#4_sektor
#sayyor_qabul

Bugun Buxoro viloyati soliq boshqarmasi boshlig‘i Olot tumanidagi “Xalifa” hamda Buxoro tumanidagi “Turkon” mahalla fuqarolari yig‘inida bo‘lib, 4-sektor hududidagi aholi muammolarini yaqindan o‘rganish hamda ularga amaliy yordam ko‘rsatish maqsadida sayyor qabul o‘tkazdi.

Qabulda mahalla yettiligi, hamda tegishli tashkilot vakillari ishtirok etdi.
Sayyor qabullarda sektor rahbariga 30 ga yaqin fuqarolar tomonidan kadastr, moddiy yordam, dori-darmon, ish bilan bandligini ta’minlash masalalarida murojaatlar yo‘llandi.

4 nafar xotin-qizlarga tikuv mashinasi, 6 ta ehtiyojmand oilaga oziq-ovqat mahsulotlari hamda 1 nafar fuqaroga nogironlik aravachasi berildi. Qolgan murojaatlar vaqt va o‘rganish talab etilganligi bois nazoratga olinib, tegishli mutasaddilarga yo‘naltirildi.

Sektor rahbari sayyor qabul doirasida aholi muammolarni hal qilishga mas’ul bo‘lgan “mahalla yettiligi” bilan uchrashib, hududda amalga oshirilayotgan ishlar, xususan, tadbirkorlarni qo‘llab-quvvatlash, ish o‘rinlarini ko‘paytirish, soliq bazasini kengaytirish borasida amalga oshirilayotgan ishlar bilan ham tanishdi.

Sektor rahbari aholi bilan uchrashuvda Vazirlar Mahkamasining 204-sonli qarori mohiyatiga ham to‘xtalib o‘tib, ularga energetika resurslaridan tejamkorlik bilan foydalanish samaralarini tushuntirib berdi.

Buxoro viloyati soliq boshqarmasi
Matbuot xizmati.

🌐Тelegram 🌐Facebook 🌐Instagram

#4_sektor
#sayyor_qabul

Aholi muammolarini o‘rganish, ularga manzilli ko‘maklar berish maqsadadi viloyat 4-sektor rahbari D.Yuldashev belgilangan reja-grafikka muvofiq 4-sektor hududlarida sayyor qabullar o‘tkazib kelmoqda.

Bugun navbatdagi sayyor qabul Romitan tumani “Marziya” mahalla fuqarolari yig‘inida o‘tkazildi.
Qabulda tuman sektor rahbarlari, mahalla yettiligi, hamda tegishli tashkilot vakillari ishtirok etdi.

Qabulda sektor rahbariga 30 ga yaqin fuqarolar tomonidan kadastr hujjatlarini tayyorlash, moddiy yordam, dori-darmon, ichki yo‘llarni shag‘allashtirishga ko‘maklashish, ijtimoiy himoyaga muhtoj fuqarolarga nogironlik aravachasi va ish bilan bandligini ta’minlash masalalarida murojaatlar yo‘llandi.

Quvonarlisi, ushbu murojaatlarning 20 dan ortig‘i shu yerning o‘zida tegishli tashkilot vakillari ishtirokida hal etildi.

Ijtimoiy yordamga muhtoj 1 va 2-guruh nogironligi bo‘lgan 3 nafar xotin-qizlarga shu yerning o‘zida bir martalik moddiy yordam pullari berildi. 2 nafar nogironligi bo‘lgan fuqarolarga yurish uchun mahsus moslama va nogironlik aravachasi, 5 nafar ehtiyojmand oilaga oziq-ovqat mahsulotlari berildi. Shuningdek, qolgan fuqarolarga murojaatlar yuzasidan huquqiy tushuntirishlar berildi.

Bu kabi sayyor qabullardan ko‘zlangan maqsad, chekka hududlardagi aholining og‘irini yengil qilib ularning davlat organlariga bo‘lgan ishonchini oshirishdan iboratdir.

Eslatib o‘tamiz, viloyat 4-sektor rahbarining joylarda sayyor qabullari belgilangan tartibda davom ettiriladi.

Buxoro viloyati soliq boshqarmasi
Matbuot xizmati.

🌐Тelegram 🌐Facebook 🌐Instagram

#4_sektor
#sayyor_qabul

Joylarda fuqarolar muammolarini o‘rganish, ularga manzilli ko‘maklar berish maqsadida Buxoro viloyati 4-sektor ishchi guruhi tomonidan reja-grafikka muvofiq sektor hududlarida sayyor qabullar o‘tkazib kelmoqda. Bugun navbatdagi sayyor qabul Jondor tumani “Obod” mahalla fuqarolari yig‘inida tashkil etildi.

Unda viloyat soliq boshqarmasi boshlig‘i o‘rinbosari Djamshid Nurullayev, sektor ishchi guruhi, mahalla yettiligi ishtirok etib aholi muammolarini o‘rgandilar.

Qabulda fuqarolar hamda mahalliy tadbirkorlar ishtirok etib, ular tomonidan 10 dan ortiq turli masalalar o‘rtaga tashlandi. Quvonarlisi, 8 ta murojaat shu yerning o‘zida hal etildi. 4 nafar “Ayollar” hamda “Yoshlar daftari”ga kiritilgan xotin-qizlarga tadbirkorliklarini boshlashlari uchun sertifikatlar topshirildi. 2 nafar fuqaroga dori-darmon hamda 2 ta ehtiyojmand oilalarga oziq-ovqat mahsulotlari berildi.

Qo‘shimcha o‘rganish talab etadigan murojaatlar esa mas’ullarga biriktirilib, ijrosi nazoratga olindi.

Joylarda o‘tkazilayotgan sayyor qabullardan ko‘zlangan asosiy maqsad chekka hududlardagi aholining og‘irini yengil qilib ularning davlat organlariga bo‘lgan ishonchini oshirishdan iboratdir.

Buxoro viloyati soliq boshqarmasi
Matbuot xizmati.

🌐Тelegram 🌐Facebook 🌐Instagram