#qonunchilikdagi_yangiliklar

Vazirlar Mahkamasining "Avtomobil transportida yo'lovchi tashish faoliyatini tartibga solish bo'yicha qo'shimcha chora-tadbirlar to'g'risida" Qarori qabul qilindi.
👉VMQ-200, 02.04.2025-y.

Unga ko'ra, o'zini o'zi band qilgan shaxslarning soliq davrida ishlarni bajarishdan (xizmatlar ko'rsatishdan) olgan daromadlari 100 mln so'mdan oshganda, ular to'lashi lozim bo'lgan soliqlar soliq organlarining yuridik shaxslarga yuborilgan xabarnomasi asosida yuridik shaxslar (soliq agenti) tomonidan to'lov manbaida ushlab qolinadi.
__________
#новое_в_законодательстве

Принято Постановление Кабинета Министров «О дополнительных мерах по регулированию деятельности пассажирских перевозок автомобильным транспортом».
👉ПКМ №200 от 02.04.2025 г.

Согласно документу, если доход самозанятых лиц от выполнения работ (оказания услуг) в течение налогового периода превышает 100 млн сумов, налоги, подлежащие уплате ими, будут удерживаться юридическими лицами (налоговыми агентами) у источника выплаты на основании уведомления, направленного налоговыми органами.

Тelegram |Facebook |Youtube| Instagram |X| Threads

#qonunchilikdagi_yangiliklar

Tadbirkorlik subyektlariga qoʻshimcha soliq yengilliklari berilmoqda
 
Oʻzbekiston Respublikasi Prezidentining “Ishlab chiqarish, eksport va tadbirkorlik faoliyatini ragʻbatlantirish, savdo va sanoat siyosati samaradorligini oshirish chora-tadbirlari toʻgʻrisida”gi Farmoni qabul qilindi.
👉PF-67,  18.04.2025-yil.

Mazkur Farmonga asosan:

2025-yil 1-oktabrdan boshlab Oʻzbekiston Respublikasi hududiga olib kiriladigan xushboʻylashtiruvchi yoki rang beruvchi qoʻshimchalarsiz oq shakarga nisbatan aksiz soligʻi bekor qilinmoqda.

Maʻlumot uchun, amalda xushbo‘ylashtiruvchi yoki rang beruvchi qo‘shimchalarsiz oq shakar uchun aksiz soliq stavkasi 20 foiz etib belgilangan.
👉Soliq kodeksi 289-modda

20 va undan ortiq ishchisi mavjud boʻlgan yuridik shaxslar tomonidan mol-mulk va yer soliqlari hamda ijara toʻlovlari boʻyicha hisoblangan soliq summalari 2025-yil 15-iyulda va 1-dekabrda boʻlib-boʻlib toʻlanilishiga ruxsat berilmoqda.

O‘zbekiston Respublikasi Prezidentining 2024-yil 27-dekabrdagi PF-229-son Farmonida nazarda tutilgan soliq imtiyozlarini qo‘llash uchun hisobot davridagi to‘quv (trikotaj mato, ip-gazlama va paypoqmahsulotlari), tikuv-trikotaj, poyabzal yoki charm-attorlik mahsulotlarini realizatsiya qilishdan tushgan umumiy tushum hajmini aniqlashda, shartnomaga muvofiq daval xomashyosini qayta ishlash yuzasidan ko‘rsatilgan xizmatlar bo‘yicha olingan daromad ham inobatga olinadi.

Maʻlumot uchun, O‘zbekiston Respublikasi Prezidentining PF-229-son Farmonida tikuv-trikotaj, poyabzal va charm-attorlik sanoati yo‘nalishlarida ishlab chiqarish faoliyatini yuritayotgan tadbirkorlik subyektlariga foyda solig‘ini 2 foiz va ijtimoiy soliq stavkasini 1 foiz stavkada to‘lash tarzidagi imtiyoz nazarda tutilgan bo‘lib, mazkur imtiyozni qo‘llash uchun hisobot davrida toʻquv (trikotaj mato, ip-gazlama va paypoq mahsulotlari), tikuv-trikotaj, poyabzal yoki charm-attorlik mahsulotlarini realizatsiya qilishdan tushgan umumiy tushumi jami tovarlarni (xizmatlarni) realizatsiya qilishdan olingan daromadning kamida 90 foizini tashkil etish zarur.

Shuningdek, mazkur Farmon bilan, umumiy ovqatlanish xizmatlarini koʻrsatuvchi tadbirkorlik subyektlariga toʻlangan qoʻshilgan qiymat soligʻining bir qismini qaytarishda ushbu faoliyatdan olingan daromad tovarlarni (xizmatlarni) realizatsiya qilishdan olingan jami daromadning kamida 80 foizini tashkil etishi kerakligi belgilandi.

Maʻlumot uchun, Oʻzbekiston Respublikasi Prezidentining 2024-yil 30-avgustdagi PF-132-sonli farmoniga asosan, 2025-yil 1-yanvardan umumiy ovqatlanish korxonalariga oylik tovar aylanmasidagi naqd pulsiz qismidan kelib chiqib toʻlangan QQS bir qismini qaytarish tarzidagi imtiyoz berilgan.
Bunda oylik jami tovar aylanmasi hajmida umumiy ovqatlanish xizmatlarining umumiy ulushi 90 foiz va undan ortiq bo‘lishi belgilangan edi.
👉VMQ-745-son,  07.11.2024-yil

Тelegram |Facebook |Youtube| Instagram |X| Threads

#qonunchilikdagi_yangiliklar

Zargarlik buyumlarini ishlab chiqaruvchilar yanada qo‘llab-quvvatlanmoqda

2024-yil 1-sentabrdan 2027-yil 1-sentabrgacha “Hunarmand” uyushmasining aʼzolari uchun belgilangan soliq imtiyozlarining zargarlik buyumlarini ishlab chiqarish bilan shug‘ullanadigan va “O‘zbekzargarsanoati” uyushmasining aʼzolari bo‘lgan YATTlarga nisbatan ham tatbiq etilishi belgilandi.
👉O‘RQ-1059-son, 18.04.2025-yil

👉Batafsil

Тelegram |Facebook |Youtube| Instagram |X| Threads

#qonunchilikdagi_yangiliklar

Mahsulotlarning yagona elektron milliy katalogini yuritish tartibi belgilandi

“Mahsulotlar (tovarlar va xizmatlar) yagona elektron milliy katalogini yuritish hamda undan foydalanish tartibi to‘g‘risida” gi nizom tasdiqlandi.
👉VMQ-263-son, 28.04.2025-yil

Nizomga muvofiq, mahsulotlar (tovarlar va xizmatlar) yagona elektron milliy katalogini yuritish va undan foydalanish, shuningdek, soliq imtiyozlariga mahsulotlarning (tovarlarning va xizmatlarning) identifikatsiya kodlarini biriktirish tartibi belgilandi.

📝Ishlab chiqariladigan va import qilinadigan tovarlar hamda ko‘rsatiladigan xizmatlar milliy katalog obyekti hisoblanadi.

Milliy katalog quyidagi holatlarda va maqsadlarda ishlatiladi:

▫️EHFlarni rasmiylashtirishda;
▫️onlayn-NKT cheklarida;
▫️bojxona yuk deklaratsiyasini to‘ldirishda (bojxona chegarasidan birinchi marta olib kirilayotgan tovarlar bundan mustasno);
▫️qonunchilik hujjatlarida belgilangan boshqa holatlarda.

📌Milliy katalogdan Internet jahon axborot tarmog‘idagi “tasnif.soliq.uz” rasmiy veb-sayti orqali foydalaniladi.

🖇Mahsulotlar (tovarlar, xizmatlar) uchun soliq imtiyozlari soliq organlari tomonidan ushbu imtiyozlar nazarda tutilgan normativ-huquqiy hujjatlarda ko‘rsatilgan mahsulot va xizmatlarning identifikatsiya kodlariga biriktiriladi.

Тelegram |Facebook |Youtube| Instagram |X| Threads

#qonunchilikdagi_yangiliklar

Ijtimoiy xizmatlarni ko‘rsatuvchi tadbirkorlik subyektlariga soliq imtiyozlari taqdim etiladi

“O‘zgalar parvarishiga muhtoj shaxslarga ijtimoiy xizmatlar ko‘rsatish ko‘lamini kengaytirish chora-tadbirlari to‘g‘risida” Prezident qarori qabul qilindi.
👉PQ-171-son, 08.05.2025-yil

Hujjat ilovasiga asosan, o‘zgalar parvarishiga muhtoj voyaga yetgan shaxslarga ijtimoiy xizmatlar ko‘rsatish tizimini takomillashtirishga qaratilgan chora-tadbirlar dasturi ishlab chiqildi.

Dasturga muvofiq, Soliq kodeksiga quyidagi o‘zgartirishlar va qo‘shimchalar kiritilishi belgilandi:

▫️Ijtimoiy xizmatlarni ko‘rsatuvchi tadbirkorlik subyektlariga 2030-yil 1-yanvarga qadar nodavlat maktabgacha ta'lim va umumiy o‘rta ta'lim tashkilotlari uchun belgilangan soliq imtiyozlari tatbiq etiladi.

Ma’lumot uchun: Nodavlat maktabgacha va umumiy o‘rta ta’lim tashkilotlari 2030-yil 1-yanvargacha barcha turdagi soliqlardan (ijtimoiy soliq bundan mustasno) ozod qilinadi.
👉Soliq kodeksi 483-modda

▫️Ota-ona (yoki farzandlikka oluvchilar) tomonidan har bir farzandi uchun nodavlat maktabgacha ta'lim yoki umumiy o‘rta ta'lim tashkilotlarida ko‘rsatiladigan ta'lim xizmatlariga to‘lanadigan to‘lovlar bo‘yicha daromad solig‘idan imtiyozlar dastur doirasida o‘zgalar parvarishiga muhtoj voyaga yetgan shaxslarning oila a'zolariga ham qo‘llanilishi belgilanmoqda.

Mazkur imtiyozlar, Soliq kodeksiga tegishli o‘zgartirishlar kiritilgandan so‘ng amaliyotga joriy qilinadi.

Тelegram |Facebook |Youtube| Instagram |X| Threads

#qonunchilikdagi_yangiliklar

Yer osti suv manbalaridan foydalanganlik uchun soliq stavkalari o‘zgaradi

O‘zbekiston Respublikasi Qonuni bilan Soliq kodeksiga o‘zgartish va qo‘shimchalar kiritildi.
👉O‘RQ-1062, 05.05.2025-yil

Yer osti suv manbalaridan suv o‘lchash uskunalarisiz suv olinganda soliq stavkasi belgilangan soliq stavkalarining besh baravari miqdorida belgilanadi.
👉Soliq kodeksi 445-modda

Bunda mazkur qoida jismoniy shaxslar tomonidan shaxsiy va xo‘jalik ehtiyojlari uchun sutkasiga 5 m³ gacha bo‘lgan hajmda yer osti suvlarini yakka tartibda olish hollariga nisbatan tatbiq etilmaydi.

Ma’lumot uchun, suv resurslarini hisobga olishni amalga oshiruvchi organlar suvdan foydalanish yoki suvni isteʼmol qilish joyidagi soliq organlariga suvdan foydalanuvchi shaxslar va ular tomonidan foydalanilgan suv hajmlari toʻgʻrisida real vaqt rejimida elektron shaklda axborot taqdim etishi shart.
👉Soliq kodeksi 133-modda 5-qismi

Mazkur me'yorlar 5-avgustdan, ya'ni Qonun kuchga kirgan kundan e'tiboran uch oy o‘tgach amalga kiritiladi.

Тelegram |Facebook |Youtube| Instagram |X| Threads

#qonunchilikdagi_yangiliklar

Nogironligi bo‘lgan shaxslarni ishga olgan tadbirkorlik subyektlariga imtiyozlar berilmoqda

“Nogironligi bo‘lgan shaxslarning bandligini taʼminlash tizimini takomillashtirishga oid qo‘shimcha chora-tadbirlar to‘g‘risida” Prezident Farmoni qabul qilindi.
👉PF-85-son, 08.05.2025-yil

Farmon asosida Soliq kodeksiga quyidagi o‘zgarishlar kiritilishi ko‘zda tutilgan:

▫️nogironligi bo‘lgan xodimlariga beg‘araz maqsadlarda bepul oziq-ovqat, gigiyena mahsulotlari va kiyim-kechaklar berishga yo‘naltirilgan mablag‘lar foyda soliq bazasini aniqlashda chegirib tashlanadigan xarajatlar jumlasiga kiritiladi;

Amalda mazkur xarajatlar foyda soliq bazasini aniqlashda chegirilmaydigan xarajatlar tarkibiga kiritilgan.
👉Soliq kodeksi 317-modda

▫️yagona ishtirokchilari nogironligi bo‘lgan shaxslarning jamoat birlashmalariga berilgan yer, mol-mulk va aylanmadan olinadigan soliqlar bo‘yicha imtiyozlarni faqatgina xodimlari umumiy sonining kamida 25 foizi, biroq kamida 4 nafarini nogironligi bo‘lgan shaxslar tashkil etadigan hamda ularga mehnatga haq to‘lashning eng kam miqdoridan kam bo‘lmagan miqdorda oylik ish haqi to‘laydigan nodavlat yuridik shaxslarga nisbatan qo‘llanadi.

Amalda xodimlar umumiy sonining kamida 50 foizini nogironligi bo‘lgan shaxslar tashkil etadigan hamda nogironligi bo‘lgan shaxslarning mehnatiga haq to‘lash umumiy fondining kamida 50 foizini tashkil etadigan yuridik shaxslarga nisbatan tatbiq etiladi.

Shuningdek, quyidagi soliq imtiyozlari taqdim etilishi belgilanmoqda:

▫️Prezidentimizning 2024-yil 27-dekabrdagi PF-229-son Farmoniga muvofiq tikuv-trikotaj, poyabzal va charm- attorlik sanoatida ishlab chiqarish faoliyatini yuritayotgan tadbirkorlik subyektlari uchun belgilangan soliq imtiyozlarini unda ko‘rsatilgan shartlar asosida Ijtimoiy himoya yagona reestri yoki Kambag‘al oilalar reestriga kiritilmagan I va II guruh nogironligi bo‘lgan shaxslarni ishga qabul qilganda ham qo‘llash;

❕Ma’lumot uchun, 2025-yil 1-yanvardan 2028-yil 1-yanvarga qadar tikuv-trikotaj, poyabzal va charm-attorlik sanoati yo‘nalishlarida ishlab chiqarish faoliyatini yuritayotgan va farmonda belgilangan shartlarga javob beradigan tadbirkorlik subyektlari uchun foyda solig‘i stavkasi 2 foiz va ijtimoiy soliq stavkasi 1 foiz etib belgilangan.

▫️I va II guruh nogironligi bo‘lgan shaxslarni ishga qabul qilgan hamda ularga mehnatga haq to‘lashning eng kam miqdoridan kam bo‘lmagan miqdorda ish haqi to‘laydigan nodavlat yuridik shaxslarga ushbu shaxslar uchun ijtimoiy soliq stavkasini 1 foiz miqdorida hisoblash, yakka tartibdagi tadbirkorlarga esa ijtimoiy soliq hisoblanmaydi.

Bundan tashqari, nogironligi bo‘lgan shaxslarga qonunchilikda belgilangan soliq imtiyozlarini ularning murojaatini talab etmagan holda proaktiv shaklda qo‘llash imkoniyati yaratiladi.

Тelegram |Facebook |Youtube| Instagram |X| Threads

#qonunchilikdagi_yangiliklar

Ayrim tadbirkorlarga soliq imtiyozlari berildi

O'zbekiston Respublikasi Qonuni bilan ayrim qonun hujjatlariga o‘zgartirish va qo‘shimchalar kiritildi.
👉O'RQ-1063-son, 16.05.2025-yil.

Unga ko‘ra:

2030-yil 1-yanvargacha parrandachilik mahsulotlarini ishlab chiqaruvchi tadbirkorlar yuridik shaxslardan olinadigan yer solig‘ini to‘lashdan ozod etiladi.

Bundan tashqari, 2027-yil 1- yanvargacha Kasaba uyushmalari Federatsiyasi tizimidagi statsionar bolalar sog‘lomlashtirish oromgohlari quyidagi soliqlarni to‘lashdan ozod etiladi:

▫️bino va inshootlarni, yer uchastkalarini ijaraga berishdan olinadigan daromadlari bo‘yicha – foyda solig‘i;

▫️ijaraga berilgan obyektlar va ular egallagan yer uchastkalari bo‘yicha – mol-mulk solig‘i hamda yer solig‘i.

Pivo va pivo ichimlimklari, tamaki mahsulotlari bilan chakana savdo qilish huquqi uchun yig‘imlar to’lanadi.

Bunda yuridik shaxs pivo va pivo ichimlimklari hamda tamaki mahsulotlari, YTTlar tamaki mahsulotlari bilan chakana savdo qilishni boshlaganlik haqida vakolatli davlat organini xabardor qilingani to‘g‘risida tasdiqnomaga ega bo‘lganda ushbu yig‘imlar to‘lovchilari hisoblanadilar.

Qonun rasmiy e’lon qilingan kundan e’tiboran kuchga kiradi.

Тelegram |Facebook |Youtube| Instagram |X| Threads

#qonunchilikdagi_yangiliklar

Markirovka tizimi: mahsulot sifati, ishonch va shaffoflik
 
Markirovkalash tizimi samaradorligini oshirish va bu boradagi nazorat mexanizmlarini takomillashtirish orqali aholini sifatli va ishonchli mahsulotlar bilan taʼminlash hamda yashirin iqtisodiyotni yanada qisqartirish maqsadida Prezident qarori qabul qilindi.
👉PQ-190-son, 23.05.2025-yil.

Qarorga muvofiq tadbirkorlarga quyidagi qo‘shimcha imkoniyatlar yaratildi:

▫️olingan markirovka kodlarini mahsulotlarga qo‘llash uchun belgilangan 90 kalendar kunlik muddat bekor qilindi. Bunda foydalanilmasdan turgan markirovka kodlari uchun amalga oshirilgan to‘lovlar yangi markirovka kodlarini sotib olishda hisobga olinadi;

▫️markirovka kodlari mahsulotga bevosita qo‘llangandan keyin ular uchun to‘lov amalga oshiriladi (amalda oldindan to‘lov qilinar edi);

▫️raqamli markirovkalangan mahsulotlarni agregatsiyalashda qo‘llanadigan markirovka kodlari, barcha turdagi lampalarni markirovkalashda markirovka kodlari hamda ishlab chiqarish narxi 7,5 ming so‘mgacha bo‘lgan (amalda 3 750 so‘m edi) 630ga yaqin dori vositalari uchun markirovka kodlari Operator tomonidan bepul taqdim etiladi;

▫️tadbirkorlik subyektlarining murojaatlarini tezkor hal etish maqsadida Operator tomonidan tun-u kun ishlaydigan Call-markaz faoliyatini yo‘lga qo‘yish belgilandi.

Shuningdek, agregatsiyalash tizimini joriy qilish muddati:
▫️dori vositalari va tibbiy buyumlarni ishlab chiqaruvchi korxonalar tomonidan - 2025-yil 1-oktabrga qadar;
▫️suv va salqin ichimliklarni ishlab chiqaruvchi korxonalar uchun 2026-yil 1-aprelga qadar uzaytirildi (amalda 2025-yil 1-may edi).
__________
#новое_в_законодательстве

Система маркировки: качество продукции, доверие и прозрачность

С целью повышения эффективности системы цифровой маркировки, совершенствования механизмов контроля в данной сфере, обеспечения населения качественной и надёжной продукцией, а также дальнейшего сокращения теневой экономики принято Постановление Президента.
👉№ПП-190 от 23.05.2025 г.

Согласно документу для предпринимателей созданы следующие дополнительные возможности:

▫️отменён 90-дневный календарный срок для нанесения полученных кодов маркировки на продукцию. При этом платежи, произведённые по неиспользованным кодам маркировки, будут учитываться при покупке новых;
▫️оплата за коды теперь производится после нанесения их на продукцию (ранее платеж производился заранее);
▫️коды маркировки для агрегации товаров с цифровой маркировкой, для всех видов ламп, а также для около 630 наименований лекарственных средств с себестоимостью до 7 500 сумов (ранее — до 3 750 сумов) будут предоставляться бесплатно оператором;
▫️оператор запустит круглосуточный Call-центр для оперативного рассмотрения обращений субъектов предпринимательства.

Сроки внедрения системы агрегации продлены:
▫️для производителей лекарств и медицинских изделий — до 1 октября 2025 года;
▫️для производителей воды и прохладительных напитков — до 1 апреля 2026 года (ранее — до 1 мая 2025 года).

Тelegram |Facebook |Youtube| Instagram |X| Threads

#qonunchilikdagi_yangiliklar

Ichki bozorda raqobat muhitini rivojlantirish maqsadida 2025-yil 1-iyuldan boshlab:

▫️import qiluvchi tashkilot tomonidan O‘zbekiston Respublikasi hududiga olib kirilgan dori vositalarini ularning ulgurji va chakana savdosi bilan shug‘ullanuvchi tadbirkorlik subyektlariga to‘g‘ridan-to‘g‘ri yoki uning rasmiy dilerlari orqali realizatsiya qilish elektron hisobvaraq-faktura asosida amalga oshiriladi;

▫️raqamli markirovkalangan mahsulotlarni ulgurji sotish faqat naqd pulsiz shaklda bank hisobvaraqlari orqali amalga oshiriladi.

❗️Shuningdek, endi chakana savdo faoliyati bilan shug‘ullanayotgan tadbirkorlar tomonidan markirovkalangan tovarlarni realizatsiya qilishda ulgurji tarzda sotilishiga yo‘l qo‘yilmaydi.

👉PQ-190-son, 23.05.2025-yil.
__________
#новое_в_законодательстве

С 1 июля 2025 года в целях развития конкурентной среды на внутреннем рынке:

▫️реализация лекарственных средств, ввозимых на территорию РУз импортерами, субъектам, осуществляющим оптовую и розничную торговлю, напрямую или через официальных дилеров будет осуществляться на основании электронного счёта-фактуры;

▫️оптовая реализация продукции с цифровой маркировкой будет осуществляться только в безналичной форме через банковские счета.

❗️Также теперь предприниматели, занимающиеся розничной торговлей, не смогут реализовывать маркированные товары в оптовом порядке.

👉№ПП-190 от 23.05.2025 г.

Тelegram |Facebook |Youtube| Instagram |X| Threads

#qonunchilikdagi_yangiliklar

Nazorat qilish mexanizmlarini takomillashtirish maqsadida:

🔹Soliq qo‘mitasi tuzilmasida Raqamli markirovka qoidalariga rioya qilinishini nazorat qilish bo‘yicha hududlararo soliq inspeksiyasi tashkil etildi.

🔹2025-yil 1-sentabrdan boshlab:

▫️ xavfni tahlil qilish tizimida markirovkalash qoidalarini buzish holatlari soliq xavfi darajasini yuqori deb baholash uchun asos bo‘ladi;

▫️ markirovkalanadigan mahsulotlarni realizatsiya qilishda markirovka kodi biriktirilmagan EHFni rasmiylashtirishga yo‘l qo‘yilmaydi;

▫️ markirovkalanadigan mahsulotlarni chakana sotishda markirovka kodi kiritilgandan so‘ng onlayn nazorat-kassa texnikasining cheki shakllantiriladi hamda avval foydalanilgan markirovka kodlari kiritilganda chekni shakllantirishga yo‘l qo‘yilmaydi;

▫️farmatsevtika faoliyatini hamda dori vositalari va tibbiy buyumlarni chakana realizatsiya qilish faoliyatini litsenziyalash talablariga qo‘shimcha shartlar kiritiladi, bunda yangidan tashkil etilgan subyektlarga litsenziya berishda:
- faoliyatini amalga oshirish uchun ko‘chmas mulk bo‘yicha ijara yoki tekin foydalanish shartnomasi soliq organlarida hisobga qo‘yilganligi;
- dori vositalarini realizatsiya qilishda xaridorlardan to‘lovlarni qabul qilish bo‘yicha elektron to‘lov vositalaridan foydalanish imkoniyati yaratilganligi tekshiriladi;

▫️soliq tekshiruvlarida kontrafakt yoki markirovkalanmagan dori vositalarini sotib olish, tashish, saqlash yoki realizatsiya qilish holatlari aniqlanganda soliq organlari tashabbusiga ko‘ra vakolatli organ tomonidan mazkur subyekt litsenziyasining amal qilishi to‘xtatib turiladi.

🔹2026-yil 1-yanvardan boshlab raqamli markirovkalash qoidalarini buzish holatlari soliq organlarining axborot tizimi orqali aniqlanadi va masofaviy soliq tekshiruvi o‘tkaziladi, bunda:

▫️dastlab qoidabuzarliklarni bartaraf etish bo‘yicha ogohlantirish beriladi;

▫️ikkinchi marta ogohlantirish berilgandan so‘ng qoidabuzarlik holatlari aniqlanganda jarima qo‘llanadi.

Masofaviy soliq tekshiruvida qo‘llaniladigan jarimalar miqdori kamaytiriladi.
☝️Batafsil rasmda

▫️ bir yil ichida 4-marta huquqbuzarlik sodir etgani uchun jarimaga tortilgan subyektlarga bir yil davomida ortiqcha QQS summasi qoplab berilmaydi.

👉PQ-190-son, 23.05.2025-yil.

Тelegram |Facebook |Youtube| Instagram |X| Threads

#qonunchilikdagi_yangiliklar

Prezident Farmoniga asosan 2025-yil 1-avgustdan boshlab:

▫️mehnatga haq to‘lashning eng kam miqdori (MHTEKM) – oyiga 1 271 000 so‘m;
▫️bazaviy hisoblash miqdori (BHM) – 412 000 so‘m belgilandi.
__________
#новое_в_законодательстве

Согласно Указу Президента с 1 августа 2025 года:

▫️минимальный размер оплаты труда (МРОТ) – 1 271 000 сумов в месяц;
▫️базовая расчетная величина (БРВ) – 412 000 сумов.

Тelegram |Facebook |Youtube| Instagram |X| Threads

#qonunchilikdagi_yangiliklar

Soliq kodeksining ayrim moddalariga o‘zgartirish va qo‘shimchalar kiritildi

O'zbekiston Respublikasi Qonuni bilan Soliq kodeksiga o‘zgartirish va qo‘shimchalar kiritildi.
👉O'RQ-1069-son, 16.06.2025-yil.

Hujjatga muvofiq:

▫️Ijro ishini yuritish tartibida qo‘llaniladigan huquqiy taʼsir choralari soliqlar yoki yig‘imlar jumlasiga kirmasligi belgilandi;
👉Soliq kodeksi 16-modda

▫️O‘zbekiston Respublikasi Bosh prokuraturasi huzuridagi Majburiy ijro byurosining Majburiyatlar reyestri maʼlumotlarini vaqtincha saqlash yagona elektron bazasiga kiritilgan ijro hujjatlari bo‘yicha soliq qarzining hisobi alohida yuritilishi belgilandi;
👉Soliq kodeksi 55-modda

▫️Majburiyatlar reyestriga kiritilgan sanadan eʼtiboran o‘n yil ichida to‘lanmagan qarz ham umidsiz qarz deb e'tirof etilishi belgilab qo‘yildi;
👉Soliq kodeksi 60-modda

❕Avvalgi tahrirda, faqat sud qarori bilan majburiyat bekor qilinishi, qarzdor bankrot deb topilgani, tugatilgani, vafot etgani yoki da’vo muddati tugagani kabi holatlargina qarzni umidsiz deb tan olish asoslari bo‘lgan.

▫️ Majburiyatlar reyestriga kiritilgan ijro hujjatlari bo‘yicha soliq qarziga, mazkur ijro hujjatlari ushbu Reyestrga kiritilgan sanadan eʼtiboran penya hisoblanmasligi belgilandi.
👉Soliq kodeksi 110-moddasi

Тelegram |Facebook |Youtube| Instagram |X| Threads

#qonunchilikdagi_yangiliklar

To‘g‘ridan-to‘g‘ri xususiy xorijiy investitsiyalar uchun beriladigan imtiyozlar joriy etiladigan iqtisodiyot tarmoqlari ro‘yxati kengaytirildi

Oʻzbekiston Respublikasi Prezidentining “Mamlakatimizga to‘g‘ridan-to‘g‘ri xorijiy investitsiyalarni jalb etishni rag‘batlantirishning qo‘shimcha chora-tadbirlari to‘g‘risida”gi Farmoni qabul qilindi.
👉PF-97, 23.06.2025-yil

Farmonga asosan:

to‘g‘ridan-to‘g‘ri xususiy chet el investitsiyalarini jalb etgan holda tashkil etilgan va qonunchilikda tasdiqlanadigan ro‘yxat bo‘yicha mahsulot ishlab chiqarishga ixtisoslashgan yuridik shaxslar uchun Soliq kodeksida belgilangan soliq imtiyozlari Toshkent viloyatining 4-5-toifasidagi tumanlarida ro‘yxatdan o‘tgan va shu hududlarda faoliyat yuritadigan tadbirkorlik subyektlariga ham tatbiq etiladigan bo‘ldi.

Amalda, mazkur imtiyozlar Toshkent shahri va Toshkent viloyatida ro‘yxatdan o‘tgan yuridik shaxslar uchun tatbiq etilmas edi.
👉PF-3594, 11.04.2005-yil

Ma’lumot uchun, to‘g‘ridan-to‘g‘ri xususiy chet el investitsiyalarini jalb etgan holda tashkil etilgan yuridik shaxslarga O‘zbekiston Respublikasi Prezidenti qarori bilan belgilanadigan muddatga kiritilgan to‘g‘ridan-to‘g‘ri xususiy chet el investitsiyalari hajmiga qarab, yer solig‘i, mol-mulk solig‘i va suv resurslaridan foydalanganlik uchun soliqni to‘lashdan ozod etish tarzidagi soliq imtiyozlari berilgan.
👉Soliq kodeksi 471-moddasi

Shuningdek, Farmon bilan to‘g‘ridan-to‘g‘ri xususiy xorijiy investitsiyalar uchun beriladigan imtiyozlar joriy etiladigan iqtisodiyot tarmoqlar ro‘yxati qishloq xo‘jaligi mahsulotlarini yetishtirish faoliyati bilan kengaytirildi.

Ma’lumot uchun, O‘zbekiston Respublikasi Prezidentining 2005-yil
11-apreldagi "To‘g‘ridan-to‘g‘ri xususiy xorijiy investitsiyalarni jalb etishni rag‘batlantirish borasidagi qo‘shimcha chora-tadbirlar to‘g‘risida"gi PF-3594-son Farmoniga asosan faqat 22 ta faoliyat turlari uchun soliq imtiyozlari nazarda tutilgan bo‘lib, qishloq xo‘jaligi mahsulotlarini yetishtirish iqtisodiy tarmoqlar ro‘yxatiga kiritilmagan edi.

Тelegram |Facebook |Youtube| Instgram |X| Threads

#qonunchilikdagi_yangiliklar

Zargarlik buyumlari ishlab chiqarish yoki sotish bilan shug‘ullanuvchi tadbirkorlarga QQSning 80%i qaytariladi

Oʻzbekiston Respublikasi Prezidentining “Zargarlik buyumlarini ishlab chiqarish sohasini qo‘llab-quvvatlash bo‘yicha qo‘shimcha chora-tadbirlar to‘g‘risida”gi qarori qabul qilindi.
👉 PQ-207-son, 26.06.2025-yil.

Qarorga muvofiq:

Zargarlik sohasida xufiyona iqtisodiyot ulushini kamaytirish maqsadida, 2026-yil 1-yanvardan boshlab:

▫️qimmatbaho metallar va qimmatbaho toshlardan ishlab chiqarilgan zargarlik buyumlari va yarim tayyor mahsulotlarni realizatsiya qilish bo‘yicha aylanmani QQSdan ozod qilishga doir imtiyoz bekor qilinadi;

Amalda mazkur aylanma QQSdan ozod qilingan.
👉 Soliq kodeksi 243-modda

▫️Shuningdek, oltindan yasalgan zargarlik buyumlarini chakana savdoda sotganlik uchun yig‘im bekor qilinadi;

Ma’lumot uchun, oltindan yasalgan zargarlik buyumlarini chakana savdoda sotganlik uchun yig‘im miqdori har yili qonunchilikda belgilangan tartibda 1 grammi uchun tasdiqlanadi.

▫️zargarlik buyumlarini ishlab chiqarish yoki sotish faoliyati bilan shug‘ullanuvchi tadbirkorlik subyektlari daromadidan qatʼi nazar, QQS to‘lovchilari sifatida tan olinadi.

2026-yil 1-yanvardan 2028-yil 1-yanvargacha bo‘lgan davrda zargarlik buyumlarini ishlab chiqaruvchilar QQS bazasini zargarlik buyumlari hamda yarim tayyor mahsulotlarni realizatsiya qilish narxi bilan ularning tarkibidagi qimmatbaho metallar va qimmatbaho toshlar narxi o‘rtasidagi ijobiy farq asosida aniqlaydi. Bunda:

▫️zargarlik buyumlari va yarim tayyor mahsulotlarni realizatsiya qilish narxidan faqat "Navoiy KMK" AJ, "Olmaliq KMK" AJ hamda birja savdolari orqali sotib olingan qimmatbaho metallar narxi hamda import qilingan qimmatbaho toshlar narxi chegirib tashlashga ruxsat etiladi;

▫️zargarlik buyumlari va yarim tayyor mahsulotlar tarkibidagi qimmatbaho metallar va qimmatbaho toshlar narxi Soliq qo‘mitasining rasmiy veb-saytida eʼlon qilinadigan narxlarga muvofiq hisoblanadi.

Shuningdek, qaror bilan 2028-yil 1-yanvargacha zargarlik buyumlarini ishlab chiqarish yoki ularni sotish bilan shug‘ullanuvchi tadbirkorlik subyektlariga budjetga to‘langan QQSning 80 foizi har oyning 25-sanasigacha avtomatik tarzda respublika budjetidan qaytarilishi belgilandi.

Ushbu tartib yuqoridagi subyektlar tomonidan soliq davrida jami daromadining kamida 80 foizi zargarlik buyumlarini ishlab chiqarish va chakana savdo qilishdan olingan taqdirda tatbiq etiladi.

2025 yil 1-sentabrdan boshlab:

▫️yakka tartibdagi tadbirkorlarga zargarlik buyumlarini sotish faoliyati bilan shug‘ullanishga ruxsat etiladi.

Shuningdek, qimmatbaho metallar va qimmatbaho toshlar to‘g‘risidagi qonunchilikka oid huquqbuzarliklar haqida "Soliq" mobil ilovasi orqali xabar bergan shaxslarga undirilgan jarima miqdorining 50 foizi miqdorida mukofot to‘lanadi.

Samarali nazorat tizimini joriy etish maqsadida 2026-yil 1-yanvarga qadar:

▫️Davlat asillik darajasi nazorati inspeksiyasi va soliq organlari xodimlari tomonidan tadbirkorlik subyektlarida qimmatbaho metallar va qimmatbaho toshlar to‘g‘risidagi qonunchilikka oid huquqbuzarliklar aniqlanganda ular birinchi marta ogohlantiriladi;

▫️ogohlantirishdan so‘ng bir oy ichida huquqbuzarlik bartaraf etilmasa yoki takroran aniqlansa, Davlat asillik darajasi nazorati inspeksiyasi hamda soliq organlari tomonidan sayyor soliq tekshiruvi o‘tkazishga asos bo‘ladi;

▫️sayyor soliq tekshiruvi faqat qimmatbaho metallar va qimmatbaho toshlar to‘g‘risidagi qonunchilikka oid huquqbuzarliklar bo‘yicha o‘tkaziladi hamda tekshiruv boshlangandan so‘ng 24 soat ichida "Yagona davlat nazorati" axborot tizimida ro‘yxatga olinib, Biznes-ombudsmanni xabardor qilish tartibida amalga oshiriladi;

▫️Sayyor soliq tekshiruvi natijalari bo‘yicha rasmiylashtirilgan dalolatnoma va qaror tadbirkorlik subyektlariga nisbatan qonunchilikda belgilangan javobgarlik choralarini qo‘llashga asos bo‘ladi.

Тelegram |Facebook |Youtube| Instagram |X| Threads

#qonunchilikdagi_yangiliklar

Soliq kodeksining ayrim moddalariga qo‘shimcha va o‘zgartirishlar kiritildi

Oʻzbekiston Respublikasi Qonuni bilan Soliq kodeksiga o‘zgartirish va qo‘shimchalar kiritildi.
👉O‘RQ-1071, 26.06.2025-yil.

Hujjatga muvofiq:

▫️Soliq munosabatlarida foydalaniladigan elektron hujjatlarda hujjatni imzolagan shaxsning roziligini ifodalaydigan hamda mazkur shaxsni identifikatsiya va autentifikatsiya qilish imkonini beradigan elektron tasdiqlash usullari orqali elektron hujjatni tasdiqlash ham elektron raqamli imzoga tenglashtiriladi;
👉Soliq kodeksi 19-modda

▫️ortiqcha undirilgan soliqlarni soliq toʻlovchining arizasiga muvofiq boshqa soliqlardan kelgusi toʻlovlar hisobiga hisobga olish muddati 15 kundan 3 kunga qisqartirildi;
👉Soliq kodeksi 103 va 105-moddalari

▫️ Chernobil AES halokati oqibatlarini bartaraf etishda ishtirok etgan fuqarolarning, shuningdek ularning erining (xotinining) ish haqi va boshqa daromadlari toʻliq daromad soligʻidan ozod qilindi;
👉Soliq kodeksi 378 va 380-moddalari

▫️“Mahalla servis” kompaniyalari mahallani obod qilish bilan bogʻliq ishlarni bajarishda foyda, mulk va yer soliqlari, shuningdek, ularning ishchilari daromad soligʻi hamda ularning oylik ish haqiga hisoblangan ijtimoiy soliqni toʻlashdan ozod etilishi belgilandi;
👉Soliq kodeksi 304, 378, 403, 411 va 426-moddalari

▫️qishloq xoʻjaligi yerlarini sugʻorish va baliqchilik xo‘jaligida foydalanilgan suv hajmi boʻyicha suv soligʻi hisoboti “Suv hisobi” axborot tizimi asosida soliq organlari tomonidan avtomat tarzda shakllanadi;
👉Soliq kodeksi 447-modda

▫️xorijiy manbalar hisobidan moliyalashtiriladigan loyihalar boʻyicha soliq imtiyozlarini qoʻllashda yagona yondashuvni taʼminlash maqsadida, 2028-yil 1-yanvarga qadar davlat tashqi qarzi hisobidan toʻliq yoki qisman amalga oshiriladigan loyihalar doirasida sotib olinadigan tovarlarni (xizmatlarni) realizatsiya qilish boʻyicha aylanma, shuningdek ularni olib kirishda QQSdan ozod qilishga oid amalda berilgan imtiyozlarni texnik yordam koʻrsatish (grantlar) loyihalarga nisbatan ham tatbiq etilishi belgilandi.
👉Soliq kodeksi 483-modda

Shuningdek, 2025-yil 1-yanvardan 2026-yil 1-yanvarga qadar Jizzax viloyatining Sharof Rashidov va Toshkent viloyatining Ohangaron tumanlaridagi charm-poyabzal sanoat zonalarini boshqarish direksiyalari hamda ushbu sanoat zonasidagi korxonalar mol-mulk, yer va suv soliqlaridan ozod etilishi belgilandi.

Тelegram |Facebook |Youtube| Instagram |X| Threads

#qonunchilikdagi_yangiliklar

Olimpiya va Paralimpiya musobaqalarida ishtirok etuvchi milliy terma jamoa sportchilari uchun qo‘shimcha soliq yengilliklari berildi

"2028-yil Los-Anjeles shahrida(AQSH) bo‘lib o‘tadigan XXXIV yozgi Olimpiya va XVIII Paralimpiya o‘yinlariga O‘zbekiston sportchilarini kompleks tayyorlash to‘g‘risida" Prezident Qarori qabul qilindi.
👉PQ-221-son, 08.07.2025-yil

Qarorga muvofiq:

▫️Olimpiya va Paralimpiya o‘yinlariga maqsadli tayyorgarlik ko‘rish doirasida milliy terma jamoalar sportchilari, trenerlari va boshqa mutaxassislari uchun har oylik stipendiyalar, bir martalik to‘lanadigan pul mukofotlari, qimmatbaho sovg‘alar va boshqa yordam ko‘rinishida olinadigan to‘lovlar bo‘yicha yuzaga kelishi mumkin bo‘lgan jismoniy shaxslardan olinadigan daromad solig‘i va ijtimoiy soliq summasi Davlat budjetidan qoplab berilishi belgilandi.

❗️Ma’lumot uchun, xalqaro sport musobaqalarida sovrinli o‘rinlarni egallaganligi uchun sportchilar olgan bir yo‘la beriladigan pul mukofotlari jismoniy shaxslardan olinadigan daromad solig‘idan ozod qilingan. Sportchilarning ushbu daromadidan tashqari barcha daromadlari daromad solig‘iga tortiladi.
👉Soliq kodeksi 378-modda

Тelegram |Facebook |Youtube| Instagram |X| Threads

#qonunchilikdagi_yangiliklar

“Soliqqa oid nizolarni sudgacha hal qilish mexanizmlarini takomillashtirish chora-tadbirlari toʻgʻrisida” Prezident qarori qabul qilindi.
👉PQ-223-son, 11.07.2025-yil.

Soliqqa oid nizolarni sudgacha koʻrib chiqish jarayoni raqamlashtiriladi, bunga sunʼiy intellekt texnologiyalari joriy etiladi.

Soliq toʻlovchilarning soliqqa oid nizolarni koʻrib chiqishda masofadan turib ishtirok etish imkoniyatlari yaratiladi.

Тelegram |Facebook |Youtube| Instagram |X| Threads