalari.

Ushbu soliq imtiyozlari belgilangan maqsadda bevosita foydalanilmayotgan yer uchastkalariga nisbatan tatbiq etilmaydi.

👉Batafsil

Тelegram |Facebook |Youtube| Instagram |Twitter

4-sektor rahbari ishtirokida Oqqo‘rg‘on tumanida sayyor qabul bo‘lib o‘tdi.

🔰Oqqo‘rg‘on tumani davlat soliq inspeksiyasida Toshkent viloyati davlat soliq boshqarmasi boshlig‘i R.Raimov hamda Toshkent viloyati davlat soliq boshqarmasi boshlig‘i o‘rinbosari Sh.Imomov ishtirokida fuqarolar bilan sayyor uchrashuv tashkil etildi.

📌Ommaviy sayyor qabulda 65 nafardan ortiq aholi ishtirok etib, fuqarolardan bandlik, tadbirkorlik, bank krediti, moddiy yordam, uy-joy, tibbiy xizmat olish kabi turli masalalarda 30ga yaqin murojaatlar kelib tushdi.

♻️Joyning o‘zida hal etish mumkin bo‘lgan masalalarga ijobiy yechim belgilash bilan bir qatorda, qator fuqarolarning murojaatlari mas’ul idoralarga o‘rganib chiqish va belgilangan muddatlarda hal etish uchun topshirildi va ijrosi nazoratga olinadigan bo’ldi.

✍️Toshkent viloyati davlat soliq boshqarmasi axborot xizmati.

#Ochiq_muloqot
#Sayyor_qabul

4-cektor rahbari aholi bilan muloqotda

⚡️Toshkent viloyati davlat soliq boshqarmasi boshlig‘i, 4-sektor rahbari,  Olmaliq shahar hokimi hamda shahar davlat soliq inspeksiyasi boshlig‘ining aholi bilan  navbatdagi sayyor qabuli oʻtkazildi.

📌Ochiq muloqot tarzida oʻtayotgan bugungi qabulga 50 nafardan ziyod fuqarolar kelib, oʻzlarini qiynayotgan turli masalalar boʻyicha murojaatlarini bayon etildi.

✔️Uchrashuv davomida aholi va tadbirkorlik sub’ektlaridan 35 ta murojaat kelib tushdi, shundan 15 ta muammo joyida hal etildi, 17 tasiga tushuntirishlar berildi hamda 3 tasi tegishli tashkilotlarga yo‘naltirilib, ijrosi nazoratga olinadigan bo‘ldi.

🔅Qabul so‘ngida Ayollar daftari”ga kirgan xotin-qizlarga tikuv mashinasi berildi. Ikki nafar fuqarolarga nogironlik aravachalari berildi.


✍️Toshkent viloyati davlat soliq boshqarmasi axborot xizmati.

Chirchiq shahar Davlat soliq inspeksiyasida joriy yil uchun tushumlarni byudjet daromadlariga belgilangan prognoz ko‘rsatkichlarni bajarish to‘g‘risida
MA’LUMOTNOMA

Chirchiq shahriga davlat byudjeti daromadlari (kontingent) buyicha joriy yil uchun 172,7 mlrd.so‘m reja ko‘rsatkich belgilangan bo‘lib, 31 oktyabr holatiga xaqiqatda 139,6 mlrd.so‘mga yoki rejaga nisbatan 81,2 foizga tushum ta’minlandi.
Joriy yilning 4-choragi uchun belgilangan 59,3 mlrd.so‘m prognoz ko‘rsatkichlar 31 oktyabr holatiga 15,6 mlrd.so‘mga yoki 26 foizga bajarildi.
Oktyabr oyi uchun belgilangan 14,6 mlrd.so‘m prognoz ko‘rsatkichi hakikatda 15,6 mlrd.so‘mga yoki 107,2 foizga bajarildi.
Shuningdek, mahalliy byudjetga joriy yil uchun belgilangan 67,7 mlrd.so‘m prognoz amalda ya’ni joriy yilning 31-oktyabr xolatiga 49,8 mln.so‘mga yoki 73,6 foizga bajarilishi ta’minlandi xamda mahalliy byudjetga 2022 yil 4-choragi uchun belgilangan 13,8 mlrd.so‘m prognoz amalda ya’ni joriy yilning 31-oktyabr xolatiga 16,9 mln.so‘mga yoki 122,5 foizga bajarilishi ta’minlandi.
Ma’lumot uchun: Chirchik shahar bo‘yicha bugungi kunda jami
1705 ta korxona va tashkilotlar (QQS to‘lovchilari bilan 2487 ta) faoliyat yuritib kelmoqda. (QQS to‘lovchilar 856 tani tashkil etadi).
1705 ta (AOS to‘lovchilar 1349 ta ) faoliyat yuritayotgan korxona tashkilotlarga kuyidagilar to‘g‘ri keladi. Bular;
Chakana savdo 638 ta, umumiy ovqatlanish 95 ta, dorixonalar 78 ta, AYoQShlar 15 ta, tibbiy xizmatlar 25 ta, transport xizmati 7 ta, to‘yxonalar 7 ta, oilaviy korxonalar 43 ta, dexqon bozori 1 ta, savdo komplekslari 3 ta, boshka pullik xizmat ko‘rsatish shaxobchalari (paynet, aviakassa, avtoservislar vaxokazo) 797 tani tashkil etmoqda.
Jami faoliyat yuritayotgan YaTTlar 1784 nafarni tashkil etadi. Bular asosan; Chakana savdo 752 nafar, qishloq xo‘jaligi maxsulotlarni sotish 62 nafar, sartaroshxonalar 46 nafar, nonvoylar 45 nafar, davlat sherikchiligidagi bog‘chalar 11 nafar, oilaviy mexmon uylari 4 nafar, taksi xizmati 18 nafar, transport vositalarini ta’mirlash 27 nafar, mol so‘yish 1 nafar, boshqa faoliyat boshka turlari 818 nafar.
O‘zbekiston Respublikasi Prezidentining 2020-yil 8-iyundagi “Tadbirkorlik faoliyati va o‘zini o‘zi band qilishni davlat tomonidan tartibga solishni soddalashtirish chora-tadbirlari to‘g‘risida”gi PQ-4742-sonli qarori bilan O‘zini o‘zi band qiladigan shaxslar uchun faoliyat (ishlar, xizmatlar) turlari ro‘yxati tasdiqlangan.
Shaxarda axoli tomonidan amalga oshirilayotgan faoliyat qonuniylashtirilishi bilan bir qatorda bandligini ta’minlash yuzasidan bir qator ishlar amalga oshirilib kelinmoqda.
Jumladan, Chirchiq shaxrida joriy yilning 01 noyabr xolatiga 2576 nafar shundan fuqarolar o‘zini o‘zi band qilgan shaxs sifatida ro‘yxatga olinib, ular faoliyati qonuniyligi ta’minlangan.
Chirchiq shaharda 2022 yilning 10 oyi davomida jami 1782 ta reja grafigi berilgan bo‘lib, xaqiqatda 10 oy davomida jami 1867 ta sub’ektlarda norasmiy ishlayotgan ishchi xodimlarni aniqlanib, ya’ni o‘rnatilgan reja grafigi 104,8 foizga bajarilishi ta’minlangan.
Soxalar kesimida ko‘rilganda esa ya’ni, savdo va umumiy ovqatlanish sohasida 249 ta, ishlab chiqarish va xizmat ko‘rsatish sohasida 1326 ta, qurulish sohasida 127 ta sub’ektlarda norasmiy ishlayotgan ishchi xodimlar aniqlangan.
Shuningdek, shaharda joriy yilning 10 oyi davomida 299 ta yangi tashkil etilgan (ro‘yxatdan o‘tgan) xo‘jalik su’bektlarning 28 tasi faoliyat ko‘rsatmayotgan bo‘lib, qolgan 271 tasida jami 302 ta yangi ish o‘rinlari yaratilganligi va ular tomonidan byudjetga jami 451,9 mln.so‘m soliqlar hisoblangan.
Jismoniy shaxslarning mol-mulk va yer soliklari buyicha jami ob’ektlar soni 51 776 ta, shundan noturar ob’ektlar 1 519 ta, xovli joylar 12 411 ta, kvartiralar 36 831 ta, dala xovlilar 1 015 tani tashkil etadi.
2022 yil uchun xisoblangan jami jismoniy shaxslarni mol-mulk va yer soliqlari summasi 11,3 mlrd.so‘mni tashkil etadi.
Shundan, noturar ob’ektlar 3,5 mlrd so‘m, turar ob’ektlar 7,8 mlrd. so‘mni tashkil etadi.

✅Bekobod tumani 4-sektor hududida aholiga qulaylik yaratish uchun zarur choralar ko‘rilmoqda.

🚰Ichimlik suvi tarmog‘i tortish, asfaltlashtirish, elektr energiyasi simyog‘ochlarini beton tayanchlar bilan almashtirish kabi masalalar yuzasidan sayyor qabullarda kelib tushgan murojaatlar, uyma-uy yurish jarayonida aniqlangan kamchiliklarni bartaraf etish maqsadida ayni kunlarda Bekobod tumani 4-sektor hududida joylashgan mahallalarda amaliy ishlar olib borilmoqda.

🏘 Xususan, sektor rahbari boshchiligida Farxod MFYda 50 ta beton tayanchlar o‘rnatildi, 12 km uzunlikda ichimlik suvi tarmog‘i tortildi. Shuningdek, Adolat, Sokin, Paxtakor, Bog'iston ko‘chalaridagi ichki yo‘llarning 4,2 km qismi asfaltlashtirildi.

🏗Shu bilan birga, ijtimoiy ob'ektalarni ta'mirlash borasida ham keng ko'lamli ishlar olib borilmoqda. Xususan 4-sektor hududidagi 22-umumta'lim maktabi binosini mukammal ta'mirlash uchun 5 198 mln so'm mablag' ajratilib qurilish ishlari amalga oshirilmoqda.

✍️Toshkent viloyati davlat soliq boshqarmasi axborot xizmati.

🔰Savol: Korxona ta’sischisi ustav fondiga TMZ kiritilganda jamiyat to‘lov manbaida jismoniy jaxslardan olinadigan daromad solig‘i to‘laydimi?

📌Javob: O‘zbekiston Respublikasi Soliq kodeksining 375-moddasi to‘rtinchi qismida soliq to‘lovchiga mulk huquqi asosida tegishli bo‘lgan mol-mulkni realizatsiya qilishdan olingan daromadlar. Mol-mulkni realizatsiya qilishdan olingan daromadlar mazkur mol-mulkni realizatsiya qilish summasining hujjatlar bilan tasdiqlangan uni olish qiymatidan oshgan qismi sifatida aniqlanadi. Mazkur qiymatni tasdiqlovchi hujjatlar mavjud bo‘lmagan taqdirda, mol-mulkni realizatsiya qilish qiymati, ko‘chmas mulk bo‘yicha esa – kadastr qiymati hamda realizatsiya qilish narxi o‘rtasidagi ijobiy farq daromad deb e’tirof etilishi belgilangan.
Shuningdek, tovar cheklari odatda TMZ sotib olinganligini tasdiqlovchi hujjatlar hisoblanadi. Agar ular saqlanmagan bo‘lsa, ta’sischilar tomonidan tasdiqlangan korxonaning ustav fondiga hissaning pul bahosi realizatsiya qilishdan olingan daromad bo‘lib, to‘lov manbaida jismoniy shaxslardan olinadigan daromad solig‘iga ham tortiladi.


🔰Savol: O‘zini o‘zi band qilgan shaxslar yollanma ishchi yollashi mumkinmi?

📌Javob: O‘zbekiston Respublikasi Vazirlar Mahkamasining 2020-yil 23-dekabrdagi “O‘zini o‘zi band qilgan shaxs sifatida faoliyatni amalga oshirish tartibi to‘g‘risidagi nizomni tasdiqlash haqida”gi 806-sonli qarorining 1-ilovasi bilan tasdiqlangan “O‘zini o‘zi band qilgan shaxs sifatida faoliyatni amalga oshirish tartibi to‘g‘risida”gi Nizomning beshinchi qismida o‘zini o‘zi band qilgan shaxslar o‘z faoliyatida yollanma xodimlar mehnatidan foydalanishga hamda tadbirkorlik sub’ektlariga yollangan xodim sifatida mehnat faoliyatini amalga oshirishga haqli emasligi belgilangan.

♻️Toshkent viloyati Davlat soliq boshqarmasi rahbariyati tomonidan Piskent tumani Oybek MFY da sayyor qabuli o‘tkazildi.

🔺Qabul jarayonida 35 nafar fuqarodan jami 27 ta masalalar bo‘yicha murojaat kelib tushdi.

✔️Uchrashuvda jami 6 nafar hokim yordamchilari ham ishtirok etdi.

📌Moddiy yordam olish 2 ta, sog‘liqni saqlash 3 ta, bandlik 1 ta, kadastr masalalari bo‘yicha 4 ta, gaz, elektr, suv, issiqlik ta’minoti 7 ta va boshqa masalalarda 10 ta murojaatlar kelib tushdi.

❇️Murojaatlarning 20 tasi joyida hal etildi, 7 ta murojaatni qo‘shimcha o‘rganish uchun vaqt talab etilganligi sababli nazoratga olindi.

✍️Toshkent viloyati davlat soliq boshqarmasi axborot xizmati.