#soliqchi_komakchi

Tadbirkorlarni qiynayotgan muammolarni hal qilish yuzasidan ochiq muloqotlar o‘tkazilmoqda

📍 Toshkent shahar soliq boshqarmasi tomonidan tashkil etilgan navbatdagi uchrashuvda 50 dan ortiq biznes vakillari ishtirok etdi. Ular tomonidan qator loyihalarni amalga oshirish bo‘yicha tashabbuslar ilgari surildi, faoliyatini kengaytirish borasida to‘siq bo‘layotgan muammolar o‘rtaga tashlandi.

📝 Murojaatlar joyida hal etildi, qo‘shimcha vaqt talab qiladigan masalalarni ijobiy va tezkor hal etish yuzasidan mas'ullarga topshiriqlar berildi.

Тelegram |Facebook |Youtube| Instagram |Twitter| Threads

#AOS

✅ Quyidagi hujjatlarga asosan soliq to‘lovchilarga AOSni pasaytirilgan stavkalarda to‘lash huquqi berilgan:

👉Soliq kodeksi 467 (1-qism 5 va 6-bandlari), 480 hamda 483-moddasi;

👉08.06.2020-yildagi PQ-4742-son;

👉30.04.2022-yildagi PQ-232-son;

👉30.05.2022-yildagi PQ-264-son;

👉06.07.2022-yildagi PQ-307-son;

👉31.08.2022-yildagi PF-213-son;

👉30.12.2022-yildagi PF-287-son.

Eslatma❗️ AOSni pasaytirilgan stavkalarda to‘laydigan tadbirkorlik subyektlari hisobotlari avtomatik shakllanadi.

Тelegram |Facebook |Youtube| Instagram |Twitter| Threads

#imtiyoz

✅ Qayta tiklanuvchi energiya manbalari qurilmalarini o‘rnatganlarga soliq imtiyozlari berilgan

🖊 O‘zbekiston Respublikasi Prezidentining 2023-yil 16-fevralda "2023-yilda qayta tiklanuvchi energiya manbalarini va energiya tejovchi texnologiyalarni joriy etishni jadallashtirish chora-tadbirlari to‘g‘risida”gi qarori qabul qilingan.

Unga ko‘ra 2023-yil 1-apreldan:

Umumiy quvvati 100 kVtgacha bo‘lgan qayta tiklanuvchi energiya manbalari qurilmalarini o‘rnatgan jismoniy va yuridik shaxslar ushbu qurilmalar bo‘yicha mol-mulk va yer solig‘idan hamda yuridik shaxslar umumiy tarmoqqa sotgan elektr energiyasi bo‘yicha foyda solig‘idan 3 yil muddatga, o‘rnatilayotgan quyosh panellarining quvvatiga nisbatan 25 foizdan kam bo‘lmagan quvvatga ega elektr energiyasini saqlash tizimi bilan o‘rnatilgan bo‘lsa – 10 yil muddatga ozod etilishi belgilangan.

Тelegram |Facebook |Youtube| Instagram |Twitter| Threads

#AOS

✅ Aylanmadan olinadigan soliqni qatʼiy belgilangan summada to‘lovchilar uchun

Aylanmadan olinadigan soliqni qatʼiy belgilangan summada to‘lovchilar AOS hisobotini taqdim etmaydi. Bunda soliq summasi soliq to‘lovchi shaxsiy hisobvarag‘ining 100-kodida avtomatik hisoblanadi.

Bunda qatʼiy belgilangan summadagi soliq teng ulushlarda har oyda, kalendar oydan keyingi oyning 15-sanasidan kechiktirmay toʻlanadi.

AOSni qat’iy belgilangan summada soliq to‘lashga o‘tish uchun soliq to‘lovchi soliq organiga keyingi oy boshlanishidan 10 kun oldin xabarnoma yuborishi lozim.

👉Soliq kodeksi 470-1-modda

👉AOSni qat'iy belgilangan summada to‘lashga o‘tish ixtiyoriy

Тelegram |Facebook |Youtube| Instagram |Twitter| Threads

#QQS #AOS

✅ AOS to‘lovchisi QQS to‘lashga o‘tganda hisobotlarni qanday topshiradi?

Soliq davri davomida soliq toʻlovchilarning jami daromadi 1 mlrd soʻmdan oshgan kundan eʼtiboran ular QQS va foyda soligʻini toʻlashga oʻtadi.
👉Soliq kodeksi 462-modda

AOS toʻlovchi hisobot oyi davomida QQS toʻlashga oʻtganda, mazkur hisobot oyi boʻyicha AOS va QQS hisobotini taqdim etishi lozim.

Bunda:
- QQS toʻlovchisi boʻlgan sanagacha amalga oshirilgan operatsiyalar, rasmiylashtirilgan EHF va onlayn-NKT cheki summasi AOS hisobotiga kiritiladi;
- QQS toʻlovchisi boʻlgan sanadan keyin amalga oshirilgan operatsiyalar QQS hisobotida avtomatik ravishda aks etadi.
____________
#НДС #налог_на_прибыль

✅ Как представляют отчетность перешедшие на уплату НДС плательщики налога с оборота?

Налогоплательщики переходят на уплату НДС и налога на прибыль со дня превышения их совокупного дохода 1 млрд сумов.
👉ст.462 НК

Плательщики налога с оборота, которые перешли на уплату НДС в отчетном месяце, представляют за этот месяц как отчетность по налогу с оборота, так и отчетность по НДС.

При этом:
- суммы по осуществленным операциям, оформленным ЭСФ и чекам онлайн-ККТ до даты перехода на уплату НДС отражаются в отчетности по налогу с оборота;
- операции, осуществленные после даты перехода на уплату НДС, автоматически отражаются в отчетности по НДС.

Тelegram |Facebook |Youtube| Instagram |Twitter| Threads

#mobil_ilova

✅ “Soliq” mobil ilovasi yangilandi

📲 Mobil ilovaning yangi 1.3.11 versiyasida:

▪️"Quyoshli xonadon" subsidiyasi va Ijtimoiy keshbek summalarini TaxPay* to’lov tizimi orqali bank kartalariga o’tkazish imkoniyati yaratildi;

▪️"Quyoshli xonadon" bo‘limida quyosh paneli orqali yagona elektr energetika tizimiga uzatilgan elektr energiyasi hajmini yangilangan diagramma orqali kuzatib borish mumkin;

▪️"O’zini-o’zi band qilish" bo‘limi takomillashtirildi.

🛒 Ilovani hoziroq yuklab oling Android / iOS

❗️"Quyoshli xonadon" subsidiyasi hamda Ijtimoiy keshbek summalarini ilovaning "Keshbek" bo‘limidagi "Kartaga pul o‘tkazish" oynasi orqali bank kartasiga o‘tkazib olishingiz mumkin.

*Tax Pay – "Soliq-servis" DUK tomonidan "Soliq" mobil ilovasi orqali naqdsiz pul o‘tkazmalarini hamda xizmatlar uchun to‘lovlarni amalga oshirish uchun ishlab chiqilgan to‘lov tizimi.

Тelegram |Facebook |Youtube| Instagram |Twitter| Threads

#quyoshli_xonadon

Quyoshli xonadon: fuqarolarga 348 mln soʻm subsidiya hisoblandi

🖊Prezident qaroriga asosan joriy yil 1-apreldan “Quyoshli xonadon” dasturi doirasida xonadoniga quyosh panellarini oʻrnatgan jismoniy shaxslarga quyosh paneli orqali ishlab chiqarilgan va yagona elektr energetika tizimiga uzatilgan elektr energiyasining har bir kilovatt-soati uchun 1000 soʻmdan subsidiya ajratilishi belgilangan edi.

☀️ Ayni kunga qadar 967 nafar jismoniy shaxslarga aprel-iyul oylari uchun quyosh panelida ishlab chiqarilib yagona elektr energetika tizimiga uzatilgan hamda tizimdan isteʼmol qilingan elektr energiyasi oʻrtasidagi ijobiy tafovut (348 ming kVt/soat) dan kelib chiqib 348 mln soʻm subsidiya hisoblandi hamda toʻlov uchun tasdiqlandi.

📍 Subsidiyaning eng katta qismi qoraqalpog‘istonliklar uchun hisoblangan – 103,6 mln so‘m. Undan keying o‘rinlardan Xorazm viloyati (70,5 mln so‘m) Toshkent shahri (35,6 mln so‘m), Jizzax (30,9 mln so‘m) hamda Navoiy (27,8 mln so‘m) viloyatlari joy olgan.

📲 Subsidiyani "Soliq" mobil ilovasining "Keshbek" bo‘limidagi "Kartaga pul o‘tkazish" oynasi orqali bank kartasiga o‘tkazib olish mumkin.

Тelegram |Facebook |Youtube| Instagram |Twitter| Threads

#мобильное_приложение

✅ Обновлено мобильное приложение “Soliq”

📲 В новой версии 1.3.11 мобильного приложения:

▪️Создана возможность перевода на банковские карты сумм субсидии «Солнечный дом» и социального кешбэка через платежную систему TaxPay*;

▪️ В разделе «Солнечный дом» количество электроэнергии, переданной в единую электроэнергетическую систему через солнечную панель, можно контролировать через обновлённую диаграмму;

▪️ Усовершенствован раздел «Самозанятость».

🛒 Загрузите мобильное приложение сейчас Android / iOS

❗️ Перевести на банковскую карту суммы субсидии «Солнечный дом» и социального кешбэка можно в разделе «Кешбэк» в окне «Перевод на карту».

*Tax Pay – платежная система, разработанная ГУП "Soliq-servis" для осуществления безналичных денежных переводов и оплаты услуг через мобильное приложение «Soliq».

Тelegram |Facebook |Youtube| Instagram |Twitter| Threads

#qonunchilikdagi_yangiliklar

✅ Paxta yetishtiruvchilar uchun QQSni hisobga olishning yangi tartibi belgilandi

2023-yil hosilidan paxta-toʻqimachilik klasterlari tomonidan paxta xomashyosi toʻliq elektron tarozi orqali qabul qilinadi.

Paxta yetishtiruvchi qishloq xoʻjaligi korxonalari (fermer xo‘jaliklari) uchun QQSni paxta xomashyosi boʻyicha yakuniy hisob-kitoblarni amalga oshirish muddatigacha toʻlash va hisobga olishga ruxsat etiladi.

2026-yil 1-aprelga qadar paxta-toʻqimachilik klasterlari va qishloq xoʻjaligi korxonalari (fermer xoʻjaliklari) oʻrtasidagi hisob-kitoblar hamda QQSni hisobga olish quyidagi tartibda amalga oshiriladi:
🔹paxta-toʻqimachilik klasterlari tomonidan paxta hosili uchun yakuniy hisob-kitoblar oʻz muddatida amalga oshirilmaganda, yuzaga kelgan soliq qarzdorligini QQS toʻlovchisi hisoblangan qishloq xoʻjaligi korxonalari (fermer xoʻjaliklari)ga 3 oy muddatga teng ulushlarda boʻlib-boʻlib toʻlash huquqi beriladi;
🔹paxta-toʻqimachilik klasterlariga qabul qilib olingan paxta hosili uchun EHFda koʻrsatilgan QQS summasini qishloq xoʻjaligi korxonalari (fermer xo‘jaliklari) tomonidan QQS budjetga toʻlab berilganidan soʻng hisobga olishga ruxsat etiladi.

👉 VMQ-379-son, 14.08.2023-y.

Тelegram |Facebook |Youtube| Instagram |Twitter | Threads

#imtiyoz #issiqxona

✅ Issiqxonalar uchun mol-mulk va yer soliqlaridan imtiyoz berilgan

Aholi tomorqalari va xonadonlarida davlat-xususiy sheriklik asosida tashkil etilgan
🔹issiqxonalar va uy issiqxona majmualari uchun yer soligʻi stavkalari,
🔹uy issiqxona majmualari* tarkibidagi turar joylar uchun mol mulk soligʻi stavkalari
ular foydalanishga topshirilgan sanadan boshlab 3 yil davomida 50 % miqdorda qoʻllaniladi.
Bunda:
🔸aholi tomorqalari va xonadonlarida tashkil etilgan issiqxonalar maydoni kamida 10 sotix, uy issiqxona majmualarining maydoni kamida 20 sotix boʻlishi lozim;
🔸issiqxona va uy issiqxona egasi oʻzini oʻzi band qilgan shaxs sifatida faoliyat olib boradi va ushbu faoliyat boʻyicha olingan daromadi soliqqa tortilmaydi;
🔸uy issiqxona tashkil etish uchun yer maydonlari investorlar oʻrtasida oʻtkaziladigan ochiq tanlov yakunlari boʻyicha ijara huquqi asosida ajratadi. Ijara muddati yakunlangandan soʻng uy issiqxona majmuasi mulk huquqi asosida, joylashgan yeri ijara huquqi asosida (ijara shartnomasi amal qilish muddatiga) beriladi;
🔸issiqxonalar va uy issiqxona majmualari investorlar tomonidan ishlab chiqariladigan zamonaviy va energiya tejamkor uskuna-jihozlardan foydalangan holda tashkil etilishi lozim.

Yuqoridagi talablarga javob beradigan xonadonlarda tashkil etilgan issiqxona va yangi qurilgan uy issiqxona majmualari egalari imtiyozdan foydalanish uchun issiqxona joylashgan hududdagi soliq inspeksiyasi yoki jismoniy shaxslarning shaxsiy kabineti orqali murojaat yuborishi lozim.

* Uy issiqxona majmualari — qishloq xoʻjaligida foydalanishga kiritiladigan yer maydonlari, zaxiradagi hosildorligi past boʻlgan paxta va gʻalladan qisqargan maydonlar, yaroqsiz deb topilgan bogʻ va tokzorlar joylashgan boʻsh yer maydonlarida har birining maydoni kamida 20 sotix boʻlgan turar joy majmuasini ham qamrab olgan issiqxonalar.

👉PQ 5138 son 07.06.2023

Тelegram |Facebook |Youtube| Instagram |Twitter| Threads

#chek_tahrirlash #onlayn_NKT #marketpleys

✅ Onlayn-NKT va marketpleys cheklaridagi xatolarni tuzatish imkoniyati beriladi

Soliq to‘lovchilardan kelib tushayotgan murojaatlarni inobatga olgan holda, “Soliqchi-ko‘makchi” tamoyili asosida, joriy yil 17-avgustdan 31-avgustgacha (31-avgust ham) 2023-yil 1-yanvardan (1-yanvar ham kiradi) xato chop etilgan onlayn-NKT va marketpleys cheklarini tahrirlash imkoniyati beriladi.

Buning uchun soliq toʻlovchi my3.soliq.uz saytidagi shaxsiy kabinetida "Yuridik shaxslarning onlayn nazorat kassa texnikasi maʼlumotlari" sahifasidan "Chek ma'lumotlari" boʻlimiga kiriladi. Qidiruv tizimiga chekning fiskal moduli (ID) sanasi yoki raqamini kiritib tuzatiladigan chek topiladi. Ochilgan oynada chek maʼlumotlari tahrirlanadi.

✔️Xususan, chek maʼlumotlarini tahrirlashda quyidagilarni o‘zgartirish mumkin:
▫️chek summasi;
▫️ mahsulot miqdori;
▫️ QQS;
▫️ MXIK;
▫️ o‘lchov birligi;
▫️ komitent STIR;
▫️ to‘lov turi (naqd pul yoki bank karta).

📎 Barcha o‘zgartirishlar kiritilgandan so‘ng, faqat bitta fayl – tadbirkorlik subyektining tahrirlash natijasi bo‘yicha yuzaga keladigan o‘zgarishlar oqibatlarini o‘z zimmasiga olishi haqidagi rasmiy xati (muhrlangan) ilova qilinishi lozim.

✅“Saqlash” tugmasi orqali jarayon yakunlanadi.

❗️Tuzatish kiritish uchun yuborilgan cheklar hududiy soliq boshqarmalarida tashkil etilgan ishchi guruhi xulosasiga ko‘ra qabul qilinadi yoki rad etiladi.

Chek tahrirlash rad etilgan taqdirda soliq organining izohiga koʻra, tuzatishlar kiritilib (31-avgustgacha) qayta yuborilishi lozim.

📌Cheklar tahrirlangan taqdirda tadbirkorlik subyektlaridan tegishli hisobotlarni qayta topshirish talab etiladi.

❗️Istisno: isteʼmolchilarga xarid summasidan 1 % (keshbek) qaytarilgan cheklar tahrirlanmaydi.

👉Xato chop etilgan cheklarni tahrirlash bo‘yicha QO‘LLANMA

Тelegram |Facebook |Youtube| Instagram |Twitter | Threads