#Prezident_qarori

▪️Yoshlar ishlari agentligi “Zakovat” va boshqa intellektual o‘yinlarni tizimli ravishda rivojlantiradi;

▪️2022/2023 o‘quv yilidan “Zakovat”ning respublika g‘oliblari uchun yil davomida har oyda beriladigan stipendiya joriy etiladi;

▪️2022 yildan boshlab, bosqichma-bosqich taʼlim muassasalarida “Zakovat” klublari faoliyati yo‘lga qo‘yiladi hamda hududlardagi Yoshlar markazlarida jamoalar uchun alohida xona tashkil etiladi;

▪️2022 yildan boshlab har yili talabalar o‘rtasida Intellektual olimpiada tashkil qilinadi. Unda umumjamoa hisobida dastlabki uchta o‘rinni qo‘lga kiritgan OTMga Prezident sovg‘asi topshiriladi;

▪️Respublika bosqichida g‘olib va sovrindor bo‘lgan taʼlim muassasalari o‘quvchilari hamda OTM talabalari taʼlimning keyingi bosqichiga kontrakt asosida imtihon sinovlarisiz qabul qilinadi;

▪️taʼlim muassasalarida tashkil etilgan “Zakovat” klublarining koordinatori bo‘lgan professor-o‘qituvchilarga mehnatga haq to‘lash fondining 50 foizi miqdorida bir martalik ustama to‘lab beriladi;

▪️2022/2023 o‘quv yilidan boshlab har yili aprel oyida «Intellektual haftalik» o‘tkaziladi;

▪️Nobel mukofoti sohiblari bilan uchrashuvlar tashkil etib boriladi;

▪️“Zakovat” va boshqa intellektual o‘yinlarining hududiy va respublika bosqichi g‘oliblarini o‘z mutaxassisligi bo‘yicha kadrlar zaxirasiga olish hamda rahbarlik lavozimlariga tayinlash amaliyoti yo‘lga qo‘yiladi;

▪️intellektual turnirlar tashkil qilish, bilimdon yoshlarni rag‘batlantirish, yosh avlodning intellektual salohiyatini oshirishga qaratilgan kompyuter va mobil o‘yinlarni yaratgan dasturchilarga grant va subsidiyalar ajratish maqsadida 2022 yilda 50 mlrd so‘m, keyingi yillarda asoslangan hisob-kitoblarga muvofiq davlat byudjetidan mablag‘ ajratiladi.

Bizning rasmiy sahifalarimiz 👉🏼 facebook telegram instagram