#mustaqillik_31_yil

Assalomu alaykum, aziz hamyurtlar, qadrli vatandoshlar, yangi O‘zbekiston tarixidagi shonli sana – Vatanimiz mustaqilligining o‘ttiz bir yillik bayramini barchamiz katta shodu xurramlik bilan kutib olmoqdamiz.

Shu munosabat bilan butun xalqimizni, barcha vatandoshlarni chin qalbimdan tabriklayman. Sizlarga o‘zimning samimiy va ezgu tilaklarimni izhor etaman.

Ajdodlarimiz, bu muqaddas maqsad yo‘lidagi mashaqqatli sinovlarda jon olib, jon berib kurashdi. Xalqimiz qalbidagi hurriyatga intilishni hech qanday bosqin, zulm va zo‘ravonliklar yo‘qota olmadi.

Asrlar, zamonlar o‘tar, ammo, barchamizga o‘zligimzni qadr-qimmatimizni, tilimiz, muqaddas dinimizni va tariximizni qaytarib bergan bu ulug‘ ayyom Vatanimiz tarixida oltin sahifa bo‘lib qoladi.

Taʼkidlash lozim, keyingi yillarda xalqimiz ajdodlarga xos mustahkam iroda va matonat, beqiyos salohiyatini namoyon etib, qisqa fursatda ulkan taraqqiyot yo‘lini bosib o‘tdi. Bu esa Prezidentimiz boshchiligida mamlakatimizda olib borilayotgan jadal islohotlarning mustahkam tirgagi bo‘lib, yangi O‘zbekiston – Uchinchi Renessans davrida muhim o‘rin tutmoqda.

Ushbu tarixiy jarayonlarda davlat soliq xizmati organlarining ham faol ishtirokini qayd etish joiz. Shunday ulug‘ va sharafli safda – yangi O‘zbekiston bunyodkorlari safida turganligimizdan biz, soliq organlari tizimidagi barcha davlat xizmatchilari o‘zimizni chinakam baxtiyor inson deb bilamiz.

Davlat soliq xizmati organlari, xalqchil va demokratik tamoyillarga asoslangan yangi O‘zbekistonni, erkin fuqarolik jamiyatini barpo etish yo‘lida sidqi dildan xalqqa xizmat qilishga hamisha tayyor.

Men millati, tili va dinidan qatʼi nazar, barcha yurtdoshlarimizni bugungi ulug‘ ayyom – O‘zbekiston Respublikasi mustaqilligining 31 yilligi bilan yana bir bor muborakbod etaman.

Jonajon Vatanimiz, xonadonlarimizdan tinchlik-osoyishtalik, fayzu baraka hech qachon arimasin. Yurtimiz tinch, osmonimiz musaffo, mustaqilligimiz abadiy bo‘lsin!

Sherzod Kudbiyev,
O‘zbekiston Respublikasi Davlat soliq qo‘mitasi raisi

Тelegram | Facebook | Youtube| Instagram

#mustaqillik_31_yil

"Yangi O‘zbekistonda el aziz, inson aziz!"

Davlat soliq qo‘mitasida O'zbekiston Respublikasi mustaqilligining 31 yilligi keng nishonlandi.

#soliq_taqvimi

🗓 Eslatma ❗️ 2022-yil 5-sentabr

avgust oyi uchun:

- banklar tomonidan O‘zbekiston Respublikasining norezidentlariga amalga oshirilgan to‘lovlar (dividendlar va foizlar to‘lovidan tashqari) bo‘yicha yuridik shaxslardan olinadigan foyda solig‘ini budjetga o‘tkazishning oxirgi kuni
(Soliq kodeksining 355-moddasi 2-qismi);

- avgust oyida natura holida (qishloq xo‘jaligi tovar ishlab chiqaruvchilari tomonidan yetishtirilgan va qayta ishlangan, xodimlarning yozma arizasiga ko‘ra shartnomaviy narxlarda beriladigan qishloq xo‘jaligi mahsulotlari) to‘langan daromadlar bo‘yicha jismoniy shaxslardan olinadigan daromad solig‘ini va SHJBPHga majburiy badallarni to‘lashning oxirgi kuni
(Soliq kodeksining 390-moddasi 2-qismi, 06.10.2005-yildagi 1515 raqamli nizomning 7-bandi).
___________
#календарь_налогоплательщика

🗓 Напоминаем❗️5 сентября 2022 года крайний срок

за август:

- перечисления банками в бюджет налога на прибыль по платежам, произведенным нерезидентам Республики Узбекистан (кроме выплаты дивидендов и процентов)
(ч.2 ст.355 Налогового кодекса);

- уплаты налога на доходы физических лиц и обязательных взносов на ИНПС с доходов, выплаченных в натуральной форме (сельскохозяйственной продукцией собственного производства и продуктов ее переработки по договорным ценам, выдаваемых сельскохозяйственными товаропроизводителями по письменному заявлению работников) в августе
(ч.2 ст.390 Налогового кодекса, п. 7 Положения, рег. № 1515 от 06.10.2005 г.).

Тelegram | Facebook | Youtube| Instagram

#qonunchilikdagi_yangiliklar

O‘zini o‘zi band qilgan shaxslar shug‘ullanishi mumkin bo‘lgan faoliyat turlari 10 taga oshdi

Mamlakatimiz Prezidentining 30.08.2022-yildagi PQ-366-son qaroriga muvofiq, 01.11.2022-yildan quyidagi faoliyat (ishlar, xizmatlar) turlari bilan shug‘llanadigan fuqarolar o‘zini o‘zi band qilgan shaxs sifatida ro‘yxatdan o‘tishi mumkin:

🔸Uy hayvonlari (qoramol, qo‘y, echki, ot va boshqalar) bozorlarida vositachilik xizmati;
🔸Avtomobil bozorlarida vositachilik xizmati;
🔸Rieltorlik xizmatini ko‘rsatish (ijaraga uy topib berish, uy sotib olish va sotishga ko‘maklashish);
🔸Uyda sut va sut mahsulotlarini qayta ishlash va sotish xizmati;
🔸Maishiy buyumlarni ijaraga berish xizmati (stol-stul, idish-tovoq, asbob-uskuna va boshqalar);
🔸Gips va ganchdan buyumlar yasash (uy jihozlari, ertak qahramonlari haykallarini yasash);
🔸Tosh va tosh mahsulotlaridan yodgorlik, suvenir va dekorativ buyumlar tayyorlash;
🔸Yog‘och mahsulotlaridan savat, non mahsulotlari uchun maxsus idish va boshqa buyumlarni to‘qish;
🔸Uy sharoitida pilla yetishtirish, shaxsiy tomorqa yer uchastkasida tut mevasi, niholi va ko‘chatini yetishtirish, uyda ipak mato, ipak gilam to‘qish va sotish;
🔸Kulolchilik.

Shuningdek, 01.01.2023-yildan:

🔹o‘zining shaxsiy tomorqa yer uchastkasida quyidagi faoliyat turlari bilan shug‘ullanayotgan fuqarolar tomonidan yiliga BHMning kamida 1 baravari miqdorida ijtimoiy soliq to‘langan taqdirda, ular rasmiy band bo‘lgan aholi toifasiga kiritiladi va ushbu davr ularning mehnat stajiga qo‘shiladi:
- Chorvachilik (qoramol, qo‘y, echki, ot va boshqalar);
- Issiqxona;
- Parrandachilik (bedana, kurka, g‘oz, o‘rdak);
- Quyonchilik;
- Asalarichilik;
- Baliqchilik;
- Bog‘dorchilik;
- Limonchilik;
- Gulchilik.

🔹 *YaTTlar bilan mehnat munosabatlarida bo‘lgan jismoniy shaxslar uchun ijtimoiy soliq summasining eng kam miqdori oyiga BHMning 50 foizidan yiliga BHMning bir baravarigacha kamaytiriladi (savdo majmualari va bozorlarda faoliyat yuritayotgan yakka tartibdagi tadbirkorlar bilan mehnat munosabatlarida bo‘lgan jismoniy shaxslar bundan mustasno).
▫️ YaTTga murakkab bo‘lmagan umumiy qurilish va qurilish-taʼmirlash ishlari (beton quyish, bo‘yoqchilik, suvoqchilik ishlari, g‘isht va kafel terish, perforatsiya, duradgorlik, chilangarlik va boshqa umumiy qurilish ishlari)ni, shu jumladan yuridik shaxslar uchun ham bajarishga;
▫️ qurilish-pudrat tashkilotlariga umumiy qurilish ishlarini bajarish uchun shartnoma asosida YaTTni jalb qilishga ruxsat etiladi. Bunda, YaTT umumiy qurilish ishlarini bajarish uchun 5 nafargacha xodim yollashi mumkin.

*YaTT – Yakka tartibdagi tadbirkor

Тelegram | Facebook | Youtube| Instagram

#qonunchilikdagi_yangiliklar

Joriy yilning 31-avgust kuni O‘zbekiston Respublikasi Prezidenti "Qoraqalpog‘iston Respublikasida tadbirkorlik, innovatsion texnologiyalar va infratuzilmalarni jadal surʼatlarda rivojlantirish orqali aholi farovonligini oshirishning qo‘shimcha chora-tadbirlari to‘g‘risida"gi farmonni imzoladi.

Mazkur farmonga ko‘ra 01.01.2023-yil 01.01.2028-yilga qadar Qoraqalpog‘iston Respublikasining barcha tumanlarida joylashgan va shu hududda faoliyat yuritadigan tadbirkorlik subyektlari uchun:

🔹foyda solig‘i, aylanmadan olinadigan soliq, yuridik shaxslarning mol-mulkiga solinadigan soliq va yuridik shaxslardan olinadigan yer solig‘i bo‘yicha soliq stavkalari 50 %ga kamaytirilgan holda;

🔹Ijtimoiy soliq, 1 % miqdoridagi soliq stavkasida;

🔹YaTTlar tomonidan to‘lanayotgan ijtimoiy soliq shaharlar hududida faoliyat yuritayotganlar uchun 12 baravarga, tumanlar hududida faoliyat yuritayotganlar uchun 6 baravarga kamaytirilib, yiliga *BHMning bir baravari miqdorida belgilanadi.

❗️Bunda yirik soliq to‘lovchilar, doimiy muassasalar, budjet tashkilotlari va davlat korxonalari, ustav jamg‘armasi (kapitali)da davlat ulushi 50% va undan ko‘proq miqdorda bo‘lgan yuridik shaxslarga mazkur bandda belgilanayotgan imtiyozlar tatbiq etilmaydi.

Shuningdek, qonunchilikda yuqoridagilardan ortiq soliq imtiyozlari nazarda tutilgan bo‘lsa, tadbirkorlik subyektlari uchun qulay soliq imtiyozlari tatbiq etish belgilandi.

Тelegram | Facebook | Youtube| Instagram

#e_ijara

👨‍🎓Ijara shartnomalarini hisobga qo‘yishda talabalardan elektron raqamli imzo talab etilmaydi.

🏠Ko‘chmas mulk ijara shartnomalarini 2 xil usulda hisobga qo‘yish mumkin.

1️⃣ ijara.soliq.uz sayti orqali. Bunda ijaraga beruvchi saytdan "Talabalar ijarasi" bo‘limini tanlab "Ijaraga oluvchi talaba to‘g‘risida ma'lumot" oynasiga ijaraga oluvchi talabaning JShShIRni kiritganda uning ma’lumotlari (F.I.O, ta’lim olayotgan o‘quv yurti, fakulteti, ta’lim shakli va bosqichi, shuningdek doimiy ro‘yxatga olingan manzili) avtomatik shakllanadi.

Keyingi jarayonda "Qo‘shish" tugmasi orqali talaba bilan birga turgan boshqa talabalar dasturga kiritiladi.

So‘ngra “Telefon raqami” qatoriga ijaraga oluvchi talabaning telefon raqami kiritilib, “Tasdiqlash kodini yuborish” tugmasi bosiladi. Talabaning telefoniga SMS orqali kelgan 5 xonali raqam “Tasdiqlash kodi” qatoriga yozilib “Tasdiqlash” tugmasi bosiladi.

2️⃣ “Soliq” mobil ilovasi orqali. Ilovaning "Ijaraga berish" undan so‘ng “Talabalar uchun ijara shartnoma” bo‘limi orqali talabalar bilan tuzilgan ko‘chmas mulk ijara shartnomalari hisobga qo‘yiladi.

Ilovaga ijaraga beruvchi jismoniy shaxs tomonidan talabaning shaxsiy identifikatsiya raqami kiritilganda uning maʼlumotlari avtomatik shakllanadi. Talabalar Face ID yoki telefon raqamiga SMS orqali keladigan 5 xonali raqamni kiritish orqali ijara shartnomasini tasdiqlashi mumkin.

✅Talabalar bilan tuzilgan ijara shartnomalari hisobga qo‘yilganda ushbu ma'lumotlar Oliy va o‘rta maxsus ta‘lim vazirligi bazasida shakllanadi. Bu esa oylik ijara to‘lovining bir qismini qoplab berishda oliy o‘quv yurtlariga qulaylik yaratadi.

☝️Eslatib o‘tamiz, soliq to‘lovchining uy-joylarni talabalarga ijaraga berishdan olgan daromadlari soliqdan ozod etilgan. (Soliq kodeksi, 378-modda)

👉Turar joylarni ijaraga oluvchi talabalarda soliq majburiyati yuzaga kelmaydi.

👉Ijara shartnomalarini hisobga qo‘yish bo‘yicha videoqo‘llanma

Тelegram | Facebook | Youtube| Instagram

#Bilasizmi

🟢Soliq to‘lovchining uy-joylarni talabalarga ijaraga berishdan olingan daromadlariga jismoniy shaxslardan olinadigan daromad solig‘i solinmaydi.
📗Soliq kodeksining 378-moddasi 19-1 bandi

👉Ijara shartnomalarini hisobga qo‘yishda talabalardan elektron raqamli imzo talab etilmaydi.

Тelegram | Facebook | Youtube| Instagram

#bilasizmi

📉01.09.2022-yildan 01.01.2025-yilga qadar xalq taʼlimi tizimidagi muassasa va tashkilotlarning budjetdan tashqari mablag‘lari hisobidan amalga oshiriladigan ish haqi va unga tenglashtirilgan to‘lovlarga ijtimoiy soliq stavkasi 1 % miqdorida qo‘llaniladi.

🖥Mazkur imtiyoz davlat soliq xizmati organlarining “E-imtiyoz” avtomatlashtirilgan axborot tizimiga 104023-ID-raqam bilan kiritilgan.

👉PQ-241 11.05.2022-yil
__________
#знаете_ли_вы

📉C 01.09.2022 года до 01.01.2025 года ставка социального налога на заработную плату и приравненные к ней платежи, осуществляемые за счет внебюджетных средств учреждений и организаций в системе народного образования, устанавливается в размере 1%.

🖥В автоматизированной информационной системе органов государственной налоговой службы “E-imtiyoz” данной льготе присвоен ID-код 104023.

👉№ ПП-241 от 11.05.2022 г.

Тelegram | Facebook | Youtube| Instagram

#ozini_ozi_band_qilish

"Taksist"lar o‘zini o‘zi band qilishi mumkin

2022-yil 1-sentabrda 2024-yil oxiriga qadar
haydovchidan tashqari 4 tadan ortiq bo‘lmagan o‘rindiqlarga ega yengil avtotransport vositalarida yo‘lovchilarni tashuvchilar o‘zini o‘zi band qilishi mumkin.

📄O‘zini o‘zi band qilgan shaxslar tomonidan yo‘lovchilarni tashish faoliyati litsenziya varaqasiga asosan amalga oshiriladi

❌Litsenziya varaqasi berishda avtomobilning ekspluatatsiya davriga qo‘yilgan talab bekor qilinadi;

🛠O‘zini o‘zi band qilgan tashuvchilar bir yilda bir marotaba transport vositasini texnik ko‘rikdan o‘tkazishi shart;

👨‍⚕️Ular bir yilda bir marotaba tibbiy ko‘rikdan o‘tishi shart;

💰Litsenziya varaqasi uchun davlat boji yiliga bazaviy hisoblash miqdorining bir barobari (300 ming so‘m) miqdorida undiriladi.

📍Litsenziya varaqalarida faoliyat hududi aks ettiriladi;

🚖O‘zini o‘zi band qilgan tashuvchilar avtomobilining tom qismiga “TAXI” belgisi o‘rnatiladi;

👱‍♂️Boshqa sohalarda faoliyat yuritayotgan shaxslar bir vaqtning o‘zida o‘zini o‘zi band qilgan holda yo‘lovchilarni tashish faoliyati bilan shug‘ullanishlari mumkin.

📜PQ-311-son, 07.07.2022-yil.

👉O‘zini o‘zi band qilgan shaxslarga qanday yengilliklar yaratilgan?

👉O‘zini o‘zi band qilgan shaxs sifatida ro‘yxatdan o‘tish bo‘yicha videoqo‘llanma

Тelegram | Facebook | Youtube| Instagram

#e_ijara

Transport vositalari ijara shartnomalarini notarial tasdiqlash bekor qilindi

Davlat soliq qo‘mitasi tomonidan "E-ijara" elektron xizmatida transport vositasi ijara shartnomalarini soliq organlarida hisobga qo‘yish imkoniyati yaratildi.

Elektron xizmatdan foydalanish uchun “ijara.soliq.uz” internet manziliga ijaraga beruvchi jismoniy yoki yuridik shaxslar elektron raqamli imzosi (ERI) orqali kiriladi.

Shartnomani hisobga qo‘yish uchun elektron xizmatning “Transport vositalari ijara shartnomalarini hisobga qo‘yish” oynasiga o‘tiladi. Ijara shartnomalarini soliq organlarida hisobga qo‘yish bilan bog‘liq barcha ma’lumotlar avtomatik shakllanadi:
🔹transport vositasini ijaraga beruvchi va ijaraga oluvchi to‘g‘risidagi maʼlumotlar – JShShIR, FIO, manzil;
🔹ijaraga berilayotgan transport vositasi to‘g‘risidagi ma’lumotlar – rusumi, davlat raqami va h.k.

Mulkdor ijaraga berilayotgan transport vositasini tanlab, ijaraning boshlanish va tugash sanalari, bir oylik ijara to‘lovi miqdorini kiritadi hamda shakllangan ma’lumotlarni tasdiqlash uchun "jo‘natish" tugmasi orqali ijaraga oluvchiga yuboradi.

Ijaraga beruvchi jo‘natgan ma’lumotlar ijaraga oluvchi tomonidan tekshirilib, tasdiqlash tugmasi bosilgandan so‘ng ijara sharnomasi soliq organida avtomatik ravishda hisobga olinadi va hisobga qo‘yilganligi to‘g‘risida guvohnoma shakllanadi.

Eslatib o‘tamiz! 01.09.2022-yildan:
- fuqarolar va yo‘lovchi tashish faoliyatini amalga oshirish uchun litsenziyaga ega bo‘lgan yuridik shaxslar o‘rtasida tuziladigan transport vositasi ijara shartnomalarini notarial tasdiqlash talabi bekor qilindi;
- transport vositasi ijara shartnomalari soliq organlarida elektron tarzda hisobga olinadi.
👉PQ-311-son, 07.07.2022-yil.

🚕"Taksist"lar o‘zini o‘zi band qilishi mumkin

Тelegram | Facebook | Youtube| Instagram

#e_ijara #talaba

👩‍🎓Talabalarga jismoniy shaxslar tomonidan uy-joylarni ijaraga berish bo‘yicha E-ijara axborot tizimi orqali joriy yil boshidan 29 986 ta shartnoma ro‘yxatga olingan.

🏠Uy-joylarni talabalarga ijaraga berishdan olingan daromadlar – 73,4 mlrd so‘m.
💰Qo‘llanilgan soliq imtiyozlari – 8,8 mlrd so‘m.

👆Hududlar kesimida talabalar bilan tuzilgan shartnomalar soni infografikada

🔑Ijara shartnomalarini hisobga qo‘yishda talabalardan elektron raqamli imzo talab etilmaydi

🟢Talabalarga uy-joylarni ijaraga berishdan olingan daromadlar soliqqa tortilmaydi

Тelegram | Facebook | Youtube| Instagram

#ozini_ozi_band_qilish

2022-yil 1-noyabrdan boshlab yana 10 ta faoliyat turi o‘zini o‘zi band qilgan shaxslar shug‘ullanishi mumkin bo‘lgan faoliyat turlari ro‘yxatiga kiritiladi

👉O‘zini o‘zi band qilgan shaxslarga qanday yengilliklar yaratilgan?

👉O‘zini o‘zi band qilgan shaxs sifatida ro‘yxatdan o‘tish bo‘yicha videoqo‘llanma

Тelegram | Facebook | Youtube| Instagram