🔤🔤🔤➖🔟

✅ BUXORODAGI SOLIQ QARZI ENG KO‘P TOP-10 TA KORXONALAR BILAN TANISHING

Ularning orasida ko‘pchilikka tanish bo‘lgan qurilish va savdo faoliyati bilan hamda oziq-ovqat va nooziq-ovqat mahsulotlarini ishlab chiqarish faoliyati bilan shug‘ullanuvchi korxonalar ham bor.

Ushbu 10 ta korxonalarning jami soliq qarzi 55, 151 mln so‘mni tashkil etadi.

✔️ Ma’lumot uchun:
Viloyatdagi soliq qarzi 100 mln so‘mdan ko‘p 649 ta korxonalarning jami soliq qarzi 206, 995 mln so‘m.

🌐Тelegram 🌐Facebook 🌐Instagram

#Mahallabay

Reytingda Buxoro viloyati soliq inspektorlari
yuqori pag‘onadan joy oldi

Joriy yil aprel oyida “Mahallalarda soliq organlari faoliyati” axborot tizimida baholash natijalariga ko‘ra Buxoro viloyatining samaradorlik ko‘rsatkichi (KPI) 92,5 ballni tashkil etdi. Umumiy reytingda esa Buxoro viloyati soliq inspektorlari hissasi yuqori bo‘lgan hududlar qatoridan joy oldi.

Bu soliq organlarida yo‘lga qo‘yilgan yangicha tizimning dastlabki samaralaridir. Quvonarlisi, viloyatimizdagi mahallalarga biriktirilgan soliq inspektorlarining 154 nafari 90 balldan yuqori, 103 nafari esa 70 dan 90 ballgacha ko‘rsatkichlarni qayd etishdi.

Ta’kidlash lozim, soliq organlarining mahalla darajasiga tushirilgani qisqa fursatda o‘zini oqladi. Ayniqsa, yangi tizim soliq bazasini kengaytirish, tadbirkorlik faoliyatini qonuniylashtirish, davlat ro‘yxatidan o‘tmasdan tadbirkorlik faoliyati bilan shug‘ullanayotganlarni aniqlab, ularni rasmiy daromad topishga o‘tkazishda yaxshi samara bermoqda.

Ushbu fikrimizni raqamlar bilan aytadigan bo‘lsak, 2024-yilning 1-choragida qadar yer va mol-mulk soliqlaridan o’tgan yilning mos davriga nisbatan qo‘shimcha 27,4 mlrd so‘m, shuningdek 48,7 mlrd so‘mi joriy yilning aprel oyida byudjetga tushirildi.

Yashirin ish o‘rinlari legallashtirilgani hisobiga viloyatda daromad solig‘i to‘lovchilar soni 27 069 nafarga ko‘paydi. Buning hisobiga esa byudjetga jismoniy shaxslarning ish haqidan olinadigan daromad solig‘i bo‘yicha qo‘shimcha 1,4 mlrd so‘m tushirish imkoniyati yaratildi.

O‘z uyida norasmiy daromad topayotgan fuqarolar bilan olib borilgan profilaktik suhbatlar natijasida joriy yilning o‘tgan davrida 46 147 nafar fuqaro o‘zini o‘zi band qilganlik bo‘yicha faoliyatlarini rasmiylashtirib qo‘yishdi.

Bu bilan ularning kelajakdagi pensiya ta’minoti uchun zarur bo‘lgan mehnat stajlari kafolatlandi desak mubolag‘a bo‘lmaydi. Ayni paytda viloyatimizda o‘zini o‘zi band qilgan fuqarolar 197 791 nafarni tashkil etadi.

Bundan tashqari, hududlarga biriktirilgan xodimlar tomonidan jami 2 202 ta vaqtincha moliyaviy qiyinchilikga duch kelgan tadbirkorlik subyektlari faoliyati tiklandi. Shuningdek, hujjatsiz tadbirkorlik faoliyatini amalga oshirib kelayotgan 3 590 nafar fuqaroning davlat ro‘yxatidan o‘tib, qonuniy tadbirkorlik faoliyat ko‘rsatishi ta’minlandi.

E’tiborlisi, viloyatimizda mahalla soliq inspektorlari tomonidan amalga oshirilayotgan bu kabi chora-tadbirlar natijasida hududlarda tadbirkorlar o‘rtasida sog‘lom raqobat muhiti shakllantirilib, byudjet tushumlari barqarorligiga erishilmoqda.

Bir so‘z bilan aytganda davlatimiz rahbari tomonidan soliq organlari xodimlari oldida qo‘yilgan aniq vazifalardan kelib chiqib, bugungi kunda Buxoro viloyatidagi 544 ta mahallaga biriktirilgan 262 nafar soliq inspektorlari soliq bilan bog‘liq bo‘lgan masalalarni mahallani o‘zida hal etib, tadbirkorlarga soliq xizmatlarini ko‘rsatish kabi ishlar bilan samarali shug‘ullanmoqdalar.

Pirovard natija esa “Mahallalarda soliq organlari faoliyati” axborot tizimida o‘z aksini topmoqda.

Buxoro viloyati soliq boshqarmasi
Matbuot xizmati.

🌐Тelegram 🌐Facebook 🌐Instagram

#4_sektor

"Mahalla- islohotchi" tamoyili amalda

Jondor hamda Buxoro tumanlari 4-sektor rahbarlari aholi muammolarini izchil o‘rgansh, ularga yengilliklar yaratish va mavjud muammolarni joyida hal qilish maqsadida joylarda fuqarolar bilan uchrashuvlar o‘tkazdi.

Xususan, ushbu hududlardagi “Namgoni”, “Saxovat” hamda “Turkon” mahallarida tashkil etilgan yuzma-yuz muloqotlarda sektor rahbarlari og`ir toifadagi 10 dan ortiq yoshlar bilan suxbatlashib ularga kerakli yordam va ko`rsatmalar berdilar.

Shuningdek, uchrashuvlarda ishsiz va tadbirkorlikka ishtiyoqi bo‘lgan 15 ga yaqin fuqarolarga o‘z bizneslarini boshlash uchun sektor ishchi guruhi tomonidan yaqindan yordam berilishi belgilab olindi.

🌐Тelegram 🌐Facebook 🌐Instagram