#8mart #mukofot

Soliq inspeksiyasi boshlig‘i “Shuhrat” medali bilan mukofotlandi!

Mamlakatimizda mo‘tabar ayol zotiga har tomonlama e’tibor va g‘amxo‘rlik ko‘rsatish, opa-singillarimizning davlat va jamiyat hayotida tutgan o‘rni va nufuzini oshirish davlat siyosatining muhim yo‘nalishlaridan biridir.

8 mart — Xalqaro xotin-qizlar kuni munosabati bilan nafosat olami vakilalarini davlat mukofotlari bilan taqdirlash an’anaga aylangan.

Joriy yilda ham samarali mehnati, boy amaliy tajribasi bilan Yangi O‘zbekistonni barpo etish, oilalarda ma’naviy-axloqiy muhitni mustahkamlash, farzandlarimizni ona Vatanga muhabbat, milliy va umuminsoniy qadriyatlarga hurmat ruhida tarbiyalash ishlariga katta hissa qo‘shib kelayotgan xotin-qizlarimiz davlat mukofotlari bilan taqdirlandi.

Ular orasida Surxondaryo viloyati Sariosiyo tumani soliq inspeksiyasi boshlig‘i Samiyeva Go‘zal Muxitdinovna ham “Shuhrat” medali bilan mukofotlandi.

Uzoq yillardan buyon davlat soliq xizmati organlarida xizmat burchini fidoyilik bilan bajarib kelayotgan Go‘zal Samiyevani soliq xizmati organlari jamoasi nomidan ushbu mukofot bilan muborakbod etamiz!

Soliq qo‘mitasi Matbuot xizmati

Тelegram |Facebook |Youtube| Instagram |Twitter