#raqamlashtirish #soliq_tushumlari

Oʻzbekistonda elektron xizmatlar koʻrsatuvchi xorijiy kompaniyalar 32,4 mlrd soʻm soliq toʻladi

Toʻlangan soliqlarning 95%i 10 ta xorijiy kompaniya hissasiga to‘g‘ri keladi.

👉 Batafsil
___________
#цифровизация #налоговые_поступления

Иностранные компании, оказывающие электронные услуги в Узбекистане, уплатили 32,4 млрд сумов налогов

95% уплаченных налогов приходится на 10 иностранных компаний.

👉 Подробнее

Тelegram |Facebook |Youtube| Instagram |Twitter

#raqamlashtirish #soliq_tushumlari

“Meta”, “Google” va “Apple” - Oʻzbekiston hududida eng koʻp soliq toʻlagan elektron xizmat koʻrsatuvchi kompaniyalar

🌐Raqamlashtirish va integratsiya. Soliq xizmati organlarida amalga oshirilayotgan mazkur jarayonlar natijasida elektron xizmatlar koʻrsatish bilan shugʻullanuvchi xorijiy kompaniyalar Oʻzbekistonda soliq toʻlovchi sifatida roʻyxatdan oʻtib oʻz xizmatlarini taqdim etib kelmoqda.

🗓2023-yil yanvar-aprel oylarida O‘zbekistonda elektron xizmatlar ko‘rsatuvchi 42 ta xorijiy kompaniya tomonidan 32,4 mlrd soʻm soliq toʻlangan. Bu o‘tgan yilning mos davriga nisbatan 1,6 barobar ko‘p.

🎞Youtube orqali ko‘rish

Тelegram |Facebook |Youtube| Instagram |Twitter

#raqamlashtirish #soliq_tushumlari

Qonuniy faoliyat olib borayotgan tadbirkorlar soni keskin ko‘paygan

2023-yil 14-iyun kuni Oliy Majlisi Qonunchilik palatasining navbatdagi majlisi bo‘lib o‘tdi. Unda Iqtisodiyot va moliya vaziri Sherzod Kudbiev Davlat budjetining va davlat maqsadli jamg‘armalari budjetlarining 2022-yildagi hamda 2023-yilning I-choragidagi ijrosi to‘g‘risida hisobot berdi.

"Mamlakatimizda amalga oshirilayotgan samarali islohotlar o‘z natijasini bermoqda. Tadbirkorlar uchun qulay muhit va keng imkoniyatlar yaratilayotganligi, ayrim turdagi soliq stavkalari pasaytirilganligi, samarasiz soliq imtiyozlari bekor qilinganligi, tadbirkorlarga soliqlarni bo‘lib-bo‘lib to‘lash imkoniyati berilganligi, tekshiruvlar kamaytirilganligi tadbirkorlik subyektlari uchun qulay imkoniyatlar yaratmoqda.

Hisobot yilining o‘zida 90,2 mingta yangi tadbirkorlik subyekti tashkil etilib, legal faoliyat olib borayotgan tadbirkorlar soni keskin ko‘paydi. QQS to‘lovchilari 30 mingtaga, foyda solig‘i to‘lovchilari soni 24 mingtaga oshdi. Shuningdek soliq ma’muriyatchiligini takomillashtirish, sohani raqamlashtirish hamda soliq to‘lash madaniyatini oshirish evaziga soliq solish bazasi kengaydi.

Dunyoda yuzaga kelgan murakkab vaziyat, tranzit va logistikadagi muammolar, asosiy iqtisodiy hamkorlarimiz bo‘lgan davlatlarda iqtisodiy o‘sishning pasayishi kabi holatlar O‘zbekiston iqtisodiyotiga, shu jumladan budjet ijrosi jarayoniga, pul-kredit, moliya tizimiga ham o‘z ta’sirini o‘tkazdi.

O‘z vaqtida amalga oshirilgan keng ko‘lamli va izchil islohotlar iqtisodiyotning barqaror o‘sish sur’atlarini saqlab qolish imkoniyatini berdi. Xususan, 2022-yil yakunlariga ko‘ra, YAIM hajmi 2021-yilga nisbatan 5,7 %ga, iqtisodiy o‘sishning asosiy drayverlari bo‘lgan xizmatlar va qurilish sohasi mos ravishda 8,5 va 6,6 %ga o‘sdi.

Davlat budjetining xarajatlari birinchi navbatda ijtimoiy sohani rivojlantirish, budjet tashkilotlari va budjetdan mablag‘ oluvchilarning ish haqini va unga tenglashtirilgan to‘lovlarni o‘z vaqtida amalga oshirish, aholini ijtimoiy qo‘llab-quvvatlash, shuningdek uy-joy bilan ta’minlash dasturlarini moliyalashtirishga yo‘naltirildi.

Jumladan, 2022-yilda nodavlat maktabgacha ta’lim tashkilotlarini qo‘llab-quvvatlash uchun 2 371,4 mlrd so‘m yoki 2021-yilga nisbatan qariyb 2 baravar ko‘p budjet subsidiyalari ajratilgan. Natijada o‘tgan yil yakunida nodavlat maktabgacha ta’lim tashkilotlari soni 22,8 mingtani tashkil etib, unda qamrab olingan bolalarning soni 746 ming nafarga yoki 2021-yilga nisbatan 22 %ga ortishiga erishilgan.

Shuningdek Davlat budjetidan birlamchi tibbiy-sanitariya muassasalariga biriktirilgan aholi jon boshiga dori va tibbiy buyumlar uchun ajratilgan mablag‘ miqdori o‘rtacha 3 baravarga oshirilib, 2022-yilda 578,1 mlrd so‘m mablag‘ yo‘naltirilgan.

Tadbirkorlik va o‘zini o‘zi band qilish faoliyatini boshlamoqchi bo‘lgan ishsiz, shu jumladan “Temir daftar”, “Ayollar daftari” va “Yoshlar daftari”ga kiritilgan 35,4 ming nafar fuqaroga zarur asbob-uskunalarni, texnologiyalarni xarid qilish uchun 2022-yilda 168 mlrd so‘m subsidiya ajratilgan.

2022-yilda ekologiya va atrof-muhit muhofazasi tadbirlari uchun Davlat budjetidan jami 6,4 trln so‘m yo‘naltirilganligi deputatlar tomonidan ijobiy baholandi.

Тelegram |Facebook |Youtube| Instagram |Twitter

#raqamlashtirish #soliq_tushumlari

Tadbirkorlarga 372 mlrd so‘mdan ortiq soliq qarzini bo‘lib-bo‘lib to‘lash imkoniyati berilgan

Joriy yilda ham yuqori iqtisodiy o‘sish sur’atlari ta’minlanib, 2023-yilning I choragida yalpi ichki mahsulot hajmi o‘tgan yilning mos davriga nisbatan 5,5 %ga o‘sgan.

Hisobot davrida tadbirkorlikni qo‘llab-quvvatlash maqsadida anomal sovuq va energiya inqirozidan talofat ko‘rgan tadbirkorlik subyektlariga 13 trln so‘mlik kreditlar ajratilgan, 1210 ta tadbirkorning kredit to‘lovi bo‘yicha qarzdorlik muddatlari uzaytirilgan va ularga soliq qarzini bo‘lib-bo‘lib to‘lash imkoniyati berilgan.

Global miqyosdagi siyosiy va iqtisodiy vaziyat bilan bog‘liq keskinliklar kuzatilayotgan bir vaqtda mamlakatimizda Davlat budjeti barqarorligini ta’minlashga erishilmoqda. Davlat budjeti daromadlari hisobot davrida rejaga nisbatan 102,8%ga yoki 1,3 trln so‘mga oshirib bajarildi.

Iqtisodiyotda soliq yukining pasayganligi evaziga tadbirkorlar faolligining oshishi hamda investitsiyaviy faollikning kuchayishi budjet daromadlari barqarorligini ta’minlashga ijobiy ta’sir ko‘rsatdi.

Davlat budjeti ijtimoiy xarajatlarining 93,4 % ijtimoiy sohani rivojlantirish va aholini ijtimoiy qo‘llab-quvvatlash xarajatlari hissasiga to‘g‘ri kelganligini deputatlar mamlakatimizda ijtimoiy davlat prinsiplariga amal qilinayotganligining namunasi sifatida baholadilar.

Тelegram |Facebook |Youtube| Instagram |Twitter